Tíminn - 12.01.1989, Blaðsíða 6

6 Tíminn
Fimmtudagur 12. janúar 1989
Jóhann Hjartarson mætir Anatoly Karpov í Seattle:
Jóhann Hjartarson stórmeistari mætir Anatoly Karpov
fyrrum heimsmeistara í skákeinvígi sem fram fer í Seattle í
Bandaríkjunum í lok mánaðarins. Jóhann undirbýr sig fyrir
einvígið af fullum krafti á Akureyri, þar sem hann ásamt
aðstoðarmanni sínum Margeiri Péturssyni fer yfir skákstfl
Karpovs og reyna þeir að finna veikleika í skákum verðandi
andstæðings.
Þráinn Guðmundsson formaður
Skáksambandsins sagði í samtali við
Tímann að í sjáifu sér hafi undirbún-
ingur Jóhanns staðið nær allt árið,
enda hafi hann teflt mikið. „Hann
hefur verið að undirbúa sig af krafti
nú í desember og það sem af er
janúar. Hann er nú norður á Akur-
eyri á kafi í Karpov ásamt Margeiri
Péturssyni sem er aðstoðarmaður
hans. Þeir verða norðan heiða fram
yfir helgi, og fara út 19. janúar,“
sagði Þráinn.
Jóhann og Margeir hafa safnað að
sér öllum skákum sem Karpov hefur
teflt síðustu árin til að fara yfir og
finna veiku punktana. Þá fara þeir
einnig grannt í byrjanir sem nota má
og finna nýjungar í þeim.
Fyrsta skák þeirra Jóhanns og
Karpovs verður tefld þann 28. janú-
ar. „Það verða tefldar sex skákir, en
ef jafntefli verður þá tefla þeir
tveggja skáka einvígi og svo styttri
skákir, þar til annar ber sigur úr
býtum,“ sagði Þráinn. Teflt verður
annan hvern dag og ef aðeins sex
skákir verða tefldar þá lýkur einvíg-
inu þann 7. febrúar.
Einvígi þeirra Jóhanns og Karp-
ovs er einn liður í að öðlast rétt til
að skora á heimsmeistarann í skák.
Jóhann byrjaði með því að komast
áfram á svæðismóti Norðurlanda,
þar sem hann komst áfram á milli-
svæðamót. Það millisvæðamót fór
fram í Ungverjalandi sumarið 1987
og var Jóhann í efsta sæti á því móti.
Úr þeim þrem millisvæðamótum
komu 14 keppendur sem kepptu sjö
einvígi og dróst Jóhann þá á móti
Kortsnoj. Það mót fór fram eins og
allir muna í Saint John í Kanada og
vann Jóhann það einvígi á eftir-
minnilcgan hátt. Úr þessum sjö
einvígum komu jafn margir vinn-
ingshafar, en við þann hóp bætist
Karpov fyrrum heimsmeistari, þann-
ig að átta eru uppistandandi og
verða fjögur einvígi og dróst Jóhann
að þessu sinni á móti fyrrum heims-
meistaranum. Þegar hefur eitt ein-
vígi farið fram, en það er einvígi
þeirra Short og Spielman og vann
Spielman, en hin einvígin þrjú fara
fram nú í janúar.
Þráinn sagði að Skáksambandið
stæði ekki vel fjárhagslega enda
væru mjög mörg verkefni í gangi.
Áætlað er að þetta verkefni muni
kosta allt að einni og hálfri milljón,
og er þá allt meðtalið. Þráinn sagði
að sótt hefði verið eftir styrk til
menntamálaráðuneytisins auk þess
sem reynt hefði verið að safna.
Þráinn vildi ekkert segja um
möguleika Jóhanns gegn fyrrum
heimsmeistara. Samkvæmt nýrri
stigaskrá er Karpov með 2765 stig en
Jóhann er með 2615 stig, sem gerir
hann að 11. stigahæsta skákmanni
heims. Karpov og Kortsnoj eru þeir
einu sem hafa yfir 2700 stig, því
þriðji maðurinn í röðinni, Short
hefur 2660 stig. „Þetta segir náttúr-
lega til um styrkleika þeirra, en það
getur allt gerst og ekkert er fyrirfram
gefið," sagði Þráinn.
Ólafur H. Árnason skákskýrandi
Tímans mun sem fyrr skýra skákir
Jóhanns fyrir lesendum blaðsins þeg-
ar þar að kemur. Aðspurður hver
væri helsti styrkur Karpovs sem
einvígisskákmanns sagði Ólafur
hann liggja einkum á fjórum sviðum:
„f fyrsta lagi mjög mikil reynsla, sú
mesta sem nokkur hefur, í öðru lagi
mjög góður undirbúningur, í þriðja
lagi þá tapar hann fáum skákum sem
er mjög gott í einvígum þar sem ein
skák getur ráðið úrslitum og í fjórða
lagi þá er það einfaldlega styrkleik-
inn, kannski síðast og ekki síst.
Hann hefur frábæra aðstöðu, góðan
aðgang að mörgum skákmönnum til
að hjálpa sér við undirbúning. Það
hefur hann alltaf haft fram yfir þann
sem hann er að tefla við.“
Búast má við að auk þeirra Jó-
hanns og Margeirs verði Friðrik
Ólafsson og formaður Skáksam-
bandsins Þráinn Guðmundsson með
í för. Þá ráðgera skákmennirnir Jón
L. Árnason og Helgi Ólafsson að
verða viðstaddir einvígið. -ABÓ
Stórmeistarinn Jóhann Hjartarson mætir Karpov í Seattle í Bandaríkjunum
í lok janúar.
Orkuspárnefnd hefur sent frá sér spá um eldsneytisnotkun landsmanna fram til ársins 2015:
Spá að bensínneysla
muni aukast um 21 %
Orkuspárnefnd hefur spáð fyrir
um eldsneytisnotkun landsmanna á
tímabilinu 1988-2015. Þessi spá er
merkileg fyrir margra hluta sakir.
Til að mynda er þar gert ráð fyrir að
bifreiðaeign landsmanna aukist um
38%, að heildarnotkun olíu dragist
saman á næstunni, verð á olíu tvö-
faldist, auk fleira.
Orkuspárnefnd skiiaði í desember
síðastliðnum spá um eldsneytisnotk-
un íslendinga fram til og yfir alda-
mótin. Nefndin er samstarfsvett-
vangur nokkurra helstu fyrirtækja,
stofnana og samtaka á sviði orku-
mála, auk Hagstofu íslands og Þjóð-
hagsstofnunar.
Grunnforsendur spárinnar eru
aðrar áætlanir sem gerðar hafa verið
varðandi mannfjöldaþróun, þróun
fiskveiða og fleira. Þar að auki var
orkunotkun síðustu ára á hinum
ýmsu sviðum gaumgæfð. Var einnig
miðað við litlar breytingar á verði
hráolíu fram á næsta áratug en að þá
taki við verðhækkun til loka tíma-
bilsins er tunnan muni kosta helm-
ingi meira en nú. Vegna þessa er
ekki gert ráð fyrir að aðrir orkugjaf-
ar taki sæti olíunnar á sviði fiskveiða
og samgangna.
Þeir spekingar gera ráð fyrir að
við munum hætta notkun olíu til
hitunar húsa. Reiknað er með að
olíunotkun til fiskveiða standi nokk-
urn veginn í stað og olíunotkun
fiskimjölsverksmiðja minnki veru-
lega á komandi árum samfara bætt-
um tækjabúnaði.
í bílaflotanum telja þeir að fjölga
muni úr 540 bifreiðum á hvert þús-
und landsmanna, í 670 bíla á hvert
þúsund við lok spátímabilsins sem er
38% aukning. Þeir gera ráð fyrir að
akstur muni þó ekki aukast að sama
skapi eða rétt um 33%. Einnig
vonast þeir eftir mun sparneytnari
bílum og verður því aukning olíu-
notkunar ekki eins mikil og við hefði
mátt búast, miðað við fjölgun bif-
reiðanna.
Vegna komandi notkunar spar-
neytnari flugvéla og samdráttar í
flugi Flugleiða milli Evrópu og
Bandaríkjanna, segja þeir notkun
eldsneytis til flutninga með flugi
minnka allverulega. Hún muni síðan
aukast aftur en ekki verða jafn mikil
og sú sem við búum við í dag. Spáin
segir sjóflutninga verða algengari og
muni olíunotkun til þeirra aukast
hægt og sígandi.
Samkvæmt spánni mun heildar-
notkun olíunnar dragast heldur sam-
an fram að aldamótum en aukast þá
aftur og verða að lokum tæpum
tveimur prósentum meiri en hún er
nú.
Einnig er spáð fyrir um notkun
olíu eftir tegundum. Einna mestar
breytingar verða á notkun bensíns
eða aukning um 21% og notkun
flugvélaeldsneytis sem í heild dregst
saman um 32% til aldamóta. jkb
Bátalón
verður
Skipalón
Það má nefna þetta biðleik að
leigja þessu nýja hlutafélagi,
Skipalóni, aðstöðu Bátalóns.
Bókhald Bátalóns er allglöggt og
staða gjaldþrotamálsins fremur
skýr. Því var talið skynsamlegt að
einhver starfsemi væri þarna
þann tíma sem líður þar til kröfur
í þrotabúið hafa borist og skipta-
fundur fer fram,“ sagði Margrét
Heinreksdóttir skiptaráðandi í
Hafnarfirði.
Starfsmennirnir fyrrverandi
sem að Skipalóni standa ætla að
halda sér gangandi með viðgerð-
um og leigja þeir aðstöðu Báta-
lóns af skiptaréttinum.
Þeir sem þekkja til mála Báta-
lóns segja að gjaldþrotið sé eink-
um til komið vegna smíði 9,9
tonna báta sem stöðin tókst á
hendur.
Þessi stærð báta var þegar
smíðin hófst undanþegin lögum
um aflakvóta en á smíðatímanum
var settur kvóti á þessa stærð
báta. Við þetta urðu þeir óseljan-
legir og Bátalón sat uppi með þá
og fór yfirum. -sá