Tíminn - 22.12.1995, Blaðsíða 15

í&fe’iV v^dirispís6..ííiii(56b‘utóö':ii
Ristudagu? 22. desembér 1995
Mil'
Falleg jólabók
Karl Sigurbjörnsson:
Bókin um englana.
Skálholtsútgáfan.
Þetta er falleg bók, enda prýdd
mörgum englamyndum allt
frá fornöld til Helga Þorgils
Friðjónssonar. En auk þess er
hér dreginn saman í stutt og
aðgengilegt mál mikill fróö-
leikur um hugmyndir manna
um þær huldu verur sem engl-
arnir eru.
Það er til marks um hina
fræðilegu vinnu, sem er aö baki
þessu, að hér er í bókarauka vís-
að til þeirra staða í biblíunni þar
sem englar eru nefndir. Auk
þess eru taldar í heimildaskrá
ýmsar bækur um engla og þau
fræöi er þar að lúta.
BÆKUR
HALLDÓR KRISTjÁNSSON
Þrátt fyrir þetta eru því tak-
mörk sett hvað upplýst verður.
í fyrsta lagi er hér um ab ræða
leynda dóma trúarinnar og í
öðru lagi eru tilvitnanir í biblí-
una þannig að torsótt verbur
aö fá ákveðna mynd úr þeim.
„í biblíunni eru hugtökin eng-
ill Gubs og Guð oft á tíðum
samstæðrar merkingar."
Hitt skiptir mestu að vita að
þessir sendiboðar heilagrar for-
sjónar eru veruleiki, þó að
skammsýnum mönnum verði
svarafátt um ýmislegt sem þá
snertir fræbilega.
Það er býsna almenn lífs-
reynsla að betur rætist úr fyrir
manni en til var stofnað. Því
trúa margir að ósýnilegt afl
hafi gripið inn í og bjargað. Og
stundum veröur slík reynsla til
að glæba þá trú að maöur eigi
sér verndarengil. En utan
þeirra marka verður mjög á
reiki hverjar hugmyndir
manna um verndina eru ab
öðru leyti.
Þessi fallega bók um englana
svarar ekki öllu sem okkur
dettur í hug að spyrja um upp-
runa þeirra og eðli. En hún
leggur að sama skapi áherslu á
forna trú mannkynsins á
hjálpandi starf þar sem huldar
Karl Sigurbjörnsson.
verur eru að verki. Og hvort
sem okkur þykja skýringar ná
lengra eba skemur, er annað
sem meira varbar. Það er auð-
vitað stórkostlegt að bjargast
frá slysi eða dauða, en þó er
annað meira vert samkvæmt
kristinni trú. Það er hvað gerist
hið innra meb manni, hvort
þar er um að ræða tjón á sál-
inni eða þroska vits og tilfinn-
inga. Og þar hafa ósýnileg
tengsl sín áhrif líka.
Þær verða næsta margar
skilningsþrautirnar sem við
kunnum engin svör við.
Kannski herðir þessi englabók
á því fremur en leysa. En ann-
ab getur hún gert. Sendiboð-
arnir eru kannski dularfullir og
ekki skiljanlegir. En látum þab
vera. Viö erum félagsverur. Og
samkvæmt því hljótum vib að
geta metib góðvildina og boð-
orðib forna gagnvart náungan-
um. Þar finnum við hvar helst
er hjálpar þörf. Hver eru við-
horf okkar til samferðamanna.
Bókin um englana er vel til
þess fallin að vekja og vernda
hin hlýju tengsl okkar hvers og
eins til samfélagsins. Því er
hún góð jólabók. ■
Þriggja binda verk um sögu lands og þjóðar
Út er komin hjá Vöku-Helgafelli
íslandssaga a-ö, þíiggja binda
uppflettirit eftir Einar Laxness. í
verkinu, sem Einar hefur unnið
ab undanfarna þrjá áratugi, er
fjallað um sögu lands og þjóðar
eftir uppflettiorðum í alfræði-
stíl. Forseta íslands, frú Vigdísi
Finnbogadóttur, var afhent
fyrsta eintak íslandssögu a-ö við
athöfn í Þjóöarbókhlöðunni er
bókin kom út þ. 11. desember sl.
Þá var menntamálaráöherra,
Birni Bjarnasyni, einnig afhent
eintak af íslandssögunni.
íslandssaga a-ö er samtals um
sjö hundruð blaðsíður í þremur
bindum og allstóru broti, þar
sem fjallað er um sögu lands og
þjóðar eftir uppflettiorðum í stíl
alfræðibóka. Uppflettikaflar eru
um sex hundmb talsins. Þeir eru
mjög mislangir eftir eðli þeirra
og efni, en eiga það sameiginlegt
að varpa ljósi á liðna daga í sögu
íslenskrar þjóðar og ólíkar hlibar
íslensks samfélags í aldanna rás.
Höfundur skoðar og skráir hið
liðna frá sjónarhóli nútímafólks,
þannig að vib áttum okkur á
þeim forsendum sem mótað
hafa íslenskt þjóðlíf.
Stíll bókarinnar er knappur;
kjarni hvers máls, frá upphafi
byggðar til nútímans, er settur
fram á aðgengilegan hátt, jafnt
fyrir unga sem aldna. í hverju
uppflettiorði er síðan vísað í
önnur orð til að fá frekari upp-
lýsingar og er þannig hægt ab
rekja sig áfram.
Grunnur þessa verks er ís-
landssaga, sem Einar Laxness
gaf út á vegum Menningarsjóðs
fyrir allmörgum árum, en efnið
hefur verið aukið og endurskoö-
Einar Laxness.
Fréttir af bókum
að, auk þess sem fjölda mynda
og korta hefur verið bætt vib.
Mikil vinna var iögð í öflun
myndefnis í bækurnar, en auk
þess voru unnin fjölmörg skýr-
ingarkort sérstaklega fyrir verkib
til að gefa gleggri sýn á efnið. Þá
voru útbúin töflurit til að gera
efnið aðgengilegra.
í íslandssögunni er nafnaskrá
þar sem fyrir kemur fjöldi per-
sóna frá öllum öldum íslands-
sögunnar, en alls er þar að finna
hátt á fjórða þúsund nafna á
fólki og stöðum. Einnig fylgir
hverju uppflettiorði heimilda-
skrá þar sem tíundaðar eru þær
íslenskar heimildir er máli
skipta varðandi hvern uppfletti-
kafla verksins.
Að baki íslandssögu a-ö liggur
áratuga starf. Einar Laxness
hófst handa um vinnslu verks-
ins fyrir þremur áratugum. Tugir
manna hafa á þeim tíma unnið
ab ýmsum þáttum þess, svo sem
við setningu, ritstjórn, öflun
mynda, gerð korta og skýringar-
mynda, mótun útlits og búnings
verksins og ráðgjöf varðandi
efni ritsins.
íslandssaga a-ö eftir Einar Lax-
ness er á sjöunda hundrað blað-
síður ab lengd. Ritstjórn, útlits-
hönnun og umbrot fór fram hjá
Vöku- Helgafelli. Ritstjórn Is-
landssögunnar önnuðust þeir
Kristinn Arnarson og Pétur Már
Ólafsson, myndritstjórn Val-
gerður Benediktsdóttir og útlits-
hönnun Valgerður G. Halldórs-
dóttir. Ritið var filmuunnið í
Prentmyndastofunni, en prent-
að í Portúgal. íslandssaga a-ö
kostar 14.900 krónur.
v'
Óskum bændum og
búaliði,
svo og landsmönnum
öllum;
glebilegra jóla,
órs og friðar.
Með þökk fyrir
samstarfið.
VÉLAVER?
Lágmúla 7 - Pósthólf 8535 - 128 Reykjavík
Sími: 588 2600 - Fax 588 2601
Verkamannafélagið
Dagsbrún
óskar félagsmönnum sínum,
svo og landsmönnum öllum,
leðilegra jóla
og farsældar d
komandi óri.