Morgunblaðið - 14.08.2006, Qupperneq 41

MORGUNBLAÐIÐ MÁNUDAGUR 14. ÁGÚST 2006 41
SAMBÍÓ ÁLFABAKKA SAMBÍÓ KRINGLUNNI
MIAMI VICE kl. 5 - 8 - 11 B.I. 16 ÁRA
MIAMI VICE LUXUS VIP kl. 2 - 5 - 8 - 11 B.I. 16 ÁRA
PIRATES OF CARIBBEAN 2 kl. 2 - 5 - 7 - 8 - 10 - 11 B.I. 12.ÁRA
SUPERMAN kl. 2 - 5 - 8 B.I. 10 ÁRA
OVER THE HEDGE M/- ÍSL TAL. kl. 2 - 3 - 4 Leyfð
OVER THE HEDGE M/- ENSKU TAL kl. 11 Leyfð
BÍLAR M/- ÍSL TAL. kl. 1:45 - 4 Leyfð
THE LONG WEEKEND kl. 6:15 - 8:15 - 10:30 B.I. 14.ÁRA
TVEIR BRÆÐUR. EIN HELGI. ENGIN SKÖMM.
HANN HEFUR EINA LANGA HELGI TIL AÐ
KENNA LÍTLA BRÓÐUR SÍNUMHVERNIG
EIGI AÐ HÚKKA Í DÖMURNAR.
eee
L.I.B. Topp5.is
eee
S.V. Mbl.
P.B.B. DV.
eeee
SÝNDI BÆÐI
MEÐ
ÍSLENSKU OG
ENSKU TALI
ÞAU ÆTLA AÐ NÁ AFTUR HVERFINU...
....EINN BITA Í EINU !
JAMIE FOXX COLIN FARRELL
FRÁ MICHAEL MANN LEIKSTJÓRA
"COLLATERAL" OG "HEAT"
SVALASTA SPENNUMYND SUMARSINS
KVIKMYNDIR.IS
MEÐ CHRIS KLEIN
ÚR “AMERICAN PIE”
MYNDUNUM.
H.J. MBL.
eee
S.U.S. XFM 91,9SÚPERMAN ER SANNARLEGA
KOMINN AFTUR.
M.M.J. KVIKMYNDIR.COM
MIAMI VICE kl. 5 - 8 - 10:45 B.I. 16.ÁRA.
PIRATES OF CARIBBEAN 2 kl. 5 - 8 - 11 B.I. 12.ÁRA. DIGITAL SÝN.
OVER THE HEDGE M/- ÍSL TAL. kl. 4 Leyfð DIGITAL SÝN.
OVER THE HEDGE M/- ENSKU TAL. kl. 6 Leyfð DIGITAL SÝN.
THE LONG WEEKEND kl. 8 - 10 - 11:50 B.I. 12.ÁRA.
STAFRÆNA / DIGITAL BÍÓIÐ Á ÍSLANDI
...eftir þínu höfði
Lyngháls 4 – s: 517 7727 – www.nora.is
Frumlegur
vínkælir
MARGIR Íslendingar sem komnir
eru yfir þrítugsaldurinn eiga eflaust
góðar minningar um bandaríska
sjónvarpsþáttinn Miami Vice sem
skartaði þeim Don Johnson og Phil-
ip Michael Thomas í hlutverki löggu-
félaganna Crockett og Tubbs sem
börðust gegn glæpamönnum og eit-
urlyfjasölum í sólríku umhverfi
pálmatrjáa, léttklæddra stúlkna og
hraðskreiðra bíla. Þættirnir þóttu
tískumótandi bæði hvað varðaði
pastelliti og uppbrettar ermar á bla-
zerjökkum, svo ekki sé talað um það
að vera í bol innan undir jakkanum,
en fengu einnig plús í kladdann fyrir
að vera gerðir af meiri metnaði og
stílvitund en flestir sambærilegir
samtímasjónvarpsþættir.
Þessi styrkleiki þáttanna er
gjarnan rakinn til leikstjórans Mich-
ael Mann en hann gerði marga
fyrstu þættina og hafði umtalsverð
áhrif á útlit og stefnu seríunnar. Nú
þegar Hollywood hefur tekið þá
ákvörðun að umbreyta þáttunum í
kvikmynd á hvíta tjaldinu kemur
það nokkuð á óvart að leitað skyldi á
ný til Manns, en ferill hans hefur
tekið nokkuð skýra stefnu í átt frá
poppkorni Miami Vice áranna eins
og myndir á borð við Manhunter,
The Insider og Ali eru ágæt dæmi
um. Mann er þó ekki alls óreyndur á
þessu sviði og nýlegar myndir eins
og Heat og Collateral hafa vakið at-
hygli og þótt rísa vel upp fyrir
miðjumoðið sem jafnan einkennir
framleiðslu Hollywood á has-
armyndum.
Það er því með nokkurri eftirvæn-
ingu sem fylgst er með því hvernig
Mann vinnur nú úr Miami Vice og
eigin fortíð en ég held að fáir hafi átt
von á þeim rofum sem eiga sér stað
milli sjónvarpsþátta og kvikmyndar.
Aðeins nöfn aðalsöguhetjanna og
leikumgjörðin, undirheimar Miami
og ákveðin stílvitund, standa eftir,
en að öðru leyti er kvikmyndin
Miami Vice (Miami löggur) fyrst og
fremst dramatískur og hrjúfur glæ-
patryllir í anda Heat.
Það er margt mjög vel heppnað í
kvikmyndinni. Stíltilfinning Manns
er sterk og mætti lýsa Miami Vice
sem röð stílsterkra atriða, þar sem
hin tælandi ára allsnægta svífur yfir
vötnum undir glitrandi sólarlagi
spillingarborgarinnar Miami. Mann
situr ekki á peningunum sem hann
hefur haft úr að spila við gerð mynd-
arinnar, heldur veður allt í flottustu
fáanlegu hraðbátum, glæsivillum og
sportbílum sem flaggað er í hví-
vetna.
Þeir Crockett og Tubbs hafa jafn-
framt erft tískuvitundina frá for-
verum sínum frá níunda áratugnum,
eru ekki aðeins harðskeyttar löggur
heldur harðskeyttar löggur sem eru
flottar í tauinu. Colin Farrell og Ja-
mie Foxx eru báðir stórfínir í hlut-
verkum þessara nostalgíu-hlöðnu
sögupersóna, en hver um sig fer með
sína persónu í nýjar áttir. Þannig
reynist Crockett veikari fyrir hinni
ljúfu angan lúxuslífernis glæpaheim-
anna en lögreglumönnum er hollt og
reynir á þá veikleika þegar þeim fé-
lögum er falið að þykjast vera eitur-
lyfjasmyglarar til þess að komast að
upplýsingum um alræmdan eitur-
lyfjabarón. Jamie Foxx er e.t..v. sá
réttsýnni af þeim félögum, en Mich-
ael Mann gefur öllum sögupersónum
þann hrjúfa skráp sem nauðsyn-
legur er til að lifa af í vægðarlausu
glæpaumhverfi, en persónusköpunin
er almennt vel sterk í myndinni og
leikarar góðir.
Það er hins vegar ljóst að styrk-
leikar Michael Mann liggja ekki í
handritsgerðinni, þar sem söguþráð-
ur og spennuframvindan standast
illa nærskoðun. Satt að segja stend-
ur þar ekki steinn yfir steini, en
Mann tekst á einhvern stórmerki-
legan hátt að slá ryki í augu áhorf-
andans með þeim mun liprari has-
aratriðum, tökum í exótískum
borgum, stíltilþrifum og samtölum
sem hljóma sannfærandi en erfitt er
að skilja, svo hlaðin eru þau af bófa-
og töffaraslangri. Fyrir vikið er
Miami Vice stórfín sem spennu-
mynd, og er það ekki fyrr en eftir á
að maður klórar sér í hausnum og
spyr sig út á hvað þetta hafi nú aftur
allt saman gengið.
Flottir
í tauinu
Heiða Jóhannsdóttir
KVIKMYNDIR
Smárabíó, Laugarásbíó, Borg-
arbíó Akureyri, Sambíóin
Leikstjórn og handrit: Michael Mann. Að-
alhlutverk: Colin Farrell, Jamie Foxx,
Gong Li, Luis Tosar og Naomie Harris.
Bandaríkin, 130 mín.
Miami Vice (Miami löggur)
Colin Farrell og Jamie Foxx eru stórfínir í myndinni að mati gagnrýnanda.
ÞAÐ allra fysta sem flýgur í gegn
um hugann við að hlusta á geisla-
diskinn Íslensk ástarlög er spurn-
ingin: Fyrir
hvern er þessi
diskur eiginlega
gerður? Er hann
ætlaður fyrir
unglingsstúlkur
sem eru að stíga
sín fyrstu skref
á hálli braut ástarinnar og hlusta
á ástarlög í unglingaherbergj-
unum, meðfram því að lesa Rauðu
ástarsögurnar? Er hann fyrir til-
finningaríkar ömmur sem ganga í
barndóm við að hlusta á róm-
antíska tónlist og fella tár af til-
finningasemi? Er hann yfirhöfuð
fyrir aðra en konur sem hafa gam-
an af að lifa sig inn í ást og róm-
antík? Ég heyri þennan disk til
dæmis ekki fyrir mér sem und-
irspil við bílaviðgerðir úti í bíl-
skúr, eða sem tónlistin við vinn-
una á blönduðum vinnustað. Þetta
gætu þó vel verið fordómar í mér
og ef til vill flykkjast karlmenn á
öllum aldri út í búðir til að hrifsa
þennan disk úr hillunum, án þess
að ég sjái það fyrir hér og nú.
En að disknum sem slíkum.
Þær fimm söngkonur sem valdar
eru til að túlka íslenska ást-
arsöngva hér eru allar með
óvenjulega hljómþýðar raddir.
Sérhver þeirra hefur sinn ákveðna
stíl og komast þær allar hnökra-
laust frá flutningi sínum. Það er
persónulegur smekkur hvers
hlustanda fyrir sig sem ákvarðar
hver söngkvennanna er talin
standa sig best, en óneitanlega er
varla annað hægt en að bera þær
svolítið saman, þótt það hafi nú
varla verið upphaflegi tilgang-
urinn með því að velja eingöngu
kvenraddir á diskinn. Ásamt þess-
um samanburði er ákveðin hlið-
arverkun við það að hafa bara
söngkonur að diskurinn verður al-
veg ægilega væminn. Þannig hefur
mér reynst erfiðara og erfiðara að
hlusta á nema fyrstu 7 lögin á
honum, því þá er ég einfaldlega
komin með of stóran skammt af
tilfinningasömum og fallegum
röddum. Reyndar eru þá best
heppnuðu lög disksins að mínu
mati líka búin og því get ég bara
slökkt, en mín uppáhalds eru
„Ástin mín ein“ með Ellen Krist-
jánsdóttur og „Tunglið mitt“ með
Hildi Völu. Þessi tvö lög eru
reyndar svo falleg og svo vel
sungin að ég fæ næstum tár í aug-
un eins og ömmurnar, og svíf
næstum inn í dagdrauma ung-
lingsstúlknanna, … en bara næst-
um því. Þessi tvö lög, og hinn
stórbrotni hljóðfæraleikur allra
sem koma að disknum, er reyndar
nægjanleg ástæða til að verða sér
úti um eintak, en fyrir minn
smekk er væmnin og sykurhúðin
of mikil í heildina. Ég endaði
ítrekað á því að hlusta á tommu-
leik Birgis Baldurssonar, hljóm-
borðsleik Jóns Ólafssonar eða gít-
arspil Gumma P. í stað þess að
hlusta á lögin sjálf, en svona virk-
ar þetta bara hjá mér. Diskurinn
er fullkominn fyrir rómantíska,
fyrir fólk sem vill auka framleiðslu
tárakirtlanna eða fyrir einlæga
aðdáendur væminna kvenradda.
Ég bít í það súra epli að geta
ekki haft eins gaman af þessu og
margir aðrir, og skelli Motörhead
eða HAM í strax eftir diskinn til
að skola væmnina út með reiðu
rokki.
Of mikill sykur
TÓNLIST
Íslenskur geisladiskur
Geisladiskur með söngkonunum Ellen
Kristjánsdóttur, Andreu Gylfadóttur, Sig-
ríði Eyþórsdóttur, Ragnheiði Gröndal og
Hildi Völu. 13 lög, heildartími 50.53 mín-
útur. Um hljóðfæraleik sjá Birgir Bald-
ursson, trommur, Róbert Þórhallsson,
bassi og kontrabassi, Guðmundur Pét-
ursson gítarar og mandólín, Jón Ólafsson
hljómborð, harmonikka, bakraddir, Sig-
urður Flosason, saxófónar, Kjartan Há-
konarson, trompet, Helgi Guðmundsson,
munnharpa. Strengjakvartett: Sigrún Eð-
valdsdóttir, 1. fiðla, Zbigniew Dubik, 2.
fiðla, Helga Þórarinsdóttir, víóla, Bryndís
Halla Gylfadóttir, selló. Lög eru eftir
Bubba, Valgeir Guðjónsson, Jón Ólafs-
son, Jóhann Helgason, Magnús Þór Sig-
mundsson, Ragnheiði Gröndal, Þorvald
Bjarna Þorvaldsson, Megas, Magnús Ei-
ríksson og Jóhann G. Jóhannsson. Textar
eru eftir Bubba, Valgeir Guðjónsson,
Kristján Hreinsson, Hallgrím Helgason,
Magnús Þór Sigmundsson, Sigmund Erni
Rúnarsson, Andreu Gylfadóttur, Megas,
Magnús Eiríksson og Jóhann G. Jóhanns-
son. Upptökustjórn og útsetningar: Jón
Ólafsson, nema „Tvær stjörnur“, útsetn-
ing Þórður Magnússon. Upptökumenn:
Addi 800, Jón Ólafsson og Haffi Tempó.
Tekið upp í Sýrlandi, Hljóðrita og Eyranu.
Hljóðblöndun: Addi 800 í Sýrlandi. Loka-
hljóðvinnsla: Bjarni Bragi Kjartansson og
Haffi Tempó. Grafísk hönnun: Vatikanið/
KÖ. Ljósmyndun: Teitur. Sena og Stein-
snar gefa út 2006.
Íslensk ástarlög
**
Ragnheiður Eiríksdóttir
Unnur Birna fegurðardrottninglenti í hremmingum á dög-
unum í tengslum við bloggfærslu
sem hún setti á
vef sinn. Þannig
var mál með vexti
að hún hafði
skroppið í kvöld-
verð sem var til
heiðurs henni
sjálfri og nýk-
rýndri „Miss Bra-
zil Mundo“ hjá
pólska ræðismanninum í Brasilíu.
Eitthvað þótti henni það sem á boð-
stólum var ekki upp á marga fiska og
sagði að eftirrétturinn hefði litið út
eins og hún ímyndaði sér „astral-
tertugubb“ og vitnaði þar með til vin-
sæls lags Stuðmanna. Þetta þótti að-
standendum keppninnar Ungfrú
Alheimur ekki nógu gott og kröfðust
þess að færslan yrði tekin út og var
því bloggsíða Unnar læst á meðan
því fór fram.
  
Hópurinn Bedroom Communitysem rekur samnefnda plötuút-
gáfu verður með sérstakt kvöld á
Iceland Airwaves í ár. Fram koma
tónlistarmennirnir Nico Muhly, Sam
Amidon, Ben Frost, Egill Sæbjörns-
son og Valgeir Sigurðsson sem setti
Bedroom Comm-
unity á laggirnar
fyrir rúmu ári síð-
an.
Félagsskapur-
inn heldur mikið
til í kringum stúd-
íó Valgeirs, Gróð-
urhúsið, og hefur
fyrsta platan sem
gefin er undir þeirra merkjum,
Speaks Volumes, fengið góða dóma
hjá fjölmiðlum t.d. The Fader Ma-
gazine og The New Yorker. Á áætlun
eru útgáfur í haust á breiðskífum
með Ben Frost, Theory of Machines,
og Valgeiri Sigurðssyni, Equilibirum
is Restored, en lög af báðum plötum
verða flutt á Iceland Airwaves.
Fólk folk@mbl.is