Tíminn - 26.10.1988, Blaðsíða 6
6 Tíminn
Miövikudagur 26. október 1988
Blönduvirkjun:
Útboð á 2/3 hlutum
byggingaframkvæmda
Lítil sem engin vinna verður við
Blönduvirkjun í vetur en hjól þar
fara aftur að snúast af krafti í apríl
1989.
Landsvirkjun hefur nú óskað eftir
tilboðum í byggingu annarsvegar
Gilsárstiflu og hinsvegar Blöndu- og
Kolkustíflu. Þau verða opnuð opin-
berlega á skrifstofu Landsvirkjunar
í Reykjavík föstudaginn 13. janúar
nk. en áætlað er að ganga frá
verksamningum við viðkomandi
verktaka í mars 1989. Framkvæmdir
munu síðan hefjast í apríl 1989.
Þessar framkvæmdir eru miklar
að umfangi. Um er að ræða jarð-
stíflugerð, gröft veituskurða og
byggingu tilheyrandi veituvirkja.
Páll Olafsson, byggingastjóri hjá
Landsvirkjun segir þessar fram-
kvæmdir vera af allt annarri stærðar-
gráðu en unnið hefur verið við
Blöndu til þessa. „Til gamans má
geta þess,“ segir Páll Ólafsson, „að
þessar væntanlegu stíflur eru eins og
tvær Sigöldustíflur.“
Sú byggingarvinna sem nú er verið
að bjóða út er um 2/3 hlutar bygging-
arvinnu við Blönduvirkjun.
Gröftur og sprengingar við Gils-
árstíflu er 1,1 milljón rúmmetra,
fyllingar eru af sömu stærðargráðu
og steypa er 8 þúsund rúmmetrar.
í Blöndu- og Kolkustíflu er magn-
tala fyrir gröft og sprengingar sú hin
sama og við Gilsárstíflu, eða 1,1
milljón rúmmetra. Fyllingar eru
hinsvegar 1,4 milljón rúmmetra og
steypa 4 þúsund rúmmetrar.
Samkvæmt verkáætlun verður
unnið að byggingu beggja stíflanna
til loka september 1991, þegar áætl-
að er gangsetja fyrstu vél Blöndu-
virkjunar. Starfsmenn verða mun
fleiri í sumar við virkjunarfram-
kvæmdirnar en til þessa. Ætla má að
þeir verði allt að 400 í júlí og ágúst
nk. en flestir hafa starfsmenn við
Blönduvirkjun verið ríflega 100 frá
því að framkvæmdir hófust við hana
á árinu 1983.
Vinna við stíflugerðina er þess
eðlis að leggja verður höfuðáherslu
á sumarmánuðina. Þá verður að
sama skapi mestur fjöldi starfs-
manna við virkjunarframkvæmdirn-
ar. Páll Ólafsson segir að við stíflu-
gerðina sé notast við þéttikjarna úr
jökulleir sem krefst hagstæðra
veðurskilyrða. Bæði votviðri og frost
gerir mönnum t.d. lífið leitt við
þessa vinnu. óþh
Skástrikuðu svæðin í þessu súluriti sýna heildarfjölda mannafla, sem áætlað
er að verði á virkjunarsvæðinu.
Slökkviliðið að störfum í Fífuseli 38 í gær. Hurðin í dyragættinni þar sem slökkviliðsmaðurinn stendur brann og
gluggarnir til hægri og fyrir ofan slökkviliðsmanninn sprungu. Tlmamynd Pjetur.
Éídur í Fífuseii
Slökkviliðið var kallað að Fífuseli
36 um hádegisbil í gær, en þar logaði
eldur í svefnbekk sem stóð fyrir utan
hjólreiðageymslu blokkarinnar. Tal-
ið er að um íkveikju hafi verið að
ræða.
Þegar slökkviliðið kom á vettvang
hafði eldurinn læst sig í hurðina að
geymslunni og var hún brunnin, auk
þess sem reykur hafði borist um
ganga hússins. Rúður á fyrstu og
annari hæð hússins sprungu, auk
þess sem plasteinangrun innan múr-
húðar við dyrnar að hjólgeymslunni
hafði brunnið og myndaðist við það
mikill hiti. - ABÓ
Fundur foreldrafélaga einkarekinna dagheimila
mótmælir skerðingu á rekstrarstyrk borgarinnar:
Rekstrar-
grundvöllur
fokinn út í
veður og vind
Foreldrafélög einkarekinna dag-
vistunarstofnana segja í fréttatil-
kynningu sem þau sendu frá sér í gær
að ákvörðun borgarráðs um að
breyta reglum um styrki til einkarek-
inna dagheimila kippi grundvellin-
um undan rekstri heimilanna.
Samkvæmt ákvörðuninni skerðast
þessir styrkir um tvo þriðju og þurfa
foreldrar því nú að greiða átta
þúsund krónum meir á mánuði fyrir
heils dags vistun en áður, eða 24
þúsund krónur í stað sextán þúsund
króna.
Foreldrafélögin segja að mikið
vanti upp á að dagvistunarþörf í
borginni sé fullnægt og því skjóti
skökku við einstaklingum, sem hafa
létt hluta vandans af borginni með
stofnun einkadagheimila, sé nú refs-
að fyrir frumkvæði sitt.
Brautryðjendaverðlaun bandaríska
Jarðhitafélagsins:
íslendingar heiðraðir
Á aðalfundi bandaríska Jarðhita-
félagsins (Geotherma Resources
Council) í San Diego í Bandaríkjun-
um, sem haldinn var þann 12 okt-
óber sl. var tveimur íslendingum
veitt svokölluð brautryðjendaverð-
laun fyrir störf á sviði jarðhitarann-
sókna og -nýtingar. Verðlaunahafar
eru þeir Jóhannes Zoega, fyrrver-
andi hitaveitustjóri í Reykjavík og
dr. Gunnar Böðvarsson, prófessor
við Ríkisháskólann í Oregon í
Bandaríkjunum. Þeirgátu ekki ver-
ið viðstaddir verðlaunaafhending-
una.
Að sögn Guðmundar Pálmasonar,
jarðeðlisfræðings á Orkustofnun
sem sat þennan fund GRC, eru þessi
verðlaun tvímælalaust mikil alþjóð-
leg viðurkenning á því starfi sem
unnið hefur verið hér á nýtingu
jarðhita.
Gunnar Böðvarsson, starfaði hér
á landi til 1964, þegar hann fluttist
til Bandaríkjanna þar sem hann
hefur búið síðan.
Jóhannes Zoega hefur verið hita-
veitustjóri í Reykjavík frá 1962 en
hann lét af því starfi á sl. ári fyrir
aldurs sakir. óþh