Fréttablaðið - 05.03.2009, Side 42

26 5. mars 2009 FIMMTUDAGUR
timamot@frettabladid.is
„Félag íslenskra háskólakvenna hefur
í gegnum tíðina styrkt íslenskar konur
til háskólanáms. Nú hefur hins vegar
verið brotið blað í sögu félagsins þar
sem við höfum ákveðið að styðja er-
lendar konur á Íslandi en oft eru þetta
konur sem eiga hvergi annars staðar
rétt á stuðningi til náms og starfa hér-
lendis,“ segir Guðmunda Smáradóttir,
sem situr í stjórn Félags íslenskra há-
skólakvenna, og heldur áfram: „Verk-
efnið kallast Félagsvinur - Mentor er
málið og er hugsað til næstu fimm ára
í samvinnu við Alþjóðahúsið. Þá ætlar
félagið að styðja erlendar konur með
fjárstyrk og enn fleiri með félags-
stuðningi.“
Í dag er haldinn fræðslufundur á
Hótel Holti, í Þingholti, frá klukk-
an 8.30 til 10 þar sem erlendar konur
segja frá löngun sinni til að læra eða
fá menntun sína metna að heiman og
von sinni að kynnast íslenskum konum
og samfélagi. „Þar með fer verkefnið
af stað en Ása Hauksdóttir frá Rauða
krossinum mun segja frá verkefninu og
Ingibjörg Hafstað, kennslustjóri frá Al-
þjóðahúsinu, verður með framsögu þar
sem hún segir frá kynnum sínum og
reynslu af erlendum konum. Alþjóða-
húsið er í beinum tengslum við þess-
ar konur og bendir okkur á einstakl-
inga sem eru kannski í hvað mestri
þörf,“ segir Guðmunda áhugasöm. „Þá
pörum við saman erlenda konu og ís-
lenska eftir áhuga og þörfum, haldið
er stutt námskeið og þeim fylgt eftir.
Íslenski mentorinn hittir síðan félags-
vin sinn einu sinni í viku,“ útskýrir hún
og segist finna fyrir miklum áhuga og
þakklæti.
Til að standa undir kostnaði eru allir
fræðslufundir félagsins fjáröflunar-
fundir þar sem aðgangseyrir ásamt
félagsgjöldum renna í styrktarsjóð-
inn. „Öll fjáröflun er til þess að styrkja
þessar konur og einnig munum við leita
eftir styrkjum frá fólki og fyrirtækj-
um. Um leið njótum við fræðslu og fé-
lagsskapar á fundum og eflum tengsla-
netið,“ segir Guðmunda.
Nú þegar hefur verið haldinn einn
fræðslufundur á þessu ári en hann var
fyrir um mánuði síðan. „Þá var Anna
Gunnarsdóttir hjá okkur sem er fyrsta
konan til að verða barnaskurðlæknir á
Íslandi. Hún sagði okkur frá lífi sínu
og starfi með börnum og var það af-
skaplega fróðlegur fundur. Næsti fund-
ur er eins og fyrr segir kynning á nýju
stuðningsverkefni okkar við erlendar
konur en 2. apríl verður morgunverð-
arfundur með Kristínu Völu Ragnars-
dóttur, doktor í jarðefnafræði og for-
seta verkfræði- og náttúruvísinda-
fræðasviðs Háskóla Íslands,“ segir
Guðmunda og nefnir að félagið leggi
sig fram við að kynna þær flottu konur
sem náð hafa langt á sínu sviði hér á
landi.
„Síðan má ekki gleyma vorfundinum
30. maí en þá snæðum við hádegisverð
saman og Hulda Gunnlaugsdóttir, for-
stjóri á einum stærsta vinnustað lands-
ins, Landspítala – háskólasjúkrahúsi,
kemur og segir frá því hvernig var að
flytja heim frá Noregi og takast á við
krefjandi starf. Þar kynnumst við nýrri
konu í framlínunni,“ segir hún og bætir
við: „Við hvetjum alla áhugasama til að
mæta á fræðslumorgnana en þeir eru
opnir öllum og ekki er skylda að vera
í félaginu. Við erum þakklátar fyrir
allan stuðning og auk þess er sérstak-
lega gaman að hittast á Hótel Holti og
fá sér morgunverð saman,“ segir Guð-
munda og brosir. hrefna@frettabladid.is
FÉLAG ÍSLENSKRA HÁSKÓLAKVENNA: DÝRÐLEGIR DAGAR MEÐ ERLENDUM KONUM
Styrkja erlendar konur á
Íslandi til náms og starfa
ÞAKKLÆTI OG ÁHUGI Guðmunda segist finna fyrir miklu þakklæti og áhuga frá erlendum konum á Íslandi vegna nýs verkefnis sem Félag
háskólakvenna á Íslandi hefur tekist á hendur. FRÉTTABLAÐIÐ/STEFÁN
JÓSEF STALÍN EINRÆÐISHERRA
LÉST Á ÞESSUM DEGI ÁRIÐ 1953.
„Eitt dauðsfall er harmleik-
ur; milljón dauðsföll eru töl-
fræði.“
Stalín var um áratugaskeið
einvaldur í Sovétríkjunum og
framdi eitt af stærri þjóðar-
morðum mannkynssögunnar.
Bróðir okkar, mágur og frændi,
Arnór Karlsson
fyrrum bóndi á Bóli,
síðar Arnarholti í Biskupstungum,
Bjarkarbraut 10 í Bláskógabyggð,
sem lést á Landspítalanum í Fossvogi mið-
vikudaginn 25. febrúar sl., verður jarðsunginn
frá Skálholtsdómkirkju laugardaginn 7. mars
og hefst athöfnin kl. 14.00. Jarðsett verður í
Torfastaðakirkjugarði.
Systkini hins látna og aðrir venslamenn.
Þorlákur Jónsson
frá Kiðjabergi,
Kistuholti 3, Biskupstungum,
lést 26. febrúar. Útförin fer fram frá Skálholtskirkju
föstudaginn 6. mars kl. 14.00. Jarðsett verður á Stóru-
Borg. Fyrir hönd samferðamanna og vina,
Sigríður Stefánsdóttir, Bræðratungu.
MERKISATBURÐIR
1638 Frakkland og Svíþjóð
gera með sér Hamborg-
arsamninginn sem kvað
á um greiðslu Svía fyrir
hernaðaraðgerðir gegn
Habsborgurum.
1865 Kirkjan á Möðruvöllum í
Hörgárdal brennur.
1932 Sparisjóður Reykjavíkur
og nágrennis hefur starf-
semi.
1933 Nasistaflokkurinn í Þýska-
landi fær 44 prósent
greiddra atkvæða í þing-
kosningum.
1970 Ísland gerist aðili að Frí-
verslunarsamtökum Evr-
ópu.
1971 Alþýðubankinn hefur
starfsemi sína. Hann varð
síðar hluti af Íslands-
banka.
Fyrir sextíu og þremur árum síðan hélt Winston
Churchill, forsætisráðherra Bretlands á tímum
seinni heimsstyrjaldarinnar, fræga ræðu þar sem
hann nefndi járntjaldið í fyrsta skipti.
Nasistaforinginn Joseph Goebbels var fyrstur
til þess að vísa til þess að járntjald kæmi yfir Evr-
ópu eftir heimsstyrjöldina í stefnuyfirlýsingu sem
hann gaf út í þýska tímaritinu Das Reich í febrú-
ar 1945. Ethel Snowden notaði hugtakið í bók-
inni Through Bolshevik Russia árið 1920 en járn-
tjaldshugtakið varð hins vegar fyrst almennt eftir
að Churcill notaði það í járntjaldsræðunni 5.
mars 1946.
Járntjaldið var heiti á þeim sálrænu, hug-
myndafræðilegu og oft efnislegu landamær-
um sem skiptu Evrópu í tvennt frá lokum síðari
heimsstyrjaldar 1945 til 1991 eða þar um bil. Á
sama tíma hvarf hugtakið Mið-Evrópa nánast úr
umræðunni en járntjaldið skipti Evrópu í Austur-
Evrópu annars vegar og Vestur-Evrópu hins vegar.
Í Austur-Evrópu þess tíma voru Sovétríkin og
önnur Varsjársbandalagslönd en í Vestur-Evrópu
voru þau Evrópulönd sem voru aðilar að NATO.
ÞETTA GERÐIST: 5. MARS 1946
Churchill heldur járntjaldsræðu
AFMÆLI
BJARNI ÞÓR
VIÐARSSON
knattspyrnu-
maður er 21
árs.
EVA MENDES,
bandarísk
leikkona, er
35 ára.
JOHN
FRUSCIANTE,
gítarleikari
Red Hot Chili
Peppers, er 39
ára.
MC SOLAAR,
franskur rapp-
ari, er 40 ára.
JÓN ORMUR
HALLDÓRS-
SON
stjórnmála-
fræðingur er
55 ára.
SIGURÐ-
UR VALUR
SVEINSSON
handknatt-
leiksmaður er
fimmtugur.
Foreldrasamtök gegn áfengisauglýsingum
skora á almenning að senda inn ábend-
ingar um brot á áfengislögum á heima-
síðu sína.
Í tilkynningu frá samtökunum segir að
í tilefni tuttugu ára afmælis bjórsins á Ís-
landi í vikunni hafi, sem fyrr, áfengisaug-
lýsingum verið beint sérstaklega að börn-
um og unglingum. Þrátt fyrir fjölda dóma
vegna sambærilegra auglýsinga brjóti hags-
munaaðilar lögin daginn út og inn að því er
virðist átölulaust.
Sem fyrr segir hvetja samtökin almenn-
ing til að sýna hug sinn í verki og senda inn
ábendingar á foreldrasamtok.is.
Hagsmunaaðilar brjóta lög