Tíminn - 19.10.1988, Side 19
v ir 'i t t
Miövikudagur 19. október 1988
Tíminn 19
SPEGILL
lllllllilll
lllllllllll
Lucy örvæntir
Gamanleikkonan Lucille Ball
lifir nú í stöðugum ótta um að
veikburða hjarta hennar gefist
endanlega upp áður en hún nær að
semja frið við börnin sín, Lucie og
Desi Arnaz yngri. Opinberlega er
sagt að hin 76 ára gamla sjón-
varpsstjarna sé að jafna sig eftir
minni háttar hjartaáfall, en hún
var flutt í hasti á sjúkrahús í Los
Angeles í maí.
Þeir sem betur þekkja til segja
þá aðra sögu. Lucy hefur lengi
þjáðst af of háum blóðþrýstingi og
vinir hennar segja að hún hafi
fengið „slag“ og sé að nokkru leyti
lömuð vinstra megin. Nú vilji hún
fyrir alla muni semja frið við börn
sín og koma þeim í skilning um að
hún hafi alltaf unnað þeim, þó hún
hafi verið ströng móðir.
Margar sögur hafa verið sagðar
af uppeldisaðgerðum Lucy gegn-
um tíðina og í nýlegri ævisögu má
lesa sitt af hverju. Eitt sinn neyddi
hún dóttur sína unga til að slíta
kunningsskap við bestu vinkonu
sína vegna þess að henni fannst hin
telpan of ráðrík og stjórna Lucie
um of.
Hún skammaði Desi og gerði
grín að honum fyrir að eiga allt of
fáa vini. Þegar hann kom svo með
vinahóp heim, áminnti hún hann
og sagði að hann yrði að velja þá
betur, hann gæti ekki leyft sér að
umgangast hverja sem væri. Piltur-
inn hallaði sér að flöskunni þegar
hann stækkaði en er nú óvirkur
alkóhólisti.
Desi segist hafa brotnað undan
ráðríki móður sinnar og kosið að
fá sér snafs til að bæla niður ótta
sinn og einmanaleika. Lucy segir
hins vegar að hún hafi verið hörð
við börnin af ótta við að frami
hennar spillti þeim. Hún skildi við
föður þeirra 1960 og giftist gaman-
leikaranum Gary Morton ári síðar.
Bæði börnin fluttu snemma að
heiman, úr draumahöllinni í Bev-
erly Hills. Lucie býr nú ásamt
síðari manni sínum, leikaranum
Laurence Luckinbill, í New York
og eiga þau þrjú börn. Hún segir:
- Mamma keypti íbúð í New York
til að geta dvalið í grennd við
barnabörnin stöku sinnum, en þar
er allt fullt af kristal og postulíni og
enginn má snerta neitt, allra síst
börnin, svo ég fer þangað aldrei.
Lucie hafði á prjónunum að gera
kvikmynd um stormasamt hjóna-
band foreldra sinna, en það vildi
gamla konan ekki heyra nefnt.
Sagt er að hún hafi nú skipt um
skoðun og vilji leggja fram það
sem hún geti til aðstoðar. Fullyrt
er að myndin eigi að sýna Kúbu-
manninn Desi Arnaz eldri eins og
hann raunverulega var: Drykk-
felldur kvennabósi og fauti hinn
mesti.
Börn Lucy Ball, Lucie og Desi
yngri. Samband þeirra við móður-
ina hefur löngum verið stirt.
:• • II* •< :
Sagt er að Luciile Ball hafi fengið
vægt hjartaáfall, en ástandið er víst
mun alvarlegra.
Einfætta
sýningar-
daman
Ivy Gunter heitir ung stúlka í
Bellevue í Ohio í Bandaríkjunum.
Hún byrjaði sem sýningardama
þegar hún var aðeins 15 ára að
aldri. Ivy varð fyrir því að fá
krabbamein og varð að taka af
henni fótinn 1980. Eftir góðan bata
og endurhæfingu byrjaði hún aftur
tískusýningarstörf í heimaborg
sinni. Hún lauk háskólanámi við
háskólann í Louisville og vann
með náminu.
Hún þykir mjög góð sýningar-
dama og hefur fengið verkefni í
New York við að sýna fyrir fræga
tískukónga eins og Calvin Klein og
Yves St. Laurent.
„Þegar ég var svo ráðin af „Wil-
helmina Agency" til að sýna sól- og
sundföt á sýningu, sem tekin var
upp á Jamaica til nota við auglýs-
ingar í sjónvarpi og víðar, þá
fannst mér fyrst að ég hefði sigrað
í erfiðri baráttu við veikindin. Ég
var alveg í sjöunda himni,“ sagði
Ivy í blaðaviðtali.
Hún lýsir þar hvernig einhver
reiði og þrjóska varð til þess, að
hún fékk sér margar hárkollur - en
hún varð hárlaus af geislameðferð-
inni, - og hún sótti aftur um starf
sem ljósmyndafyrirsæta og sýning-
arstúlka. Fæstir trúðu því að hún
færi að vinna aftur við þessi störf,
en það fór betur en á horfðist.
Nú sýnir Ivy jafnt samkvæmis-
föt, sundföt og undirföt og allan
venjulegan tískufatnað. Hún hefur
æft sig í ýmsum íþróttum, svo sem
skíðaíþróttinni og unnið til verð-
launa á íþróttamótum fatlaðra í
mörgum greinum.
Ivy Gunter ferðast líka um land-
ið á vegum Krabbameinsfélags
Bandaríkjanna, þar sem hún talar
um endurhæfingu og fleiri málefni
krabbameinssjúklinga.
Ivy Gunter hefur vakið athygli fyrir störf sín, bæði sem sýningardama og
talsmaður tyrir Krabbameinsfélag Bandaríkjanna.
'kvv"
Ekki þarf
mikið til
Vanna nokkur White varð
vellrík og þekkt heima fyrir,
fyrir að benda á lukkuhjól og
bjóða góða nótt í bandarísku
sjónvarpi. Síðan öðlaðist hún
heimsfrægð fyrir að vera vin-
kona Sylvesters Stallone í
nokkrar vikur.
Ekki nægði það henni þó,
svo hún renndi sér allsnakin
inn á síður Playboy og varð
fyrir vikið dágóðri fúlgu ríkari.
í hjáverkum með þessu skrifaði
stúlkan bók sem rennur út eins
og heitir hamborgarar. Þetta
er doðrantur hinn mesti og
inniheldur nokkur hundruð ráð
um hvernig konur eigi að halda
í fegurðina, ef þær hafa nú einu
sinni fengið hana í vöggugjöf.
Eftir öll þessi afrek gat ekki
farið hjá að kvikmyndafram-
leiðendur vissu af Vönnu og
einn þeirra bauð henni hlut-
verk. Gera má því skóna að
hlutverkið hæfi, enda er það
hvorki meiri né minni vera en
sjálf ástargyðjan Venus.