Tíminn - 30.03.1989, Blaðsíða 11

Fimmtudagur 30. mars 1989
Tíminn 11
SAMVINNUMÁL
■iiiiiiiiiiiiinm
iiiiiiiii
liiiiiin
Frá kaupfélaginu í
Nýir aðiiar hafa nú komið inn sem meðeigendur að
Bifreiða- og trésmiðju Borgarness hf. Þetta fyrirtæki var áður
alfarið í eigu Kaupfélags Borgfirðinga, en eftir nýiega
breytingu á eignaraðild að því á KB aðeins 40% hlutafjár.
Nýir eignaraðilar að BTB eru Vírnet hf., Vélar og þjónusta
hf., Kraftur hf., Bílanaust og Borgarverk, auk starfsmanna
og nokkurra einstaklinga í Borgarnesi.
Frá þessu skýrir Þórir Páll Guð-
jónsson kaupfélagsstjóri í nýút-
komnu hefti af Kaupfélagsritinu,
tímariti KB. Hann segir einnig að
unnið sé að breytingum á rekstri
BTB og standi vonir til að þær skili
sér í bættri afkomu og verði til að
bæta og auka þjónustu þess við
viðskiptavini.
Þá kemur einnig fram í blaðinu að
rekstur útibús KB á Hellissandi hafi
verið afar erfiður á síðasta ári og
taprekstur verulegur. Þetta hafi m.a.
stafað af samdrætti í sölu vegna
harðnandi samkeppni í verslun á
Snæfellsnesi. Af þessum sökum hafi
öllu starfsfólki útibúsins verið sagt
upp fyrir nokkru vegna breytinga á
rekstrinum og nýr útibússtjóri
ráðinn. Ákveðið hafi verið að halda
rekstrinum áfram um sinn með
starfsmannafjölda í lágmarki og
gæta fyllsta aðhalds í öllum tilkostn-
aði.
Þá segir þarna einnig að í sumar
leið hafi verið ákveðið að ráðast í
verulegar byggingaframkvæmdir við
sláturhús kaupfélagsins í Brákarey.
Var elsti hluti hússins rifinn og byggt
í staðinn um 300 fermetra hús, sem
ætlað er undir kjötsögun, pökkun,
slátursölu, söluskrifstofu og e.t.v.
einhverja vinnslu. Líka voru gerðar
ýmsar aðrar lagfæringar á sláturhús-
inu og ný fláningskeðja tekin í
notkun í sláturtíð. Reyndist hún
allvel, m.a. varð verulegur sparnað-
ur í mannafla við fláningu og kjötið
varð mun hreinna en fyrr.
Þá efndu félagið og Rannsókna-
stofnun landbúnaðarins til samstarfs
um stórbrytjun á kjöti sem pakkað
var í stóra kassa. Alls voru brytjuð
rúm 100 tonn af dilkakjöti í sláturtíð
með þessari nýju aðferð. Sparar
þetta umtalsvert pláss í frystigeymsl-
um og auðveldar afgreiðslu og með-
höndlun kjötsins síðar.
í lok október var svo öllu fast-
ráðnu starfsfólki í sláturhúsi, frysti-
húsi og pakkhúsi í Brákarey sagt
upp vegna endurskipulagningar.
Óhjákvæmilegt var talið að stokka
upp rekstur þessara deilda vegna
þess mikla samdráttar sem orðið
hefur í starfsemi þeirra. Hins vegar
reyndi félagið að útvega þeim starfs-
Ný frímerki, Færeyjar
Evrópumerki þessa árs hafa
myndefnið, börn að leik eða leikföng
barna. Færeyjar hafa leyst þetta
verkefni á einstaklega skemmtilegan
hátt. Þar hefur myndefnið verið
tekið frá Víkingatímabilinu.
Síðastliðna þrjá áratugi hafa forn-
leifafræðingar fundið fjölda menja
frá þessu tímabili. Nær því ekkert
hefir fundist af vopnum, en aftur á
móti mikið af leikföngum. Gæti
verið að þetta segði okkur eitthvað
um hverskonar menn það voru sem
við nefnum „víkinga" í daglegu
máli? Farmenn voru þeir miklir, á
því er enginn vafi. Það sýnir skipið
sem er myndefni annars frímerkis-
ins. Leikfangið er úr útgreftri á
Kirkjubæ frá 1955. Það er 24,7 cm
langt, skorið út í rekaviðarbút. Virð-
ist þarna vera um hafskip að ræða,
frekar en bát, eða byrðing, sem mun
hafa komið til Færeyja öðru hvoru á
þessum tíma. Þó eru engin merki um
dekk, þóftur eða mastursfestingu.
Það er flatbotna og hefir því verið
notað sem leikfang innanhúss.
Frímerki þetta er að verðgildi kr.
3,50 og er teiknað af Bárði Jákups-
syni. Það er prentað hjá Courvoisier
í Sviss, einsog raunar bæði merkin.
Hesturinn, sem er myndefni hins
frímerkisins, fannst í Kvívík við
útgröft árið 1957. Hann er 13,2 cm
langur. Er hann skorinn út úr þunnri
fjöl. Allar hliðar eru flatar, en
makkinn sem er skorinn í þunnan
kamb. Gerð hans líkist handföngum
trafabretta frá síðari tíma. Þetta
frímerki er að verðgildi 6,00 kr. og
er einnig teiknað af Bárði. Leikföng-
in sjálf eru geymd og sýnd í Föroya
Forminnissavn í Þórshöfn.
Merkin eru einstaklega skemmti-
lega útfærð og eru aðallitir lægra
verðgildisins grænn og blár og þess
hærra rauður til gulur.
Þá kemur út samstæða tveggja
merkja sama daginn, eða 10,4. Þessi
merki sýna færeyska þjóðbúninga.
Sýna merki þessi annarsvegar karl-
mann í sjóstúku með stafnhettu á
höfði og er það merki að nafnvirði
kr. 3,50. Þetta er sparibúningur sem
notaður var við hátíðleg tækifæri.
Sjóstúkan sem í fyrstu var hvers-
dagsbúningur, varð síðan sparibún-
aður um miðja nítjándu öld. Er
þetta knésíður vaðmálsfrakki úr
svörtu efni. Með sjóstúku eru notað-
ar hvítar hosur og leðurskór með
silfurspennu. Stafnhettan var höfuð-
búnaður ríkra bænda og annarra
mektarmanna.
Betri helmingurinn, konan, fær
svo búning sinn á dýrara merkinu.
sem er að verðgildi 6,(K) kr. Stakkur-
inn er þekktur sparibúnaður kvenna
og til er lýsing af honum frá 1673. í
honum er gjarnan verið í brúðkaup-
um. Slík brúðarklæði gengu í arf í
bestu fjölstyldum. Stakkur er heill
síður kjóll úr himinbláu, skarlatsra-
uðu eða grasgrænu efni. Brjóst og
mansjettur í í öðrum lit en kjóllinn.
Silkikragi og silfurbelti tilheyra bún-
ingnum. Beltið er gjarna með sprota
sem hangir niður á kjólinn. Á höfði
ber svo konan kórónu eða hlað.
Merkin eru grafin af Cz. Slania og
prentuð hjá Joh. Enschéde en Zon-
en í Hollandi.
Sigurður H. Þurstcinsson.
NOREGUR
Þann 20. febrúar gáfu Norðmenn
út þrjár samstæður frímerkja, til að
mæta burðargjaldsbreytingum þann
1. mars.
Þann 20. febrúar var gefið út
frímerki til að minnast heimsmeist-
arakeppninnar í víðavangshlaupi.
Leif S. Anisdal hefir teiknað merkið
sem er að verðgildi 5 norskar krónur
og er prentað hjá Emil Moestue A/S
í 10 milljóna upplagi.
Þá verða gefin út þrjú merki með
myndum dýra. Verðgildi þeirra er
2,60, með mynd af rauðref, 3.00
með mynd af hreysiketti. Þá er
merki að nafnverði 4,00 með mynd
af íkorna. Knut Lökke-Sörensen
hefir teiknað og grafið fyrsta merkið,
en Sverre Mörken hefir teiknað og
grafið hin tvö. Seðlaprentun Noregs-
banka hefir svo prentað merkin. Þar
sem þarna er um almenn notkunar-
frímerki að ræða hefir upplag þeirra
ekki verið gefið upp.
Þá kemur um leið út frímerkja-
hefti með tveim mismunandi merkj-
um í, tíu stykki af hvoru í hverju
hefti. Myndefnið er matarsveppir,
en verðgildið er 3,00 krónur, hvort
merki.
Hedwig Wright Östern hefir
teiknað sveppina^en frímerkin eru
prentuð marglit í prentsmiðju Emil
Moestue A/S í offset.
Þarna er um að ræða ný merki í
samstæðunni matarsveppir, og eru
myndirnar af smjörsvepp, Suillus
luteus, og kantarell eða Chantarellus
cibarius.
FINNLAND
Kennelklúbbur Finnlands verður
100 ára, þann 11. maí næstkomandi.
Þetta er hundavinaklúbbbur og af
tilefni afmælisins, gefur finnska póst-
stjórnin út smáörk án viðbótarverðs.
Eru öll frímerkin 1,90 mörk að
verðgildi, með mynd af mismunandi
hundategundum. Tvö verðgildin
hafa mynd þekktustu hundategunda
Finnlands. Svo er mynd af smala-
hundi lappanna, sem þeir nota við
gæslu hreindýra, en einnig af Kar-
elska bjarnarhundinum.
Finnska smáörkin.
Norsku merkin.
Talið er að um 400 þúsund hundar
séu í Finnlandi, og þar af um 275
þúsund hreinræktaðir.
Upplag smáarkanna er ein milljón
tvö hundruð og fimmtíu þúsund.
Þau eru teiknuð af Þorsteini Ek-
ström og prentuð hjá Joh. Enshede
en Zonen í Hollandi.
Sigurður H. Þorsteinsson.
Borgarnesi
mönnum, scnt ekki var unnt að
endurráða, önnur störf. Þá er líka
áformað að Bílastöð KB flytjist út í
Brákarey og yfirtaki þar fóðurvöru-
og áburðarsölu.
Síðast en ekki síst er þess að geta
að samningar hafa verið undirritaðir
við fyrirtækið Sprota hf. unt blöndun
á vodka til útflutnings, og er sú
starfsemi hal'in. Fer hún fram í
kjallara Mjólkursamlags KB, sem
áður var lítið nýttur. Einnig annast
Bílastöð KB flutninga að og frá
samlaginu. Þessi vinnsla er núna
komin í fullan gang og starfa við
liana cllefu manns. -esig
LESENDUR SKRIFA
Guðrún Hclgadóttir. Þorleifur Einarsson.
Gáfnatrekt á
þrumumunni
Vegna umræðuþáttar um kvikmyndina „Lífsbjörg í
Norðurhöfum“ og framkomu Þorleifs Einarssonar frá
Landvernd, sem kom með trektina í þáttinn, og Guðrún-
ar þingforseta, sem sagðist vera slyngur stjórnmálamað-
ur, en hefði ekkert vit á hvölum, urðu þessar stökur til:
Ekki blessast ágætt starf
uppgræðslan í banni,
meðan Landvernd lúta þarf
leiðum trektar-manni.
Gegnum Þorleifs gáfnatrekt
Grænfriðungar tala.
Eigi er þeirra andleg spekt
á við gáfur hvala.
Margan liefur manninn blekkt
mælska slægra fljóða.
Forscti þingsins þyrfti trekt
á þrumuntunninn góða.
Virðing hennar ekki ögn
eykst í þingsins sölum.
en slyng hún er að cigin sögn
með ckkert vit á hvölum.
Þeir, sem ekkert þekkja til,
þurfa oft mest að tala.
Guðrún kann á Grænum skil
og gjörist móðir hvala.
Grænfriðunga gjarnan má
hún gæla við og kjassa.
Þinginu má hún fara frá
og fá sér Itvali að passa.
17.03.1989
.lón Einarsson, prófastur
Saurbæ.
TÖLVUNOTENDUR
Við í Prentsmiðjunni Eddu
hönnum, setjum og prentum
allar gerðír eyðublaða fyrir tölvuvinnslu.
__ PRENTSMIOI AN
Smiðjuvegi 3, 200 Kópavogur. Sxmi 45000