Réttur - 01.04.1989, Blaðsíða 20

og hvatt til aö slík samtök yrðu stofnuð
hér á landi. Þessi hvatning féll í góðan
jarðveg og viðstaddir tóku að sér að hefja
undirbúning að stofnfundi slíkra fræðslu-
samtaka. A þessum fundi voru kynnt
drög að ávarpi sem lýsir markmiðum
slíkra samtaka.
Stofnfundur Fræðslusamtaka um ís-
land og Evrópubandalagið var svo hald-
inn 7. júní 1989 og sóttu hann um 50
manns. Mun fleiri höfðu skrifað undir
ávarpsdrögin og þannig lýst sig reiðubúna
til starfa í fræðslusamtökum.
Markmið þessa áhugahóps um fræðslu-
samtök má sjá í’ álykturiinni sem var sam-
þykkt á stofnfundinum en þar segir að
fræðslusamtökunum sé ætlað „að safna
og miðla hlutlœgum upplýsingum um þœr
hreytingar, sem nú eru að gerast í Evrópu.
Með því viljum við stuðla að því að ís-
lendingar geti á skýrum forsendum brugð-
ist við á hverjum tíma. Með þátttöku í
fræðsluhópnum viljum við saman og sitt í
hvoru lagi leita skynsamlegra svara með
íslenska hagsmuni í huga.“ Þá segir að
lokum: „Fræðsluhópurinn er óhaður öðr-
um samtökum og hefur það eitt að leiðar-
Ijósi að varðveita og þróa það besta í ís-
lenskri samfélagsgerð og standa vörð um
sjálfstœði og fullveldi þjóðarinnar.“
A stofnfundinum var kosið í 20 manna
ráð samtakanna og er því ætlað að marka
meginstefnu þeirra og nánari starfsreglur.
JEitt mikilvægasta verkefni samtakanna er
að hrinda af stað því fræðslustarfi sem
þau eru stofnuð til að hafa forgöngu um
og þess vegna hefur verið lögð áhersla á
útgáfu fréttabréfs. Að þessum orðum
skrifuðum er verið að ganga frá tveimur
fyrstu fréttabréfunum og þar verða m.a.
kynntir þeir starfshópar sem samtökin
hafa ýtt úr vör. En það eru vinnuhópar
um sjávarútveg, fjármagnsflutninga, fé-
lagsleg málefni og um skipulag og tengsl
EFTA og EB.
Verkefnin eru óþrjótandi og spurning-
arnar sem þarf að leita svara við enn
fleiri. Þeir sem hafa hug á að vera með í
fræðslusamtökunum eða gerast áskrif-
endur að fréttabréfi þeirra geta skrifað
til: Fræðslusamtaka um ísland og EB,
pósthólf 118, 121 Reykjavík.
68