Tíminn - 27.10.1988, Page 3
Tíminn 3
Fimmtudagur 27. október 1988
Ný bóla í innflutningi bíla framhjá einkaumboðunum á íslandi:
KOMA BAKREIKNINGAR
FRÁ TOLLSTJÓRANUM
Talsvert var um innflutning á notuðum bflum í gegnum
aðila sem ekki höfðu umboð fyrir viðkomandi tegundir. í
mars síðastliðnum lokaðist fyrir þennan flutning með nýrri
löggjöf, þannig að ekki var lengur hægt að bjóða notaða bíla
á lægra verði en hér á landi. Nú hefur ný bóla farið af stað
og er það innflutningur á nýjum bílum í háum verðflokki
(1,5-3 millj.), sem auglýstir eru á mun lægra verði en
viðkomandi umboð getur boðið. Annað hvort eru verðlistar
umboðanna of háir eða verðlagning á „sjóræningjabílunum“
of lágir fyrir tollafgreiðslu og álagningu bifreiðagjalds. Tollar
á bflum eru nú 10% en bifreiðagjald er 47% og getur því
mikill verðmunur myndast ef bókað kaupverð fæst lækkað
erlendis með einum eða öðrum hætti. Rannsókn tollstjóra
getur sett strik í reikninginn og kallað á bakreikninga.
Tollstjórinn f Reykjavík, Björn
Hermannsson, segist ekki taka mark
á of lágum reikningum með þessum
bílum og þeir fari ekki í gegn hjá sér.
Ef aðilar þessir ná að koma bílunum
inn í landið í gegnum tollafgreiðslu
hjá öðrum tollstjórum, er ekki allt
búið enn. Allir tollstjórar landsins
senda reglulega skýrslur sínar til
Ríkisstollstjóra til endurskoðunar.
Rangir reikningar geta því þýtt bak-
reikninga tollagjalda á hendur kaup-
endum og innflutningsaðilum.
Magnafsláttur til
ónefndrar bílasölu BNA
Nýjasta uppákoman í þessum mál-
um er auglýsing Aðalumboðsins hf.,
en að baki því eru sömu eigendur og
að Bílasölu Guðfinns. Það auglýsir
Blazer-jeppa í dýrasta flokki á verði
sem er íalsvert undir því sem GM-
umboðið á íslandi, Bílvangur hf.,
telur mögulegt að bjóða. Er talið að
í tilboði Aðalumboðsins sé verið að
leika á tollyfirvöld með því að útbúa
reikninga bílanna með stílfærðum
úrteikningum. Svör Aðalumboðsins
eru hins vegar þau að þetta sé til
komið vegna magnkaupa frá verk-
smiðjunum erlendis. Magnkaupin
séu hins vegar möguleg vegna þess
að Aðalumboðið sé aðeins lítil bíla-
sala miðað við bílasöluna sem þeir
eiga eignaraðild að í Bandaríkjun-
um. Sú'bílasala kaupi það mikið af
þessum bílum að þeir fái magnafslátt
frá verksmiðjunum. Þessir bílar sem
verið er að bjóða á íslandsmarkað
eru því aðeins einn og einn bíll úr
stórum pöntunum Aðalbílasölunnar
fyrir Bandaríkjamarkað. Ekki
fékkst uppgefið nafn á þessari bíla-
sölu.
Sérbúnir bílar kosta
minna en staðlaðir
Samkvæmt upplýsingum hjá Bíl-
vangi er verð það sem Aðalumboðið
býður, undir eðlilegu verði miðað
við hversu ríkulega bíllinn er búinn.
Auk þess gæti verksmiðjumenn þess
Auglýsing sú sem Aðalumboðið hefur sent frá sér vegna Blazeranna sem það hyggst ekki selja á Bandaríkjamarkaði
í gegnum bílasölu sína þar.
að selja ekki til útflutnings framhjá
einkaumboðum sínum. Tollstjóri
hefur nýlega gert fyrirspurn hjá
Bílvangi, sem er einkaumboð fyrir
Blazerinn, þar sem óskað var eftir
sundurliðuðum verðlistum vegna
þessa innflutnings. Það var gert
vegna rannsóknar tollstjóra á mál-
inu.
Samkvæmt nýjustu auglýsingu
Aðalumboðsins er ekki annað að sjá
en verið sé að bjóða mjög ríkulega
útbúna bíla á verði sem er undir
verði staðlaðri gerða. Spurningin er
hvort þeim tekst að komast hjá því
að borga eins mikið í tolla og
umboðið og standa þannig við aug-
lýsinguna.
Tíminn leitaði einnig til annara
umboða sem orðið hafa fyrir því að
bílar hafa verið fluttir inn í einhverj-
um mæli framhjá einkaumboðinu.
Ekki hefur borið á því ennþá að
hinir og þessir aðilar hafi verið að
flytja inn nýja bíla af þeim gerðum
sem þeir hafa umboð fyrir. Þó hafa
verið fluttir inn fáeinir Ford Econo-
line sendibílar með fjórhjóladrifi
framhjá einkaumboði Ford á ís-
landi, Sveini Egilssyni hf. Hefur
verið nokkuð augljóst að verð það
sem tollaálagning er miðuð við hefur
verið líkust því að bílarnir væru af
einföldustu gerð. í þessum tilfellum
hefur verið um að ræða bíla sem
keyptir hafa verið af verksmiðjunum
úti og verið breytt þar með því að
setja t.d. framhjóladrifið undir og
hækka bílinn upp. Gatið sem verið
er að spda á er að koma bílnum í
gegnum toll án þess að þurfa að
borga tolla og bifreiðagjald af breyt-
ingunum eða aukabúnaðinum. KB
Bæjarstjórinn í Hafnarfirði segir fregnir um óstjórn fjármála bæjarins rangar-
HAFNARFJARÐARBÆR
ER EKKI í KRÖGGUM
Hafnarfjörður.
„Ég verð að fá að setja gæsalappir
um orðið fréttir um umfjöllun Fjarð-
arpóstsins um stöðu bæjarsjóðs
Hafnarfjarðar“, sagði Guðmundur
Ámi Stefánsson bæjarstjóri í Hafn-
arfirði.
í Fjarðarpóstinum sem út kom í
síðustu viku er sagt frá slæmri fjár-
hagsstöðu Hafnarfjarðarbæjar, rúm-
lega 85 milljóna króna yfirdrætti hjá
Sparisjóði Hafnarfjarðar, að kostn-
aður við ýmsar framkvæmdir bæjar-
ins hafi farið mjög úr böndum og að
rúmlega 85% af því fé sem ætlað var
til verklegra framkvæmda á öllu
þessu ári hafi verið uppurið á fyrstu
níu mánuðum ársins.
Guðmundur Ámi Stefánsson
bæjarstjóri sagði það alls ekki óeðli-
legt að yfirdráttur ætti sér stað á aðal
framkvæmdatímanum sem væri
sumarið. Nú þegar vetur nálgast þá
hægir á framkvæmdum og sagði
Guðmundur að þessi yfirdráttur yrði
úr sögunni um áramótin.
Þá sagði Guðmundur Ámi: „Við
höfum á þessu ári ráðist í meiri og
fjárfrekari framkvæmdir á vegum
bæjarins en ráð var fyrir gert við
gerð fjárhagsáætlunar. Þetta höfum
við þó gert án þess að fara í lántökur.
Hafnarfjarðarbær hefur hvorki
tekið framkvæmdalán né önnur lán
til rekstrar bæjarins.
Velta bæjarins verður að líkindum
um einn og hálfur milljarður á árinu.
Þar af verða verklegar framkvæmdir
og mannvirkjagerð fyrir um 500
milljónir. Þessar framkvæmdir em
meðal annars gatnagerð, malbikun,
fegrun ýmisleg og umhverfisbætur,
bygging skóla, æskulýðsheimilis og
menningarmiðstöðvar.
Það bæjarfélag sem ræður við að
nota þriðjung heildarútgjalda sinna
til nýframkvæmda eins og hér er
gert, það er ekki á flæðiskeri statt“,
sagði Guðmundur Ámi Stefánsson.
Guðmundur sagði aðspurður það
ekki rétt að ýmsar framkvæmdir
hefðu farið langt fram úr áætlun
vegna óstjórnar. Ástæður þess væru
í lang flestum tilfellum þær að þegar
fjárhagsáætiun var gerð vom ekki
fullgerðar teikningar né fram-
kvæmdaáætlanir, eins og til dæmis
vegna viðbyggingar við Engidals-
skóla.
Þegar teikningar og áætlanir lágu
fyrir var ákveðið að hefjast handa
þrátt fyrir að ljóst væri að farið yrði
fram úr fjárhagsáætlun að því leyti
sem hún snerti skólann.
Guðmundur sagði að það hefði
verið talið skynsamlegra að ljúka
verkinu fremur en að sitja uppi
mánuðum og ámm saman með hálf-
kláraða byggingu. Slíkt væri bæði
dýrt og óhagkvæmt eins og fjöldi
dæma sönnuðu. -sá
Vinnutímiverka-
fólks styttist
Vinnutími hefur styst hjá
verkafólki og iðnaðarmönnum á
fyrstu sex mánuðum þessa árs.
Vinnutími verslunarfólks er svip-
aður og í fyrra, en vinnutími
opinberra starfsmanna hefur hins
vegar lengst. Þetta kemur fram í
nýútkomnu fréttablaði VSÍ.
í skýrslu Ríkisendurskoðunar
frá í ágúst var gerð úttekt á þróun
mannahalds á tímabilinu janúar-
júní 1987 til sama tíma 1988 hjá
þeim A- hlutastofnunum sem
launadeild Fjármálaráðuneytis-
ins annast afgreiðslu á. í skýrsl-
unni kemur fram að reiknuðum
stöðugildum hefur fjölgað um
725, úr 13.895 í 14.620, eða um
7,7%. Með hliðsjón af þessu má
ráða að vinnutími hafi lengst um
rúmlega 1,5% og má ætla að
meðalvinnutími hafi lengst um
nálægt einni stund og tekjuauki
vegna þessa verði á bili 2-3%.
Mest hefur vinnutíminn styst
hjá verkamönnum, um rúmar
þrjár klukkustundir á viku, um
tæpar þrjár klukkustundir hjá
iðnaðarmönnum og um tæpa eina
og hálfa klukkustund hjá verka-
konum. Meðalstytting vinnutíma
verkafólks og iðnaðarmanna er
2,7 stundir á viku, en að verslun-
armönnum meðtöldum er meðal-
stytting vinnuviku ASÍ meðlima
um tvær stundir.
Tvær ástæður eru einkum
nefndar til skýringar á styttingu
vinnutíma, þ.e. að staðgreiðslu-
kerfi skatta hafi dregið úr áhuga
manna á yfirvinnu og versnandi
efnahagsástand með minnkandi
umsvifum. Bent er á að tveggja
tíma styttingu vinnutíma hafi í
för með sér meira en 5% samdrátt
í atvinnutekjum. -ABÓ