Morgunblaðið - 14.08.2006, Qupperneq 2

2 MÁNUDAGUR 14. ÁGÚST 2006 MORGUNBLAÐIÐ
FRÉTTIR
SKÝRARI GRUNNGILDI
Siv Friðleifsdóttir, heilbrigðis- og
tryggingamálaráðherra, segir í við-
tali við Morgunblaðið að brýnasta
verkefni nýs formanns Framsókn-
arflokksins sé að skýra grunngildi
flokksins og að fara út í málefna-
vinnu sem verði kynnt á seinni hluta
flokksþingsins í febrúar næstkom-
andi. Telur Siv það enn ólíklegt að
áhersla verði lögð á að Ísland sæki
um aðild að Evrópusambandinu.
Hún tilkynnti um framboð sitt sl.
fimmtudag.
Klofningur vegna vopnahlés
Deilur í Líbanonsstjórn um fram-
kvæmd vopnahlésins hafa valdið
klofningi í stjórninni. Vopnahléið á
að taka gildi klukkan fimm fyrir há-
degi í dag en í skilmálum þess er
ákvæði um að vopnaðar sveitir Hiz-
bollah sunnan Litaniár í Suður-
Líbanon skuli afvopnaðar. Um leið
yfirgefi Ísraelsher svæðið. Leiðtogi
Hizbollah sagði á laugardag að sam-
tökin áskildu sér rétt til að berjast
áfram gegn Ísraelum meðan þeir
hefðu her í landinu.
Lítil sala fasteigna
Samningar sem þinglýst var á höf-
uðborgarsvæðinu vegna fasteigna-
kaupa voru 67 talsins í síðustu viku.
Aðeins tvisvar áður hefur takmark-
aðri fjölda samninga verið þinglýst á
einni viku síðan Fasteignamat rík-
isins hóf að birta tölur um efnið á
netinu í febrúar 2001. Meðaltals-
fjöldi þinglýstra kaupsamninga sl.
tólf vikur er 126 og í sömu viku í
fyrra var 174 kaupsamningum þing-
lýst.
Nýjar myndir af Castro
Dagblað ungliða kommúnista á
Kúbu birti í gær fyrstu ljósmynd-
irnar sem birst hafa af Fidel Castro
forseta síðan hann veiktist og gekkst
undir uppskurð. Einnig var birt
ávarp frá honum þar sem hann
þakkaði fyrir hlýjar óskir og hét því
að reyna að ná heilsu á ný. En
Castro sagði jafnframt að rétt væri
að almenningur yrði áfram viðbúinn
slæmum tíðindum.
Lax kafaði 600 metra
Hængur sem veiddur var í Skógá
undir Eyjafjöllum kafaði á sundi
sínu um Norður-Atlantshafið dýpra
en vitað er til að lax hafi áður kafað.
Gefur rafeindafiskmerki sem fyr-
irtækið Laxfiskar kom fyrir á lax-
inum sl. vor til kynna að hann hafi
kafað niður á allt að sex hundruð
metra dýpi, þó hann hafi að mestu
haldið sig við yfirborðið. Samkvæmt
fiskmerkinu hefur hængurinn lagt
að baki fleiri hundruð kílómetra á
ferðum sínum um hafið.
Y f i r l i t
Í dag
Fréttaskýring 8 Minningar 26/30
Vesturland 11 Dagbók 32/35
Viðskipti 12 Myndasögur 32
Úr verinu 13 Staður og stund 34
Erlent 14 Menning 36/37
Daglegt líf 15/17 Bíó 38/41
Umræðan 20/25 Ljósvakar 42
Bréf 25 Veður 43
Forystugrein 26 Staksteinar 43
* * *
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jó-
hann Björnsson, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is
Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jóns-
dóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FJALLA þarf um bréf Öryrkja-
bandalags Íslands (ÖBÍ) til lífeyris-
sjóðanna 14, sem ætla að fella niður
eða skerða örorkubætur til 2.300 ein-
staklinga, á stjórnarfundum ein-
stakra sjóða. Hjá þeim sjóðum sem
haft var samband við í gær var ekki
búið að boða til sérstaks stjórnar-
fundar til að ræða efni bréfsins.
Í bréfi sem ÖBÍ sendi lífeyrissjóð-
unum fyrir helgi er óskað svars í síð-
asta lagi næstkomandi fimmtudag við
ósk bandalagsins um að hætt verði við
að skerða eða fella niður greiðslur til
öryrkja, en ella að framkvæmdinni
verði frestað um ótilgreindan tíma.
Hrafn Magnússon, framkvæmda-
stjóri Landssamtaka lífeyrissjóða,
segir að bréfið hafi verið sent beint á
sjóðina, og það sé þeirra að taka
ákvörðun um hvað verði gert í fram-
haldinu. Lífeyrissjóðirnir hafi tekið
ákvörðun um skerðingar í samræmi
við samþykktir þeirra, og frestur sé
gefinn til að einstaklingar sem lendi í
skerðingu geti kannað rétt sinn, t.d. á
viðbótargreiðslum frá Trygginga-
stofnun.
Fjölmargir þeirra sem eiga von á
skerðingu eða niðurfellingu greiðslna
hafa sett sig í samband við lífeyris-
sjóðina vegna málsins. Hrafn segir að
ef þessir einstaklingar telji að tekju-
sagan síðustu þrjú ár fyrir orkutapið
gefi ekki raunsanna mynd af tekjum
þeirra sé hægt að fara lengra aftur,
allt að átta ár. Hann segir marga nú
vinna að því að afla skattframtala
lengra aftur í tímann, og þriggja mán-
aða frestur eigi að vera meira en
nægilegur til að leysa úr þeim málum.
Skoðað á næsta fundi
Stjórnarfundur hefur verið boðað-
ur hjá Gildi – lífeyrissjóði, eins af sjóð-
unum 14 sem ætla að fella niður eða
skerða greiðslur, miðvikudaginn 23.
ágúst. Helgi Laxdal, stjórnarformað-
ur, segir að á þeim fundi standi til að
ræða bréf ÖBÍ. Aðspurður segir hann
ekki hafa verið rætt hvort boðað verði
til sérstaks stjórnarfundar til að
bregðast við innan þeirra tímamarka
sem ÖBÍ setti.
Helgi vildi í gær ekki segja hvort
hann teldi líklegt að orðið verði við
beiðni ÖBÍ. „Þetta hefur ekki verið
gert eftir reglunum, en það er okkar
hlutverk sem sitjum í stjórn að
tryggja að það sé farið eftir reglum
sem eru í gildi hverju sinni, því ef við
förum að borga einum hópi meira en
hann á raunverulega kemur það bara
niður á hinum. Við værum að rýra
réttindi annarra og við höfum enga
heimild til þess. En við munum eðli-
lega fara yfir þetta bréf.“
Stuttur aðlögunartími hefur verið
gagnrýndur og segist Helgi hafa
skilning á því að lágt launað fólk megi
ekki við neinum breytingum. „Við
munum skoða þetta á næsta fundi og
mér finnst nú líklegt að lífeyrissjóð-
irnir hafi einhverja samræmda stefnu
í því hvernig þeir muni svara þessu.
Ég á ekki von á því að einn lífeyr-
issjóður skeri sig úr að því leyti, og
fari að gera eitthvað allt annað en hin-
ir.“
Fundur um miðjan september
Enginn stjórnarfundur hefur verið
boðaður á næstunni hjá Stöfum – líf-
eyrissjóði vegna bréfs ÖBÍ og Guð-
mundur Hjaltason, stjórnarformaður
sjóðsins, sagðist í samtali við Morg-
unblaðið í gær ekki enn hafa séð bréf-
ið. „Við höfum ekki tekið afstöðu til
þess hvenær við hittumst, en við mun-
um svara þessu bréfi,“ sagði Guð-
mundur. Samkvæmt dagskrá er gert
ráð fyrir því að næsti stjórnarfundur
verði um miðjan september.
Lífeyrissjóðir hafa ekki tekið afstöðu til bréfs ÖBÍ vegna skerðinga
Bréfið verður til umfjöllunar
á stjórnarfundum sjóðanna
Eftir Brján Jónasson
brjann@mbl.is
AGNAR Þórðarson rit-
höfundur lést 12. ágúst
síðastliðinn, 88 ára að
aldri, en hann var fædd-
ur í Reykjavík hinn 11.
september 1917. Var
Agnar einn Klepps-
systkinanna en foreldr-
ar þeirra voru Ellen
Sveinsson húsmóðir og
Þórður Sveinsson, pró-
fessor og yfirlæknir.
Agnar lauk stúdents-
prófi frá Menntaskólan-
um í Reykjavík árið
1937 og cand. mag.-prófi í íslenskum
fræðum frá Háskóla Íslands árið
1945. Sótti hann framhaldsnám í bók-
menntum við Worchester College í
Oxford 1947–1948, eftir að hafa hlotið
styrk frá British Council, og við
School of Drama í Yale 1960–1961,
sem Fulbright-styrkhafi.
Starfaði Agnar sem rithöfundur og
skrifaði skáldsögur,
leikrit, smásögur,
ferðabók og endur-
minningabækur. Voru
verk eftir hann flutt í
leikhúsum, sjónvarpi
og útvarpi auk þess að
vera þýdd á ensku og
pólsku. Einnig var
hann bókavörður við
Landsbókasafnið 1946–
1947 og 1953–1987.
Agnar starfaði fyrir
bresku fréttastofuna í
Reykjavík 1941–1943
og kenndi útlendingum íslensku við
ýmis sendiráð í Reykjavík. Í fyrir-
lestrarferðum sínum um Bandaríkin
flutti hann fyrirlestra um íslenskar
bókmenntir við marga háskóla.
Eftirlifandi kona Agnars er Hildi-
gunnur Hjálmarsdóttir, fyrrverandi
innheimtustjóri, og eignuðust þau
þrjá syni.
Andlát
AGNAR
ÞÓRÐARSON
Í GÆR fór fram í Árbæjarsafni
skákhátíð Árbæjarsafns og Tafl-
félags Reykjavíkur og hófust há-
tíðahöldin á því að skákmeist-
ararnir Bragi Halldórsson og
Guðmundur Kjartansson léku lif-
andi fólki á stóru taflborði. Tafl-
borðið var kalkað á túnið á hring-
torgi Árbæjarsafns og sáu 32
einstaklingar, börn og fullorðnir,
um að leika taflmennina. Skákinni
lauk með sigri Guðmundar eftir
fingurbrjót Braga.
Þessi sigur Guðmundar dugði
hinsvegar lítið í hraðskákmótinu,
„Stórmóti Árbæjarsafns og Tafl-
félags Reykjavíkur“, en þar bar
Bragi sigur úr býtum, vann sex
skákir af sjö og leyfði einungis
eitt jafntefli. Í öðru sæti varð
Hjörvar Steinn Grétarsson og í
þriðja sæti varð Hrannar Baldurs-
son.
Þátttaka í mótinu var góð, en 27
mættu til leiks og tefldu í
skemmtilegu umhverfi Kornhúss-
ins. Mikil og góð þátttaka var hjá
yngstu kynslóðinni.Morgunblaðið/Árni Sæberg
Lifandi
skák
LÖGREGLAN í Reykjavík veitti
tveimur bifreiðum eftirför á laug-
ardaginn eftir að ökumenn bif-
reiðanna sinntu ekki stöðv-
unarmerkjum hennar. Fyrri
eftirförin hófst á því að lögregla
hugðist hafa afskipti af ökumanni
bifreiðar sem ók henni á 99 km
hraða á Hringbraut. Ökumaður og
farþegar hans gerðu tilraun til að
stinga lögreglu af en ekki fór betur
en svo að bifreið þeirra hafnaði á
ljósastaur við Þjórsárgötu. Menn-
irnir voru þó hvergi bangnir og
lögðu á flótta frá lögreglu og hlupu
eftir Þorragötu. Lögreglan reynd-
ist hins vegar sneggri til og hljóp
ökumanninn og farþega hans uppi.
Er ökumaðurinn ekki grunaður um
ölvun við akstur en má eiga von á
háum sektum fyrir hraðakstur og
að hafa ekki sinnt stöðvunarmerkj-
um lögreglu, stefnt öryggi vegfar-
enda í hættu o.fl.
Síðari eftirförin endaði með
árekstri á gatnamótum Miklubraut-
ar og Kringlumýrarbrautar, en þar
hafði ökumaður sem lögreglan
veitti eftirför misst stjórn á bifreið
sinni með fyrrgreindum afleið-
ingum. Maðurinn er grunaður um
að hafa ekið undir áhrifum lyfja og
má hann einnig eiga von á háum
sektum fyrir alvarleg umferð-
arlagabrot.
Tveimur bifreiðum
veitt eftirför
TVÖ bifhjól lentu utan vegar á
Öxnadalsheiði í gærmorgun með
þeim afleiðingum að ökumenn
þeirra og tveir farþegar lemstruðust
nokkuð. Fólkið var flutt á sjúkrahús
til skoðunar en útskrifað að henni
lokinni með skrámur og mar. Til-
drög slyssins voru þau að kind gekk
í veg fyrir hjólin tvö og þegar öku-
menn reyndu að sveigja hjólunum
fram hjá ferfætlingnum vildi ekki
betur til en svo að hjólin rákust sam-
an. Ekki leikur grunur á að um óvar-
legt aksturslag hafi verið að ræða af
hálfu bifhjólamannanna.
Á leið sinni af vettvangi hafði lög-
regla hendur í hári ökumanns sem
mældist á 138 km hraða rétt við
Gloppu, en ökumaðurinn hafði tekið
fram úr fjórum bifhjólum í röð.
Bifhjólaóhapp
í Öxnadal