Morgunblaðið - 15.07.2006, Page 4

4 LAUGARDAGUR 15. JÚLÍ 2006 MORGUNBLAÐIÐ
FRÉTTIR
Skógarhlíð 18 – 105 Reykjavík – sími 591 9000
Akureyri – sími 461 1099 • Hafnarfirði – sími 510 9500
www.terranova.is
Golden Sands í Búlgaríu hefur sannarlega slegið í gegn hjá Íslendingum.
Höfum náð að fá viðbótargistingu á Hotel Kristal sem við bjóðum á
sértilboði á frábærum kjörum. Gríptu tækifærið og skelltu þér til þessa
vinsæla sumarleyfisstaðar sem bíður þín með frábæra strönd, einstakt
loftslag, ótæmandi afþreyingarmöguleika, fjölbreytta veitingastaði og
fjörugt næturlíf. Mjög gott fjögurra stjörnu hótel sem stendur í fallegu,
rólegu og grónu umhverfi. Hótelið var
allt endurnýjað árið 2004. Stutt á
strönd og í miðbæinn. Mjög góð
aðstaða í fríinu. Hálft fæði innifalið.
Frá kr. 54.990
Netverð á mann, m.v. 2 í herbergi í viku.
Flug, skattar, gisting með hálfu fæði og
fararstjórn. Verð 3. ágúst er 5.000 kr.
hærra.
Búlgaría
20. júlí og 3. ágúst
frá kr. 54.990
Hotel Kristal ****
Frábær aðbúnaður og hálft fæði
- SPENNANDI VALKOSTUR
Glæsilegt
sértilboð
VERKTAKARNIR Jarðvélar ehf.
og Eykt ehf. áttu lægsta boð í bygg-
ingu mislægra gatnamóta á mótum
Vesturlandsvegar og Suðurlands-
vegar. Byggð verður brú með einni
akrein í hvora átt og eru verklok
áætluð 1. nóvember.
Á máli vegagerðarinnar rísa
gatnamótin þar sem Nesbraut teng-
ist Hringvegi, en Nesbraut gengur í
Reykjavík undir nöfnunum Hring-
braut, Miklabraut og Ártúnsbrekka
áður en hún verður að Vesturlands-
vegi.
Morgunblaðið/Kristinn
Mislæg gatnamót rísa
ofan við Reykjavík
HÉRAÐSDÓMUR Suðurlands hef-
ur fellt úr gildi úrskurð óbyggða-
nefndar um þjóðlendu á landsvæðinu
Hvítmögu í Mýrdalshreppi og jafn-
framt viðurkennt þá kröfu eigenda
Ytri-Sólheimahjáleigu að á svæðinu
innan neðangreindra marka væri
engin þjóðlenda. Er um að ræða
svæðið frá upptökum Fúlalækjar,
öðru nafni Jökulsár á Sólheimasandi,
við suðvestanverðan Mýrdalsjökul;
fylgir línan ánni þangað sem hún
rennur undir Sólheimajökul. Frá
þeim punkti fylgir línan vesturjaðri
Sólheimajökuls norður að Mýrdals-
jökli og svo jaðri jökuls að upptökum
Fúlalækjar.
Dómurinn taldi stefnendur máls-
ins hafa fært nægilegar sönnur fyrir
því að Hvítmaga væri eignarland
þeirra í skilningi þjóðlendulaga og
ekki yrðu gerðar kröfur til þess að
þeir færðu frekari sönnur fyrir eign-
arréttinum.
„Jökulsár gamli Farvegur“
Í dómi segir að þegar virt sé nið-
urstaða óbyggðanefndar um eignar-
réttarlega stöðu Ytri-Sólheima að
Hvítmögu frátalinni, sé það álit
dómsins að eignarréttarleg staða
Hvítmögu ráðist af túlkun á hugtök-
unum „Jökulsár gamli Farvegur“ og
„norður í jökul“. Í greinargerð Odds
Sigurðssonar jarðfræðings fyrir
óbyggðanefnd kæmi fram að gamli
farvegurinn vestan við Hestaþings-
háls héti enn Jökulsárgil og í honum
rynni Sýslulækur. Héti áfram Jök-
ulsárgil upp á milli Skógafjalls og
Hvítmögu og fylgdu þar sýslumörk.
Engar heimildir voru Oddi kunnar
fyrir því að Jökulsá hefði runnið frá
jökli annars staðar en í Jökulsárgili
þótt hún hefði lengst af þurft að
bregða sér undir sporð Sólheimajök-
uls til að komast leiðar sinnar. Að
þessu virtu hafnaði dómurinn skiln-
ingi óbyggðanefndar að átt væri við
Sólheimajökul þegar talað væri um
hinn gamla farveg Jökulsár.
Hjörtur Aðalsteinsson héraðs-
dómari dæmdi málið. Páll Arnór
Pálsson hrl. flutti málið fyrir stefn-
endur og Skarphéðinn Þórisson rík-
islögmaður fyrir stefnda.
Hvítmaga
telst ekki
þjóðlenda
ÞORGERÐUR
Katrín Gunnars-
dóttir mennta-
málaráðherra
segir að tillögur
starfsnámsnefnd-
ar séu gott inn-
legg í þá umræðu
sem nú fari fram
um breytta
námsskipan til
stúdentsprófs.
Hún telur að allir þeir sem koma að
málefnum framhaldsskólans eigi að
vinna saman að því að auka valfrelsi
og sveigjanleika í skólakerfinu.
Nefnd sem menntamálaráðherra
skipaði til að gera tillögur um
hvernig efla megi starfsnám hefur
lagt til að miklar breytingar verði
gerðar á skipulagi framhaldsskóla-
náms hér á landi. Í niðurstöðum
nefndarinnar, sem kynntar voru í
vikunni, kemur fram að til þess að
jafna stöðu starfsnáms og bóknáms
sé æskilegt að hver skóli fái að móta
sínar eigin námsleiðir í samstarfi við
háskóla landsins og atvinnulíf.
Hingað til hefur skipulag náms-
brauta verið bundið af aðalnámskrá
en hver skóli hefur getað mótað
námið að einhverju leyti innan þess
ramma.
Þorgerður Katrín segir að tillög-
ur starfsnámsnefndar muni verða
ræddar í viðræðum sem fram fari á
milli menntamálaráðuneytisins og
Kennarasambands Íslands á grunni
hins svokallaða tíu þrepa samkomu-
lags. Snúast þær um hvernig námi
til stúdentsprófs verði háttað í
framtíðinni og eru margir umræðu-
hópar nú þegar farnir að starfa og
fleiri verða stofnaðir nú í haust.
Kallað eftir meiri
sveigjanleika
Hún segir að kallað hafi verið eft-
ir meiri sveigjanleika fyrir skólana
og jafnvel þó að námskrár verði lík-
lega fyrir allar greinar þá sé ekki
ólíklegt vegna tillagna nefndarinnar
að þær verði rýmri en þær hafi ver-
ið til þessa. Enn sé þó bara um til-
lögur að ræða og athuga þurfi
hvernig þetta passi framhaldsskól-
unum. „Nú hefur starfsnámshlutinn
rætt um þetta og þá verður bók-
námshlutinn líka að fjalla um þetta,“
segir Þorgerður Katrín. „Með tillög-
unum er verið að minnka miðstýr-
ingu og auka frelsið en einnig tengja
hin ólíku stig eða svið í samfélaginu
meira saman en verið hefur.“
Umfram allt segist hún fagna til-
lögunum og telja að þær séu gott
innlegg í umræðuna um breytta
námsskipan til stúdentsprófs. „Við
höfum verið að ræða um þetta allt
saman og þetta tíu skrefa sam-
komulag er ákveðin leið til að nálg-
ast skólamálin á mun breiðari
grunni en hægt hefur verið til
þessa.“
Tillögur starfs-
námsnefndar
gott innlegg
Þorgerður Katrín
Gunnarsdóttir
INDRIÐI H. Þorláksson ríkisskatt-
stjóri hefur tilkynnt að hann muni
láta af störfum sem ríkisskattstjóri
frá og með 1. október næstkomandi
og hefur fjármálaráðherra fallist á
lausnarbeiðnina.
Að sögn Indriða er hann kominn á
þann aldur að tímabært sé að hægja
á. Hann hefur gegnt starfi rík-
isskattstjóra frá ársbyrjun 1999 og
var þar áður skrifstofustjóri í fjár-
málaráðuneytinu um árabil.
Indriði lætur af störfum
Indriði H. Þorláksson
GUÐJÓN Rúnarsson, fram-
kvæmdastjóri Samtaka banka og
verðbréfafyrirtækja, gagnrýnir um-
mæli sem höfð voru eftir Birni Þorra
Viktorssyni, formanni Félags fast-
eignasala, í Morgunblaðsfrétt í gær.
Þar kom fram gagnrýni af hálfu fast-
eignasala, einkum í máli Björns
Þorra, í garð lánastofnana, en hann
sagði m.a. bankana og opinbera aðila
reyna að tala fasteignaverð niður.
Guðjón segir að tveir þeirra
þriggja fasteignasala sem nafn-
greindir voru, lýsi yfirvegaðri skoð-
un á þeirri þróun sem átt hefur sér
stað. Formaður Félags fasteignasala
virðist hins vegar hafa aðrar skoð-
anir og segist Guðjón draga í efa að
sjónarmið hans endurspegli viðhorf
fasteignasala almennt.
„Það ber að hafa í huga og það á
við um alla fasteignamarkaði að þeg-
ar niðursveifla á sér stað í efnahags-
og atvinnulífinu, þá fylgir fasteigna-
verð í kjölfarið. Við erum að horfa
upp á það um þessar mundir á Ís-
landi og ástæðan er sáraeinföld. Við
slíkar aðstæður verður aðgangur
lánveitenda í þessu tilviki bankanna,
að fjármagni takmarkaðri.
Fjármögnunarkjör hækka og það
fé sem þeir hafa til umráða minnkar.
Á sama tíma eru stjórnvöld að
hækka stýrivexti,
beinlínis til að
reyna að draga úr
þenslunni og hafa
áhrif á lánveiting-
ar. Þetta er eðli-
leg þróun og hún
er í takt við það
sem gerist annars
staðar við sam-
bærilegar að-
stæður.“
Guðjón segir einnig að gagnrýni á
greiningardeildir banka sé sérkenni-
leg. Þær séu sjálfstæðar deildir sem
leggja faglegt mat á stöðu mála og
hafi ekkert með lánveitingar að gera.
Óábyrgt af manni í hans stöðu
Þá gagnrýnir Guðjón ummæli
Björns Þorra um Íbúðalánasjóð sem
sagði m.a. atburði seinustu vikna
sýna að ekki sé viturlegt að fjarlægja
Íbúðalánasjóð út af markaðinum.
Segist Guðjón telja óábyrgt af
manni í hans stöðu að blanda saman
almennum lánamarkaði á Íslandi og
hins vegar velferðar- og félagslegum
sjónarmiðum. Lánamarkaðurinn
hafi verið að þróast í takt við það sem
á sér stað erlendis og fyrir liggi að
núverandi fyrirkomulag varðandi
aðkomu ríkisins að markaðinum með
starfsemi Íbúðalánasjóðs, gangi ekki
upp. „Það er verið að skoða þau mál
og hvernig hægt er að færa þau í takt
við það sem eðlilegt er talið í öðrum
löndum. Það má ekki blanda því
saman við það sem hann nefnir vel-
ferðar eða félagsleg sjónarmið. Okk-
ar samtök hafa alla tíð haldið því
fram og haft á oddi í umræðunni um
mikilvægi þess að færa fasteigna-
lánamarkaðinn á Íslandi í sama horf
og gerist annars staðar, að á sama
tíma væru til staðar félagsleg úrræði
sem beinast bæði að lágtekjufólki og
eru einnig í sumum tilvikum vegna
byggðasjónarmiða. Þessi úrræði eru
allsendis óháð almennum fasteigna-
lánamarkaði í hverju landi. Mér
finnst óeðlilegt að formaður Félags
fasteignasala sé að blanda þessum
tveimur þáttum saman.
Meginmálið er að það á sér stað
eðlileg þróun þessara mála, jafnt hér
á landi sem í öðrum löndum vegna
breyttra markaðsaðstæðna [...].
Það liggur líka ljóst fyrir að fast-
eignasalar hljóta að hafa heilmikla
hagsmuni af stöðu fasteignamarkað-
arins á hverjum tíma, alveg eins og
aðrir sem að honum koma, en til
lengri tíma litið hljóta hagsmunir
allra að felast í því að stöðugleiki
haldist í þjóðfélaginu og kaupmáttur
fólks breytist ekki um of á skömmum
tíma, sem myndi eiga sér stað ef óða-
verðbólga færi af stað. Það hlýtur að
skipta fasteignasala miklu máli eins
og alla aðra bæði í viðskiptalífinu og
einstaklingana í landinu.“
Gagnrýnir ummæli for-
manns Félags fasteignasala
Guðjón Rúnarsson
Eftir Ómar Friðriksson
omfr@mbl.is