Tíminn - 10.12.1988, Qupperneq 23

iW!- norj'fiefteh .05 rjivbisuug.1
Laugardagur 10. desember 1988
MINNING
Sigurlaug
Halldórsdóttir
Fædd 2. nóvember 1910
Dáin 4. desember 1988
Sigurlaug Halldórsdóttir var fædd
2. nóv. 1910 að Hringsdal á Látra-
strönd, sem nú er kominn í eyði.
Hún var dóttir hjónanna Þórlaugar
Oddsdóttur og Halldórs Kristins
Jónssonar. Þau hjón hófu sinn bú-
skap í Hringsdal en árið 1916 fluttust
þau að Brekku í Svarfaðardal og
bjuggu þar allt til æviloka. Sigurlaug
var elst þriggja bama þeirra, en
eftirlifandi systir hennar er Elín
Oddný, búsett á Akureyri. Yngstur
systkinanna var Þorsteinn Jakob,
sem varð bráðkvaddur við sumar-
vinnu sína 1943, þá nýorðinn
stúdent.
Sigurlaug ólst upp á kærleiksríku
heimili og afar gestkvæmu. Halldór
faðir hennar var búfræðingur og
lærði auk þess dýralækningar á
námskeiði í Reykjavík. Hann vár
mikill dýravinur og farnaðist afar vel
í starfi, enda brást hann jafnan
skjótt við ef líkna þurfti skepnum.
Þá gegndi hann ýmsum trúnaðar-
störfum fyrir sveitunga sína. Eins og
að líkum lætur komu bústörfin í
meira mæli sökum þessa í hlut
Þórlaugar en hún annaðist þau af
dugnaði og kostgæfni og tók öllum
gestum af stakri góðvild. Þessa eigin-
leika foreldra sinna erfði Sigurlaug í
ríkum mæli: hjálpsemi, jafnaðargeð
og hlýhug til allra.
Um langa skólagöngu var ekki að
ræða á þessum árum, en Sigurlaug
gekk í Barnaskólann í Svarfaðardal
og var síðan einn vetur í unglinga-
skóla á Dalvík.
Hún var um tíma á Akureyri og
stundaði nám í saumaskap og vann
þar einnig í Gróðrarstöðinni.
Þann 21. apríl 1933 giftist hún
jafnaldra sínum og skólabróður,
Klemensi Vilhjálmssyni frá Bakka í
Svarfaðardal. Klemens var yngstur
níu bama hjónanna Kristínar Jóns-
dóttur og Vilhjálms Einarssonar.
Það var eftir því tekið hvað þau
voru ástfangin og glaðsinna. Höfðu
þau bæði mjög gaman af að dansa
enda var unun að horfa á þau á
dansgólfinu, jafnvel á efri árum.
Enda var Klemens þekktur fyrir að
stjórna dansi af miklum skörungs-
skap, t.d. marsi.
Sigurlaug og Klemens hófu sinn
búskap í Brekku, fyrst í tvíbýli við
foreldra Sigurlaugar en síðar tóku
þau við jörðinni.
Brekku, Svarfaðardal
Ekki breyttist heimilisbragurinn á
Brekku. Úngu hjónin tóku upp
merki eldri hjónanna og vildu öllum
gott gera og voru alltaf tilbúin að
rétta nágrönnunum hjálparhönd.
Þau voru bæði afar félagslynd og
gestrisin og var oft glatt á hjalla,
tekið í spil og spjallað.
Sigurlaug og Klemens eignuðust
tvær dætur: Guðrúnu Elínu kennara
á Dalvík og Kristínu Sigríði, hús-
móður í Brekku, sem er gift Gunnari
Jónssyni, bónda þar. Dreng misstu
þau nýfæddan. Fyrir hjónaband átti
Klemens dóttur, Ingunni hjúkrunar-
konu í Reykjavík, gift Ólafi Sigfús-
syni vélsmið. Þá ólu þau upp frá
tæplega fimm ára aldri Sigurð Guð-
jón Marinósson, trésmið.
Þá eru ótalin öll þau börn og
ungmenni sem dvöldust í lengri eða
skemmri tíma í Brekku og nutu
ástríkis Laugu og handleiðslu Klem-
ensar.
Árið 1966 um vorið brann
Brekkubærinn og mestallt innbúið,
allt illa vátryggt. í þeim þrengingum
komu berlega í ljós vinsældir þeirra
hjóna meðal sveitunganna; nú gátu
þeir launað þeim greiðvikni undan-
genginna ára, sem þeir og gerðu af
miklum myndarskap.
Kristín dóttir þeirra og Gunnar
maður hennar tóku þá við búinu og
hófu uppbygginguna, en þau Klem-
ens voru sannarlega ekki bara áhorf-
endur heldur þátttakendur áfram í
störfunum í Brekku, meðan heilsa
og kraftar entust. Undirrituð var eitt
þeirra lánsömu barna sem fengu að
dveljast í Dalnum í Brekku hjá
Laugu og frænda. Fyrst þegar ég var
í Brekku voru þau Þórlaug og Hall-
dór bæði á lífi, þar með eignaðist ég
auka ömmu og afa. Sagan endurtók
sig síðan með dætur mínar, þær hafa
alltaf litið á Laugu sem ömmu og
Brekku sem griðastaðinn í sveitinni.
Þær elskuðu að sitja í eldhúsinu hjá
Laugu og borða nýbakaðar kleinur.
Jólin komu líka í Skipasundið þegar
sendingin úr Brekku kom, heima-
reykt hangikjöt og kleinur. Það segir
mikla sögu þegar fjarskyld börn
eigna sér „ömmur og afa“, þá getur
maður leitt líkur að því hve mikils
virði þau eru sínum barnabörnum.
Barnabörn Sigurlaugar og Klemens-
ar eru fimm. Guðrún Elín á soninn
Halldór Inga og Kristín á fjögur
börn: Guðrúnu, Sigurlaugu, Stein-
unni og Klemens. Þeirra missir er
mikill að sjá á bak ástríkri ömmu
sinni.
Það segir meira en mörg orð að í
Brekku hafa yfirleitt verið þrjár
kynslóðir undir sama þakinu í sátt
og samlyndi. Enda líður mér hvergi
betur en á þessu öðlingsheimili.
Sigurlaug var einstaklega hlýr
persónuleiki og aldrei man ég eftir
að hún skipti skapi.
Hjónaband þeirra Klemensar var
farsælt og áttu þau gullbrúðkaup
þremur mánuðum fyrir andlát hans.
Hann lést 19. júlí 1983.
Eftir að Sigurlaug missti mann
sinn var eins og lífslöngun hennar
minnkaði mikið og heilsu hennar
hrakaði mjög. Síðastliðið ár hefur
hún oft þurft að vera á sjúkrahúsi en
daginn áður en hún lést kom hún
einmitt af sjúkrahúsinu á Akureyri.
Það er merkileg staðreynd að þau
skyldu bæði fá að skilja við jarðlífið
í Brekku.
Foreidrar Sigurlaugar létust einn-
ig bæði í Brekku.
Farsælu lífshlaupi þessarar ágætu
konu er lokið. Eins og svo margar
konur af hennar kynslóð helgaði
hún heimiii og fjölskyldu alla sína
krafta og skapaði þeim friðargarð
sem ómetanlegur er þeim er njóta.
Minningin um góðhjartaða, frið-
elskandi konu mun lifa.
Sigrún Magnúsdóttir
llllllllllll BÆKUR
Barnabækur
Frá Forlaginu hafa borist þessar
tvær bamabækur.
1. Jólagjöfin. Lars Welinder
samdi texta og Harold Sonesson
gerði myndir. Þorsteinn frá Hamri
þýddi. Bókin er 30 bls. og „Printed
in Sweden" eins og stendur á titil-
blaði.
Saga þessi fjallar um búálfinn
Grástakk og ævintýri hans. Hann
býr í litlu húsi úti í skógi. Eigendur
hússins dvelja þar sumarlangt og
kynnist Grástakkur þeim þar. í
þeirri fjölskyldu eru tvö börn Palli
og Lísa. Palii ætlar að smíða tré-
brúðu til að gefa Lísu í jólagjöf, en
gleymir því, þegar þau fara. Grá-
stakkur ákveður að smíða brúðuna
og þegar hann hefur gert það leggur
hann af stað með hana heim til Lísu.
Meginhluti sögunnar segir frá leit
Grástakks að heimili Lísu og þeim
ævintýrum er hann lendir í við þá
leit. Sagan er stutt. Hún ætti að
hvetja lesandann til að breyta rétt og
fórna nokkru til að gleðja aðra.
2. Pétur Pan eftir James M.
Barrie í endursögn Eduard José.
Myndir eru eftir Francese Rovira.
Þorsteinn frá Hamri þýddi. Bókin er
28 bls. og „Printed in Spain“.
„Einu sinni voru þrjú systkin sem
áttu heima í Lundúnum. Vanda var
elst. Hún sagði bræðmm sínum,
Jóni og Mikka, sögur á hverju kvöldi
og oft fjölluðu þessar sögur um
ímyndaðan drengsnáða sem kallað-
ur var Pétur Pan og átti heima í
Huldulandinu". Þannig hefst þessi
ævintýrasaga. Pétur, litli álfurinn og
Kling vinur hans fara með systkinin
til Huldulandsins. Þar lenda þau í
miklum hættum. Þau bjargast ailtaf
og allt endar vel.
Þetta ævintýri um Pétur Pan hefur
hinn sígilda boðskap að flytja: hið
góða sigrar að lokum þótt illa horfi
um stund. Sagan gefur tilefni til
umræðna um þetta sígilda efni. Þýð-
ingar Þorsteins eru á lipru og auð-
skildu máli eins og hans er von og
vísa. Sögurnar em færðar í fallegan
búning. Vandaðar teikningar í litum
prýða hverja síðu. Letur er stórt og
auðlesið og vel vandað til pappírs og
bókbands.
t
Hjálmur Þorsteinsson
fyrrum bóndi Skarði, Lundarreykjadal,
lést á Borgarspítalanum 8. desember.
Edda Guðnadóttir
Þorvaldur Guðnason.
nnirnlT
Tíminn 23
fGestaíbúðin
Villa Bergshyddan
í Stokkhólmi
íbúðin (3 herbergi og eldhús í endurbyggðu 18.
aldar húsi) er léð án endurgjalds þeim, sem fást
við listir og önnur menningarstörf í Helsingfors,
Kaupmannahöfn, Osló eða Reykjavík, til dvalar
um tveggja til fjögurra vikna skeið á tímabilinu 15.
apríl til 1. nóvember. Myndlistarmönnum er þó
vísað á Ateljé Apelberg, Hásselbyhöll (umsóknar-
eyðublöð fást hjá Nordiskt Konstcentrum, Svea-
borg, SF-00190 Helsingfors).
Umsóknir um dvöl í Villa Bergshyddan, þar sem
fram komi tilgangur dvalarinnar og hvaða tíma sé
óskað, svo og upplýsingar um umsækjanda, skal
senda til Hásselby slott, Box 520, S.162 15
Vállingby.
Ekki eru notuð sérstök umsóknareyðublöð.
Nánari upplýsingar fást hjá skrifstofu borgarstjóra,
sími 18800.
Félagsmálastofnun 1
Reykjavíkurborgar
Ellimáladeild
Félagsráðgjafi
Staða félgasráðgjafa (75%) í Ellimáladeild er laus
nú þegar.
Starfið erfólgið í almennum félagsráðgjafastörfum
í deildinni.
Umsóknarfrestur er til 20. des. n.k.
Umsóknareyðublöð fást hjá starfsmannahaldi
Reykjavíkurborgar, Pósthússtræti 9, 6. hæð.
Upplýsingar gefur Anna S. Gunnarsdóttir og Þórir
Guðbergsson í síma 25500.
t
Móðir mín
Finney Reginbaldsdóttir
Knarrarstíg 2, Sauðárkróki
lést á Sjúkrahúsi Skagfirðinga miðvikudaginn 7. desember.
Fyrir hönd aðstandenda.
Halldóra S. Jónsdóttir.
t
Minningarathöfn um móður mína
Margréti Árnadóttur
frá Gunnarsstöðum,
Hringbraut 91
ferfram frá Dómkirkjunni fimmtudaginn 15. desember kl. 13.30.
Kristín Gísladóttir
t
Þökkum innilega öllum þeim fjölmörgu sem auðsýndu okkur samúð
og vinarhug við andlát og jarðarför föður okkar, tengdaföður, afa og
langafa
Erlendar Árnasonar
fyrrverandi bónda og oddvita
Skíðbakka, Austur-Landeyjum
Sérstakar þakkir til starfsfólks og vistmanna á Kirkjuhvoli og til
hjúkrunarfólks og lækna Sjúkrahúss Suðurlands.
Árni Erlendsson Guðmunda Laufey Hauksdóttlr
Ragna Erlendsdóttir Sigurður Guðberg Helgason
SigríðurOddnýErlendsdóttir Albert Ágúst Halldórsson
barnabörn og barnabarnabörn