Tíminn - 30.03.1989, Page 2

2 Tíminn
Fimmtudagur 30. mars 1989
Fulltrúi flóttamannastofnunar SÞ í viðræðum við ráðamenn (slands:
Leggur til lágmarks-
kvóta á flóttamenn
Hagnaður Flugfélags Norður-
lands varð á síðasta ári rúmar
11 milljónir króna:
Eitt besta
ár í sögu
félagsins
Fulltrúi flóttamannastofnunar Sameinuðu þjóðanna á
Norðurlöndum, Sören Jessen-Petersen, er nú staddur hér á
landi. Hann hefur í heimsókn sinni meðal annars rætt við
íslenska ráðamenn um málefni flóttamanna.
F.v. Sören Jessen-Petersen fulltrúi flóttamannastofnunar Sameinuöu þjóð-
anna, Hólmfríöur Gísladóttir frá Rauða krossi íslands og Hannes Hauksson
framkvæmdastjóri Rauða krossins hér á landi. Tímamynd: Árni Bjarna
Flóttamannastofnunin starfrækir
skrifstofur víða um heim en annars
staðar sér Rauði krossinn um mál-
efni stofnunarinnar eins og verið
hefur hér á landi. Sören sagði á
blaðamannafundi sem haldinn var í
gær, að ástandinu í heiminum mætti
lýsa með tveimur orðum, von og
erfiðleikar. Flóttamannastraumur til
og frá löndum víðsvegar um heiminn
hefur aukist á undanförnum árum.
Sem dæmi nefndi hann að þótt ein
fimmtán ár séu frá stríðslokum í
Víetnam jókst straumur flótta-
manna frá landinu um 42% á síðasta
ári.
Aðstæður eru mismunandi í
hverju landi til að taka á móti
flóttamönnum og á döfinni er að
halda nokkrar ráðstefnur þar sent
leitast verður við að finna lausn á
vandanum. Málefni Austurlanda
verða á dagskrá í Genf í sumar,
annar fundur verður um málefni
Suður-Ameríku í Guatemala og
þannig mætti lengi telja. Þá verða
málefni Afríkuríkja einnig tekin fyr-
ir en ástandið þar er víða mjög
bágborið. Sem dæmi má nefna við-
stöðulausan straum flóttamanna til
og frá Eþíópíu. Á síðasta ári komu
þangað 750 þúsund flóttamenn frá
Súdan og Sómalíu. Innfæddir flýja
síðan fátækt landsins í stríðum
straumum og mikil spenna hefur
skapast í samskiptum þjóðanna.
Norðurlöndin hafa tekið á móti
nokkrum fjölda flóttamanna. Sören
sagði þessi lönd lengi hafa verið í
broddi fylkingar hvað það varðar að
halda mannréttindum og mannúðar-
sjónarmiðum á lofti. Þó hafa komið
upp nokkur vandamál nýlega sem
rakin hafa verið til flóttamannanna.
Sören sagði að þau mætti í raun
rekja til innfæddra íbúa landsins að
miklu leyti. Þessi aukni flóttamanna-
straumur gerði það að verkum að
Norðurlandabúar hefðu, í stað þess
að vera eingöngu í ráðgefandi hlut-
verki, orðið að takast á við vanda-
málið augliti til auglitis og sýna
mannúð í verki.
Hann vildi ekki meina að flótta-
mennirnir ógnuðu atvinnutækifær-
um innfæddra. Einkum þar sem
iðnaður væri víðast í vexti og því full
þörf á vinnukrafti. Eins vegna þess
að flóttamennirnir væru yfirleitt sett-
ir f verst launuðu störf þjóðfélagsins
sem í sjálfu sér mætti segja að væri
vandamál. Sören minntist þó einnig
á ákveðna erfiðleika sem skapast
hefðu í löndum eins og Danmörku,
þar sem við húsnæðiseklu væri að
etja. Þar gæti skapast viss spenna við
úthlutun íbúða, en að þá reyndi
einmitt á mannúðina í verki.
Leitað hefur verið eftir því að
íslendingar settu ákveðinn kvóta
varðandi fjölda flóttamanna sem
veitt yrði landvistarleyfi árlega.
Einnig að við almennt opnuðum
landið frekar en verið hefur og
veittum fleiri landvistarleyfi en kvót-
inn myndi segja til um. Sören átti
viðræður við Jón Baldvin Hannibals-
son utanríkisráðherra og Þorstein
Geirsson ráðuneytisstjóra í dóms-
málaráðuneytinu og sagði undirtekt-
ir hafa verið góðar. jkb
Hagnaður Flugfélags Norður-
lands hf. var á síðasta ári rúmar
ellefu milljónir króna, en þar af
er söluhagnaður af flugvél rúmar
sex milljónir króna. Þetta kom
fram á aðalfundi félagsins sem
haldinn var á" Akureyri nýlega.
í skýrslu stjórnarformannsins
Einars Helgasonar kom fram að
árið 1988 hefði verið eitt hið
besta í langri sögu félagsins.
Verkefni hefðu verið næg og vel
af hendi leyst og þakkaði hann
starfsmönnum vel unnin störf í
þágu félagsins og viðskiptavina
þess.
Félagið rekur umfangsmikla
flugstarfsemi og notar til þess
þrjár Twin Otter flugvélar, tvær
Piper Chieftain og eina Piper
Aztec flugvél. Þá notar félagið til
flugkennslu tvær Piper Toma-
hawk flugvélar.
Flugfélag Norðurlands hefur
með höndum áætlunarflug til 10
staða og var farþegafjöldi á síð-
asta ári 19.554 farþegar. Þá flutti
félagið 488 tonn af vörum, 202
tonn af pósti og farið var í 96
sjúkraflug á árinu. Flugstundir
flugvéla félagsins urðu 5.421 á
árinu og lendingar samtals 7.765.
Hjá félaginu unnu að jafnaði
26 manns á síðasta ári, þar af 10
flugmenn og 8 flugvirkjar.
-ABÓ
__ Landssamband hestamannafélaga:
Ráðist í útgáfu
reiðleiða-korta
Ferðanefnd sem skipuð var á síðasta þingi Landssam-
bands hestamannafélaga hyggst gefa út kort þar sem
merktar eru inn helstu reiðleiðir á landinu. Með kortunum
fylgir upplýsingahandbók þar sem fjallað er um helstu
áningarstaði og margt fleira. Nokkuð hefur staðið á
upplýsingum sem falast hefur verið eftir í þessu sambandi
og vonast aðstandendur útgáfunnar til að sem flestir bæti
úr því snarlega.
Á þessu ári verða gefin út kort
yfir Mið-Vesturland, mið-hálend-
ið, Mið-Suðurland og Norð-austur-
land.
Kortin eru unnin í samvinnu við
Landmælingar. Eins og greint var
frá í Tímanum fyrir skömmu hafa
verið unnin mjög nákvæm grunn-
kort af landinu öllu á vegum
Landmælinga. Við prentun korta
varðandi reiðleiðir verður bætt inn
upplýsingum um helstu leiðir,
landamerki, sæluhús og fleira sem
getur komið ferðalöngum að gagni.
Vonast er til að hægt verði að
merkja inn mæðiveikigirðingar og
hvar eru hlið á þeim til að forðast
megi óþarfa óþægindi og jafnvel
skemmdir á girðingum. Kortin
koma til með að gefa betri heiidar-
svip af leiðunum en hingað til
hefur verið þar sem þau verða í
mælikvarðanum 1:250 þúsund.
Einnig verða merktar sérstak-
lega inn leiðir milli bæja þar sem
ferðaþjónusta bænda býður upp á
gistingu, er með beitaraðstöðu og
fleira.
Með kortunum sjálfum verða
einnig gefnar út lausblaðamöppur
þar sem finna má nytsamlegar
upplýsingar varðandi hverja leið
fyrir sig. „Þar verður sagt frá því
hvernig gatan lítur út undir
hófnum. Hvar er hægt að hafa vatn
ef maður fer yfir þurrt land, hvort
farið er yfir stórgrýtt hraun, mikið
hæðótt land. mýrlendi og fteira í
þeim dúr. Það er auðvitað ekki
vinnandi vegur að vera með tæm-
andi upplýsingar varðandi þetta í
fyrstu atrennu. En með tíð og tíma
vonast ég til að safnist í sarpinn og
skora á menn að þeir sendi mér
umsagnir unt leiðir sem þeir fara
og síðar meir leiðréttingar við
kortin," sagði Ólafur B. Schram
formaður ferðanefndarinnar í sam-
tali við Tímann.
Þá verða í möppunni upplýsing-
ar um eigendur einstakra skála og
hvernig má hafa uppi á þeini til að
panta húsin í tíma. Einnig verða
ýmsar upplýsingar um þá aðstöðu
sem skálarnir hafa upp á að bjóða,
hvað þeir rúma marga og fleira.
„Að auki verður fjallað um vöð á
ám og helstu kennileiti á leiðum.
Þarna verður hægt að vara við ef
villugjarnt er á svæðinu og koma
upplýsingum á framfæri um æski-
lega framkomu manna á stöðum
þar sem hætt er við skemmdum
landi. Náttúruverndarráð hefur
fengið að líta á kortin og gera sínar
athugasemdir við þau og í því efni
verður reynt að fara bil beggja.
Einnig verður reynt að merkja inn
á kortin hvar einhver aðhalds- eða
girðingarhólf eða réttarbrot er að
finna sem hugsanlega má nota sem
áningarstaði og fleira," sagði Ólaf-
ur.
Ferðanefndin hefur þegar sent
út fjölda bréfa til félaga og einstak-
linga þar sem falast er eftir upplýs-
ingum varðandi leiðirnar. Ólafur
sagði að því miður hefðu svörin
nokkuð látið á sér standa og vonað-
ist hann til að sem flestir bættu úr
því hið snarasta. Hann vildi benda
mönnum á að hafa samband við sig
símleiðis eða bréfleiðis og á það
einnig við þá sem hafa áhuga á að
gerast áskrifendur að kortunum.
Þau koma til með að kosta um átta
hundruð krönur hvert og koma
þau fyrstu út í maí.
En verkefnið er í raun margþætt.
Auk þess að gefa út kort og
upplýsingahandbók með þeim. er
á döfinni að á vegum Landssam-
bandsins verði skrifað almennt um
leiðirnar og þeim lýst nánar. Þegar
hefur verið gefinn út fyrsti hlutinn,
bókin Áfangar. Þar er lýst leiðum
frá Hvítá í Borgarfirði að Þjórsá.
Nú er verið að vinna að bók um
reiðleiðir frá Þjórsá og austur svo
sem Fjallabaksleiðirnar og fleira.
Auk leiða frá Hvítá vestur á Snæ-
fellsnes. „Þetta er svona meiri
lýsing á leiðunum sem fólk getur
lesið og kynnt sér heima án þess
endilega að taka bækurnar með sér
í ferðalög. f ferðum er aftur á móti
hentugt að hafa kortin,“ sagði
Hjalti Pálsson framkvæmdastjóri
j-andssambands hestamanna að
lokum.
jkb
Gimbrin Heiða komin heim að Jaðri eftir langa útivist á Tvídægru.
Mynd: Kristján ísfeld
LAMB FINNST
Á TVÍDÆGRU
Fyrir skömmu fannst gimbur lif-
andi á Tvídægru ásamt hræi af öðru
lambi sem drepist hafði nokkru
áður. Heimamenn brugðu skjótt við
og fóru nokkrir menn á vélsleðum til
leitar á heiðina en fundu ekki fleira
fé og telja kunnugir engar líkur á að
þar finnist kindur lifandi úr því sem
komið er, enda er mikill snjór á
heiðinni.
Lambið sent fannst er í eigu
Kristján ísfelds, bónda á Jaðri í
Hrútafirði. Kristján sagði í samtali
við Tímann að lambið hefði verið
þokkalega sprækt en mikið aflagt
enda ekki haft nema mosa til að
nærast á síðustu vikurnar að sögn
þess sem fann það. Kristján sagði að
þarna væri um að ræða tvílembinga
sem hefði vantað í haust ásamt
móðurinni sem líklega hefði drepist
í sumar. Lömbin hefðu síðan haldið
saman eins og algengt væri með
tvílembinga en lágfóta sem mikið
virðist vera af um þessar mundir
hefði líklega drepið hitt lambið.
Kristján sagði að það þætti nokk-
uð sérstakur viðburður að lamb
fyndist á lífi á heiðum á þessum
árstíma, en jarðbönn hafa verið á
þessum slóðum í um tvo mánuði.
„Ég tel það undravert miðað við það
tíðafar sem verið hefur í vetur, á
heiðum sést varla í dökkan díl. Að
mínu mati var lambið ótrúlega vel á
sig komið miðað við aðstæður. Ég
vigtaði það fimm dögum eftir að það
fannst og þá vóg það 27 kíló.“
Örlög bróður gimbrarinnar urðu
grimmileg, sem fyrr segir. Kristján
sagði að hann hefði sennilega frosið
niður. Búið var að éta allt innan úr
ullarreifinu. Þrjú smábein fundust
og hálft lambamerki yfir eyranu, hitt
var allt farið; lappir, haus og horn.
Kristján vildi kalla gimbrina Úti-
legu-Móru eftir hrakningarnar, en
húsfreyjunni á bænum þótti það
nafn ljótt og heitir gimbrin því
Heiða. ~ “ SSH