Fréttablaðið - 05.03.2009, Blaðsíða 48

32 5. mars 2009 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Það er oftast gaman á tónleikum, en stundum verður maður vitni að
einhverju sem hefur það mikil áhrif á mann að það helst skýrt í minn-
ingunni í mörg ár eftir atburðinn sjálfan. Þannig var það með tónleika
New Jersey-dúósins Dälek í Iðnó 10. september 2005. Þeir félagar komu
þar fram á tónlistarhátíðinni Orðið tónlist sem bauð einnig upp á fína
frammistöðu Ghostigital, Kimono o.fl., en þessar sveitir féllu samt
alveg í skuggann.
Dälek er skipuð rapparanum dälek og taktasmiðnum og upptökustjór-
anum Oktopus. Þeir skera sig nokkuð úr tónlistarlega og spila harða
blöndu af hip-hoppi og hávaðasömu tilraunarokki. Þeir hafa unnið með
Ghostigital, – komu við sögu í laginu
Black Sand á In Cod We Trust plöt-
unni og eru á mála hjá sama plötu-
fyrirtæki vestanhafs, Ipecac sem
Mike Patton og Greg Werckman,
fyrrum forsprakki Alternative
Tentacles, reka.
Tónleikarnir í Iðnó voru gríðar-
lega kraftmiklir. Dagskrá Dälek var
nær algerlega án hlés milli laga og
hávaðinn var mikill. Það var engu
líkara en Oktopus hamraði á tækj-
unum og orkan hjá dälek var engu
minni. Plötur Dälek standa fyrir
sínu líka þó að þessi líkamlega orka
sem stafar frá þeim félögum í návígi sé auðvitað ekki til staðar. Fyrir
nokkrum vikum kom fimmta platan þeirra í verslanir. Hún heitir Gutt-
er Tactics og er í ætt við fyrri plöturnar. Orkusprengja. „Eins og hip-
hop spilað með krafti Melvins eða Black Sabbath,” sagði einhver. Það
má kannski til sanns vegar færa. Þeir eru algjörlega í sérflokki. Þegar
dälek var spurður út í tónlistina nýlega sagði hann það alltaf hafa verið
eitt af einkennum hip-hoppsins að leita í tónlist annarra og finna þar
eitthvað sem maður gerir að sínu eigin. „Afrika Bambaataa notaði brot
frá Kraftwerk og við sækjum í Faust eða My Bloody Valentine.“
Harðhausar í sérflokki
EFTIRMINNILEGIR Tónleikar harðhaus-
anna í Dälek Iðnó 2005 eru enn í fersku
minni.
Helgi Hrafn Jónsson hefur
sent frá sér sína aðra plötu,
For the Rest Of My Child-
hood. Platan hefur fengið
frábærar viðtökur í skand-
inavískum fjölmiðlum, þar
á meðal 5 af 6 í tónlistarrit-
inu GAFFA.
For the Rest Of My Childhood
kom út í Skandinavíu í októb-
er og hefur Helgi verið á stans-
lausu tónleikaferðalagi síðan þá.
Í raun hefur hann verið á túr síð-
ustu átján mánuði og skipt þar
tíma sínum á milli hins færeyska
Teits, Sigur Rósar og danska bás-
únuleikarans Tinu Dico. Bæði
hefur Helgi hitað upp fyrir þau og
leikið með þeim uppi á sviði. „Mér
finnst mjög gaman að spila með
öðru fólki. Maður fær að spila alls
konar tónlist og jafnframt get ég
komið minni tónlist á framfæri,“
segir Helgi Hrafn. „Mér finnst
ég vera orðin ofdekraður því allt
þetta fólk er búið að byggja upp
sinn feril á mörgum árum og
byggja upp góðan áhorfendahóp.
Ég hef fengið tækifæri til að spila
fyrir ótrúlega áhorfendur sem eru
ekki að drekka sig fulla eða öskra
í eyrað á næsta manni. Þetta ár í
fyrra var algjört ævintýri.“
Langar tónleikaferðir sem þess-
ar hafa samt sína ókosti. „Það er
rosalega gaman á svona túrum en
það vonda við þá er að þeir skipta
lífinu upp í tvennt. Annars vegar
er það þessi bóla að vera á túr og
síðan er það hitt lífið sem manni
þykir vænt um. Það fer algjör-
lega í rugl og maður missir takt-
inn. Það getur haft afdrifaríkar
afleiðingar eins og ég hef komist
að á síðustu vikum.“
Á síðustu tónleikaferð sinni um
Skandinavíu var Helgi orðinn
aðalnúmerið í fyrsta sinn á ferlin-
um. „Ég var í fyrsta skiptið undir
eigin nafni og með eigin bönd til
að hita upp fyrir mig, sem er stórt
skref tónlistarlega. Í fyrsta lagi
þarf maður að spila miklu lengur
og í öðru lagi eru menn komnir til
að hlusta á þig en ekki öfugt, sem
er meiri pressa en mjög gaman.“
Helgi flutti til Íslands haust-
ið 2007 eftir að hafa verið í tón-
listarnámi í Austurríki og byrj-
aði þá fljótlega á nýju plötunni.
Kláraði hann megnið af henni á
fjórum til fimm mánuðum og er
mjög ánægður með útkomuna.
„Þó að ég sé stoltur af fyrstu plöt-
unni þá var ég dálítið mikið að
reyna að finna mína eigin rödd.
Hún fór svolítið um víðan völl og
þessi nýja plata gerir það örugg-
lega líka en mér fannst bara svo
ótrúlega gaman að gera hana,“
segir hann.
Helgi ætlar að fylgja plötunni
vel á eftir á þessu ári og er á leið
í þriggja vikna tónleikaferðalag
um Bandaríkin. Þar mun hann
hita upp fyrir Tinu Dico á átta
tónleikum og aðstoða hana við
upptökur í New York á tónlist við
danska bíómynd. Í maí fer hann
síðan í tveggja vikna tónleika-
ferð um Þýskaland. Í millitíðinni
heldur hann útgáfutónleika í Iðnó
í byrjun apríl þar sem Íslending-
ar fá tækifæri til að hlusta á hug-
ljúfa popptónlist hans og angur-
væra röddina. freyr@frettabladid.is
Ofdekraður í ævintýraleit
HELGI HRAFN JÓNSSON Tónlistarmaðurinn Helgi Hrafn Jónsson hefur gefið út sína aðra sólóplötu, For the Rest Of My Childhood.
FRÉTTABLAÐIÐ/ANTON
> Plata vikunnar
Jóhann Jóhannsson - Ford-
lândia
★★★★
„Tónlistin á Fordlândiu er ein-
hvers staðar á mörkum sígildr-
ar tónlistar, kvikmynda- og
raftónlistar, en fyrst og fremst
er hún falleg og áhrifarík.“ TJ
> Í SPILARANUM
Grizzly Bear - Veckatimest
Great Lake Swimmers - Lost Channels
Bonnie „Prince“ Billy - Beware
Black Lips - 200 Million Thousand
U2 - No Line on the Horizon
GRIZZLY BEAR U2
Rokktríóið Yeah Yeah Yeahs hefur
ákveðið að flýta útgáfudegi sinnar
þriðju plötu, It´s Blitz!, um rúman
mánuð. Ástæðan kemur fáum á
óvart, eða leki á netinu, sem virð-
ist nánast ómögulegt að koma í veg
fyrir.
Platan verður gefin út stafrænt
9. og 10. mars og á geisladiski
31. mars og 6. apríl. Upphaflega
átti platan að koma út um miðj-
an apríl en þau áform eru farin út
um þúfur. „Leyndarmálið hefur
verið opinberað eftir að It´s Blitz!
slapp úr klónum á okkur og út í
hinn stóra og vonda heim. Hvers
vegna ættu sumir að fá að hlusta
á plötuna en aðrir ekki?“ sagði á
heimasíðu sveitarinnar. „YYY
hefur verið að springa úr æsingi
yfir því að gefa plötuna út. Svona
leki er leiðinlegur en við ráðum
ekki við hann.“
Til að fylgja henni eftir ætlar
hljómsveitin í umfangsmikla tón-
leikaferð um Evrópu í kjölfar þátt-
töku sinnar í Coachella-hátíðinni
19. apríl. Fyrstu tónleikarnir verða
í Manchester 22. apríl og er þegar
uppselt á þá. Þrjú ár eru liðin síðan
önnur plata Yeah Yeah Yeahs kom
út, Show Your Bones.
Útgáfudegi flýtt um mánuð
YEAH YEAH YEAHS Söngkonan Karen
O og Nick Zinner úr Yeah Yeah Yeahs.
NORDICPHOTOS/GETTY
Breski plötusnúðurinn Fatboy Slim
hefur skráð sig í meðferð í heimalandi
sínu til að vinna bug á áfengisfíkn sinni.
Umboðsmaður kappans staðfesti þetta.
„Þetta er ekkert leyndarmál. Hann fór
sjálfviljugur til að leysa þetta áfengis-
vandamál sitt,“ sagði hann.
Orðrómur var uppi um að Slim, sem
heitir réttu nafni Norman Cook, hafi
farið í áfengismeðferð 2002 en hann vís-
aði því alfarið á bug. Fatboy hefur gert
fimm hljóðversplötur á ferli sínum, síð-
ast hina væntanlegu Here Lies Love sem
hann samdi með David Byrne úr Talking
Heads.
Á meðal vinsælustu laga hans eru
Praise You, Right Here Right Now og
The Rockafeller Skank sem komu öll út á
annarri plötu hans, You´ve Come A Long
Way Baby, frá árinu 1998. Hún seldist
eins og heitar lummur en síðan þá hefur
ferill hans smám saman verið á niður-
leið.
Fatboy Slim í meðferð
FATBOY SLIM Plötusnúðurinn Fatboy Slim, eða
Norman Cook, hefur skráð sig í meðferð.
NORDICPHOTOS/GETTY
Bifreiðaeigendur athugið!
Tímareimaskipti.
Bremsuviðgerðir.
Kúpplingsviðgerðir.
Smurþjónusta.
Tímapantanir í síma
5355826