Tíminn - 26.10.1988, Side 19

Miðvikudagur 26. október 1988
Tíminn 19
Matthew og Pepp-
er njóta lífsins rétt
eins og jafnaldrar
þeirra þegar þau
eru ekki að boða
orðið.
Sjúkrahússögur
Hjónakornin Demi Moore og
Bruce Willis hafa verið töluvert í
fréttunum og nú síðast fyrir að
eignast litla dóttur og er ekkert
nema gott um það að segja.
Pegar þau giftu sig lét Demi það
út ganga um heimsbyggðina, að
Ekki bera þau Bruce og Demi
beinlínis með sér á þessari mynd,
að þau hafi ráð á að eyða og sóa
aurunum sínum á báða bóga.
hún ætlaði að siða Bruce töluvert,
svo sem að sjá til þess að hann
drykki minna og sóaði ekki pening-
um í austur og vestur af litlu tilefni.
Henni virtist ganga þetta sæmi-
lega lengi vel, en svo gerði hún þá
skyssu að sóa sjálf heldur betur svo
meira að segja eiginmanninum
þótti nóg um. Leikarinn James
Garner, sem er mikill vinur Demi,
lagðist inn á sjúkrahús nýlega og
Demi fannst ekkert sjálfsagðara en
senda honum vel útilátinn
blómvönd. Það var svo sannarlega
enginn arfi, heldur litfögur skraut-
blóm, sem vaxa á Ha waii og herleg-
heitin kostuðu litlar 220 þúsund
ÍKR.
Bruce æsti sig ekkert smávegis
út af þessu og sagðist fyrir þennan
pening hefði getað farið sjálfur til
Hawaii og tínt blómin. Svo illa
hittist á að rétt á eftir sprakk í
honum botnlanginn og hann var
fluttur í hasti á sjúkrahús. Sagt er
að ekki hafi mátt tæpara standa, en
ekki fylgir sögunni hvaðan eigin-
konan pantaði blóm í það skiptið
eða lét sér nægja að senda einhver
strá úr garðinum heima.
Predikararnir reknir úr skóla
Strode-fjölskyldan predikar hvar
sem er og hvenær sem er við
misjafnar undirtektir.
Matthew Strode er ekki nema 5 ára
en þegar alvanur predikari.
Predikarar í Bandankjunum hafa hvað eftir annað komið við
sögu í fréttum á undanförnum mánuðum og þá í sambandi við
vægast sagt vafasamt atferli. Þeir hafa gert sig seka um samneyti
við konur sem ekki njóta mikillar virðingar og fjármálin hafa
verið í hreinasta ólestri hjá þeim. Þetta þætti ekki gott hjá
breyskum samborgurum og hjá þeim sem ættu að vera dyggðafyr-
irmynd þykir þetta otækt.
Það er ekki athæfi af þessu tagi
sem hefur komið þrem börnum,
systkinunum Matthew, Duffey og
Pepper Strode, 5, 10 og 6 ára
gömlum, í vandræði í skólanum,
þó að satt sé að predikunarástríða
barnanna eigi þar stærstan hlut að
máli.
Börnin hafa ýft skólastjórann
sinn svo til reiði að hann hefur
rekið þau úr skóla þrisvar í einum
og sama mánuðinum. „Það eru
ekki predikanirnar þeirra sem við
erum að mótmæla, það er hávaðinn
í þeim, öskrin," segir aumingja
skólastjórinn. „Systkinin brutu
skólareglurnar þegar þau héldu
áfram að predika við útganginn af
skólalóðinni."
Pabbi systkinanna er sjálfur
predikari og með sífelldar tilvitn-
anir í biblíuna á vörunum. Hann
hefur predikað á götum úti síðan
1984 og heldur því fram að af-
sprengi hans séu ekki að gera
annað en notfæra sér þann rétt til
málfrelsis sem er í bandarísku
stjómarskránni.
Mamma krakkanna er enn reið-
ari skólastjóranum. „Hann á eftir
að iðrast þess dags þegar hann
gerði þetta við börn Drottins,"
segir hún æf þar sem hún situr í bíl
og hlustar á börnin sín predika.
„Ég vona að Guð taki rækilega í
lurginn á þeim sem ráku krakkana
mína úr skólanum og refsi þeim.
Þetta er ekkert nema samsafn af
hræsnurum," segir hún.
Skólayfirvöld eru samt ekki á
því að gefa sig og segja að Strode-
fjölskyldan, sem fluttist til fjalla-
héraðanna í vesturhluta Norður-
Karólínu frá Pennsylvaniu fyrir 16
mánuðum, sé að æsa til átaka.
Kennurunum finnst nefnilega
ekkert gaman að heyra krakkana
æpa á sig á skólagöngunum orð
eins og: melludólgur, hórkarl (eða
hóra), fífl, siðspillt eða kynvilltur.
Og alls ekki dag eftir dag.
Nú em systkinin rekin í 10 daga
og málið í biðstöðu. Skólayfirvöld
segja þó að þeim sé velkomið að
koma aftur í skólann hvenær sem
er, svo framarlega sem þau lofi að
hlýða skólareglunum.