Réttur - 01.01.1984, Blaðsíða 62

ERLEND
VÍÐSJÁ
Andropov Iátinn
Chernenko tekur við
Þeir hníga nú óðum til foldar, hver á
fætur ö^rum þeir forustumenn Kommún-
istaflokks Sovétríkjanna, er gengið hafa
í gegnum harðastar raunir með Sovét-
þjóðunum, er nasistaher Hitlers háði
fjögurra ára árásarstyrjöld til þess að
reyna að útrýma kommúnismanum og
varð 20 miljónum karlmanna, kvenna og
barna í Sovétríkjunum að bana, — en
beið ósigur. Og síðan hefur forusta Komm-
únistaflokksins orðið að standa í því fórn-
freka verki fyrir Sovétþjóðirnar að víg-
búast það vel að óðir auðvaldsherrar af
tagi Reagans, sem vill stríð til að útrýma
kommúnismanum eins og Hitler, þori
ekki að hefja blóðbaðið mikla.
Bresnev dó 10. nóv. 1982, 75 ára að
aldri. Andropov eftirmaður hans sem
aðalritari flokksins, er frá var sagt ýtar-
lega í Rétti 1982, bls. 250-251, lést nú í
ársbyrjun 1984, ekki orðinn sjötugur að
aldri, fæddur 15. júní 1914.
Þann 13. febrúar kaus miðstjórn
flokksins Konstantin Ustinovitch Chern-
enko aðalritara flokksins. Hann er fædd-
ur 24. sept. 1911 í þorpi í Krasnojarsk og
byrjaði snemma að vinna sem daglauna-
maður á búi stórbænda. 1931 gekk hann í
flokkinn, fór síðan á háskóla í uppeldis-
fræði, en aðalstarf hans varð fyrst í
Rauða hernum, síðan í flokknum. 1956
tók hann til starfa hjá miðstjórninni og
1971 var hann kosinn í miðstjórn
flokksins. Ávann hann sér í öllu þessu
starfi slíkt traust flokksins að hann var
nú kosinn aðalritari hans 72 ára að aldri.
Hvílir nú fyrst og fremst á honum að geta
haldið hinni stríðs- og gróðaóðu „hernað-
ar- og stóriðju-klíku“ Bandaríkjaauð-
valdsins í skefjum, þessum hættulegustu
bófum heims, sem Eisenhower forseti
varaði þjóð sína við í kveðjuræðu sinni.
Því sú klíka svífst einskis, ef hún bara
þorir, — og getur því tendrað heimsbálið
í blindri gróðagræðgi sinni.
Dr. Yusuf Dadoo látinn
Yusuf Dadoo, formaður Kommúnista-
flokks Suður-Afríku, lést 19. sept 1983 í
London. Banameinið krabbamein.
Dadoo var af indverskum ættum, fædd-
ur 5. sept. 1909 í Transvaal af efnuðum
foreldrum. Stundaði læknisfræði í
London og lauk doktorsprófi í Edinborg.
Gekk 1939 í Kommúnistaflokk Suður-
Afríku og háði í honum þá hetjubaráttu,
sem sá flokkur hefur staðið í alla sína tíð.
Ferðast mikið um til að kynna flokkinn,
ræðir 1947 við Ghandi og Nehru og 1948
við Dimitrov. Er dæmdur í fangelsi hvað
eftir annað vegna starfsemi sinnar, situr 8
sinnum lengri eða skemmri tíma í dyfliss-
um fasistastjórnar Búanna.
Árið 1953 er hann kosinn í miðstjórn
flokksins á fyrsta flokksþingi hans, er
haldið var á laun eftir að hann var bann-
aður.
62