Tíminn - 30.03.1989, Blaðsíða 7

I
Fimmtudagur 30. mars 1989
Tíminn 7
Tímamyndir OÓ
Sjórinn bullaði og sauð þegar fjörið var hvað mest þegar æðurin var að para sig.
Ástin á ytri höfninni
Víða eru teikn á lofti og á sjó að vorið er í nánd. Þótt
fannfergi og freri mæði fólk og fé til landsins er tími til kominn
fyrir æðina að fara að para sig og gera klárt fyrir eggtíð.
Annan í páskum var haluin ein
mesta samkoma æðarfuglsins sem
um getur á ytri höfninni við Reykja-
vík. Fuglinn sótti víða að í sollinn
við borgina og var fjörið slíkt að á
stundum sauð og bullaði sjórinn í
atganginum.
Blikar og kollur gerðu sig til hvert
fyrir annað og það var synt, kafað og
buslað með vængjum eins og orkan
leyfði. Gömul kynni voru endurnýj-
uð og stofnað til nýrra og héldu
mörg haminjusöm pörin burtu frá
Reykjavík og munu nú setjast að hér
og hvar, koma sér upp hreiðri,
eggjum og ungum og efla velmegun
þeirra sem eiga ísland á pappírnum,
mannfólksins.
Æðarvarp er meðal þeirra hlunn-
inda sem best gefa af sér og eykst
heildarverðmæti dúnsins ár frá ári.
Æðarfuglinn sem er sjálfum sér
nógur um alla lífsbjörg og kostar
mennina bókstaflega ekki neitt, síst
af öllu fjármagnskostnað, gcfur af
sér meiri tekjur en öll loðdýraræktin
samanlögð og er svo sannarlega
guðsgjöf, samkvæmt gömlu og nýju
mati.
Sá mikli fjöldi kolla og blika sem
þátt tók í pörunarhátíðinni miklu
utan við Örfirisey í lok páska, mun
í fyllingu tímans færa þjóðinni uppi
á landinu mikinn auð, sem stofnað
var til með frábærlega vel heppnuð-
um buslugangi við bæjardyr höfu-
ðborgarinnar.
Vorþing æðarfuglsins var haldið rétt utan við hafnarkjaftinn, eða í aðeins
um kílómetrafjarlægð frá alþingisluisinu.
Nýjungar hjá
Pósti og síma
Nýlega tók til starfa í Reykjavík
Fyrirtækjaþjónusta póstsins. Þjón-
ustan felst í því að starfsmaður
Póststofunnar kemur á ákveðnum
tíma einu sinni eða tvisvará dag með
allan póst til viðkomandi fyrirtækis,
þar með talin ábyrgðarbréf og
böggla. Enn fremur er póstur sóttur
til fyrirtækja.
Þá hefur einnig rutt sér mjög til
rúms sú þjónusta Pósts og síma sem
kallast EMS-forgangspóstur, enda
býður þessi þjónusta í senn upp á
öryggi og hraða sem margir kunna
að meta, eins og segir í tilkynningu
frá Póst- og símamálastofnuninni.
Skammstöfunin EMS merkir Ex-
press Mail Service, sem á íslensku
kallast einkar mikils'æg sending.
Til þess að flýta fyrir því að
tollskyldar forgangspóstsendingar
berist viðtakendum ábyrgist Póstur
og sími nú greiðslu tollgjalda. Send-
ingin er flutt beint til viðtakenda á
höfuðborgarsvæði um leið og hún
berst eða með fyrstu ferð út á land.
Viðtakandi undirritar aðeins sér-
stakt eyðublað þar sem hann heitir
því að greiða öll gjöld sem á sending-
una kunna að falla innan sjö daga frá
móttöku.
Sendimaður Pósts og síma með fyrir-
tækjapóst.
Menntamálaráðuneytið:
Málræktarátak
Menntamálaráðuneytið mun
standa fyrir sérstöku málræktar-
átaki á þessu ári og beinist það að
þremur höfuðþáttum. - Sú mál-
ræktarstarfsemi sem fyrir er verður
efld. Efnt verður til herferðar í
skólum og fjölmiðlum á síðari
hluta þessa árs tii að auka veg
móðurmálsins. Ennfremur verður
staðið að lagahreytingum og verk-
efnum í málrækt.
Á fundi sem menntamálaráð-
herra, Svavar Gestsson. hélt með
blaðamönnum kom fram, að ráð-
gert er að unnið verði aö fyrrnefnd-
um verkefnum frá sumarmálum og
fram til fullveldisdagsins 1. des-
ember n.k. en þá er ætlunin að
minnast sérstaklega sjá.lfstæðisbar-
áttu þjóöarinnar í skólum landsins.
Menntamálaráðherra sagði
einnig að lögð yrði áhersla á sam-
vinnu hinna ýmsu aðila í þjóðfélag-
inu við að sinna þessu vcrkefni.
„Við leggjum á það áherslu að hér
er ekki um að ræða einn einstakan
viðburð, ekki einstakan fund eða
samkomu, hcldur leggjum við á
það áherslu að rcynt verði að setja
af stað straum sem heldur áfram út
í þjóðfélaginu, bæði hjá opinber-
um aðilum og einkaaðilum eftir að
þessu sérstaka átakstímabili er
lokið,“ sagöi menntamálaráð-
herra.
Áherslur málræktarátaksins eru
margvíslegar. Til dæmis má nefna
að efnt verður til samstarfs viö
fjölmiðla og reynt veröur að bæta
málfar í þeim. Þá veröur sérstök
áhersla lögð á þátt skólanna og á
að ná til yngstu kynslóðarinnar. í
því sambandi má nefna að efnt
verður til móðurmálsviku í öllum
framhalds- og grunnskólum
landsins. Þá mun ráðuneytið beita
sér fyrir „móðurmálsskóla" fyrir
yngstu börnin og veröur hann ætl-
aður börnum á forskólaaldri og
uPPbyggður á svipaðan hátt og
umferðarskólinn. Einnig mun
verða gerð áætlun um talsetningu
alls barnaefnis í sjónvarpi og stefnt
að því að allt barnaefni verði á
íslensku.
Einnig má nefna að fyrirhugaðar
cru breytingar á íslenskri
málnefnd, og mun ætlunin vera sú
að fleiri aðilar taki sæti í þcirri
nefnd, sem í dag er skipuö fimm
mönnum. íslenskunám í Há-
skólanum mun vcrða endurskoðað
og stefnt verður að því að koma á
framfæri niðurstöðum þeirra rann-
sókna sem gerðar hafa verið á
framburði íslendinga. Auk þeirra
áherslá scm hér hafa veriö nefndar
er stefnt að margvíslegum verkefn-
um bæði á vegum hins opinbera og
cinkaaðila.
Til að hafa yfirumsjón með þcssu
átaki hcfur Guðmundur G. Krist-
mundsson verið ráðinn í hlutastarf
sem verkefnisstjóri og mun hann
hafa yfirumsjón með þeirn málum
sem unnið er að í samvinnu við
sérstaka verkefnisstjórn sem verð-
ur skipuö fljótlega. SSH