Fréttablaðið - 26.02.2009, Blaðsíða 10

10 26. febrúar 2009 FIMMTUDAGUR
KJÖT KVATT Í NEW ORLEANS Dwayne
Washington, fimm ára, tekur þátt í
sprengidagsgöngu í New Orleans í
Louisiana, Mardi Gras-göngunni frægu.
FRÉTTABLAÐIÐ/AP
HOLLAND, AP Níu manns fórust
þegar tyrknesk farþegaþota hrap-
aði með 135 manns innanborðs á
Schiphol-flugvelli við Amsterdam.
Meira en fimmtíu manns særðust,
margir alvarlega og sumum er
vart hugað líf.
Meðal þeirra sem fórust voru
báðir flugmenn vélarinnar og einn
flugstjórnarnemi.
Hollensk stjórnvöld segja að
rannsókn slyssins verði hraðað.
Flugritar vélarinnar verða sendir
til Parísar til greiningar.
Vélinni, sem var af gerðinni Boe-
ing 737-800, var flogið frá Istan-
búl í Tyrklandi snemma morguns
og hrapaði í aðflugi að Schiphol-
flugvelli stuttu áður en komið var
að flugbrautinni. Annar hreyfill-
inn lá nærri óskemmdur skammt
frá flakinu en hinn fannst mikið
skemmdur um 200 metra frá. Vélin
brotnaði í þrjá hluta í brotlending-
unni. Stélið brotnaði af og einnig
fór skrokkur vélarinnar í sundur
skammt aftan við flugklefann.
Binali Yildarim, samgönguráð-
herra Tyrklands, sagði það ganga
kraftaverki næst að ekki skyldu
fleiri hafa látið lífið. „Sú staðreynd
að vélin lenti á mjúkum jarðvegi
og að enginn eldur braust út átti
hlut að því að halda fjölda látinna
í lágmarki,“ sagði hann.
Einn farþeganna, Huseyin
Sumer, sagðist hafa skriðið út um
gat á vélarskrokknum.
„Við vorum alveg að lenda og
skildum ekkert hvað var að ger-
ast, sumir farþeganna öskruðu
af hræðslu en þetta gerðist svo
hratt,“ sagði hann.
Vélin kom niður á moldarsvæði
sem hafði verið plægt og var því
nægilega mjúkt til að draga úr
áhrifum höggsins, að því er sér-
fræðingar segja.
Flestir farþeganna voru Tyrkir
eða Hollendingar.
Orsök slyssins er óljós. Skyggni
var gott þegar vélin kom til lend-
ingar. Vélin var aðeins sjö ára
gömul og viðhaldi hafði verið sinnt
reglulega, síðast í desember síðast-
liðnum.
Ekki er talið að eldsneytisskort-
ur hafi valdið slysinu, því regl-
ur kveða á um að farþegaþotur
verði að hafa mun meira eldsneyti
en þarf til að fljúga á áfangastað.
Talið er hugsanlegt að eldsneyti
hafi lekið niður í gljúpan jarðveg-
inn strax eftir hrapið, og þar með
hafi líkur minnkað á því að eldur
kviknaði. gudsteinn@frettabladid.is
Tyrknesk flugvél
brotnaði í þrjá hluta
Níu manns fórust og fimmtíu slösuðust þegar farþegaþota hrapaði í Hollandi.
Meira en áttatíu manns sluppu ómeiddir út úr vélinni. Mjúkur jarðvegur dró úr
högginu. Hollenska stjórnin segir að rannsókn á orsökum slyssins verði hraðað.
FLAK VÉLARINNAR Tyrkneska farþegaþotan brotnaði í þrjá hluta skammt frá enda flugbrautarinnar. FRÉTTABLAÐIÐ/AP
Fjármálanámskeið á vegum
Íslandsbanka og Opna háskólans
í Háskólanum í Reykjavík
Undanfarið hafa margir viðskiptavinir Íslandsbanka lýst þeirri
skoðun sinni að bankinn eigi að bjóða fjármálafræðslu fyrir
almenning. Þess vegna býður Íslandsbanki nú fjármálanámskeið í
samstarfi við Opna háskólann í Háskólanum í Reykjavík.
Leiðbeinandi verður Þór Clausen, M.Sc. í fjármálum, ásamt
ráðgjöfum frá Íslandsbanka.
Markmið námskeiðsins er að veita ráðleggingar um flest sem snýr
að fjármálum fjölskyldunnar. Þátttakendur verða fræddir um
sparnað, lán, efnahagsreikning heimilisins, heimilisbókhald,
fjárfestingar, lífeyrissparnað og margt fleira.
Námskeiðin fara fram í Opna háskólanum í Háskólanum í Reykjavík,
Ofanleiti 2, og eru öllum opin. Hvert námskeið stendur í 3 klst. og
þátttökukostnaður er 1.000 kr. eða 1.000 punktar í Vildarklúbbi
Íslandsbanka.
Nánari upplýsingar á islandsbanki.is/fjarmalanamskeid.
Næstu námskeið:
• Laugardaginn 28. febrúar Kl. 10.00–13.00
• Miðvikudaginn 4. mars Kl. 17.15–20.15
Skráning á www.opnihaskolinn.is eða í síma 599 6394.
Hvernig fæ ég yfirsýn
yfir útgjöld heimilisins?
Eru skuldabréf málið í dag?
Hvort er betra að spara í
verðtryggðu eða óverðtryggðu í dag?
Er munur á nafn-
og raunvöxtum?
Hver er munurinn á vara- og neyslusparnaði?
Get ég hætt að vinna við 65 ára aldur?
Af hverju losna ég
aldrei við yfirdráttinn?
Hvernig næ ég
tökum á fjármálunum?
Hvað er verðtrygging
og hvernig virkar hún?
H
V
ÍT
A
H
Ú
S
IÐ
/S
ÍA
0
8
-2
2
5
4
FÓLK „Mér finnst mjög skrýtið að
allt nammið skuli vera búið klukk-
an ellefu, klukkutíma eftir að búð-
irnar opna,“ segir Sigurlaug Stella
Ágústsdóttir, sem fór með níu ára
dóttur sinni og vinkonu hennar í
Kringluna í gær, öskudag. Ungu
vinkonurnar ætluðu að syngja í
skiptum fyrir sælgæti en gripu í
tómt í flestum verslununum.
Sigurlaug segir þetta hafa verið
viðkvæðið mörg ár í röð. „Búðirn-
ar verða að gera eitthvað í þessu,
því þær hafa heilt ár til að undir-
búa þennan dag. Krakkarnir ferð-
ast jafnvel langar leiðir í strætó
hingað til einskis,“ segir Sigur-
laug.
Rannveig Tryggvadóttir, mark-
aðsstjóri Kringlunnar, segir
algjörlega undir verslunum
Kringlunnar komið hversu mikið
sælgæti sé í boði fyrir börnin í
búningunum. Fjöldi þeirra sem
koma í Kringluna á þessum segi
sé hins vegar gríðarlegur. „Þetta
eru hundruð eða þúsundir krakka
sem eru mætt hingað vel fyrir
opnun klukkan tíu. Þegar ég rölti
í gegnum Kringluna í morgun sá
ég raðir út úr nánast hverri ein-
ustu búð, þannig að það er augljóst
að töluvert magn af sælgæti var
gefið.“
Öskudagsbörnum var boðið á
fríar kvikmyndasýningar í hádeg-
inu í gær. Rannveig segir þrjá
sali hafa fyllst á örskotsstundu af
þakklátum börnum, sex hundruð
talsins. - kg
Krakkar í grímubúningum sungu og fengu frítt í bíó í Kringlunni á öskudaginn:
Nammið kláraðist allt mjög fljótlega
BAUGSMÁL Lögmenn allra sakborn-
inga í skattahluta Baugsmálsins
kröfðust frávísunar málsins þegar
það var þingfest í Héraðsdómi
Reykjavíkur í gær.
Sakborningar mættu allir í réttar-
sal en þurftu ekki að taka afstöðu
til ákærunnar vegna frávísunar-
kröfunnar.
Ákært er fyrir brot á skatta-
lögum. Ákærð eru þau Jón Ásgeir
Jóhannesson, stjórnarformaður
Baugs Group, Kristín Jóhannes-
dóttir, framkvæmdastjóri Gaums,
og Tryggvi Jónsson, fyrrverandi
aðstoðarforstjóri Baugs. Þá eru
fyrirtækin Baugur Group og fjár-
festingarfélagið Gaumur, fjöl-
skyldufyrirtæki Jóns Ásgeirs,
einnig ákærð í málinu.
Gestur Jónsson, lögmaður Jóns
Ásgeirs, segir að forsendur fyrir
frávísunarkröfu hafi verið tví-
þættar. Annars vegar hafi ákærðu
þegar verið gerð refsing með
ákvörðun skattayfirvalda um sekt-
ir vegna skattskila.
Hins vegar sé krafist frávísun-
ar vegna annmarka á málinu. Til
dæmis því að nú sé ákært í þriðja
skipti í sama málinu og að það hafi
nú verið á sjöunda ár í rannsókn.
Björn Þorvaldsson, saksóknari
hjá efnahagsbrotadeild Ríkislög-
reglustjóra, mótmælti frávísun-
arkröfum verjenda. Dómari veitti
verjendum frest til 13. mars til að
skila inn skriflegum greinargerð-
um í málinu. - bj
Sakborningar mættu þegar skattahluti Baugsmálsins var þingfestur í héraðsdómi:
Krefjast frávísunar málsins
Í RÉTTARSAL Þau Kristín Jóhannesdótt-
ir, Jón Ásgeir Jóhannesson og Tryggvi
Jónsson eru ákærð í málinu og mættu í
réttarsal í gær. FRÉTTABLAÐIÐ/GVA
ÖSKUDAGUR Yngstu þegnarnir klæddu sig upp og sungu vítt og breitt um landið í