Tíminn - 27.05.1995, Qupperneq 11

Laugardagur 27. maí 1995
WWWÍTO9
11
11:00, þar sem sérstaklega er
vandaö til tónlistarflutnings,
og orgeltónleikar Frangois-
Henri Houbart kl. 20:00. Á
efniskrá orgeltónleikanna er
frönsk orgeltónlist frá fjórum
öldum. Franfois-Henri Hou-
bart er organisti hins víðfræga
orgels Madeleinekirkjunnar í
París, en forverar hans í því
embætti voru meðal annars
Saint-Saens og Fauré.
Houbart er kunnur í Frakk-
landi fyrir leik sinn í útvarps-
og sjónvarpsþáttum, en er auk
þess eftirsóttur sem einleikari
á tónlistarhátíðum víða um
heim. 1987 valdi New York
Times geisladisk með leik
Houbarts besta hljómdisk árs-
ins.
Fran^ois-Henri Houbart hef-
ur mest dálæti á norrænni
tónlist, svo og rómantískum
og sinfónískum efnisskrám.
Nýtt íslenskt leikrit
til flutnings í kór
kirkjunnar
Annan dag hvítasunnu,
mánudaginn 5. júní, og
sunnudaginn 11. júní kl.
20:00 verður sýnt nýtt leik-
verk eftir Steinunni Jóhannes-
dóttur. „Síðasta heimsókn
Guðríðar Símonardóttur í
kirkju Hallgríms" er skrifað að
beiðni Kirkjulistahátíðar '95
til flutnings í kór Hallgríms-
kirkju. í þessu nýja íslenska
leikriti er fjallað um píslarsögu
Guðríðar og ástir hennar og
Hallgríms Péturssonar.
Persónur eru Guðríður eldri
og Guðríður yngri og Hall-
grímur. Leikarar eru Helga
Bachmann, Helga Elínborg
Jónsdóttir og Þröstur Leó
Gunnarsson. Einnig kemur
við sögu sonur Guðríðar, Söl-
mundur, barnungur og á ung-
lingsaldri, og fara Björn Brynj-
úlfur Björnsson og Guðjón
Davíð Karlsson með hlutverk
hans. Leikmynd og búninga
gerði Elín Edda Árnadóttir.
Hörður Áskelsson hefur gert
tónlist og leikur á orgel Hall-
grímskirkju. Leikstjóri er
Steinunn Jóhannesdóttir.
Hver var Gubríður Símonar-
dóttir? Hvernig leit hún út?
Hvað hugsaði hún? Hvað
sagði hún? Hvaða áhrif hafði
hún og hennar einstæði ævi-
ferill á skáldið Hallgrím Pét-
ursson? Hvaða þýðingu hafði
hann fyrir hana?
Spurningar af þessu tagi
hafa vakað fyrir Steinunni Jó-
hannesdóttur í þessu kirkju-
verki.
Schubertmessa og
norræn kórtónlist
Þriðjudaginn 6. júní kl.
20:00 leggja kirkjukórar
Reykjavíkurprófastsdæmis
eystra saman krafta sína í tón-
leikum meb Sinfóníuhljóm-
sveit áhugamanna. í samkórn-
um eru kórfélagar úr Grafar-
vogssókn, Árbæjarsókn, Breið-
holtssókn, Hjallasókn, Selja-
sókn og Digranessókn.
Efnisskráin á þessum tón-
leikum Samkórsins og Sinfón-
íuhljómsveitar áhugamanna
er messa í G-dúr eftir F.
Schubert og norræn kórtón-
list. Stjórnendur í norræna
hluta tónleikanna eru org-
anistarnir Smári Ólason, Odd-
ný Þorsteinsdóttir og Sigrún
Steingrímsdóttir. I G-dúr
messunni stjórnar Kjartan Sig-
urjónsson samkórnum, en
stjórnandi Sinfóníuhljóm-
sveitar áhugamanna er Ingvar
Jónasson.
íslenski dansflokk-
urinn og Sálumessa
Mozarts
Fimmtudag og föstudag 15.
og 16. júní kl. 20:00 verða
Sálumessa og Litanía KV 243
eftir W.A. Mozart flutt í Hall-
grímskirkju. Litanían er ein af
perlum höfundar og er hér
frumflutt á dýradegi, 15. febr-
úar. Litanían fjallar um heil-
agt sakramenti og dýridagur er
einmitt dagur hins heilaga
sakramentis hjá kaþólskum.
Sálumessa Mozarts er hér í
flutningi Sólrúnar Bragadótt-
ur, Hrafnhildar Guðmunds-
dóttur, Gunnars Guðbjörns-
sonar, Magnúsar Baldvinsson-
ar, Mótettukórs Hallgríms-
kirkju, Sinfóníuhljómsveitar
íslands og íslenska dansflokks-
ins. Stjórnandi er Hörður Ás-
kelsson.
Kirkjulistahátíð '95 pantaði
dansverk við Sálumessuna hjá
Nönnu Ólafsdóttur og hefur
hún samið verk fyrir Islenska
dansflokkinn, sem tilheyrir
vissum þáttum messunnar.
Sigurjón Jóhannsson gerði
leikmynd og búninga.
Hér er í mikið ráðist og er
sætafjöldi í Hallgrímskirkju
takmarkaður á þessum tón- og
dansleikum til þess að hátíöar-
gestir sjái sem best.
Konunglega
sænska hiröhljóm-
sveitin og Óratór-
íukór Gustavs Vasa
meö „norrænt Ijós"
Ottos Olson
Síðast en ekki síst á dagskrá
Kirkjulistahátíðar '95, sunnu-
dag 18. júní kl. 20:00, er
heimsókn góðra gesta frá Sví-
þjób. Þar eru á ferðinni
Óratóríukór Gustav Vasa kirkj-
unnar í Stokkhólmi og Kon-
unglega sænska hirðhljóm-
sveitin undir stjórn Anders
Ohlson.
Á efnisskrá er Sálumessa og
Te deum eftir Otto Olsson, en
um tónlist hans hefur verið
sagt að hún hafi til ab bera
samskonar fegurð og sú mál-
aralist sem einkennd hefur
verið með orðunum „norrænt
ljós".
Otto Olsson var organisti í
Gustav Vasa kirkjunni í 48 ár.
Hann samdi Sálumessuna
1906, en hún lá óhreyfð í sjö-
tíu ár og var ekki frumflutt
fyrr en 1976, 12 árum eftir
dauða höfundar. Hitt verkið á
efnisskránni, Te deum, var
hinsvegar frumflutt 1910.
Óratóríukór Gustav Vasa
kirkjunnar var stofnaður 1988
og tekur jöfnum höndum fyrir
verk frá þeirri öld, sem nú er
ab líða, sem fyrri öldum. Kór-
stjórinn Anders Ohlson hefur
verið organisti við Gustav
Vasa kirkjuna frá 1982 og er
kunnur í heimalandi sínu,
bæbi sem söngvari og hljóm-
sveitarstjóri.
Konunglega sænska hirð-
hljómsveitin (Kungliga
Hovkapellet) er ein virtasta
tónlistarstofnun í Svíþjóð og
er mikill heiður að hingað-
komu hennar fyrir íslendinga.
Mibasala á atriði á Kirkju-
listahátíð '95 er í Hallgríms-
kirkju. Upplýsingar og miða-
pantanir eru í síma 551 99,18.
Framkvæmdastjórn Kirkju-
listahátíðar '95 skipa Einar
Karl Haraldsson, Hörður Ás-
kelsson sem er formaður, Jó-
hann E. Björnsson, Valgerður
Bergsdóttir og Þóra Kristjáns-
dóttir. Framkvæmdastjóri er
Jóhanna Árnadóttir.
Frangois-Henri Houbart, organisti.
Edgar Krapp.
Örvar englanna
hitta beint í mark
Örvar englanna (Engleskyts)
er konsert þar sem Nils Henrik
Asheim og Anne-Lise Berntsen
túlka norska alþýðusálma á ó-
viðjafnanlegan hátt. Konsert-
inn, sem hér verður fluttur
fimmtudaginn 8. júní kl.
20:00 í Hallgrímskirkju, hefur
vakið mikla athygli og þau As-
heim og Berntsen flytja hann
á þessu ári í Noregi, Dan-
mörku, á íslandi, Orkneyjum
og í Bandaríkjunum.
Nils Henrik Asheim, fæddur
árið 1960, er afkastamikið
tónskáld og hefur hlotið fjöl-
mörg verðlaun og viðurkenn-
ingar fyrir verk sín. Hann er
nú tónskáld ársins hjá Sinfón-
íuhljómsveit Þrándheims og
vinnur jafnframt að Turba,
stóru verki fyrir Fílharmóníu-
sveit Björgvinjar. Þekktust
verka Asheims eru óratorían
Upprisa Martins Luthers King
(1992) og kynningarlag Vetr-
arólympíuleikana í Lille-
hammer (1994). Nils Henrik
Asheim leikur alls kyns verk á
orgel og píanó, sígild jafnt
sem nútímaverk. í Örvum
englanna leikur hann af fingr-
um fram á orgelið, þannig að
áheyrendur verða frá sér
numdir, ef marka má skrif í
norræn blöð um konsertinn.
Anne-Lise Berntsen er
sópransöngkona, sem hefur
farið meb stór hlutverk í flest-
um óperuhúsum á Norður-
löndum. Hún lagði stund á
söngnám í Haag, Salzburg og
Stokkhólmi. Hún er jafnvíg á
eldri músík sem nútímatónlist
og hefur sungið inn á margar
hljómplötur.
Snillingurinn Edgar
Krapp leikur Bach
Föstudaginn 9. júní kl. 20
leikur prófessor Edgar Krapp
frá Þýskalandi á orgel Hall-
grímskirkju, Bach og róman-
tísk orgelverk frá Þýskalandi.
Edgar Krapp hefur í mörg ár
verið einn af þekktustu org-
anistum Þýskalands. Hann
fæddist í Bamberg árið 1947
og nam orgelleik í Munchen
og París. Hann vann fyrstu
verðlaun í keppni útvarps-
stöðvarinnar í Munchen 1971
og upp frá því hefur hann far-
ið margar tónleikaferðir innan
Evrópu, til Bandaríkjanna og
til Japans. Leikur hans þykir
sameina mikla snilligáfu, stíl-
tilfinningu og sterk einstak-
lingseinkenni. Hann hefur
leikið inn á marga hljóm-
diska, komið fram í útvarpi og
sjónvarpi og lagt sig eftir að
leika á gömul hljóðfæri. Krapp
hefur þrisvar unnið til verð-
launa fyrir leik á hljómplöt-
um. Edgar Krapp kennir við
Tónlistarháskólann í
Múnchen.
„Þá hefur þú ekkl
heyrt Gillian Weir
spila"
Sunnudaginn 11. júní kl.
17:00 gefst gestum Kirkjulista-
Cillian Weir.
hátíðar '95 tækifæri til þess ab
hlýða á breska orgelleikarann
Gillian Weir í Hallgrímskirkju.
Allt frá því að hún vann al-
þjóblegu orgelsamkeppnina,
sem kennd er við St. Alban,
árið 1964 hefur hún verið
konsertorganisti á heimsmæli-
kvarða, leikið eirileikskonserta
um allan heim, spilab með
frægum hljómsveitum og ver-
ib eftirsóttur kennari og sjón-
varpsmaður. Þættir hennar í
bresku sjónvarpi um „drottn-
ingu hljóöfæranna" vöktu
mikla athygli árið 1989. Það
ár var hún fyrst kvenna úr
röðum tónlistarmanna sæmd
CBE-orðunni.
Hljómplötur með leik henn-
ar á öllum verkum Messiaens
þykja mikil gersemi. Danska
blaðið Politiken hefur einu
sinni sagt:
„Ef þér fellur ekki við org-
eltónlist, þá er þab vegna þess
ab þú hefúr ekki heyrt Gillian
Weir spila."