Tíminn - 26.10.1988, Blaðsíða 3
Miðvikudagur 26. október 1988
Tíminn 3
Eldvarnareftirlit Brunamálastofnunar ríkisins gerði úttekt á
saltfiskverkunarhúsi Hraðfrystihúss Stöðvarfjarðar hf. í sumar:
ATHUGASEMD GERÐ
VID FJÖGUR ATRIÐI
Eldvarnareftirlitið gerði í júní sl. úttekt á saltfiskverkunar-
húsi Hraðfrystihúss Stöðvarfjarðar hf. sem brann aðfaranótt
laugardags og var farið fram á að endurbætur yrðu gerðar á
fjórum þáttum. Þeim óskum hafði ekki verið sinnt þegar
húsið brann, samkvæmt upplýsingum sem fengust hjá
Eldvarnareftirlitinu. Framkvæmdastjóri hússins kannast ekki
við athugasemdir Eldvarnareftirlits. Hraðfrystihús Stöðvar-
fjarðar er ekki einsdæmi, þar sem Eldvarnareftirlitið hefur
gert athugasemdir við á annað hundrað hús, þar sem fram fer
fiskvinnsla.
Rétt er að taka fram að ekkert hefur verið gefið upp um
eldsupptök, þannig að ekki er unnt að fullyrða um hvort eða
hversu miklu máli þau atriði sem Eldvarnareftirlitið benti á
skiptu í þessum tiltekna bruna.
Sveinbjörn Sigtryggsson hjá Eld-
varnareftirliti Brunamálastofnunar
ríkisins sagði í samtali við Tímann
að í sumar, nánar tiltekið 2. júnt si.
hefði farið fram úttekt á því húsi sem
brann aðfaranótt laugardags og ver-
ið gerðar fjórar athugasemdir, sem
ekki höfðu verið gerðar endurbætur
á þegar eldurinn kom upp. „Fyrir
lágu athugasemdir við klæðningu í
loftið auk ófullnægjandi einangrunar
þar. Einnig vantaði neyðarútgang í
vesturenda hússins og reykræstilúg-
ur í þak. Þá var ekki sérstakur
hleðsluklefi fyrir rafmagnslyfta,"
sagði Sveinbjörn. Hleðsluklefinn á
að vera þannig útbúinn að lyftarinn
og hleðslutækið rúmist bæði í klefan-
um og honum á að vera hægt að
loka. Veggir og loft klefans eiga að
vera með styrkleikann B 60 og B 30
hurð sem er eldverjandi hurð, auk
þess sem loftskipti eiga að fara fram
sex sinnum á klukkustund í klefan-
um. Slíkur klefi var ekki til staðar í
húsinu.
„Þessar skýrslur voru sendar
slökkviliðsstjóra staðarins sem sér
síðan um útdeilingu á skýrslunum til
viðkomandi aðila, auk þess sem
stofnunin sendir skýrslurnar til við-
komandi aðila,“ sagði Sveinbjörn.
Á annað hundrað hús
fá aðvörun
Sveinbjörn sagði að húsnæði væri
víða mjög ábótavant, einkanlega í
fískvinnslustöðvum og allvíða í opin-
beru húsnæði. Hraðfrystihús Stöðv-
arfjarðar er síður en svo einsdæmi,
því á undanförnum mánuðum og
misserum hefur Eldvarnaeftirlitið
gert athugasemdir við á annað
hundrað húsa sem eru í þessari
atvinnustarfsemi. Aðspurður sagði
Sveinbjöm að vissulega væru ráð til,
en erfitt væri að fara og loka húsun-
um. „Umnokkurtskeið hefurmönn-
um verið gefinn kostur á aðlögunar-
tíma, en það gengur mjög misjafn-
lega að koma hlutunum í kring frá
þeirra hendi. Þetta er vandamál á
litlum stöðum þegar fyrirtæki er
aðalvinnuveitandi staðarins og hefur
nær allt fólkið í byggðinni í vinnu.
Ef á því væri tekið harkalega, eins
og raun ber vitni að þarf að gera, þá
leggst atvinnulífið niður. Á hinn
bóginn þegar svo kviknar í á þessum
stöðum úti á landsbyggðinni verður
atvinnulífið lamað af sjálfu sér,
þannig að þetta er margþætt vanda-
mál,“ sagði Sveinbjörn. Hann sagði
að með hliðsjón af þeim athuga-
semdum sem gerðar hefðu verið
víða á síðustu mánuðum, þá hefðu
viðbrögð verið góð miðað við það
sem áður var.
Bjarni Gíslason slökkviliðsstjóri á
Stöðvarfirði sagði í samtali við Tím-
ann að honum væri kunnugt um þær
athugasemdir sem Brunamálastofn-
un ríkisins hefði gert við viðkomandi
hús og að honum hefði verið send
skýrsla þess efnis. Spurður hvort
hann fylgdi því eftir að lagfæringar
væru gerðar sagði Bjarni: „Ég vita-
skuld færði húseigendum þessar
skýrslur og við ræddum um þetta.
Þetta voru nú tiltölulega smávægileg
atriði, nema kannski eitt og það var
í sambandi við loftaklæðningu í
húsinu." Aðspurður sagði Bjarni að
lyftaraklefinn hefði m.a. verið eitt af
því sem ekki hafi verið fullnægjandi.
„Þeim var alveg kunnugt um þetta
hjá húsinu,“ sagði Bjarni. „Ég af-
henti þessar skýrslur strax eftir að
þær bárust hingað á Stöðvarfjörð og
þá ræddi ég við framkvæmdastjór-
ann um þetta,“ sagði Bjarni.
Guðjón Smári Agnarsson fram-
kvæmdastjóri Hraðfrystihúss Stöðv-
arfjarðar hf. sagði í samtali við
Tímann að hann kannaðist ekki við
athugasemdirnar frá Eldvarnareftir-
litinu vegna hússins sem brann að-
faranótt laugardags. Spurður hvort
Eldvarnareftirlitið hafi ekki sent
honum niðurstöður úttektarinnar frá
2. júní og hvort slökkviliðsstjórinn
hefði ekki að auki kynnt honum
innihald sömu skýrslu. „Við höfum
rætt saman, ég og slökkviliðsstjór-
inn. Það höfum við gert oftar en einu
sinni,“ sagði Guðjón, en sagðist
ekki muna eftir neinum athugasemd-
um varðandi húsið, hvorki þá frá
hendi slökkviliðsstjórans, né Bruna-
málastofnunar. „Við höfum rætt um
öryggismál almennt, og t.d. á verk-
stæðunum, sem hann hefur gagnrýnt
helst hjá okkur, og við höfum verið
Höskuldur Einarsson ritstjóri Slökkviliðsmannsins og kennari i bruna-
vörnum hja SVFI segir aó stjorn brunamala í landinu se öll i molum:
Skylt að tryggja
_ ■ J__- ' 1--
Eins og lesendur muna hefur komið fram hörð gagnrýni á eldvarair í landinu
m.a. ,t Tímanum. Svo virðist sem bruninn á Stöðvarfirði ætli að verða innlegg
í þá umræðu.
að tala um slökkvitæki og einmitt
verið að endurbæta það samkvæmt
hans óskum," sagði Guðjón.
Gamall kyndiklefi
undir lyftara
Aðspurður um ofangreindar fjór-
ar athugasemdir sagði Guðjón:
„Varðandi einangrunina þá veit ég
nú ekki hvað um er að ræða. Lyftara-
klefinn er gamall kyndiklefi sem er
með steyptum veggjum og rennihurð
fyrir. Lyftarinn og hlcðslutækið
komast bæði fyrir í klefanum og ég
skil því ekki hvers vegna það ætti
ekki að vera fullnægjandi. Varðandi
neyðarútgöngu, þá eru ekki neyðar-
útgöngudyr í vesturendanum. Þarer
kæligeymsla, en það eru einar stórar
dyr á húsinu að austanverðu. Síðan
eru inngöngudyr á suðurhlið hússins
og svo eru nokkrir hlerar sem hægt
er að opna," sagði Guðjón Smári.
Þórður H. Jónsson aðstoðarfram-
kvæmdastjóri Brunabótafélags ís-
lands sagði í samtali við Tímann að
eini möguleikinn hjá þeim væri að
hækka iðgjaldið, en að öðru leyti
gætu þeir ekkert gert. „Við erum
skyldugir til að tryggja húsið og
ráðum ekki einu sinni iðgjaldinu,"
sagði Þórður. BÍ er skyldugt að
tryggja húsnæði, óháð því hvort
Eldvarnareftirlitið hafi gert athuga-
semdir, eins og í þessu tilfelli. Þórð-
ur sagði að búið væri að efla Bruna-
málastofnun með auknum framlög-
um til hennar og væri með því
skapaðir möguleikar til að sinna
þeirri starfsemi sem ætlast væri til og
sagðist hann vonast til að svo yrði.
- ABÓ
Massey-Ferguson
Kostaboð
örugg vél
ending
endursala
Tegund vélar væntanl. verft kr: verð núkr.
MF 390-2,83 hö 1162 þús. 1098þús.
MF 365-2,68 hö 1006 þÚS. 958 þús.
MF 355-2,58 hö 818þús. 780 þús.
MF 350-2,52 hö 753 þús. 717þús.
MF 240-2,47 hö 625 þús. 595 þús.
Bjóðum bændum,
sem panta nýja
dráttarvél fyrir 15.
nóvember
vaxtalaust hálft
kaupverð í 3
mánuði!
V v7 w
M ASSE Y- FERGUSON
. BÚNADARDEILD
KAUPFÉLÖGIN OG
ARMULA3 REYKJAVÍK SIMI 38900