Tíminn - 15.12.1988, Blaðsíða 6

6 Tíminn
Fimmtudagur 15. desember 1988
Handbolti
Badminton
Fótbolti
Júdó
Sund
Laugarvatn hentugast
fyrir íþróttamiðstöð
Tillögur um uppbyggingu íþróttamiðstöðvar íslands sem
staðsett verði á Laugarvatni, hafa nýlega borist menntamála-
ráðherra, frá svokallaðri Laugarvatnsnefnd sem skipuð var
1987 af þáverandi menntamálaráðherra.
Nefndin kemst að þeirri niður-
stöðu að Laugarvatn sé sérstaklega
ákjósanlegur staður fyrir íþróttir,
útilíf og til fjölbreytilegrar fræðslu
og þjálfunar fyrir alla landsmenn.
Hugmyndin með íþróttamiðstöðinni
er ekki eingöngu að skapa ákjósan-
legan stað fyrir íþróttafólk til þjálf-
unar, heldur er hugmyndin að al-
menningi gefist einnig kostur á að
nýta sér þá aðstöðu sem fyrir hendi
verði.
Með tilkomu fþróttamiðstöðvar
er gert ráð fyrir að félög og félaga-
samtök geti komið þangað með
ungmennahópa í æfinga- og þjálfun-
arbúðir eins og verið hefur. Úrvals-
lið og landslið geti undirbúið sig þar
fyrir keppni. Gert er ráð fyrir að
fram geti farið keppni í ýmsum
íþróttum á svæðinu, með innlendu
og erlendu íþróttafólki. Þá er gert
ráð fyrir að áhugahópar fólks og/eða
einstaklingar geti nýtt sér aðstöðuna
til alhliða þjálfunar, fræðslu og hollr-
ar hreyfingar. Fólk á að geta notið
aðstoðar við endurhæfingu, þrek-
þjálfun og verið með í fjölbreytilegu
félagastarfi. Til þess er gerð krafa að
aðstaða til íþrótta og útivistar verði
aðgengileg fyrir fatlað fólk og ferða-
þjónusta efld og ferðamönnum búin
aðstaða til útiveru og íþróttaiðkana.
Hér er fátt eitt upp talið, en mark-
miðið er, segir f skýrslu nefndarinn-
ar, að kynna ungu fólki heilbrigða
lífshætti og gefa eldri sem yngri
tækifæri til samveru þar sem áhersl-
an er lögð á íþróttir, útivist, þjálfun
og fræðslu, undir góðri leiðsögn, við
góðar aðstæður á fögrum og friðsæl-
um stað.
Þrátt fyrir að áherslan sé mest
lögð á íþróttir og útivist, 'þá er þess
vænst að Laugarvatn geti einnig
orðið miðstöð félags- og fræðslu-
starfs, þar á meðal fjölbreytilegrar
endurmenntunar. Einnig er gert ráð
fyrir að aðstaðan verði nýtt til ráð-
stefnuhalds íþrótta- og æskulýðsfé-
laga, og annarra félaga og félaga-
samtaka.
Ástæðuna fyrir því að Laugarvatn
varð fyrir valinu má rekja til þess að
staðurinn hefur að mörgu leyti sér-
stöðu sem skóla- og útivistarstaður
og er ljóst að staðurinn býr yfir
miklum möguleikum fyrir fjölbreyti-
lega og öfluga íþrótta- og æskulýðs-
miðstöð. Þá kemurfram í skýrslunni
að góðar samgöngur, einstök nátt-
úrufegurð, gnægð jarðhita og veður-
sæld gefi staðnum mikið aðdráttar-
afl, enda sækir þangað mikill fjöldi
ferðamanna bæði innlendra og er-
lendra. Þá er bent á að starfsemi
fþróttakennaraskóla íslands og af-
not af mannvirkjum hans verði kjöl-
festan í væntanlegri uppbyggingu
íþróttamiðstöðvar íslands. Þetta
mun flýta mjög fyrir því að þær
vonir, sem menn binda við miðstöð-
ina, verði að veruleika.
Nefndin bendir á að hefja megi
rekstur íþróttamiðstöðvar á Laugar-
vatni án verulegs kostnaðar, með
því að samræma það sem koma skal
við það sem fyrir er og láta umsvif
og reynslu af rekstrinum ráða hraða
uppbyggingar og endurbóta mann-
virkjanna. Brýnustu verkefni sem
byrja þyrfti á, ef vilji væri fyrir
íþróttamiðstöð á þessum stað, væru
endurbætur baðstaðarins við vatnið,
salemisaðstaða, endurbætur íþrótta-
valla, gerð skokkbrauta og bygging
sundlaugar.
Laugarvatnsnefndin hefur gengið
út frá því að íþróttamiðstöð fslands
verði rekin af íþróttahreyfingunni
og ríkinu með meiri eða minni
þátttöku heimamanna, eftir því sem
við verði komið. Þá telur nefndin
einnig að um einstaka þætti í starf-
semi íþróttamiðstöðvarinnar mætti
stofna sameignarfélag eða hiutafélag
og jafnvel bjóða þá út.
í niðurlagi skýrslu nefndarinnar
kemur fram að nú reyni á ríkisvaldið
og íþróttahreyfinguna að ná sam-
töðu um að hrinda hugmyndinni í
framkvæmd.
„Ég er alveg sannfærður um það
að við komum til með að nýta okkur
þessa aðstöðu,“ sagði Guðjón Guð-
mundsson hjá HSÍ í samtali við
Tímann. Hann sagði að það hefði
lengi vantað eiginlega íþróttamið-
stöð á íslandi. „Þetta er hvalreki á
fjörur sérsambandanna, sérstaklega
vegna þess að hægt er að nýta þetta
allt árið,“ sagði Guðjón, „þetta er
eiginlega bara 10 árum of seint.“
Hann sagði að þetta kæmi sér einnig
mjög vel fyrir handknattleikslands-
Iiðið, þar sem aðstaða í Reykjavík
væri í raun mjög bágborin til æfinga
og íþróttamiðstöð sem þessi væri
mjög gott innlegg fyrir íþróttahreyf-
inguna í heild sinni. -ABÓ
Vann 25 miiljónir í HHI:
Hvernig á maður að sofna
með 25 millj. á heilanum?
„Ég hélt að svona lagað gæti
aldrei haft svona mikil áhrif á mann.
Ja, fyrr má nú vera, þetta var
dálagleg upphæð,“ sagði Karítas
Magnúsdóttir, sjötug ekkja, sem
varð 25 milljónunum ríkari þegar
dregið var í Happdrætti Háskóla
íslands í fyrradag. „Ég rauk upp úr
rúminu í nótt og sagði við son minn
sem var ekki farinn að sofa: „Hvern-
ig á maður að sofna með 25 milljónir
á heilanum?“,“ sagði Karítas.
Karítas sagði að þegar Jóhannes
L.L. Helgason hjá HHÍ hefði hringt
í hana um sjö leytið í fyrradag,
hefðu hennar fyrstu viðbrögð verið
„gleymdist að endurnýja". „Eftir að
ég var búin að ná í miðann minn og
segja honum númerið, þá sagði hann
að ég ætti ekki að vera í vandræðum
með að endurnýja næsta ár, því ég
hefði unnið hæsta vinning 5 milljón-
ir, en þar sem þetta er fimmfaldur
miði þá urðu milljónirnar 25,“ sagði
Karítas.
Karítas dreymdi fyrir þessu þrem
nóttum fyrr. „Mig dreymir fyrir
hlutunum ef það er eitthvað mikið
og á hvorn veginn sem það er. Það
kemur alltaf fram á þriðja degi.“
Aðspurð sagði hún að hún hefði
heitið á lamaða og fatlaða, ef hún
ynni eitthvað í happdrætti eða lottó.
En hún væri ekki búin að ákveða
hversu stórt framlagið yrði. Síðan
sagðist hún ætla að láta gera við
húsið sitt og fara síðan að taka það
rólega og láta sér líða vel, enda
komin á áttræðisaldur.
Karítas hefur átt miða í HHÍ í 36
ár og fékk fljótlega vinning á hann,
en síðan ekki söguna meir. En það
var eiginmaður hennar sem átti
þennan vinningsmiða, en hann lést í
nóvember sl. Karítas sagði að um
síðustu áramót hefðu þau átt 3
trompmiða, en ákveðið að hætta við
tvo, sem svo heppilega vildi til að var
ekki vinningsmiðinn.
Karítas hefur starfað sem dag-
mamma undanfarin ár og hefur hún
nú sex krakka í pössun fyrir hádegi
og tvo eftir hádegi. Þrátt fyrir breytta
hagi hyggst hún ekki hætta pössun-
inni, „enda eru þetta frábærir
krakkar," sagði Karítas. -ABÓ
Pollarnir Einar Njálsson og Haraldur Gísli Sigfússon í fangi dagmömmunnar, Karítasar Magnúsdóttur í gær.
Tímamynd Gunnar