Réttur - 01.07.1984, Qupperneq 40

Það er tungunni tamast sem er hjartanu kærast
„Bandarískir samborgarar. Það er mér ánægja að tilkynna að ég hef nýverið
undirritað löggjöf, sem gerir Sovétríkin friðlaus um aldur og ævi. Við byrjum að
láta sprengjurnar falla eftir fimm mínútur.“
Þetta lét Ronald Reagan, Bandaríkja-
forseti út úr sér, þegar hann var að búa
sig undir að flytja vikulegt útvarpsávarp
sitt laugardaginn 11. ágúst síðastliðinn.
Hann var beðinn að reyna hljóðnemann
en gerði sér ekki grein fyrir að búið var að
opna línuna inn í fréttamannamiðstöðina
í Santa Barbara þar skammt frá. Lét hann
því flakka það sem honum var efst í huga
og opinberaði þannig sinn innri mann.
Reyndar er „ytri maðurinn“ ekki svo
frábrugðinn þeim innri. Öllum ætti að
vera í fersku minni þau ummæli hans að
hann gæti vel hugsað sér að heyja tak-
markað kjarnorkustríð í Evrópu.
152