Tíminn - 27.01.1990, Blaðsíða 14
22 Tíminn
^%/Mím VATRYGGINGAFfiLAfi
^flaf ÍSLANDS HF
ÚTBOÐ
Tilboð óskast í eftirtaldar bifreiðir sem skemmst
hafa í umferðaróhöppum:
Dodge Shadow árgerð 1989
Volvo 440 árgerð 1989
Mazda 323 GTI árgerð 1988
Fiat Uno árgerð 1988
MMC Lancer árgerð 1987
Ford Fiesta árgerð 1986
Mazda 626 2000 GLX árgerð 1986
Lada árgerð 1986
Lada Safir árgerð 1986
Fiat Regata árgerð 1985
Fiat Panorama árgerð 1985
MMC Colt árgerð 1985
Honda Civic GTI árgerð 1985
BMW 520 i árgerð 1982
Citroén GSA árgerð 1981
Mazda 323 árgerð 1981
Daihatsu Charade árgerð 1980
Mótorhjól:
Suzuki GSR 1100 árgerð 1988
Honda CBR 600 árgerð 1988
Bifreiðirnar verða sýndar að -löfðabakka 9,
Reykjavík (í kjallara norðurálmu), mánudaginn 29.
janúar 1990, kl. 12-17.
Á SAMA TÍMA:
Á Patreksfirði:
MMC Pajero árgerð 1986
Á Siglufirði:
Skoda 130 árgerð 1987
MMC Galant 2000 GLX árgerð 1987
Á Höfn í Hornafirði:
Chevrolet Monza árgerð 1986
BMW518 árgerð 1980
Suzuki TS 50 X mótorhjól árgerð 1987
Tilboðum sé skilað til Vátryggingafélags íslands,
Ármúla 3, Reykjavík, eða umboðsmanna fyrir kl.
17:00 sama dag.
Vátryggingafélag íslands h.f.
- ökutækjadeild - *
FÉLAG
JÁRNIÐNAÐARMANNA
Félagsfundur
verður haldinn miðvikudaginn 31. janúar 1990 kl.
20.00 að Suðurlandsbraut 30, 4. hæð.
Dagskrá: 1. Félagsmál.
2. Kjara- og samningamál.
3. Önnur mál.
Mætið stundvíslega.
Stjórnin.
t
Innilegt þakklæti sendum við öllum þeim, sem sýndu okkur samúð og
hlýhug við andlát og útför eiginmanns míns, föður okkar, sonar,
bróður og tengdasonar
Ólafs Inga Jónssonar
Sefgöröum 22, Seltjarnarnesi
Sérstakar þakkir til starfsfólks á deild 11 E, Landspítalanum.
Sigríður Sigurjónsdóttir
Anna Sigurborg Ólafsdóttir Helga Guðjónsdóttir
Ingi Rafn Ólafsson Málfrfður Jónsdóttir
Sigurjón Ólafsson Anna Jónsdóttir
_______________________________________Laugardagur 27. janúar 1990
llllllllllllllllll MINNING lllllllllllllllllllllllllllll
Bjarni Jónsson
Fæddur 2. september 1908
Dáinn 10. janúar 1990
Foreldrar Bjarna voru Jón Kjart-
ansson og kona hans Guðrún Guð-
mundsdóttir. Þau bjuggu í nokkur
ár að Svanshóli í Bjarnarfirði og þar
fæddist Bjarni.
Börn þeirra urðu alls ellefu talsins
og var lífsbaráttan hörð hjá þessari
stóru fjölskyldu.
Vorið 1915 fluttist fjölskyldan að
Asparvík og þar átti hún heimili sitt
til vorsins 1951 að Bjarni og foreldr-
ar hans fluttu að Bjarnarhöfn í
Helgafellssveit.
f Asparvxk var lítið og illt land til
ræktunar. Mikið grjót, urðir og
klettar eru í næsta nágrenni bæjar-
ins. Lítils háttar ræktun var gerð í
Asparvíkurdal, nokkuð fjarri bæ.
Því var heyskapur erfiður og ekki
unnt að hafa stórt bú, þó svo að
sumarland væri gott fyrir sauðfé og
það yrði vænt á Asparvíkurdal. Þeir
feðgar stunduðu sjó jöfnum höndum
meðfram búskapnum og einnig nýttu
þeir vel hlunnindi jarðarinnar, sel-
veiði, reka og fleira. Systkini Bjama
unnu flest að búskapnum með for-
eldrum sínum til fullorðinsára. Þau
hurfu smám saman til annarra staða
og stofnuðu eigin heimili.
Selveiðin gaf bæði mat til heimilis-
ins og verðmæt skinn til sölu og
öflunar tekna fyrir heimilið. Kjötið
af selunum var saltað og hreifar
súrsaðir og var það höfðingjamatur.
Hákarl var veiddur og verkaður að
staðaldri og hélst sú þjóðlega hefð
eftir að Bjarni flutti í Bjarnarhöfn.
Timbur af rekanum var notað til
hvers konar húsagerðar. Bjarni
byggði íbúðarhús í Asparvík úr
rekaviði. Hann sagaði allt timbrið í
húsið sjálfur með aðstoð vanda-
manna sinna. Slíkt verk var erfitt
áður en vélsagir komu og krafðist
margra svitadropa.
Sjósóknin á smábáti krafðist mik-
ils erfiðis og góðrar athygli um
veðurlag, fiskigöngur og fleira svo
komist væri hjá slysum. Bjarni var
afar nákvæmur, glöggur og gætinn í
þessu efni og farnaðist sjómennskan
vel.
Á stríðsárunum eyddist fiskur á
grunrislóð í Húnaflóanum eins og
víða annars staðar um landið. Eftir
það þurfti að sækja mun lengra en
áður til að fá góðan afla og erfiðið
við sjósóknina jókst.
Bjarni kvæntist Laufeyju Val-
geirsdóttur frá Norðurfirði í Árnes-
hreppi 29. ágúst 1936. Þau hófu
strax búskap við hlið foreldra Bjarna
í Asparvík og tóku við búinu að fullu
eftir nokkur ár. Þau bjuggu þar til
vorsins 1951. Þá keypti Bjarni land-
námsjörðina og höfuðbólið Bjarnar-
höfn og fluttist þangað með börn
sín. Foreldrar hans fylgdu honum
þangað og einnig Ari, yngsti bróðir
hans.
Þá voru fædd níu af tíu bömum
þeirra hjóna. Ástæður þessarar
ráðabreytni voru ýmsar. Eldri börn-
in voru að komast á framhaldsskóla-
aldur en langt var að sækja skóla frá
Asparvík. Fjölskyldan var orðin stór
og þurfti meira til viðurværis en áður
var. Fiskigengd hafði rýrnað og
lengra og erfiðara var að sækja
bóndi í Bjarnarhöfn
aflann á sjóinn af þeim ástæðum.
Síðast en ekki síst kenndi Bjarni
heilsubrests sem gerði honum óhægt
um vik að stunda jafnerfiða vinnu og
hann hafði gert.
Þessi mannmarga og myndarlega
fjölskylda vakti strax athygli þegar
hún kom á Snæfellsnes. í Bjarnar-
höfn er mikið landrými, bæði til
ræktunar og beitar. Landkostir eru
miklir og fjölbreyttir bæði til lands
og sjávar. Hafin var stórfelld ræktun
og í kjölfarið var búið stækkað ört.
Þegar Bjarni kom að norðan voru
fjárskiptin nýafstaðin á Snæfellsnes-
inu.
Bjarni kom með allmörg kollótt
lömb blönduð Svanshólsfjárstofni að
Bjarnarhöfn og það varð uppistaðan
í hans fjárstofni.
í fyrstu hafði hann blandað bú og
framleiddi auk sauðfjárafurða mjólk
til sölu. En fjósið var ekki til fram-
búðar og því hætti hann mjólkur-
framleiðslu en kom upp stóru fjárbúi
og hann ásamt sonum sínum byggði
ný, stór og vönduð fjárhús yfir féð
og heyin. Féð var frjósamt og
arðsamt.
Jafnframt landbúskapnum nytjaði
hann sjávarhlunnindi jarðarinnar,
selveiði, varp og fleira á sama hátt
og hann hafði áður gert í Asparvík.
Hann var mikill elju- og afkastamað-
ur í vinnu.
Mikil búskaparumsvif hafa verið í
Bjarnarhöfn og að jafnaði hefur
verið þar margt fólk í heimili. Ung-
lingar hafa sóst eftir að dvelja þar og
hafa notið þess að taka þar þátt í afar
fjölbreyttum störfum til sjós og
lands. Þau störf hafa gefið ung-
lingunum meiri reynslu og þekkingu
á ýmsu í náttúrunni heldur en
margra vetra seta á skólabekk og
gefið lífsfyllingu.
Bjarni tók talsverðan þátt í félags-
málum sveitunga sinna, bæði á
Ströndum og í Helgafellssveit. Hann
sat í hreppsnefnd og var oddviti um
skeið. Hann var í skólanefnd og
gegndi fleiri trúnaðarstörfum. Hann
beitti sér fyrir umbótum í skólamál-
um Helgafellssveitar stuttu eftir að
hann kom þangað og einnig fyrir því
að félagsheimili var reist á Skildi. En
þar hafði lengi verið lítið þinghús
hreppsbúa.
Börn hans og fjölskylda öll lögðu
sitt af mörkum til að auðga félagslíf
sveitarinnar.
Bjarni var verklaginn og smiður
að upplagi. Síðustu árin sem hann
bjó í Asparvík smíðaði hann brú á
Fossá sem rennur norðan við túnið í
Asparvík á leiðinni norður til Eyja.
Á þessi er forað í vatnavöxtum og
oftast vatnsmikil, straumhörð, grýtt
og ill yfirferðar. Ekki var þá kominn
bílvegur þarna norður eftir og þurfti
að flytja steypuefni í stöplana á
reiðingshestum. Brúargólfið er úr
rekatrjám sem dregin voru úr fjöru
á brúarstæðið. Bjarni naut aðstoðar
vandamanna sinna við þetta verk en
lítillar tæknilegrar aðstoðar þó svo
það væri afar vandasamt og erfitt í
framkvæmd. Brú þessi er enn notuð
og er fær stórum bílum en hún er á
þjóðleiðinni norður í Árneshrepp.
í Bjarnarhöfn er forn bændakirkja
úr timbri. Bjarni beitti sér fyrir í
samvinnu við þjóðminjavörð og
fleiri að hún var tekin til gagngerðra
endurbóta árið 1961 og færð í upp-
runalegt horf og er hún nú hið
fegursta guðshús. Jafnframt var
kirkjugarðurinn girtur mjög vand-
aðri girðingu sem er næstum einstök
að gerð. Þetta framtak og þau verk
sem ég hef nefnt munu ein sér lengi
halda á lofti minningu Bjarna bónda
í Bjarnarhöfn.
Eins og fyrr segir eignuðust Bjarn-
arhafnarhjónin tíu böm. Þau eru í
aldursröð: Aðalheiður, gift Jónasi
Þorsteinssyni, fyrrverandi bónda á
Ytri-Kóngsbakka.
Hildibrandur. Hann er kvæntur
Hrefnu Garðarsdóttur, þau búa í
Bjarnarhöfn ásamt Brynjari, syni
Hildibrands.
Reynir. Hann stundaði búvísinda-
nám í Moskvuháskóla og kvæntist
rússneskri konu, Sibilu að nafni og
er hún tannlæknir að mennt. Hann
starfaði í Reykjavík við kennslu og
að gerð kennslubóka fáein ár en lést
ungur afvöldum krabbameins. Kona
hans og dóttir fluttu til Svíþjóðar
eftir lát hans.
Ásta. Hún ergift Bjarna Alexand-
erssyni, bónda á Stakkhamri.
Jón, skólastjóri við Bændaskólann
á Hólum í Hjaltadal. Hann er kvænt-
ur Ingibjörgu Kolka Bergsteinsdótt-
ur.
Sesselja. Hún er gift Ríkarði
Brynjólfssyni, kennara á Hvanneyri.
Sigurður Karl búfræðikandidat.
Framleiðslustjóri við Loðskinn hf. á
Sauðárkróki. Hann er kvæntur Jó-
hönnu Alexandersdóttur.
Guðrún meinatæknir. Hún er
ógift og býr í Reykjavík.
Signý líffræðingur. Hún er búsett
á Sauðárkróki og gift sr. Hjálmari
Jónssyni prófasti.
Valgeir búfræðikandidat. Hann
er ókvæntur og er kennari á Hólum
í Hjaltadal.
Afkomendur systkinanna, böm
og bamabörn, eru 34 talsins. Athygli
hefur vakið hve mörg systkinanna
fóm í framhaldsnám að loknu
skyldunámi. Sex þeirra luku há-
skólanámi.
Fjölskyldan í Bjarnarhöfn hefur
verið afar samhent í öllu. Heilsu-
brestur sá sem hrjáði Bjama öðru
hverju á fullorðinsámm hans olli því
að meira álag varð á Laufeyju og
bömunum við bústörfin og að sjá
fyrir daglegum þörfum heimilisins.
Þá stóðu allir á heimilinu saman sem
einn maður. Laufey sýndi að hún var
af sterkum stofni komin og lét ekki
deigan síga þótt á móti blési.
Síðasta hálfa árið var Bjarni sjúkl-
ingur á sjúkrahúsinu í Stykkishólmi,
þar sem hann andaðist á 82. aldurs-
ári.
Bjarni var lagður til hinstu hvílu í
móður jörð í Bjarnarhafnarkirkju-
garði 20. janúar að viðstöddu fjöl-
menni.
Ég þakka þessum látna vini mín-
um samfylgdina, bjartsýni hans og
alla þá hlýju og vinsemd sem hann
miðlaði samferðafólkinu og ég átti
alltaf að mæta hjá honum. Blessuð
sé minning hans.
Laufeyju, börnunum og öðrum
vandamönnum votta ég og kona mín
samúð okkar.
\\\
DAGVI8T BAKIVA
Forstaða leikskóla
Dagvist barna auglýsir lausar stöður forstöðu-
manna við tvo nýja leikskóla, Klettaborg við
Dyrhamra og Heiðarborg við Selásbraut sem
áætlað er að taki til starfa í apríl næstkomandi. Um
er að ræða leikskóla þar sem byggt verður á
nýbreytni í leikskólastarfi bæði hvað varðar innra
starf og húsnæði. Fóstrumenntun áskilin. Upplýs-
ingar veita framkvæmdastjóri og deildarstjóri Dag-
vistar barna í síma 27277.
■
Gunnar Guðbjartsson