Tíminn - 27.01.1990, Blaðsíða 5

Laugardagur 27. janúar 1989
Tíminn 5
Séra Gísli Jónasson í Breiðholtsprestakalli segir fjárhagsstöðu margra kirkna slæma:
Breiðholtskirkja á
nauðungaruppboði
Nýlega var Breidholtskirkja auglýst á nauðungaruppboði vegna
vangreidds skipulagsgjalds upp á tæpar 250 þúsund krónur. Séra
Gísli Jónasson segir þetta endurspegla slæma fjárhagsstöðu sóknar-
innar, en Breiðholtssókn skuldar nú um 25 milljónir og þarf að leggja
út í framkvæmdir fyrir álíka stóra upphæð til að geta lokið við
kirkjubygginguna. Fleiri sóknir búa við álíka slæma fjárhagsstöðu,
en þetta er ekki í fyrsta skipti sem kirkja fer á nauðungaruppboð.
„Þetta sýnir bara í hvers konar
úlfakreppu söfnuðirnir eru. Ólafur
Ragnar Grímsson þóttist reyndar
sjá að söfnuðimir væru svo ríkir að
óhætt væri að taka til sín hluta af
sóknargjöldunum, sem er bara bein
skattlagning á kirkjunni. Sóknar-
gjaldið er í eðli sínu ekki ríkisfram-
lag heldur meðlimagjald safnaðar-
búa í sókninni.
Söfnuðir sem hafa staðið í bygg-
ingarframkvæmdum standa margir
hverjir mjög illa. Menn komast
hreinlega ekki yfir að borga á réttum
tíma og þess vegna var auglýst
uppboð á kirkjunni," sagði séra
Gísli Jónasson sóknarprestur í
Breiðholtssókn.
Gísli sagði að niðurskurður á
tekjustofnum kirkjunnar, sem
ákveðinn var í fjárlögum fyrir árið
1990, kæmi eins og hnífur í bakið á
kirkjunni. „Þegar menn ráðast í
byggingarframkvæmdir gera menn
áætlanir langt fram í tímann og þá er
auðvitað gert ráð fyrir þeim tekjum
sem lögbundnar eru. Þegar tekjurn-
ar eru síðan skornar niður fyrirvara-
laust setur það okkur í úlfakreppu."
Búið er að greiða skuldina sem
olli því að kirkjan var auglýst á
uppboði. Það mun hins vegar hafa
komið alvarlega til tals í sóknar-
nefnd Breiðholtskirkju að láta kirkj-
una hreinlega fara á uppboð svo
menn gerðu sér grein hversu alvarleg
stað kirkjunnar væri.
Gísli sagði fjárhagsstöðu kirkju-
sóknanna vera mjög mismunandi.
Kirkjur sem hafa staðið í byggingar-
framkvæmdum standa margar hverj-
ar mjög ilia. Gísli sagði að kirkjan
hefði enga lánasjóði sem gagn væri
að og sóknirnar þyrftu því að reiða
sig á skammtímalán og víxla. Kirkj-
ur eru ekki veðhæfar og því þurfa
sóknarnefndarmenn að gefa veð fyr-
ir lánum í eignum sínum. Þetta
skýrir meðal annars af hverju það
tekur mörg ár, jafnvel áratugi, að
byggja eina kirkju.
Gísli sagði að til að geta lokið
algerlega við Breiðholtskirkju þyrfti
að framkvæma fyrir 20-30 milljónir.
Inni í þeirri upphæð er bygging
safnaðarheimilis, frágangur á kirkju-
skipi, frágangur á lóð og kaup á nýju
kirkjuorgeli. Kirkjan skuldar nú
þegar í kringum 25 milljónir þannig
að ljóst er að ekki verður ráðist í
miklar framkvæmdir á næstunni.
Gísli sagði ennfremur að allt safn-
aðarstaf liði fyrir þessa slæmu fjár-
hagsstöðu. -EÓ
Tólf lög keppa um að fá að fara til
___________Júgóslavíu:___________
Endurheimtum
við 16. sætið?
í kvöld fá sjónvarpsáhorfendur að
sjá fyrstu sex lögin sem keppa munu
um hvaða lag keppir fyrir fslands
hönd í Evrópu söngvakeppninni í
Júgóslavíu fimmta maí næstkom-
andi. Eftir viku verða sex lög til
viðbótar sýnd í sjónvarpinu. Sex af
þessum tólf lögum munu síðan
keppa til úrslita tíunda febrúar þegar
vinningslagið verður valið.
Lögin ogflytjendurnireru: Austur
eða vestur/ Eyjólfur Kristjánsson,
Mánaskin/ Ari Jónsson, Eitt lag enn/
Sigríður Beinteinsdóttir og Grétar
Örvarsson, Dagdraumar/ Ingi
Gunnar Jóhannsson, Ég er að leita
þín/ Eyjólfur Kristjánsson, Sú ást er
heit/ Björgvin Halldórsson, Ég læt
mig dreyma/ Ellen Kristjánsdóttir,
Eitt lítið lag/ Helga Möller og Ágúst
Ragnarsson, Gott er að lifa/ Berg-
þóra Árnadóttir, Til þín/ Björgvin
Halldórsson, Eilífan dag ekki er til
nein ást/ Ruth Reginalds, Grétar
Örvarsson og Sigríður Beinteins-
dóttir.
Tíminn fékk í gær að fylgjast með
upptökum á laginu „Dagdraumar"
sem Ingi Gunnar Jóhannsson flytur.
Lagið lét vel í eyrum enda æfðir
tónlistarmenn sem standa að baki
því. Ekki má þó segja frá hver samdi
lagið, það verður leyndarmál þar til
búið er að velja vinningslagið.
Egill Eðvarðsson, sem stjómar
upptökum á lögunum, var spurður
hvernig honum litist á lögin sem
keppa í ár.
„Þetta eru ljómandi skemmtileg
Iög. Ég held að það séu fleiri lög
núna sem eiga góða möguleika á að
sigra en oft áður. Undanfarið hafa
tvö til þrjú lög bitist um sigursætið,
en þau eru fleiri núna.“
Hvaða lag heldur þú að muni
sigra?
„Ég hef nú aldrei getið upp á rétta
laginu, en ég er búinn að vera við
þetta frá upphafi. Ég get að eðlileg-
um ástæðum ekki upplýst hvaða lag
mér finnst best.“
Nú hefur okkur ekki gengið sér-
lega vel í aðalkeppninni. Eru ís-
lenskir tónlistarmenn ekki orðnir
hálfþreyttir á keppninni?
„Nei, það held ég ekki. Ég man
ekki eftir skemmtilegri stemmningu
í kring um þetta en núna. Við erum
með úrvals hljóðfæraleikara í hljóm-
sveit sem spilar undir við öll lögin.
Lögin eru flutt live, sem kallað er,
þ.e. lag og söngur er tekin upp í
sjónvarpssal en ekki í hljóðveri út í
bæ. Við höfum aldrei gert þetta
svona áður í keppninni. Þetta hefur
heppnast mjög vel,“ sagði Egill.
Það er 60 manna hópur í sjón-
varpssal sem velur lögin sex sem
keppa til úrslita 10. febrúar. í úr-
slitunum mun fólk alls staðar af
landinu velja sigurlagið. Kvnnir í
keppninni er Edda Andrésdóttir.-EÓ
bíla árekstur varð skammt neðan
Tímamynd Pjetur
Blindbilur var á Hellisheiði, í Kollafírði og við Gljúfrastein í gær. Harður fjögurra
við Litlu kaffístofuna síðdegis í gær og voru þrír fluttir á slysadcild.
Fjöldi árekstra og útafakstra í nágrenni Reykjavíkur:
Mikill barningur
í norðanáttinni
Þrír árekstrar þar sem fjórir og
fleiri bílar áttu hlut að máli urðu á
Hellisheiði í gærdag. Þá urður fjöl-
margir ökumenn að skilja bíla sína
eftir á heiðinni og var vart tölu á þá
komið. Mikil hálka var á vegum í
grennd við Reykjavík í gær og gekk
á með hvössum hryðjum, og voru
miklar annir hjá lögreglumönnum
frá Reykjavík og Selfossi við að
aðstoða ökumenn, sem lent höfðu í
óhöppum eða festu bíla sína.
{ einum árekstrinum, þar sem
fjórir bílar skullu saman, skammt
neðan við Litlu kaffistofuna, þurfti
að flytja þrennt á slysadeild, en
meiðsli þeirra munu ekki hafa verið
alvarleg. Þá urðu tveir, fimm og
fjögra bíla árekstrar með skömmu
millibili við vetrarbrautina á Hellis-
heiði síðdegis. en meiðsli urðu ekki
á fólki. Tjón á bílum var hins vegar
mikið.
Hjá lögreglunni í Reykjavík feng-
ust þær upplýsingar að í Kollafirði
og við Gljúfrastein hafi verið mjög
mikil hálka og hvassar hryðjur og
talið nær ófært fyrir litla bíla. Tveir
bílar fuku út af, annar á Varmármel-
um og hinn við Lágafell. Fólk lenti í
erfiðleikum við Gljúfrastein, en þar
hafði skafið í mikinn skafl og komust
ekki nema vel búnir bílar þar yfir.
Nokkrir höfðu hins vegar reynt að
komastyfirensátuþáfastir. -ABÓ
Laxveiðibátar
enn á veiðum
Við könnunarflug í gær sá áhöfn
flugvélar Landhelgisgæslunnar tvo
laxveiðibáta að veiðum í almenn-
ingnum utan fiskveiðilögsagna
I gær sáust tveir laxveiðibátar að
laxveiðum utan fískveiðilögsagna,
aust-norð-austur af landinu.
Tímamynd: Tómas
íslands, Færeyja og Grænlands,
aust-norð austur af Langanesi.
Nöfn bátanna eru Seagull og
Minna, sá fyrrnefndi sást einnig í
könnunarflugi 17. þessa mánaðar.
Minna er skráður í Póllandi og
fullyrti skipstjórinn er hann kom til
hafnar í Færeyjum fyrir skömmu
að báturinn væri í eigu pólsku
stjórnarinnar. SSH