Fréttablaðið - 06.04.2009, Qupperneq 2

2 6. apríl 2009 MÁNUDAGUR
SAMGÖNGUMÁL Aðeins er eftir að sprengja tæplega
fjörutíu metra haft í eystri göngum Héðinsfjarðar-
ganga. Slegið verður í gegn á fimmtudagsmorguninn.
Verkið hefur tafist um sex mánuði.
Jóhann Gunnar Stefánsson, framkvæmdastjóri
Háfells, segir „99,9 prósent öruggt“ að markmiðið
náist, enda sé samgönguráðherra boðaður norður á
fimmtudagsmorguninn. „Síðasta sprengingin verður
klukkan tíu um morguninn. Við keyrum svo í gegn
í fyrsta skipti frá Siglufirði til Ólafsfjarðar seinni
partinn.“ Háfell ehf. annast verkið ásamt tékkneska
fyrirtækinu Metrostav. Háfell er með rúmlega þrjá-
tíu starfsmenn á vinnusvæðinu en Tékkarnir sextíu.
Áætlað er að lokafrágangi við göngin verði lokið 16.
júní 2010 en Háfell mun fjölga sínum starfsmönnum
á þeim tíma.
Héðinsfjarðargöng eru stærsti verksamningur
sem Vegagerðin hafði gert við undirskrift í maí 2006.
Heildarkostnaður var þá áætlaður um sjö milljarðar
króna. Göngin stytta leiðina milli Siglufjarðar
og Ólafsfjarðar úr 62 kílómetrum í um fimmtán
kílómetra, miðað við leið um Lágheiði, og úr 234
kílómetrum í fimmtán kílómetra miðað við leið um
Öxnadals heiði. Jarðgöngin verða tvíbreið, um 3,7 kíló-
metra löng milli Siglufjarðar og Héðinsfjarðar og um
6,9 kílómetrar milli Héðinsfjarðar og Ólafsfjarðar. Í
heildina verða göngin um ellefu kílómetrar. - shá
Síðasta haftið í Héðinsfjarðargöngum sprengt næstkomandi fimmtudag:
Eftir að sprengja um 40 metra
HÉÐINSFJARÐARGÖNG Göngin verða tilbúin um mitt næsta
sumar og munu marka tímamót í samgöngumálum nyrðra.
MYND/VEGAGERÐIN
Arna, var þetta guðsgjöf?
„Þetta var alla vega Guðs þakkar
vert.“
Reykjavíkurborg hefur gefið Langholts-
kirkjusöfnuði eftir sautján milljóna króna
skuld. Arna Ýrr Sigurðardóttir er prestur í
Langholtskirkju.
VIÐSKIPTI Margeir Pétursson, stjórn-
arformaður MP Banka, segir kaup
bankans á útibúaneti SPRON í upp-
námi vegna aðgerða Nýja Kaup-
þings og þar með ráðning bankans
á 45 fyrrverandi starfsmönnum
SPRON. Hann hótar kæru til Sam-
keppniseftirlitsins linni fulltrúar
Kaupþings ekki látum.
Skilanefnd
SPRON hefur
samþykkt 800
milljóna króna
kauptilboð MP
Banka í útibúa-
netið, en MP
hyggst hefja
starfsemi á ný
í þremur útibú-
um undir merkj-
um SPRON. Sam-
keppniseftirlitið hefur einnig
samþykkt kaupin. Hins vegar þurfti
að fresta fyrirhugaðri opnun útibú-
anna í dag vegna þess að samþykki
Fjármálaeftirlitsins (FME) liggur
enn ekki fyrir.
Margeir fullyrðir að töfin á sam-
þykki frá FME sé þrýstingi frá
Kaupþingi að kenna og að Kaupþing
hafi jafnvel fengið fulltrúa Seðla-
banka Íslands til að ganga erinda
sinna í málinu.
Við fall SPRON voru allir inn-
lánsreikningar bankans færðir
til Kaupþings. Í Kaupþingi óttast
menn að þegar MP Banki opni útibú
SPRON á ný muni fyrrverandi við-
skiptavinir SPRON, sem nú eiga fé
á reikningum í Kaupþingi, flykkj-
ast með peninga sína til MP Banka.
Það gæti reynst Kaupþingi þungur
ljár í þúfu að útvega fjármagn til
slíkra útgreiðslna í snarheitum.
„Það er auðvitað algjörlega óvið-
unandi að samkeppnisaðili, þótt það
sé ríkisbanki, geti beitt þrýstingi til
að stöðva samkeppni,“ segir Mar-
geir. Hann segist ekki trúa því að
Samkeppniseftirlitið og FME muni
láta slíkt yfir sig ganga og segir að
framganga Kaupþings verði kærð
til Samkeppniseftirlitsins verði
ekki látið af henni. Allar tafir á mál-
inu komi MP Banka mjög illa, enda
megi leiða líkur að því að færri fyrr-
verandi viðskiptavinir SPRON muni
færa sig til hins nýja SPRON því
lengra sem líði frá falli bankans.
Finnur Sveinbjörnsson, banka-
stjóri Kaupþings, segir alrangt að
bankinn hafi beitt öllum meðulum
til að koma í veg fyrir söluna til MP
en vill að öðru leyti ekki tjá sig um
málið. Öllum spurningum blaða-
manns svarar hann á þá leið að
verið sé að vinna að farsælli lausn
málsins. Hann bendir þó á að Kaup-
þing sé, líkt og MP Banki, reiðubú-
ið að ráða til sín fyrrverandi starfs-
fólk SPRON. Tuttugu hafi þegar
verið ráðnir og þeir verði fleiri fari
svo að Kaupþing taki til sín útlána-
safn SPRON. stigur@frettabladid.is
Hótar að kæra Kaup-
þing vegna SPRON
Margeir Pétursson fullyrðir að Kaupþing hindri kaup MP á útibúum SPRON
og hótar kæru til Samkeppniseftirlitsins. Alrangt, segir bankastjóri Kaupþings.
Kaupþing hefur þegar ráðið til sín tuttugu fyrrverandi starfsmenn SPRON.
MARGEIR
PÉTURSSON
Hlynur Jónsson, formaður skilanefnd-
ar SPRON, segir að enn sé í skoðun
hver hafi sent tölvupóst úr þjónustu-
veri SPRON þar sem fyrrverandi
viðskiptavinur SPRON er hvattur til
viðskipta við MP Banka. Finnur Svein-
björnsson, bankastjóri Kaupþings,
sagði í Fréttablaðinu á laugardag
mjög óeðlilegt að skilanefndin ynni á
þennan hátt sem hálfgerð markaðs-
deild fyrir MP Banka.
Hlynur segir ljóst að pósturinn
sé ekki frá skilanefndinni kominn,
en vill að öðru leyti ekki tjá sig um
málið. Hann segir málið litið alvar-
legum augum.
TÖLVUPÓSTSENDING ENN Í SKOÐUN
UMDEILDUR SPARISJÓÐUR Fundað var um málið í gær í von um að viðunandi
niðurstaða fengist. Hún var í ekki í höfn þegar Fréttablaðið fór í prentun.
FRÉTTABLAÐIÐ/VALLI
SAMEINUÐU ÞJÓÐIRNAR, AP Að beiðni
Japana var öryggisráð Sameinuðu
þjóðanna kallað saman til bráða-
fundar í gærkvöldi í tilefni af því
að Norður-Kóreumenn létu verða
af því að skjóta upp langdrægri
eldflaug, þvert á viðvaranir.
Norður-Kóreumenn telja sig
vera í rétti og segjast með eld-
flaugarskotinu hafa verið að
koma gervihnetti á sporbraut.
Japanar álíta eldflaugarskotið
aftur á móti sem vísvitandi ögrun;
Norður-Kóreumenn séu með því
að sýna að þeir búi yfir langdræg-
um eldflaugum sem geta flutt
kjarnaodda langar leiðir.
Barack Obama Bandaríkjafor-
seti sagði í gær að eldflaugar-
skotið ógnaði friði og stöðugleika
„nær og fjær“. - aa
Norður-Kóreumenn ögra:
Eldflaugarskot
sagt ógna friði
ÆSINGUR Seúlbúar mótmæla ögrunum
norðanmanna með því að brenna
eldflaugarlíki og fána N-Kóreu.
FRÉTTABLAÐIÐ/AP
LÖGREGLUMÁL Einn af þremenn-
ingunum sem hafa játað að hafa
kveikt í rútu í Vestmannaeyj-
um aðfaranótt miðvikudags er í
slökkviliði bæjarins. Rútan eyði-
lagðist og litlu munaði að eldur-
inn bærist í hús Björgunarfélags
Vestmannaeyja, en tveir mann-
anna tengdust einnig félaginu.
Starfsmenn Slökkviliðs Vest-
mannaeyja og meðlimir Björg-
unarfélags Vestmannaeyja sendu
frá sér tilkynningu í gær þar sem
atburðurinn er harmaður. Lög-
reglan rannsakar hvort menn-
irnir tengjast öðrum íkveikjum í
Eyjum undanfarin misseri.
Slökkviliðsmaðurinn hefur
óskað eftir því að verða leystur
frá skyldum sínum sem slökkvi-
liðsmaður og meðlimur í Björg-
unarfélaginu. - shá
Bruni í Vestmannaeyjum:
Brennuvargur
í slökkviliðinu
BRUNNA RÚTAN Rútan er ónýt og
margar rúður brotnuðu í húsi Björgunar-
félagsins vegna hitans. FRÉTTABLAÐIÐ/ÓSKAR
Eldur á svölum
Slökkviliðið sendi fjölmennt lið að
blokk í Asparfelli í gærkvöldi þar
sem eldur logaði í gasgrilli á svölum
á fimmtu hæð. Vel gekk að slökkva.
Íbúar voru ekki í íbúðinni en sprengi-
hætta var nokkur.
LÖGREGLUMÁL
Ivanov í forystu
Gjorgje Ivanov, frambjóðandi íhalds-
manna, hafði gott forskot þegar 56
prósent atkvæða höfðu verið talin í
úrslitaumferð forsetakosninga í Make-
dóníu í gær. Ivanov var þá kominn
með rúm 66 prósent atkvæða.
MAKEDÓNÍA
EFNAHAGSMÁL „Það sem mér fannst
sláandi er mikilvægi þess að slá
skjaldborg um okkar auðlindir og
að við missum þær ekki úr okkar
höndum. Ég man nú ekki hversu
oft ég hef bent á þetta saman
sjálfur,“ segir Steingrímur J.
Sigfússon fjármálaráðherra um
skoðanir Michaels Hudson, próf-
essors í hagfræði við Missouri-
háskóla.
Hudson sagði í viðtali í Silfri
Egils að íslenska ríkið ætti ekki
að borga skuldir sem það hefði
ekki sjálft stofnað til og að hætta
ætti samstarfi við Alþjóðagjald-
eyrissjóðinn (AGS). Verið sé að
ráðast á íslenska hagkerfið. Mark-
miðið segir hann vera að ná yfir-
ráðum yfir náttúruauðlindum og
fjármunum Íslendinga.
Steingrímur segir að margir
hafi áhuga á að fá verðmæti fyrir
lítið við þær efnahagsaðstæður
sem nú eru. „Við þurfum að
standa fast í fæturna gagnvart
því.“
Hudson gagnrýnir AGS fyrir að
láta Ísland greiða af skuldum sem
það ræður ekki við og mælir með
því að samstarfinu við sjóðinn
verði hætt.
Steingrímur segir aðspurður
að það komi ekki til greina að
segja upp samkomulaginu við
AGS en mikilvægt sé að losna frá
því eins fljótt og kostur er. „Við
verðum einnig að varast að nota
þessi lán svo við verðum sem
minnst háð því að þurfa að sæta
utanaðkomandi skilmálum.“ - shá
Fjármálaráðherra um orð hagfræðiprófessors um auðlindir og AGS:
Sláum skjaldborg um auðlindir
MICHAEL
HUDSON
STEINGRÍMUR J.
SIGFÚSSON
LÖGREGLUMÁL Belgískur maður,
sem strauk úr haldi lögreglu
fyrir helgi, er byrjaður að skila
af sér fíkniefnum sem hann hafði
innvortis. Hann hafði gleypt efni
og einnig geymt þau í endaþarmi.
Þrjár pakkningar hafa skilað sér.
Niðurstöður efnagreiningar
liggja ekki fyrir. Maðurinn situr
nú í gæsluvarðhaldi. - sh
Belgíski strokufanginn:
Byrjaður að
skila efnunum
PARÍS, AP Franska lögreglan hand-
tók alls um 300 manns í hörðum
mótmælaaðgerðum í Strassborg
um helgina, þar sem 60 ára
afmælisleiðtogafundur NATO fór
fram á laugardag.
Nicolas Sarkozy Frakklands-
forseti segist vilja að þeim sem
brjóti lögin verði refsað af hörku.
Michele Alliot-Marie, innanrík-
isráðherra Frakklands, segir að
í kringum 2.000 manns „þekktir
í sínum heimalöndum fyrir öfgar
og ofbeldi“ hafi verið í hópi mót-
mælenda á laugardaginn. Þá var
kveikt í hóteli og tolleftirlitsstöð
nálægt þýsku landamærunum.
-rat
Harka hljóp í NATO-mótmæli:
Um 300 voru
handteknir
SPURNING DAGSINS