Tíminn - 26.10.1988, Blaðsíða 13
Miðvikudagur 26. október 1988
Tíminn 13
AÐ UTAN
lllllllllllll
Nýjar rannsóknarniðurstöðurtveggja norskra lækna markatímamót:
Súrefnisskortur
orsök vöggudauða
Tveir norskir Iæknar segjast hafa gert mikilvæga uppgvötun sem hjálpað
gæti til við að leysa gátuna um vöggudauða. Vöggudauði dregur u.þ.b. tvö
af hverjum eitt þúsund börnum til dauða strax á fyrsta ári þeirra.
Það eru læknarnir Torleiv Ole Rognum og Ola Didrik Saugstad sem halda
því fram að vöggudauði stafi af súrefnisskorti hjá barninu. Niðurstöður þeirra
birtast í oktoberhefti hins virta bandaríska læknisfræðitímarits „Pediatrics“,
og læknarnir segja niðurstöður sínar ekki hvað síst merkilegar fyrir þær sakir
að nú hafi verið afsannaður fjöldi mismunandi kenninga um skyndilegan
dauða ungbarna af, að því er virðist, engri sjáanlegri ástæðu. Þar sem enginn
læknisfræðileg skýring hefur verið fyrir hendi á vöggudauða hefur því
stundum verið haldið fram að foreidrarnir hafi beinlínis kæft barnið.
I samtali við Reutersfréttastofuna
sagði Rognum að hér væri stigið
stórt skref fram á við. „Við höfum
einangrað frum dánarorsökina þó
svo að við vitum ekki enn hvað gerist
sem takmarkar súrefnisstreymið til
barnsins," sagði Rognum.
Rognum sem hefur unnið með
Saugstad við rannsóknir í Osló
undanfarin 4 ár segir að vöggudauði
sé stærsta einstaka orsökin fyrir
barnadauða í hinum vestræna heimi
í dag. Hann segir að 2-3 börn af
hverjum 1000 deyi vöggudauða ár-
lega og að þessi tala sé sífellt að
hækka. Hann benti á að læknavís-
indin hafi staðið á gati gagnvart
vöggudauða m.a. vegna þess að
ekkert kæmi í ljós um dánarorsök
við krufningu.
Norsku læknarnir uppgvötuðu í
rannsóknum sínum að óvenju mikið
magn af efni sem kallast hypoxantin
fannst í táravökva barna sem dáið
hafa vöggudauða. Vitað er að fram-
Ieiðsla líkamans á hypoxantini eykst
verulega ef súrefnisskortur gerir vart
við sig í einhverjum mæli. Rann-
sóknarniðurstöðurnar leiddu í ljós
að hypoxantinmagn reyndist sex
sinnum meira í börnum sem dáið
höfðu vöggudauða en í börnum sem
dáið höfðu af öðrum orsökum.
Rognum segir að þessar niðurstöður
styðji þá kenningu að vöggudauða
megi rekja til öndunarörðugleika
„og þá er hægt að afskrifa margar
aðrar kenningar" segir hann. Áður
hafa komið fram kenningar um að
vöggudauða megi rekja til öndunar-
erfiðleika og að dánarorsökin felist í
því að litlu lungun vinni ekki með
eðlilegum hætti. Aðrir hafa hins
vegar talið að hjartað hafi á einhvern
hátt gefið sig. Niðurstöður norsku
læknanna styðja sem sagt fyrri kenn-
inguna. „Vöggudauði hefur verið
rannsakaður í áratugi en skortur á
raunhæfum svörum hefur leitt til
þess að fram hafa komið margar
furðulegar kenningar," sagði
Rognum. Meðal furðukenninga sem
Rognum vísar til má nefna eina sem
segir að barnið deyi vegna sjokks
sem það fær þegar hvellt hljóð
heyrist í nágrenninu.
Drápu Frakkar Kennedy?
í nýrri breskri sjónvarpsmynd er því haldið fram að Kennedy
forseti hafi verið myrtur af þremur frönskum leigumorðingjum á
mála hjá bandarísku mafiunni. Þessa nýju heimildamynd,
„Mennirnir sem myrtu Kennedy“, átti að sýna í sjónvarpi í Bretlandi
á þriðjudagskvöld, eftir því sem framleiðandinn, Central Television
sagði, að væri meira en tveggja ára rannsóknir.
Það var Lee Harvey Oswald sem
var talinn hafa myrt Kennedy 22.
nóvember 1963. Hann varskotinn til
bana á lögreglustöð í Dallas af
næturklúbbseigandanum Jack
Ruby, áður en hann kom fyrir rétt.
Framleiðandi myndarinnar, Nigel
Turner, sagði fréttamönnum að í
henni væri staðhæft að þrír glæpa-
menn úr hafnarhverfi Marseille
hefðu náð “samningi" við skipulögð
bandarísk glæpasamtök um að
myrða Kennedy. í myndinni ereinn
þeirra nafngreindur, og er það Luc-
ien nokkur Sarti, sem síðar á að hafa
verið myrtur í Mexíkó 1972. Turner
sagði að hinir tveir morðingjarnir
væru enn á lífi og væru nafngreindir
í myndinni.
í myndinni er því haldið fram að
morðið hafi verið tilraun banda-
rískra glæpasamtaka til að stöðva
herferð þá gegn glæpum sem
Kennedy hafði fyrirskipað, og sem
síðan var stjórnað af bróður hans,
dómsmálaráðherranum Robert
Kennedy, sem aftur var myrtur af
Palestínumanninum Sirhan Sirhan
árið 1968.
„Loksins getum við sýnt fram á að
allir þeir Bandaríkjamenn, sem í 25
ár hafa trúað á sakleysi Oswalds og
sekt glæpasamtakanna, hafa haft
rétt fyrir sér,“ sagði Turner. Hann
sagði líka að franskur eiturlyfja-
smyglari, sem hafi fengið tilboð um
að fremja morðið, og fyrrverandi
eiturlyfjasali beri vitni um það í
myndinni að kenningin um maft'u-
samsærið sé rétt.
í myndinni er því haldið fram að
Sarti hafi verið dulbúinn sem lög-
regluþjónn og staðið í um 45 metra
fjarlægð frá opnum bíl Kennedys er
hann ók í gegnum Dallas. í myndinni
er sýnd Ijósmynd, sem á að vera
tekin af nálægum áhorfanda sek-
úndubroti eftir að banaskotið reið
af. Því er haldið fram að myndin sýni
mann í lögreglubúningi standandi á
grashólnum, þaðan sem mörg vitni
hafa á liðnum árum haldið því fram
að þau hafi séð skotreyk berast. í
myndinni er þess getið til að hún sýni
blossa eftir byssuskot beint fyrir
framan andlit lögregluþjónsins.
„Engin einstök rannsókn á málinu
hefur hingað til náð svona langt,
vegna þess hve mörg lykilvitnin hafa
verið hrædd og hikandi við að koma
fram í dagsljósið" sagði Turner.
„Eftir að við höfðum verið mánuð-
um saman í Texas og áunnið okkur
traust þeirra kom sannleikurinn
smám saman og ekki alltaf sársauk-
alaust í ljós.“
Flokksstarf ■ ^
Kjördæmisþing
Framsóknarfélaganna
í Vesturlandskjördæmi
29. þing K.S.F.V.
5. nóvember 1988
Kl. 10.00 Þingsetning: Guðrún Jóhannsdóttir
Kjömir starfsmenn þingsins:
a) Þingforsetar
b) Ritarar
c) Kjörbréfanefnd
d) Uppstillinganefnd
Skýrsla stjórnar og reikningar: Guðrún Jóhannsdóttir
Reikningar Magna: Davíð Aðalsteinsson
Umræða og afgreiðsla.
Kl. 11.00 Byggðamál: Guðmundur Malmquist
Ávörp gesta:
Sigurður Geirdal
Fulltrúi L.F.K.
Gissur Pétursson formaður SUF
Kl. 12.15 Hádegisverður
Kl. 13.30 Stjórnmálaviðhorfið:
Steingrímur Hermannsson
Alexander Stefánsson
Almennar umræður
Kl. 16.00 Kaffihlé
Kl. 16.20 Drög að stjórnmálaályktun lögð fram
Framhald almennra umræðna
Kl. 17.00 Nefndastörf
Kl. 17.45 Afgreiðsla mála
Kosningar
Kl. 19.00 Þingslit
ENDURSKINSMERKI
ERU NAUÐSYNLEG FYRIR ALLA!
Best er að hengja
tvö merki,
fyrir neðan mitti
- sitt á hvora hlið.
UMFERÐAR
RÁÐ
Á skjólfatnaði
er heppilegt
að hafa
endurskinsrenninga
fremst á ermum
og á faldi að
aftan og framan.