Tíminn - 14.10.1988, Blaðsíða 12
12 Tíminn
Föstudagur 14. október 1988
FRÉTTAYFIRLIT
ALSÍR- Stjórnmálaskýrend- I
ur sögðu í gaer að stjórnmála-
foringjar sem um árabil hafi
setið öryggir og óhultir á valda-J
stólum megi nú búast við aq
verða „hreinsaðir" þegar aðl
forsetinn, Chadli Benjedi, hefst
handa við að framkvæma yfir-
lýst markmið sitt um að koma
a auknum lýðréttindum og
bættu stjórnarfari.
BELGRAD - Yfirmaður ör-
yggismála i lýðveldinu Svart-
fjallalandi i Júgóslavíu sagði í’
gær af sér að því er virðist T því
augnamiði að reyna að lægja
öldur rósturs sem risið hafa
síðustu daga. Um er að ræða
yfirmanninn sem áður hafði
fyrirskipað öryqgissveitum að
ráðast gegn motmælendum.
WASHINGTON - Reagan
Bandaríkiaforseti og ríkisstjórn
hans gerou í gær örvæntingar-
fullar tllraunir til þess að full-
vissa kaupsýslumenn um aðí
efnahagslífið væri í þokkalegu
lagi í tilraun til að stöðva um-
fangsmikla sölu á dollurum.
Þessi dollarasala upphófst
þegar tölur um vlðskiptahalla
Bandaríkjanna höfðu verið
birtar en í Ijós kom að hann
hafði aukist um 30% í ágúst.
IIIIINIIHI UTLÖND - ^íílliihi!!;:- - ;-ill!ii:. .,,||||||!lj:: :il|íl!^ :ll;!!ll!l;i:'•..iiiilllllllll;' dlllllH^:
Leiðtogafundur Kínverja og Sovétmanna í undirbúningi:
Deng og Gorbatsjov
funda á næsta ári
Deng Xiaoping hinn aldni og spaki leiðtogi Kína segir að
fyrsti leiðtogafundur Kínverja og Sovétmanna í þrjátíu ár
muni verða haldinn á næsta ári. Deng tjáði Mauno Kovisto
forseta Finnlands þetta á fundi þeirra í Alþýðuhöllinni í
Peking, en Kovisto er nú í opinberri heimsókn í Kína. Deng
sagði að utanríkisráðherra Kína muni halda til Moskvu seinna
á þessu ári til að undirbúa leiðtogafundinn. Stjórnvöld í
Moskvu staðfestu að leiðtogafundur ríkjanna væri á döfinnu
í náinni framtíð.
Embættismenn telja að Gorbat-
sjov muni halda til Peking til fundar
við Deng þar sem Deng er orðinn
aldinn og lítið fyrir löng ferðalög.
Hann er 84 ára gamall.
Deng hefur á ferli sínum lifað
tímana tvenna og tvisvar verið rek-
inn í pólitíska útlegð, en virðist nú
hafa nokkuð traust tök á stjórvöln-
um í Kína.
Pað var utanríkisráðherra Finna,
Kalevi Sorsa, sem skýrði frá þessum
ummælum Dengs, en hann hélt
blaðamannafund eftir klukku-
stundalangan fund þjóðarleiðtog-
anna tveggja í Alþýðuhöllinni í gær.
Hins vegar minntist hin opinbera
fréttastofa Nýja Kína ekki á þetta
mál í fréttum sínum.
Talsmaður utanríkisráðuneytis
Kína sagðist ekki vita hvað Kovisto
hefði rætt við Deng, en vildi hvorki
játa né neita því að leiðtogafundur
yrði haldinn á næsta ári. Hins vegar
var skýrt tekið fram að samband
Kína og Sovétríkjanna gæti aldrei
orðið eins náið og það var á sjötta
áratugnum, en þá stóluðu Kínverjar
mjög á aðstoð Sovétmanna og fylgdu
Kremlverjum sem leiðandi afli í
kommúnisma í heiminum. Hins veg-
ar snerist síðasti leiðtogafundur ríkj-
anna upp í ringulreið, en það var
árið 1959 þegar Nikita Khrushchev
og Mao Tsetung hittust að máli. f
kjölfar þess fundar skildu leiðir með
ríkjunum tveimur og hafa samskipti
þeirra verið bitur síðan.
Deng hefur látið hafa eftir sér að
leiðtogafundur Kínverja og Sovét-
manna nú muni á engan hátt skaða
hagsmuni annarra ríkja heldur yrði
hann til að þróa sameiginlega hags-
muni rxkjanna á jafnréttisgrundvelli.
Deng Xiaoping hinn aldni leiðtogi
Kínverja spilaði því út í gær að
Kínverjar og Sovétmenn hyggist
halda leiðtogafund á næsta ári. Ætli
Deng hafi fleiri tromp á hendi?
LOS ANGELES - Mikil'
spenna ríkti í herbúðum
beggja forsetaframbjóðend-
anna í Bandaríkjunum i gær
veana seinni sjónvarpskapp-
ræðna þeirra sem fóru fram í
nótt. Mikið lá við fyrir Dukakis
að standa sig vel því hann
nýtur aðeins minna fylgis en
Bush.
VARSJÁ - Mieczyslaw
Rakowski, forsætisráðherra
Póllands kynnti í gær stjórn
sína þar sem sæti eiga um-
bótasinnar í efnahagsmálum.
Hann sagði hins vegar einnig
að það gjald sem greiða þyrfti
fyrir efnahagslegar umbætur
væri að loka þyrfti nokkrum
verksmiðjum með tilheyrandi
atvinnuleysi um stundarsakir.
BONN- Vestur-Þjóðverjar
og Frakkar hyggjast styrkja
enn frekar en oroið er stjórn-
málaleg tengsl sín með því að
opna sameiginlegt sendiráð,
hið fyrsta sinnar tegundar, í
Mongólíu.
LONDON - Stjórnvöld í.
Bretlandi töpuðu í gær endan-
lega alþjóðlegri baráttu sinni
vio að reyna að banna útgáfu
á endurminningum fyrrum
leyniþjónustumannsins Peter
Wrignt, þó svo að reyndustu
dómararnirsegðu að uppljóstr-
anirnar ( bókinni væru ekkert
annað en landráð.
120 Jamaikamenn
handteknir í
Bandaríkjunum
Bandaríkjamenn hafa handtekið
120 Jamaikamenn sem eru grunaðir
um að vera meðlimir eiturlyfjahrings
sem staðið hefur fyrir víðtæku smygli
á kókaíni og vopnum. Sveitir alrík-
islögreglumanna, ásamt fylkislög-
reglumönnum og héraðslögreglu-
mönnum handtóku Jamaikamenn-
ina í áhiaupi sem fram fór í tuttugu
fylkjum Bandaríkjanna samtímis.
„Klíkur frá Jamaika hafa átt stóra
hlutdeild í eiturlyfja- og vopna-
smygli til Bandaríkjanna,“ sagði
Richard Thornburgh yfirmaður í
alríkislögreglu Bandaríkjanna.
Kærur á hendur mönnunum 120
voru meðal annars fyrir mannrán,
rán, líkamsárásir, alþjóðlegt vopna-
smygl, „peningaþvott“ og fjársvik.
Hafa rúmlega fjögurhundruð hand-
tökuskipanir verið gefnar út í tengsl-
um við þetta mál og er gert ráð fyrir
að handtökum verði haldið áfram
næstu daga.
Thornburgh sagði að handtökurn-
ar væru mikilvægt skref í baráttunni
gegn glæpaklíkunum sem gert er ráð
fyrir að hafi um 10 þúsund manns
innan sinna vébanda í Bandaríkjun-
um. Talið er að glæpaklíkur Jamaika
stjórni um 40% af „krakk“ markaði
í Bandaríkjunum, en „krakk“ er eitt
hættulegasta form kókafns.
Viðskipahalli
Bandaríkjanna
eykst til muna
Viðskiptahalli Bandaríkjanna
jókst nokkuð í ágústmánuði og var
þá orðinn 12,18 milljarðir dollara,
en hafði verið 9,47 milljarðir doll-
ara í júlímánuði. Hafði viðskipta-
hallinn aukist nokkuð meira en
kaupsýslumenn í Wall Street höfðu
gert ráð fyrir. Vegna þessa féll
dollarinn í verði á alþjóða gjaldeyr-
ismörkuðum og hefur ekki staðið
eins lágt í langan tíma.
Aukinn viðskiptahalli nú getur
skapað nýjum forseta Bandaríkj-
anna nokkra erfiðleika í upphafi
starfs síns því ef þróun þessi heldur
áfram þarf hann að líkindum að
reka harða efnahagsstefnu til að
draga úr bilinu milli innflutnings
og útflutnings í Bandaríkjunum,
en sumir efnahagssérfræðingar
telja viðskiptahallann í Bandaríkj-
unum alvarlegustu ógnunina við
efnahagskerfi heimsins.
Skýrsla þessi um viðskiptahall-
ann sem er sú síðasta sem birtist
fyrir forsetakosningarnar í Banda-
ríkjunum sem fram fara 8. nóv-
ember olli nokkru róti á fjármagns-
mörkuðum í Bandaríkjunum og
hækkuðu vextir nokkuð þar í landi.
Umrót á fjármagnsmarkaðnum er
eitur í beinum repúblikana nú þar
sem það gæti komið George Bush
varaforseta illa í kosningabarátt-
unni þar sem hann ber nokkra
ábyrgð á efnahagsstefnunni.
Indland:
Þrettán látast
í flokkaátökum
Suöur-Afríka:
Elding banar
átta börnum
Átta börn iétu lífið í Suður-
Afríku í þegar eldingu laust niður
í strákofa þar sem þau lágu
sofandi. Þessi sorglegi atburður
átti sér stað í þorpinu Giyani í
sjálfstjórnarhéraðinu Gazan-
kulu. Það var ríkisútvarpið í
Suður-Afríku sem skýrði frá
þessu í gær. í frétt útvarpsins
sagði að fimm drengir og þrjár
stúlkur á aldrinum eins til níu ára
hefðu orðið fyrir eldingunni. Þá
sagði einnig að níu aðrir strákofar
á sömu slóðum hefðu orðið fyrir
eldingum en ekki hefðu orðið
slys á mönnum þar.
Það virðist vera helst til of mikil
harka í átökum stjórnmálaflokka á
Indlandi. í gær létust þrettán manns
í bænum Birchandramandu í Tri-'
puraríki á Norðaustur-Indlandi þeg-
ar stuðningsmenn Kommúnista-
flokks Indlands og Kongressflokks-
ins áttust við eftir kröfugöngu
kommúnista. Tíu kommúnistar,
tveir lögregluþjónar og einn stuðn-
ingsmaður Kongressflokksins létu
lífið í átökunum sem stóðu í nokkrar
klukkustundir. Þess má geta að
Kongressflokkurinn er við stjómvöl-
inn I Indlandi með Rajiv Gandhi í
farabroddi.