Tíminn - 01.02.1992, Síða 9
Laugardagur 1. febrúar 1992
Tíminn 9
Sigurður Sverrisson, einn aðstandenda tveggja stórtónleika á Akranesi í september, er bjartsýnn og ánægður með fyrstu viðbrögð:
„Ég sé Akranes fyrir mér
sem Hróarskeldu lslands“
Hljómsveitin Jethro Tull.
Sigurður Sverrisson þungarokks-
aðdáandi, sem er einn aðstandenda
stórtónleikanna á Akranesi og á
hugmyndina að þeim, segir að þeg-
ar hafi hann fengið góð viðbrögð
við þeim. Hann segir að ef vel
gangi, þá muni slíkir tónleikar jafn-
vel verða árlegur viðburður á Akra-
nesi, og með tilkomu jarðganga sjái
hann Akranes fyrir sér sem nokk-
urs konar Hróarskeldu íslands.
Sigurður segir að ekki sé búið að
skrifa undir samninga enn, það
hefði þurft að ganga frá nokkrum
smáatriðum gagnvart hljómsveit-
unum, en nú séu þau frágengin og
það ætti að vera búið að skrifa undir
samningana um miðja næstu viku.
Tónleikar Jethro Tull og Ozzy Osbo-
ume verða haldnir í íþróttahúsinu
við Vesturgötu fyrstu helgina í sept-
ember næstkomandi, og verða tón-
leikar Jethro TuII á föstudegi og
Ozzy Osboume á laugardegi. Sig-
urður sagði að þeir væm búnir að
láta meta hversu margir kæmust
inn á tónleikana með góðu móti og
það myndu ekki verða seldir meira
en 2500 miðar á hvora tónleika, en
taldi jafnframt að þeir þyrftu tæp-
lega 3000 manns í allt, til að koma
sléttir út úr dæminu. „Viðbrögðin
hafa verið ákaflega góð, en fólk var
lengi ákaflega vantrúað á það væri
hægt að halda þetta hér, kannski út-
af þessum fáránlegu sögum um
milljónatap á öðmm stórtónleikum
sem haldnir hafa verið hér á landi,
en þær sögur em ekkert annað en
uppspuni. En ég fmn að um leið og
þetta kemst af stað í fjölmiðlum og
fólk sér að þetta er staðreynd, þá fæ
ég mjög sterk viðbrögð. Á mánu-
dagsmorgun hringdi í mig maður
frá Fáskrúðsfirði og lagði inn miða-
pöntun og síðdegis þann sama dag
hringdi annar frá Húsavík og sagðist
koma jafnvel gangandi, þó að mið-
inn kostaði 15 þúsund krónur. Jafn-
framt finn ég að það þykir tíðindum
sæta í Reykjavík að tónleikarnir
skuli vera haldnir á Akranesi og
menn þar í bæ em jafnvel fúlir. Ef
vel gengur, er stefnan að gera þetta
að árlegum viðburði hér á Akranesi
og eftir að jarðgöngin em komin, sé
ég fyrir mér að Akranes gæti orðið
svipað og Hróarskelda er í Dan-
mörku. Hugmyndin er sú að sýna
fram á að það er hægt að gera ýmis-
legt úti á landsbyggðinni, ef menn
vilja, og hætta öllum barlómi og
gráti,“ sagði Sigurður Sverrisson í
samtali við Tímann.
Ætlun tónleikahaldaranna er að
reyna að höfða til beggja hópanna,
annars vegar þungarokksaðdáenda
og hins vegar fólks af eilítið eldri
kysnlóð. Ozzy Osbourne er búinn að
vera lengi á ferðinni í tónlistinni og
er kominn fast að fimmtugu. Þetta
er síðasta tónleikaferð hans, en
hann ætlar að setjast í helgan stein
að tónleikaferðalaginu loknu. Sig-
urður sagöi það tvímælalaust mik-
inn feng að fá þessa aðila til að spila
hér. Báðar hljómsveitirnar em bún-
ar að vera á ferðinni í aldarfjórðung
og sem dæmi má nefna að Ozzy var
á síðasta ári sá tónlistarmaður sem
seldi flestar plötur utan Bandaríkj-
anna. Jethro Tull gaf síðast út plötu
í haust og hún fór ofarlega á breska
vinsældalistann. Þá em ekki nema
fjögur ár síðan þeir fengu Grammy-
verðlaun, sem besta þungarokks-
hljómsveit heims, þó að þeir geti í
raun spilað hvaða tónlist sem er.
Þeir eiga sfna föstu áhangendur hér
á landi, þó að það hafi ekki borið
mikið á þeim.
Það em þrjú fyrirtæki, tvenn fé-
lagasamtök og þrír einstaklingar
sem standa fyrir tónleikahaldinu,
sem verður liður af afmælishátíð í
tilefni af afmæli Akraneskaupstaðar
og njóta aðstandendur tónleika að-
stoðar Akraneskaupstaðar. Sigurður
segir að aðilamir, sem standa að
tónleikunum, séu mjög traustir og
að fólk þurfi ekki að hræðast það að
ef eitthvað kemur fyrir á síðustu
stundu og af tónleikunum getur
ekki orðið, verði miðamir ekki end-
urgreiddir; það yrði ekki staðið í
neinum fíflagangi með það. Gert er
ráð fyrir að miðaverð verði 3200 kr. í
forsölu, sem mun hefjast snemma,
og 3800 kr. á staðnum. -PS
Spennandi
áfangastaður
Leitið upplýsinga
Einnig ÖU almenn
Faimiðasala
Persónuleg þjónusta
NORRÆNA FERÐASKRIFSTOFAN HF.
Laugavegi 3, 101 Reykjavík, sími 626362 - Fjarðargötu 8, Seyðisfirði, sími 97- 21111