Tíminn - 09.01.1993, Blaðsíða 19

Laugardagur 9. janúar 1993
Tíminn 19
Rob Reiner, lengst til vinstri, ásamt aöalleikurum nyjustu myndar sinnar „A Few Good Men“, þeim Jack
Nicholson, Demi Moore og Tom Cruise.
Rob Reiner, leikstjóri myndarinnar „A Few Good Men“, eða
„Heiðursmenn", eins og hún heitir á íslensku.
Einn eftirsóttastí leik-
stjóri í Bandaríkjunum
Bandaríski leikstjórinn Rob Rein-
er hefur getið sér gott orð fyrir
myndir sínar á undanförnum árum.
Nýjasta mynd hans, Heiðursmenn
(A Few Good Men), var frumsýnd í
Stjörnubíói í gær, en í henni fara
stórstjörnurnar Tom Cruise, Jack
Nicholson og Demi Moore með aðal-
hlutverkin, en auk þeirra fara Kiefer
Sutherland, Kevin Bacon og J.T.
Walsh með hlutverk í myndinni.
Heiðursmenn tryggir Rob Reiner í
sessi sem einn eftirsóttasta leik-
stjóra Bandaríkjanna, af þeirri ein-
földu ástæðu að enn hefur ekki orð-
ið tap á neinni af myndum hans og
þær allar orðið vinsælar. Það liggur
í augum uppi að leikstjóri, sem
aldrei hefur gert mynd sem hefur
“floppað”, er vinsæll í Hollywood.
Rob Reiner fæddist í New York
árið 1945. Faðir hans, Carl Reiner,
er einnig kvikmyndaleikstjóri, en
myndir hans hafa ekki náð jafnmikl-
um vinsældum og myndir sonarins.
Rob Reiner hóf feril sinn sem Ieik-
ari, bæði í bíómyndum og sjónvarpi,
en leikstýrði sinni fyrstu mynd
1984. Hún hét This is Spinal Tap og
var nokkurs konar grínheimild-
armynd um breska rokkhljómsveit á
tónleikaferðalagi um Bandaríkin.
Næstu myndir hans, The Sure
Thing og Stand by Me, vöktu veru-
Iega athygli á Reiner, því báðar voru
þær vinsælar og ágætlega gerðar,
jafnvel þótt báðar falli þær í flokk
unglingamynda, sem geta oft verið
ansi vitlausar. Árið 1987 gerði hann
síðan Princess Bride, ævintýramynd
með skrítnum húmor, með nær
óþekktum leikurum í aðalhlutverk-
um. Þessi mynd varð mjög vinsæl
og er sjálfsagt ein af bestu fjöl-
skyldumyndum síðari ára.
f KVIKMYNDIR )
Það var hins vegar mynd, sem
hann gerði árið 1989 eftir handriti
Noru Ephron, sem kom honum síð-
an í hóp þeirra eftirsóttustu. Þetta
var When Harry Met Sally með Billy
Crystal og Meg Ryan í aðalhlutverk-
um.
Hún fjallaði um samskipti karla
og kvenna í víðu samhengi og þróun
ástar- og haturssambands Harry og
Sally. Samtölin í þessari mynd voru
frábærlega skrifuð og mörgum er
enn í fersku minni fullyrðing Harrys
um að konur og karlar geti ekki ver-
ið vinir, því kynlífið flækist alltaf fyr-
ir. When Harry Met Sally fékk 92
milljónir dollara í kassann, sem
gerði Rob Reiner mjög vinsælan í
Hollywood. Síðan þá hefur hann
gert tvær myndir. Sú fyrri var Mis-
ery, byggð á skáldsögu Stephen
King, um rithöfund sem er bjargað
úr lífsháska af brjáluðum aðdáanda,
sem síðan hrellir hann á alia lund.
Misery var fyrsta spennumynd Rein-
ers og fékk Kathy Bates Óskarsverð-
launin fyrir túlkun sína á aðdáand-
anum. Sú síðari var svo Heiðurs-
menn og fjallar hún um lögfræðing,
sem Tom Cruise leikur, sem ætlað er
að verja tvo landgönguiiða, sakaða
um morð á dreng úr sömu herdeild.
Talið er að Heiðursmenn muni
ganga mjög vel í miðasölunni og
henni er spáð góðu gengi við Ósk-
arsverðlaunaafhendinguna. Jack
Nicholson þykir sýna allar sínar
bestu hliðar í hlutverki yfirmanns
herstöðvarinnar, þar sem morðið er
framið, og er talinn næsta öruggur
með tilnefningu.
Rob Reiner er einn af fimm eig-
endum Castle Rock kvikmyndafyrir-
tækisins, sem stendur sig einna best
þessa dagana í harðri samkeppni í
Hollywood. Þetta er lítið fyrirtæki á
bandarískan mælikvarða, sem legg-
ur áherslu á að ef myndin sé vönduð
fýlgi góð aðsókn í kjölfarið.
Það verður spennandi að sjá hvað
Reiner tekur sér fýrir hendur næst
og hvort honum tekst að halda á-
fram á sömu braut, að gera vandað-
ar kvikmyndir, sem gera það einnig
gott í miðasölunni.
Örn Markússon
Með sínu nefl
Gleðilegt nýtt ár! í þættinum í dag verðum við á rólegu nótunum og
sýnum hljóma sem eiga við þrjú vögguljóð. Jólin eru afstaðin og öll sú
óregla og vökur fram eftir hjá yngri kynslóðinni sem þeim fylgir og því
er kjörið að koma heimilishaldinu í rólegheit og fastar skorður á ný. Það
má til dæmis gera með söng, en eins og áður er það markmið þáttarins
að efia sönginn á íslenskum heimilum. í dag verða í þættinum þrjú vin-
sæl vögguljóð eða barnagælur. Fyrsta er „Sofðu unga ástin mín,“ sem er
þjóðlag við Ijóð Jóhanns Sigurjónssonar úr leikritinu um Fjalla-Eyvind.
Annað er hið gamalkunna „Bí bí og blaka," sem er barnagæla við erlent
lag. Loks er það lagið „Hvert örstutt spor,“ lag Jóns Nordal við Ijóð Hall-
dórs Laxness úr Silfurtunglinu.
Góða söngskemmtun!
SOFÐU UNGA ASTIN MIN

M

Am E Am
Sofðu unga ástin mín,
Dm E7
úti regnið grætur.
Am F G7 C
Mamma geymir gullin þín,
E Dm E
gamla leggi og völuskrín.
E7 Am Dm E E7 Am
Við skulum ekki vaka um dimmar nætur.
2.
Það er margt, sem myrkrið veit,
minn er hugur þungur.
Oft ég svartan sandinn leit
svíða grænan engireit.
í jöklinum hljóða dauðadjúpar sprungur.
3.
Sofðu lengi, sofðu rótt,
seint mun best að vakna.
Mæðan kenna mun þér fljótt,
meðan hallar degi skjótt,
að mennirnir elska, missa gráta og sakna.
BÍ, BÍ OG BLAKA
c
Bí, bí og blaka,
F C G
álftirnar kvaka.
C
Ég læt sem ég sofi,
G7 C
en samt mun ég vaka.
Am Dm
Bíum, bíum bamba,
G C
börnin litlu þamba,
C G Am
fram á fjallakamba
DmG7 C
að leita sér lamba.
A m
Q £ ?<?
»

E
Q QO

E7
f

...
G
M
Dm
HVERT ÖRSTUTT SPOR
C F C
Hvert örstutt spor var auðnuspor með þér
Em Am Dm C
hvert andartak er tafðir þú hjá mér,
F C
var sólskinsstund og sæludraumur hár,
Em G7 C
minn sáttmáli við guð um þúsund ár.
2.
Hvað jafnast á við andardráttinn þinn?
Hve öll sú gleði’er fyr naut hugur minn
er orðin hljómlaus utangátta’og tóm
hjá undrinu að heyra þennan róm,
3.
hjá undri því, að líta lítinn fót
í litlum skóm og vita’að heimsins grjót
svo hart og sárt er honum fjarri enn
og heimsins ráð sem brugga vondir menn,
4.
já, vita eitthvað anda hér á jörð
er ofar standi minni þakkargjörð,
í stundareilífð eina sumarnótt
ó alheimsljós, ó mynd sem hverfur skjótt.
• M

> »

F
Q

•

Em
QQ£ ?
1

G7

i »
11
1
C