Tíminn - 11.11.1988, Blaðsíða 2
2 Tíminn
Föstudagur 11. nóvember 1988
Bandarískir og þýskir skotveiðimenn sýna áhuga á pakkaferðum Flugleiða til skotveiða á íslandi:
Gæsir og rjúpur lokka
auðmenn til íslands
Skotveiðimcnn.
Flugleiðir íhuga nú að efna til
sérstakra Veiðipakkaferða, fyrir
skotveiðimcnn, til íslands. Þegar
hafa nokkrir hópar skotveiði-
manna, frá Bandaríkjunum og
Þýskalandi, komið hingað til að
skjóta gæsir og rjúpur.
Fyrsti hópurínn á vegum Flug-
leiða kom til rjúpnaveiða ■ fyrra. í
haust komu Þjóðverjar til gæsa-
veiða og sjö Bandaríkjamenn
skutu rjúpur í Skagafirði fyrír
skemmstu.
Ekki verður um fleiri hópa er-
lendra skotveiðimanna að ræða í
ár, en að sögn Halldórs Bjarnason-
ar hjá Flugleiðum gera menn sér
vonir um fleiri slíka hópa á næsta
ári og verði í framhaldi af því hægt
að færa út kvíarnar á þessu sviði.
Halldór Bjarnason, deildarstjóri
Innkomudeildar Flugleiða, hefur
umsjón með ferðum þessum og
þróun þeirra.
„Þetta er allt á tilraunastigi enn
sem komið er. Við erum í góðu
samstarfi við Magnús Sigmundsson
bónda á Gýgjarhóli í Skagafirði og
hefur hann séð um að útvega
veiðileyfi og aðstoða veiðimenn-
ina.
Við erum ekki að selja veiðina
fyrst og fremst, heldur þjónustuna
í kringum veiðiferðina. Það er að
segja: ferðirnar, fæði, uppihald og
fararstjórn. Þetta gefur vissulega
nokkuð í aðra hönd til þeirra sem
hafa yfir slíkri þjónustu að ráða og
geta seit hana. En þessir menn eru
tilbúnir til að borga það sem þetta
kostar," sagði Halldór. Segir hann
ferðirnar kosta, miðað við fjögurra
daga rjúpnaskytterí í Skagafirði,
tæpar þrjátíu þúsund krónur. Það
verð er miðað við að skotveiðimað-
ur sé kominn til Reykjavíkur.
Heildarpakkinn með flugfari
kostar hátt í áttatíu þúsund krónur.
Innifalið í verðinu eru ferðir frá og
til Reykjavíkur, jeppi, fararstjórar
og fæði.
Halldór vildi taka fram að til-
gangurinn með ferðum þessum
væri í fyrsta lagi að koma fleiri
farþegum í borð í vélar Flugleiða
og öðru lagi að byggja upp öfluga
þjónustu á landsbyggðinni, sam-
fara auknum veiðimannaferðum
sem þessum.
Islenski fasaninn?
Halldór sagði þá skotveiðimenn,
sem þegar hafi komið erlendis frá,
mjög áhugasama og ánægða með
ferðina. Sagði hanp að vissulega
væru önnur vinnubrögð viðhöfð en
hjá íslenskum veiðimönnum. „Þeir
hafa með sér aðstoðarmenn, sem
leiðbeina þeim um svæðið og reka
oft upp fugla fyrir skytturnar. Þess-
ir menn skjóta ekki fugla nema á
flugi. Þeir telja það ekki veiðiskap
að skjóta á fugla sem kúra sig milli
þúfna. Þeirra markmið er ekki að
skjóta sem flesta fugla, heldur að
skotin séu sem glæsilegust," sagði
Halldór. Hann vildi meina að út
frá fuglaverndunarsjónarmiðum
væri upplagt að selja útlendingum
veiðina. „Við sjáum dags daglega
fréttir af veiðimönnum í Tímanum
og víðar, sem skotið hafa svo og
svo marga fugla. Þar skilur á milli
íslenskra veiðimanna og sport-
skyttnanna að utan,“ sagði Halldór
Það að láta reka upp fyrir sig
rjúpurnar og skjóta þær á flugi
minnir óneitanlega á fasanaveiðar
í nágrannalöndum okkar, þar sem
hópar veiðimanna bíða eftir að
aðstoðarmenn fæli fugla yfir þá, og
þá er hleypt af. Svo virðist því sem
rjúpan sé okkar fasani hvað veiðar
snertir.
Halldór sagði þetta vera hið
áhugaverðasta mál fyrir bændur á
íslandi. „Þeir bændur sem geta
boðið upp á tilhlýðilega einkagist-
ingu eiga á þessu sviði mikla mögu-
leika.“ Vitnaði Halldór til þess að
Flugleiðir væru nú með í smíðum
sérstaka veiðipakka fyrir skotveiði-
menn utan úr heimi. Veiðipakka-
ferðirnar, sem væntanlega koma til
með að heita Flug og rjúpa, eða
bara rjúpa á flugi, verða byggðar
upp í kringum bændur sem ráða
yfir þjónustu sem uppfylla kröfur
Flugleiðamanna. Vildi Halldór
benda á að vel væru þegnar upplýs-
ingar frá bændum sem teldu sig
geta boðið slíka þjónustu.
Jafngildir fuglafriðun
Ákveðnar efasemdir voru uppi
meðal Flugleiðamanna, þegar
ákveðið var að fara af stað með
veiðiferðir fyrir erlenda skotveiði-
menn. Bjuggust menn allt eins við
því að gagnrýni almennings yrði á
þeim nótum að nú ætti að flytja inn
erlenda skotveiðimenn, svo endan-
lega mætti gera út af við fuglastofna
þá er veiddir eru hér á landi.
„Sannleikurinn er hinsvegar sá að
það jafngildir allt að því fuglafrið-
un að hleypa þessum skyttum í
veiðilendurnar. Við íslendingar
erum aflamenn."
Halldór var spurður hvort hann
hefði kynnt sér afstöðu íslenskra
skotveiðimanna til þessa, eða heyrt
frá skotveiðimönnum.
Hann sagðist ekkert hafa heyrt
frá þeim enn sem komið væri.
„íslenskir skotveiðimenn labba hér
um landið með tugþúsundir skota
og drita til hægri og vinstri og
borga engum fyrir þessa þjónustu.
Þeir hafa, undanfarin ár, verið
siðlausir í sinni veiði og stundað
hana óskipulagt. Hugsun okkar er
þó alls ekki að fara inn á svið
íslenskra skotveiðimanna, enda
skipta skot þessara erlendu veiðim-
anna er hingað koma engu máli í
þeim efnum. Til leiðsagnar þarf
íslenska skotveiðimenn og þannig
tengjast þeir málinu," sagði Hall-
dór
Nýtt greiðslukort í gildi eftir viku:
Samkort - greiðslukort
fyrir samvinnuverslun
„Samkort", fyrsta alíslenska
greiðslukortið, verður tekið í notkun
föstudaginn 18. nóvember, eftir
rétta viku.
Kortið verður gjaldgengt í versl-
unum og fyrirtækjum samvinnu-
hreyfingarinnar innanlands en smám
saman er fyrirhugað að víkka gild-
issvið þess með samningum við valin
fyrirtæki utan hreyfingarinnar.
Handhafar Samkorta geta valið
um tvö greiðslutímabil; annarsvegar
hið hefðbundna eins og tíðkast hjá
kortafyrirtækjunum sem fyrir eru,
eða frá 18.-17. hvers mánaðar, og
hins vegar frá fyrsta til síðasta dags
hvers mánaðar.
Ódýrara verður að nota Samkort
en önnur kort. Stofngjald verður
800 krónur, endurnýjunargjald
verður 1000 krónur og kortið gildir
í tvö ár. Þá verður ekkert útskriftar-
gjald tekið af korthöfum.
Svipaðar reglur gilda um notkun
Samkortsins og hinna kortanna og
þegar kort er stofnað semur korthafi
um úttektarheimild á bilinu 40-200
þúsund krónur á mánuði og undirrit-
ar tryggingarvixil fyrir þrefaldri um-
saminni úttektarheimild sinni þannig
að ekki er um það að ræða að fólk
samþykki óútfylltan víxil.
Upphafið að Samkortinu má rekja
til ársins 1983 en þá leitaði þáverandi
forstjóri Sambandsins, Erlendur
Einarsson, til Margeirs Daníelsson-
ar sem þá sat í stjórn Visa ísland og
bað hann um greinargerð er varðaði
notkun, hagræði og hagkvæmni af
notkun greiðslukorta.
Síðan lá málið niðri um skeið eða
þar til á fyrri hluta árs 1987 þegar
núverandi forstjóri Sambandsins,
Guðjón B. Ólafsson, skipaði í starfs-
hóp sem kanna átti möguleika á að
stofna til greiðslukorts sem gilti
innan fyrirtækja samvinnumanna.
Starfshópurinn leitaði fanga bæði
hér og erlendis, einkum í Englandi
og á Norðurlöndunum. Niðurstöður
þessa starfshóps urðu þær að kort
myndi styrkja stöðu samvinnuhreyf-
ingarinnar, efla tengsl milli fyrir-
tækja Sambandsins og spara þegar
fram í sækir vinnu og kostnað við
reikningsviðskipti hjá kaupfélögun-
um.
Seinnihluta árs 1987 var fyrirtækið
Samkort stofnað og Halldór Guð-
bjarnarson skipaður framkvæmda-
stjóri.
Halldór Guðbj arnarson sagði þeg-
ar Samkortið var kynnt fréttamönn-
um að áætlað væri að korthafar yrðu
um 18 þúsund að loknum fyrstu tólf
starfsmánuðum fyrirtækisins og gera
mætti ráð fyrir að um helminguf
kortaviðskipta sem fram fara í sam-
vinnuverslunum verði á Samkort.
Til vinstrí á myndinni er Margeir Daníelsson stjómarformaður Samkorts og
framkvæmdastjórinn, Halldór Guðbjarnarson, til hægri. Tímumynd: Gunnar
Hann sagði að gert væri ráð fyrir
að Samkort gæti tengst erlendum
kortafyrirtækjum innan næstu
tveggja ára.
Ætlunin væri að semja sérstaklega
við fyrirtæki utan samvinnuhreyfing-
arinnar, eitt í hverri grein þjónustu,
og yrði samið um sérstakan afslátt
eða sérkjör sem koma myndu kort-
höfum til góða í formi endur-
greiðslu.
Samkort er sérstakt félag innan
samvinnuhreyfingarinnar og er til
húsa að Ármúla 3. Samvinnulífeyris-
sjóðurinn annast ellt reikningshald
og tölvuvinnslu fyrir fyrirtækið.
Stjórnarformaður er Margeir Daní-
elsson. -sá