Lesbók Morgunblaðsins - 30.09.2006, Side 14

14 LAUGARDAGUR 30. SEPTEMBER 2006 MORGUNBLAÐIÐ
lesbók
Við Kringilsá var hagi stoltra hreina,
í hópum undu þar við grös og fléttur,
en álver nýta ekki dýr og steina
og aðeins gildir stóriðjunnar réttur.
Við jökulinn er jafnan ró og friður
og jurtaætum Snæfell er sem vinur,
sem fiðluómur fljótsins þungi niður
og flókin tónaröð er vindsins hvinur.
En stíflan rís með stjarfan ógnarskugga
og stefin Kára boða vá og dauða.
Í lágsveitunum launráð grimmir brugga,
enn litast tennur refs af blóði sauða.
Við korgað lónið híma svangir hreinar
er hyljast vatni fléttur, grös og steinar.
Davíð Hjálmar Haraldsson
Við Kringilsá
Höfundur er ljóðskáld.