Tíminn - 26.10.1988, Blaðsíða 20

Átján mán. binding
RÍKISSKIP NÚTÍMA FLUTNINGAR Hafnarhúsinu v/Tryggvagötu, S 28822 0 7,5%
saivívínnubankínn|
STRUMPARNIR
HRESSA
KÆTA
*
Ttminn
Heilbrigðiseftirlitið gagnrýnir harðlega hundaeigendur í Reykjavík:
Reglugerð um hunda-
hald iðulega brotin
í þessari viku fer fram skoðanakönnun um hundahald í
Reykjavík. Könnun þessi er framkvæmd í samræmi við
reglur um undanþágu frá banni við hundahaldi í Reykjavík,
sem gilt hafa síðastliðin fjögur ár. Kosið er í anddyri
Laugardalshallar og er kjörstaðurinn opinn á virkum
dögum frá 16.00-19.00 en á laugardag og sunnudag kl.
14.00-20.00.
Þessi beið í bílnum meðan húsbóndinn skrapp inn að kjósa um tilverurétt hans i höfuðborginni. T(mamynd:Pétur
Spurningin á kjörseðlinum er:
„Viljið þér leyfa hundahald í
Reykjavík með þeim skilyrðum,
sem gilt hafa síðustu fjögur árin?“
Áætlað er að framkvæmd þessar-
ar skoðanakönnunar komi til með
að kosta tæpar tvær milljónir
króna.
Á mánudag, sem var fyrsti kjör-
dagurinn, kaus 0,5% af þeim sem
eru á kjörskrá. Eitthvað hafði
kjörsóknin aukist í gærdag, því
þegar kjörstaður hafði verið opinn
í eina klukkustund var tala þcirra
sem hafði kosið komin upp í 0,75%
eða samtals rúmlega 500 manns.
Trassaskapur
eða gefist vel?
Skiptar skoðanir eru á því hvern-
ig þessi tilraun til að leyfa hund-
ahald í Reykjavík hefur tekist.
Hundaræktarfélagið er ánægt en
Heilbrigðiseftirlitið virðist hafa
aðra sögu að segja.
Það er fyrst og fremst Heilbrigð-
iseftirlitið sem sér um að ákvæðum
reglugerðarinnar er varða hunda-
hald sé framfylgt. Hjá stofnuninni
eru tveir eftirlitsmenn sem hafa
þann starfa að ferðast um borgina
og fylgjast með því til dæmis, að
hundar séu ekki lausir.
í samtali við Odd Rúnar Hjartar-
son framkvæmdastjóra Heilbrigð-
iseftirlitsins kom fram að það er
iangt frá því að allir hundaeigendur
fylgi settum reglum.
Aðspurður sagði Oddur að tölu-
vert væri um það að fólk kvartaði
yfir lausum hundum, einnig væri
þó nokkuð kvartað yfir því að fólk
þrifi ekki upp skítinn eftir hund-
ana, eins yfir hávaða í hundum
sem eru skildir eftir einir í íbúðum
meðan eigendurnir eru í vinnu.
„Við reynum yfirleitt að tala fólk
til en það fer ekki að okkar fyrir-
mælum frekar en samþykktarinn-
ar, ef því sýnist svo.“
Varðandi það hvort honum
finndist misbrestur á því að fólk
færi eftir þeim skilyrðum sem sett
væru varðandi hundahaldið, sagði
Oddur: „{ hreinskilni sagt þá finnst
mér vera misbrestur þarna á.
Hundar eru fyrir þá sem vilja halda
hund, það er ekki gert fyrir hina.
Til að fólki sé treystandi til að hafa
hunda verður að setja það skilyrði
að það fari eftir þeim reglum sem
eru gildandi hverju sinni."
Oddur sagði einnig: „Maður
heyrir það oft að ef reglur eru ekki
haídnar þá sé það eftirlitinu að
kenna. Þetta er alrangt. Er það
lögreglunni að kenna ef brotist er
inn?“
Leyfisgjald fyrir að halda hund
er núna 450 krónur á mánuði eða
5400 krónur á ári og skráðir hundar
í Reykjavík eru um 860. Oddur var
spurður að því hvort mikið væri
um það að fólk trassaði að borga
þetta gjald. „Það hefur farið versn-
andi frá upphafi. Síðasti gjalddagi
var fyrsti mars og eindagi var fyrsti
apríl. Ég verð að segja eins og er,
að í ár hefur gengið hvað verst að
fá fólk til að borga. Einnig er mikið
um það að fólk tilkynni ekki ef það
flytur með hundana. Þannig að
þessi innheimta verður gríðarlega
erfið.“
Varðandi þau svæði eins og t.d.
Geirsnef, þar sem ekkert hefur
verið sagt við því þó hundarnir séu
lausir, sagði Oddur. „Eigendurnir
eiga auðvitað að hreinsa upp eftir
hundana á þessum svæðum. Það
eru sumir blettir sem börn vilja
líka vera á, og mér er sagt að þau
flýji þessa staði. Eigendur læðast
þarna í tíma og ótíma og láta
hundana skíta án þess að þrífa upp
eftir þá. Það er voðalegt kæruleysi
í þessu að láta hundana hlaupa
lausa og skíta hingað og þangað.
Þetta er vandamál."
Að lokum sagði Oddur: „Það er
fyrst og fremst þeirra sem eiga
hunda að fara eftir samþykktinni,
það er ekki hægt að kenna okkur
um það að hinir séu að brjóta lög.“
Aukin frœðsla
Guðrún Guðjohnsen formaður
Hundaræktarfélags fslands hafði
aðra sögu að segja. „Við erum
mjög ánægð, okkur finnst þessi
tilraun hafa tekist mjög vel. Það er
lítið um kvartanir. Það sem okkur
finnst þurfa að gera í þessum
málum er að einbeita sér að fræðslu
til hundaeigenda. Af þeim
kvörtunum sem við höfum kannað
er það vegna vankunnáttu og mis-
skilnings sem eitthvað hefur farið
úrskeiðis.“
Aðspurð um slæma innheimtu á
leyfisgjöldunum taldi Guðrún það
endurspegla ástandið í þjóðfélag-
inu, fólk væri blankt. Það mætti
ekki í öllum tilvikum túlka það
sem trassaskap hjá hundaeigend-
um.
Varðandi óþrifnað eftir hundana
sagðist Guðrún ekki hafa orðið vör
við það í miklum mæli. „Á þessum
námskeiðum sem við erum með,
leggjum við mikla áherslu á að fólk
þrífi upp eftir hundana. Höfum
meðal annars verið með sérstaka
poka sem við gefum, svokallaða
„skítapoka".
„Okkur finnst hafa náðst gífur-
legur árangur á þessu fjórum árum
og við ætlum að halda ótrauð
áfram með okkar fræðslustarfsemi
og uppbyggingu á góðu hunda-
haldi. Við erum til dæmis algerlega
á móti því að fólk sé að fá sér
hunda og vinni svo úti allan daginn.
Það nær ekki nokkurri átt og er
slæm meðferð á hundinum."
Að lokum sagði Guðrún: „í
öllum hópum eru trassar, þeir
eyðileggja fyrir hinum sem vilja
gera vel.“ ssh.