Tíminn - 22.06.1989, Qupperneq 3

Fimmtudagur 22. júní 1989
Tíminn 3
Vestmannaeyjakaupstaður 70 ára:
12 vindstiga lúðra-
sveit á Stórhöfða
íbúar Vestmannaeyja munu halda upp á 70 ára afmæli
Vestmannaeyjakaupstaðar vikuna 24. júní til 1. júlí. Þessa
viku verður mikið um að vera í bænum, m.a. mun fara fram
landsmót Sambands íslenskra lúðrasveita og munu 11 lúðr-
asveitir spila saman á setningardaginn.
Hátíðarsetning afmælisvikunnar
verður á Stakkagerðistúni kl. 14:00
næstkomandi laugardag og verða
þann dag opnaðar hinar ýmsu sýn-
ingar sem í gangi verða út afmælis-
vikuna. Þennan sama dag mun Herj-
ólfur bjóða hátíðargestum í hring-
siglingu kringum Heimaey.
Á sunnudeginum verður hátíð-
armessa í Landakirkju og þann dag
mun forseti Islands heimsækja Vest-
mannaeyjar. Mun frú Vigdís Finn-
bogadóttir meðal annars vera við
vígslu sérstaks gróðurreits við
Helgafell.
Á sunnudeginum verða einnig
tónleikar Sinfóníuhljómsveitarinnar
og kirkjukórs Landakirkju. Daginn
fyrir setningu hátíðarinnar mun aft-
ur á móti lúðrasveit sem skipuð er 60
bestu blásurum á landinu halda tón-
leika.
Fjöldi annarra atriða er á dagskrá
afmælisvikunnar. Af sýningum má
nefna að í Safnahúsinu verða tvær
sýningar: „Vestmannaeyjahöfn í 70
ár“ og „Póstsaga Vestmannaeyja“. í
félagsheimilinu verður sýning sem
ber yfirskriftina „Börn í Vestmanna-
eyjum“. Þá verður í gangi sýning á
verkum Júlíönu Sveinsdóttur og
mun Hrafnhildur Schram halda
fyrirlestur um verk listakonunnar
miðvikudaginn 28. júní.
f afmælisvikunni verður einnig í
gangi kynning á ýmsum stofnunum
Vestmannaeyj abæj ar.
Það eru ekki einungis lúðrasveit-
armenn sem munu fjölmenna til
Vestmannaeyja. Miðvikudaginn 28.
júní hefst Tommamót 6. flokks
drengja í knattspymu. Búist er við
miklum fjölda aðstandenda drengj-
anna til Vestmannaeyja. Þess má
geta að í fyrra vom mótsgestir um
700 talsins.
Af öðmm íþróttaviðburðum má
nefna að Helgi Ólafsson stórmeistari
mun tefla fjöltefli við Eyjamenn
fimmtudaginn 29. júní. Á föstudeg-
inum verður sérstakur póststimpill á
Pósthúsinu í Vestmannaeyjum í til-
efni af afmælinu.
Lokadag hátíðarinnar, 1. júlí,
verður svokölluð Kjötkveðjuhátíð á
Ráðhúströðinni og hljómleikar á
Stakkagerðistúni, lýkur hátíðinni
með dansleikjum um kvöldið.
í tilefni af kaupstaðarafmælinu
hefur Fjölsýn forlag endurútgefið
Sögu Vestmannaeyja eftir Sigfús M.
Johnsen rithöfund og fyrrum bæjar-
fógeta í Vestmannaeyjum. Rit þetta,
sem er um 800 blaðsíður, kom fyrst
út árið 1946 en hefur verið ófáanlegt
um margra ára skeið. í endurútgáf-
unni hefur verið bætt við fjölmörg-
um myndum sem ekki hafa birst á
prenti áður.
Einnig er fyrirhuguð útgáfa á
hljóðsnældu með lögum Ása í Bæ.
Er þar um að ræða gamlar upptökur
þar sem Ási flytur lögin sín og munu
þessar upptökur ekki hafa verið
gefnar út áður.
Af sérstökum verkefnum bæjar-
stjómarinnar vegna afmælisins má
nefna að á hátíðafundi sem haldinn
var 14. febrúar síðastliðinn, þegar
nákvæmlega 70 ár voru liðin frá því
að fyrsti bæjarstjómarfundurinn var
haldinn, var samþykkt að verja fimm
milljónum króna til stækkunar á
þjónusturými við Hraunbúðir dval-
arheimili aldraðra.
Undirbúningur afmælishátíðar-
innar er nú í fullum gangi í Vest-
mannaeyjum og hafa íbúamir unnið
að því að fegra bæinn svo hann
skarti sínu fegursta á hátíðinni.
SSH
Séra Ólafur settur
í embætti biskups
Nýkjörinn biskup íslands, sr.
Ólafur Skúlason, verður settur inn
í embætti við guðsþjónustu í Dóm-
kirkjunni í Reykjavík á sunnudag,
25. júní kl. 10:30.
Athöfnin hefst með skrúðfylk-
ingu presta frá Alþingishúsi og
verða flestir prestar landsins við-
staddir. Allmargir erlendir gestir
verða við athöfnina. Við guðsþjón-
ustuna mun kór Bústaðakirkju,
undir stjóm Guðna Þ. Guðmunds-
sonar fmmflytja verk eftir Jón
Ásgeirsson, sem hann tileinkar
nýjum biskupi Islands og er við 33.
vers í 119. sálmi Davíðs. Dómkór-
inn og Marteinn H. Friðriksson
dómorganisti annast annan tónlist-
arflutning. Herra Pétur Sigurgeirs-
son annast altarisþjónustu ásamt
Ólafi biskupi, sr. Hjalta Guð-
mundssyni dómkirkjupresti og sr.
Jóni Einarssyni prófasti. Ritninga-
lestur annast sr. Auður Eir Vil-
hjálmsdóttir, sr. Guðmundur Þor-
steinsson dómprófastur og sr. Sig-
urður Guðmundsson víglubiskup.
Á sunnudag kl. 16 verða hátíða-
tónleikar í Hallgrímskirkju þar
sem biskupshjónunum Ebbu Sig-
urðardóttur og sr. Ólafi Skúlasyni
verður fagnað til nýrra starfa. Þar
flytja kór Bústaðakirkju, einsöngv-
arar og hljóðfæraleikarar ýmis
kirkjuleg verk undir stjóm Guðna
Þ. Guðmundssonar. - LDH
Séra Ólafur Skúlason verður settur
í embætti biskups á sunnudag.
Juan Carlos Spánarkonungur og Sophia drottning hans eru væntanleg í
opinbera heimsókn til íslands 5. júlí.
Juan Carlos
væntanlegur
Sem kunnugt er hafa spænsku
konungshjónin þegið boð forseta
íslands um að koma í opinbera
heimsókn hingað til lands dagana
5.-7. júlí. Með konungshjónunum
verður fjölmennt fylgdarlið og á
sjötta tug spænskra blaðamanna.
Dagskrá heimsóknarinnar liggur
nú fyrir. Flugvél konungshjónanna
lendir á Keflavíkurflugvelli kl. 11:00
að morgni miðvikudagsins 5. júlí og
verður þar hátíðleg móttökuathöfn.
Að henni lokinni verður ekið til
Hótel Sögu þar sem gestimir búa á
meðan á heimsókninni stendur. Á
hádegi snæða konungshjónin með
forseta íslands að Bessastöðum. Síð-
degis verður fundur utanríkisráð-
herra Spánar og íslands í ráð-
herrabústaðnum. Fyrsta degi heim-
sóknarinnar lýkur með kvöldverðar-
boði forseta Islands í Súlnasal Hótel
Sögu.
Á fimmtudagsmorgninum verður
flogið til Vestmannaeyja, þar sem
meðal annars verður farið í Hrað-
frystistöðina og síðan niður á höfn.
Þá verður farin skoðunarferð um
Heimaey og haldið aftur til Reykja-
víkur um hádegi.
Borgarstjórinn í Reykjavík og frú
halda þá hádegisverðarboð á Kjar-
valsstöðum til heiðurs konungshjón-
unum og skoðuð verður sýning á
verkum Jóhannesar Kjarvals. Um
miðjan dag heimsækja konungs-
hjónin Stofnun Árna Magnússonar
og taka að því loknu á móti spænsk-
um þegnum á Hótel Sögu. Um
kvöldið halda þau boð til heiðurs
forseta íslands á Hótel Loftleiðum.
Að morgni föstudagsins verður
ekið til Nesjavalla. Þaðan verður
haldið til Þingvalla þar sem verður
meðal annars gengið um Almanna-
gjá til Lögbergs ef veður leyfir. Því
næst verður snæddur hádegisverður
í Valhöll í boði forsætisráð-
herrahjónanna. Frá Þingvöllum
verður ekið til Keflavíkurflugvallar
og er brottför ráðgerð kl. 16:00.
Laxi slátrað
Hafbeitarlaxinn er farinn að
skila sér í hafbeitarstöðvarnar.
Hjá Vogalaxi hf. hófst slátrun
fyrir um viku og er þegar búið að
slátra um 1000 löxum.
Að sögn Vilhjálms Guðmunds-
sonar hjá Vogalaxi byrjar þetta
rólega, en nær síðan hámarki um
miðjan júlí. Hann sagði að heimt-
urnar gætu verið mjög breytileg-
ar, frá um 8% upp í 12% sem
þýddi í tonnum talið frá 170 upp
í 250 tonn. Fyrst í stað er hver lax
allt að sjö kílóum, en það er
afrakstur seiða sem sleppt var
fyrir tveim árum. í fyrra sleppti
Vogalax milljón 40 gramma seið-
um og skilar hluti þeirra sér nú,
þegar nær dregur hámarkinu í
júlí. Þá er meðalstærð laxins
orðin 2 til 3 kíló. Núna í vor
sleppti Vogalax 2 milljónum
seiða.
Vilhjálmur sagði að íslending-
ar hefðu sérstöðu hvað erlenda
markaði varðaði, því hafbeitar-
fiskurinn væri seldur sem villtur
lax og því fengist allt að 40 til
50% hærra verð fyrir hann.
- ABÓ