Tíminn - 26.10.1988, Qupperneq 12

12 Tíminn
Miðvikudagur 26. október 1988

UTLOND
l!l!
__ 75 taldir af og 50 þúsund heimilislausir á Fiíippseyjum af völdum fellibylsins Ruby:
Ferja fórst með 470
farþegum innanborðs
Á mánudag fórst ferjan Dona Marlyn, er var í siglingum
milli eyja á Filippseyjum, í stórsjóum sem orsökuðust af
felUbylnum Ruby. Með skipinu voru að minnsta kosti 470
manns og hefur aðeins átta verið bjargað. Voru farþegar 412,
en áhöfn nærri 60 manns, að sögn útgerðarinnar. Slysið átti
sér stað 475 km. suðaustur af Manilla, en Dona Marlyn var
á leið frá Manilla til eyjarinnar Leyte.
Að sögn héraðsstjórans á mið-
hluta Filippseyja, Samuel Cortez,
höfuðsmanns, sendi skipið, sem var
2855 lestir, út neyðarkall, þegar
bylurinn reið yfir af mestum ofsa á
mánudag. Höfðu skip þá þegar hald-
ið til hjálpar og björguðust þessir
átta um borð í flutningaskip við
eyjuna Maripipi. Vindhraði var þá
185 km á klukkustund. Skip leita nú
á svæðinu, ef vera mætti að fleiri
hefðu komist af.
Hér er um að ræða annað stóra
sjóslysið á tíu mánuðum á Filipps-
eyjum. Það var í desember sl. að
systurskip Dona Marlyn, Dona Paz,
sökk eftir árekstur, þar sem 2000
manns létu h'fið og var þar um að
ræða versta sjóslys sögunnar á friðar-
tímum.
Ruby hefur valdið Filippseyingum
miklum hörmungum og tjóni, en
hann stefndi út á suðurhluta Kína-
hafs í gær. Höfðu þá gífurleg flóð
orðið í slóð hans og borgir og
byggðir rafmagns og símasambands-
lausar. Miklar rigningar og storm-
viðri hömluðu enn björgunar- og
hjálparstarfi. Álitið er að 73 hafi
farist af völdum bylsins á eyjunum
og að 50 þúsund hafi misst heimili
sín, en þetta var 17. fellibylurinn
sem ríður yfir þær á árinu. Verst
mun ástandið vera í Manilla og þar
í grennd, þar sem slík flóð hafa
orðið til að 6000 eru heimilislausir
og vatn nær upp að þökum húsa í
sumum hverfum. Þar heimsótti
Corazon Aquino, forseti, nauðstatt
fólk í gærdag og deildi út peningum
og vistum.
Þyrlur hafa bjargað fólki sem í
flóðunum hafði leitað upp í tré eða
lét fyrirberast á húsþökum. 14 þús-
und manns hafast við í neyðarskýl-
um.
í héraðinu Antique fór rúta með
53 farþegum út af brú í storminum
og týndu 35 lífi. Ellefu manns fórust
í flóðbylgju á eyjunni Mindanao og
25 er saknað. Áðrir ellefu, þar á
meðal nokkur börn, drukknuðu í
héraðinu Marikina af sömu orsök-
um.
Tvær vikur til forsetakosninga:
Dukakis sakar
Bush um Ivgar
Nýjustu skoðanakannanir í
Bandaríkjunum um fylgi forseta-
frambjóðendanna sýna að enn hef-
ur George Bush yfirburði yfir Mi-
chael Dukakis. Og nú er Dukakis
farinn að sýna meiri hörku í kosn-
ingabaráttunni í þeirri von að hann
eigi enn möguleika á að sigra í
kosningunum 8. nóvember.
En síðustu skoðanakannanir
gefa til kynna að nú sé nokkuð
seint fyrir frambjóðanda demó-
krata að taka upp nýjar baráttuað-
ferðir. Bush segir að nýr talsmáti
Dukakis sýni að hann sé að fyllast
örvæntingu.
Á mánudaginn sakaði Dukakis
Bush, frambjóðanda repúblikana,
um að hafa farið með „hreina
lygi“. Og í sjónvarpsviðtali lýsti
hann þvf yfir að hann ætlaði að
svara sumum þeirra neikvæðu
auglýsinga sem Bush hefði staðið
fyrir fullum hálsi.
Bush svaraði fyrir sig með því að
segja að hann sæi merki örvænting-
ar í herbúðum andstæðinganna
þegar þeir væru farnir að birta
auglýsingar þar sem hann og hans
menn væru sakaðir um lygar, „bara
vegna þess að Dukakis er orðinn
vonlaus...“
Dukakis notaði mánudag og
hluta af þriðjudeginum til að leita
stuðnings í Kaliforníu, en þar eru
kjörmenn flestir eða 47 og stuðn-
ingur þeirra því mikilvægur vænt-
anlegum forseta. Síðan hélt hann í
kosningaferð til Colorado. Bush
var þá á kosningaferðalagi í iðnað-
arríkinu Ohio.
Dukakis sýndi klærnar í Kali-
forníu, þar sem hann sagði á fundi:
„Mark Twain sagði eitt sinn að lygi
geti ferðast um hálfan hnöttinn á
meðan sannleikurinn er enn að
fara í skóna. George Bush hlýtur
að hafa lesið Mark Twain vegna
þess að hann rekur kosningabar-
áttu sem byggist á því að skekkja
hlutina og draga athyglina frá því
sem máli skiptir-og jafnvel hrein-
um lygum."
í viðtali sem sjónvarpað var á
mánudagskvöld lýsti Dukakis yfir
óbeit sinni á því hvaða blæ kosn-
ingabaráttan hefði fengið. Dukakis
sagði: „Ég held að margir í þessu
George Bush. Dukakis segir hann
segja ósatt.
Dukakis hefur nú sett aukinn kraft í kosningabaráttu sína.
landi séu óánægðir með þessa teg-
und kosningabaráttu, þann tón
sem ríkir í baráttunni.“
Dukakis nefndi sem dæmi aug-
lýsingu úr herbúðum Bush þar sem
rætt er um dæmdan svartan morð-
ingja sem nauðgaði hvítri konu
meðan hann var í leyfi frá fangelsi
skv. skipulagi sem Dukakis, ríkis-
stjóri í Massachusetts hefur lagt
blessun sína yfir. Bush hélt því
fram að þetta dæmi sýndi að Duka-
kis beitti sér ekki gegn glæpum.
í öðru sjónvarpsviðtali sagði
Dukakis að hann væri sammála
meðframbjóðanda sínum, Lloyd
Bentsen öldungadeildarþingmanni
frá Texas, um að finna mætti
„merki um kynþáttamismunun“ í
kosningaherferð Bush, og kallaði
það „meðal þess kaldhæðnislegasta
og hræsnisfyllsta sem ég hef
kynnst.“
Bush sagði fréttamönnum að
hann stæði heils hugar að baki
•þessum auglýsingum. „Þar erengin
kynþáttamismunun, það er hlægi-
legt að halda því fram,“ sagði
hann.
Mótmæli í Tíbet gegn kínverskum yflrráðum.
Viðræður milli Kínverja og Dalai Lama
fyrirhugaðar í Genf í janúar:
Báðir virðast
hafa mildast
Dalai Lama, hinn landflótta leið-
togi Tíbetbúa, tilkynnti frá aðsetri
sínu í Nýju-Delhi á Indlandi í gær,
að fyrirhugaðar væru viðræður við
Kínverja um framtíð Tíbet.
Dalai Lama leggur til að viðræð-
urnar fari fram í Genf í janúarmán-
uði næstkomandi en Kínverjar
höfðu áður sett það sem skilyrði
fyrir viðræðum við Dalai Lama að
hann léti af kröfum um að Tíbet
hlyti sjálfstæði. Gerði hann það
seldu þeir honum sjálfdæmi um stað
og tíma viðræðnanna.
Aðilar virðast nú hafa mildast í
afstöðu sinni hvor til annars því í
tilkynningu frá Dalai Lama segir að
hann muni senda fulltrúa sína til
fundar við embættismenn Kínverja
og myndu fulltrúarnir ganga til við-
ræðnanna af fullum heilindum og að
hann vænti hins sama af Kínverjum.
Fyrir nokkru hélt Dalai Lama
ræðu á fundi Evrópuráðsins í Stras-
bourg og í henni lét hann í ljós ósk
um viðræður við Kínverja. Hann
lagði þá til að Kínverjar færu með
utanríkismál Tíbet en íbúarnir hefðu
sjálfsstjórn í innanríkismálum.
Þessum hugmyndum sem grund-
velli umræðna höfnuðu kínversk
stjórnvöld þá og sögðu þau ódulbúna
kröfu um sjálfstæði héraðsins.
Dalai Lama sagði fréttamönnum
Reuters að viðræðurnar væru kær-
komnar og hann vonaðist til að þær
bæru árangur. „Við sjáum til hvað
við komumst langt“, sagði hann.
Dalai Lama var andlegur og ver-
aldlegur leiðtogi Tíbetbúa. Hann
flýði frá Tíbet eftir misheppnaða
uppreisn gegn Kínverjum árið 1959.
Flestir Tíbetbúar telja hann enn
leiðtoga sinn og tákn frelsisbarátt-
unnar gegn yfirráðum Kínverja.
Sjálfur sagði Dalai Lama í gær að
hann hefði áhyggjur af að einhverjir
Tíbetbúar teldu fyrirhugaðar við-
ræður í Genf vott um undanslátt
hans gagnvart Kínverjum. Það væri
ekki raunin.
Hann sagðist ekki telja að til
umræðu yrði á fundinum að honum
yrði leyft að snúa aftur til Tíbet þar
sem Kínverjar hafi sagt að þá fyrst
sköpuðust vandræði í landinu, yrði
honum leyft það.
Hann sagðist jafnan hafa bent á
að það væri ekki höfuðatriði þótt
hann og hundrað þúsund manns
væru landflótta frá Tíbet, heldur
réttur sex milljón íbúa landsins sem
Kínverjar træðu fótum.
Kfnverjar neita því að hafa
nokkru sinni kúgað Tíbetbúa og vísa
á bug skýrslum mannréttindahreyf-
inga um að mótmælaaðgerðir gegn
yfirráðum þeirra hafi þráfaldlega
verið barðar niður með hervaldi.
-sá