Fréttablaðið - 05.03.2009, Blaðsíða 56
40 5. mars 2009 FIMMTUDAGUR
sport@frettabladid.is
HESTAR Þriðja mótið í Meistara-
deild VÍS fer fram í Ölfushöllinni
í kvöld. Þá verður keppt í slak-
taumatölti.
Eyjólfur Þorsteinsson leiðir
einstaklingskeppnina með 17 stig
eftir tvö mót en Sigurður Sigurð-
arson kemur annar með 12 stig.
Þrír knapar eru síðan jafnir með
10 stig.
Í liðakeppninni er lið Málning-
ar efst með 85 stig og Skúfslækur
er annar með 78 stig. - hbg
Meistaradeild VÍS í kvöld:
Keppt í slak-
taumatölti
TILÞRIF Þriðja keppnin í Meistaradeild
VÍS fer fram í kvöld. MYND/JENS EINARSSON
> Kári Kristján líklega til Sviss
Línumaðurinn sterki í Haukum, Kári Kristján Kristjánsson,
er líklega á leiðinni til svissneska félagsins
Amicitia Zürich í sumar. Samkvæmt heim-
ildum Fréttablaðsins ganga viðræður um
tveggja ára samning vel og gæti dregið
til tíðinda í vikunni. Ef af verður mun
Kári leysa norska línumanninn
Frank Löke af hólmi en Guðmund-
ur Guðmundsson, tilvonandi
þjálfari danska liðsins GOG, náði
á dögunum samningum við
Norðmanninn sterka. Amicitia
Zürich er svissneskur meistari og
á góðri leið með að verja titilinn.
HANDBOLTI Það er um fátt annað
talað í handboltaheiminum þessa
dagana en hið meinta mútumál
sem tengist Kiel og þjálfaranum
Noka Serdarusic.
Ísland átti eitt besta dómarapar
Evrópu til margra ára - þá Stefán
Arnaldsson og Gunnar Viðarsson
- og Stefán sagði í samtali við Vísi
í gær að hann hefði aldrei lent í
því að vera boðnar mútur í starfi
sem handknattleiksdómari.
„Það þýddi aldrei neitt að ræða
við dómara frá Norðurlöndun-
um um þessi mál. Við fréttum því
aldrei af neinu þessu líku,“ sagði
Stefán við Vísi í gær.
„Hins vegar hefur þessi
umræða alltaf skotið upp koll-
inum af og til - að dómarar frá
gömlu austurblokkinni væru í
þessu. En ég hélt að stórlið eins
og Kiel tækju ekki þátt í svona
löguðu. Þetta eru bestu félags-
lið í heimi og ég hélt að þau færi
ekki niður á svona plan. En hvað
veit maður svo sem,“ sagði Stefán
Arnaldsson að lokum. - hbg / esá
Stefán Arnaldsson:
Aldrei boðnar
mútur
ENGAR AUKAGREIÐSLUR Stefán lenti
ekki í neinu vafasömu á sínum glæsta
ferli. FRÉTTABLAÐIÐ/TEITUR
FÓTBOLTI Þó svo Man. Utd hafi
vænlega stöðu á toppi ensku
úrvalsdeildarinnar hafa liðin í
næstu sætum á eftir, Liverpool
og Chelsea, neitað að játa sig
sigruð í baráttunni.
Liverpool sækir Man. Utd heim
þann 14. mars og Rafa Benitez,
stjóri Liverpool, lítur eðlilega á
þann leik sem lykilleik.
„Ef við vinnum þann slag verð-
ur allt önnur staða upp á teningn-
um,“ sagði Benitez sem var allur
að hressast eftir sigurinn á Sund-
erland á þriðjudag.
Kollegi Benitez hjá Chelsea,
Guus Hiddink, tekur í svipaðan
streng og Spánverjinn.
„United á vissulega leiki inni
og er á mikilli siglingu. Unit-
ed hefur reynsluna með sér en
það er gott að við séum að vinna
okkar leiki til þess að halda press-
unni á þeim. Ég er mjög ánægð-
ur með viðbrögð leikmanna sem
hafa sýnt styrk í erfiðum stöðum.
Leikmenn eru ekki sáttir þegar
illa árar og bíta frá sér til þess
að ná úrslitum,“ sagði Hiddink.
- hbg
Liverpool og Chelsea neita að gefast upp:
Baráttan er ekki búin
HALDA HAUS Hiddink vill halda press-
unni á United. NORDIC PHOTOS/GETTY
Að
fim
kl.
Da
1.
2.
alfund
mtuda
20.30.
gskrá;
Venjule
Önnur
ur Kna
ginn 19
g aðalf
mál
Knatt
ttspyrn
. mars
undars
Að
spyrnu
udeilda
2009
törf
alfund
deildar
r Fylk
ur
Fylkis
is verðu
Stjórn
2008
r hald
Íþrótta
inn í Fy
félagsi
lkishöl
ns Fylk
l
is.
FÓTBOLTI Íslenska kvennalandslið-
ið í knattspyrnu vann frábæran
og sögulegan sigur á Norðmönn-
um í fyrsta leik sínum á Algarve-
bikarnum. Þetta er í fyrsta sinn
sem A-landslið kvenna vinnur
Norðmenn sem höfðu unnið fjóra
síðustu landsleiki þjóðanna með
markatölunni 16-3. Sara Björk
Gunnarsdóttir átti stórleik og
skoraði tvö mörk en þriðja mark
íslenska liðsins var sjálfsmark.
Norðmenn eru í 6. sæti á Styrk-
leikalista FIFA og hafa unnið
heimsmeistara- (1995), Evrópu-
meistara- (1987 og 1993) og Ólymp-
íutitil (2000). Þetta er í fyrsta sinn
sem kvennalandsliðið vinnur lið
svo ofarlega á listanum en Frakk-
land var í 7. sæti þegar liðið tapaði
fyrir Íslandi sumarið 2007.
„Kvennalandsliðið hefur ekki
áður unnið svo sterkan andstæð-
ing. Þjálfari Noregs kom til mín
eftir leikinn og sagði að sigurinn
hefði verið vel verðskuldaður og
sagði að við værum með áhugavert
lið,“ sagði Sigurður Ragnar lands-
liðsþjálfari kátur í leikslok.
„Það var gott skipulag á varn-
arleiknum og við sköpuðum okkur
líka fleiri færi. Rakel Hönnudótt-
ir fékk mjög góð færi og Katrín
Jónsdóttir átti skalla í slána. Við
sköpuðum okkur mun fleiri færi í
leiknum heldur en Noregur,“ sagði
landsliðsþjálfarinn.
Íslenska landsliðið hefur nú
unnið 14 af 22 leikjum sínum undir
stjórn Sigurðar Ragnars Eyjólfs-
sonar frá því að hann tók við lið-
inu í ársbyrjun 2007 en Sigurð-
ur Ragnar segir að þessi leikur í
gær sé í hópi þeirra bestu. „Þetta
var flottur leikur. Ég er rosalega
ánægður með liðið í þessum leik
og hvað liðsheildin er orðin öflug.
Það er komið mikið sjálfstraust í
liðið og framtíðin er björt,“ sagði
Sigurður Ragnar.
Íslenska kvennalandsliðið hefur
nú unnið sjö leiki í röð á Algarve-
bikarnum, tvo síðustu leiki sína
árið 2007, alla fjóra leikina í fyrra
og svo fyrsta leikinn í ár í gær.
„Við byrjuðu rosalega vel og
fyrstu 20 mínúturnar voru mjög
góðar. Síðan gáfum við aðeins eftir
svo þær voru meira með boltann
seinni hluta fyrri hálfleiks eftir
að við komumst 1-0 yfir. Þær voru
aðeins betri í seinni hluta fyrri
hálfleiks en svo komu stelpurnar
mjög sterkar út í seinni hálfleik-
inn og kláruðu leikinn á fyrstu
tíu mínútunum í seinni hálfleik.
Við skoruðum tvö mörk, það var
mjög gott skipulag á liðinu og við
gáfum ekki nein færi á okkur í
seinni hálfleik,“ sagði Sigurður
Ragnar Eyjólfsson landsliðsþjálf-
ari sem var ekkert að breyta um
leikstíl þótt liðið væri að spila við
eitt besta landslið í heimi.
„Við byrjuðum leikinn á hápressu
eins og við erum vanar og ætluð-
um síðan bara að sjá til hvar við
stæðum á móti þeim,“ sagði Sig-
urður Ragnar.
Sara Björk Gunnarsdóttir skor-
aði tvö marka íslenska liðsins
og kom liðinu yfir í bæði skipt-
in, fyrst í 1-0 strax á 16. mínútu
og svo í 2-1 á sjöttu mínútu síðari
hálfleiks. Bæði mörk hennar voru
skallamark. „Sara átti frábæran
leik, skoraði tvö mörk og eigin-
lega pakkaði saman einum besta
leikmanni í heimi á miðjunni hjá
Noregi,“ sagði Sigurður Ragn-
ar um frammistöðu Söru Bjarkar
Gunnarsdóttur en hún fór illa með
Ingvild Stensland sem leikur með
sænska liðinu Kopparbergs/Göte-
borg FC.
„Allt liðið átti frábæran leik og
það er erfitt að taka einhvern út.
Liðið spilaði fantavel. Ég notaði
samt sex skiptingar og allar þær
sem komu inn á stóðu vel fyrir
sínu,“ sagði Sigurður Ragnar.
Íslenska landsliðið spilar næst
við Bandaríkin á föstudaginn.
„Það verður ekkert léttur leikur
næst þegar við mætum Bandaríkj-
unum. Þær eiga að vera besta lið í
heimi samkvæmt þessum heims-
lista og það verður rosalega gaman
að mæta þeim. Þá reynir bara enn
frekar á liðið og við sjáum hvar við
stöndum,“ sagði Sigurður Ragnar
að lokum. ooj@frettabladid.is
Sögulegur og sannfærandi sigur
Ísland vann 3-1 sigur á Noregi í fyrsta leiknum á Algarve-bikarnum í gær. Sara Björk Gunnarsdóttir skoraði
tvö mörk og pakkaði saman einum besta leikmanni heims. Landsliðsþjálfarinn var rosalega ánægður.
FLOTTAR Kvennalandsliðið vann einn sinn stærsta sigur í sögunni þegar liðið lagði Norðmenn 3-1 að velli í Algarve-bikarnum í
gær. Hér fagna Sigurður Ragnar og stelpurnar góðum úrslitum á síðasta ári. FRÉTTABLAÐIÐ/RÓSA
Bikarmeistarar Stjörnunnar eiga á hættu að missa af úrslitakeppninni
í Iceland Express-deild karla í körfubolta eftir þrjú töp í röð. Liðið
vann óvæntan sigur á toppliði KR í bikarúrslitaleiknum í Höllinni á
dögunum en hefur síðan tapað fyrir KR, Keflavík og Breiðabliki
í deildinni. Stjarnan fær eitt heitasta lið deildarinnar, Snæfell,
í heimsókn í Garðabæinn í kvöld.
„Við bjuggumst alveg við því eftir bikarúrslitin að lið myndu
taka okkur alvarlega. Við erum reyndar búnir að tapa fyrir
tveimur af betri liðunum, Keflavík og KR, en ég
var alveg hrikalega svekktur með leikinn á
móti Breiðabliki,“ sagði Teitur Örlygsson,
þjálfari Stjörnunnar.
„Við erum aftur komnir með bakið upp við
vegginn ef við ætlum að koma okkur inn í
þessa úrslitakeppni,“ segir Teitur. Hann sér
ekki betur en vandamálið í síðustu leikjum
liggi í hausnum á hans mönnum. „Ég
held að þetta sé aðallega í hausnum á
mönnum þegar menn eru að klikka á snið-
skotum og vítaskotum sem menn geta gert hundrað sinnum í röð án
þess að klikka úr þeim. Þegar svoleiðis fer forgörðum þá er þetta allt
í hausnum,“ segir Teitur en Stjarnan klikkaði á fimmtán vítum í fimm
stiga tapinu á móti Blikum.
Það gæti dugað Stjörnunni að vinna einn leik til viðbótar en liðið
mætir Snæfelli á heimavelli í kvöld og FSu á útivelli á sunnudags-
kvöldið. „Við hugsum bara um Snæfell núna. Þeir eru með hrika-
lega vel mannað byrjunarlið. Þeir eru stórir og skynsamir
allir og það er ekkert sem kemur þeim úr jafnvægi. Þeir
eru yfirvegaðir og með reynslu þannig að við þurfum
að ná okkar allra besta leik til þess að eiga roð í þá,“
segir Teitur og Stjörnuliðið þarf þá að rífa sig upp eftir
síðasta leik á móti Blikum. „Ef við spilum eins og á
móti Breiðabliki þá verðum við jarðaðir. Það er bara
þannig. Við vorum mest svekktir með Blikaleikinn af
öllum þessum tapleikjum af því að okkur fannst við
vera að tapa fyrir verra liði,“ sagði Teitur rétt fyrir
síðustu æfingu liðsins fyrir leikinn í kvöld.
TEITUR ÖRLYGSSON, ÞJÁLFARI STJÖRNUNNAR: ÞRÍR TAPLEIKIR Í RÖÐ EFTIR AÐ BIKARMEISTARATITILLINN KOM Í HÖFN
Verðum jarðaðir ef við spilum eins og á móti Blikum