Morgunblaðið - 17.01.2007, Qupperneq 10

10 MIÐVIKUDAGUR 17. JANÚAR 2007 MORGUNBLAÐIÐ
FRÉTTIR
● ÞINGMENN eru mishressir með
löng og ströng fundahöld þessa dag-
ana enda gleymist stundum í um-
ræðunni að þingmenn gegna líka
öðrum skyldum en á hinu háa Al-
þingi. Á göngunum heyrðust m.a.
áhyggjur af barnapössun enda erfitt
fyrir þingmenn, ekki síst þá sem eru
á mælendaskrá, að átta sig á hve-
nær þeir eru lausir þegar ekkert er
vitað um lengd á ræðum.
Óvíst hvenær
vinnudeginum lýkur
● SAMKVÆMT heimildum Morg-
unblaðsins eru framsóknarmenn
orðnir heldur þreyttir á málinu og
vilja að það sé afgreitt sem fyrst
enda önnur mál mikilvægari fyrir
Framsókn sem bíða afgreiðslu.
Stjórnarandstaðan hefur lagt mikla
áherslu á að gildistöku laganna
verði breytt þannig að þau taki
gildi eftir kosningar. Með því móti
gefist nýrri ríkisstjórn færi á að
breyta lögunum. Ríkisstjórnin hef-
ur ekki verið tilbúin til að fallast á
þessa kröfu. Ekkert bendir til þess
að stjórnarandstaðan láti af mál-
þófi í bráð.
Framsóknarmenn
óþolinmóðir
● PÁLL Magnússon útvarpsstjóri
sendi Ögmundi Jónassyni þing-
manni tölvupóst í gær til að svara
ræðu þingmannsins á fundi fyrr um
morguninn. Páll sendi jafnframt afrit
á alla starfsmenn RÚV enda kom
fram í ræðu Ögmundar að Páll hefði
sagt eitt um réttindamál starfs-
manna á fundi hjá mennta-
málanefnd en annað við þá persónu-
lega. Kemur fram í bréfinu að Páll
telji sjálfa tilvist RÚV í húfi og að
hann væri að bregðast skyldum sín-
um sem forsvarsmaður ef hann tæki
ekki þátt í umræðum um frumvarpið.
Þykir honum ómaklegt af Ögmundi
að taka málið upp á vettvangi þar
sem Páll getur ekki varið sig.
Sendi Ögmundi bréf
KOLBRÚN Halldórsdóttir,
þingmaður Vinstri grænna,
sagði á Alþingi í gær að ekkert
samkomulag hefði verið gert
við stjórnarandstöðuflokkana
um að þingfundir hefðust fyrr
en ella alla vikuna, að nefnd-
arstarfi yrði frestað og hefð-
bundinn fyrirspurnartími jafn-
vel lagður af. „Samkomulagið
sem var gert við stjórnarand-
stöðuflokkana fyrir áramót
hljóðaði upp á það að Ríkisútvarpsfrumvarpið
yrði fyrsta og eina málið á dagskrá og að við
myndum búa til rými á mánudeginum sem ekki
var gert ráð fyrir í starfsáætlun þingsins.“
Ekki samið um
langa þingfundi
Kolbrún Halldórsdóttir
Kolbrún
Halldórsdóttir
„HVER er ástæðan fyrir því að
forseti hefur sett hér eins kon-
ar herlög á þinginu fyrstu vik-
una 2007?“ spurði Mörður
Árnason, þingmaður Samfylk-
ingar, á þingi í gær, og gerði
athugasemd við að þingmenn
hefðu fengið bréf þar sem vísað
var í tilhögun þingfunda þessa
viku. Sagði Mörður enga til-
högun þingfunda þessa viku
vera til. Í bréfinu kom fram að
fundir fastanefnda yrðu ekki með hefðbundnu
sniði í þessari viku vegna umræðna um RÚV-
frumvarpið. Formenn gætu hins vegar boðað
fundi eftir þörfum.
Hvers vegna eru
herlög á Alþingi?
Mörður Árnason
Mörður Árnason
ÖLLUM sem sátu á Alþingi
fyrir áramót má vera ljóst að
samkomulag var gert um að
klára afgreiðslu RÚV-
frumvarpsins strax eftir ára-
mót, sagði Arnbjörg Sveins-
dóttir, þingmaður Sjálfstæð-
isflokks á þingi í gær. „Síðan
kæmum við saman hér 15. jan-
úar til þess að ræða eitt þingmál
og það yrðu ekki önnur þingmál
á dagskrá fyrr en því væri lok-
ið,“ sagði Arnbjörg og benti jafnframt á að fyr-
irspurnir teldust líka þingmál en stjórnarand-
stöðuþingmenn hafa látið í ljósi óánægju með að
brugðið sé út af hefðbundnum fyrirspurnartíma.
Samkomulagið var
að klára eitt mál
Arnbjörg Sveinsdóttir
Arnbjörg
Sveinsdóttir
Eftir Höllu Gunnarsdóttur
halla@mbl.is
ÚTVARPSSTJÓRI var sakaður um
að fara ekki rétt með staðreyndir og
vera n.k. handbendi stjórnvalda með
pólitískum afskiptum sínum af frum-
varpi um Ríkisútvarpið ohf. á
löngum þingfundi í gær. RÚV-frum-
varpið var eina málið á dagskrá
þingsins og stóð þingfundur frá
10.30 um morguninn og langt fram
eftir kvöldi.
Ögmundur Jónasson, þingmaður
Vinstri hreyfingarinnar – græns
framboðs, vakti athygli á grein Páls
Magnússonar útvarpsstjóra, sem
birtist í Morgunblaðinu í fyrradag,
og sakaði hann um að fara ekki rétt
með staðreyndir, m.a. með því að
gera því skóna að starfsmenn RÚV
væru hlynntir frumvarpinu. „Þetta
er rangt. Stéttarsamtök starfs-
manna eru frumvarpinu algjörlega
ósammála og vilja að því sé vísað
frá,“ sagði Ögmundur og taldi jafn-
framt undarlegt að útvarpsstjóri léti
í það skína að meirihluti þjóðarinnar
væri hlynntur umræddu frumvarpi.
Hann væri að vísa í Gallup-könnun
sem hann lét sjálfur gera. „Ég minni
á að þetta er maður sem samkvæmt
frumvarpi ríkisstjórnarinnar á að fá
alræðisvald yfir allri dagskrárgerð
og öllu mannahaldi í Ríkisútvarpinu,
jafnt á fréttastofum stofnunarinnar
sem annars staðar í stofnuninni,“
sagði Ögmundur.
Guðjón Arnar Kristjánsson, þing-
maður Frjálslynda flokksins, árétt-
aði að Ríkisútvarpið ætti að gæta
hlutleysis og setti spurningarmerki
við hvort afskipti Páls Magnússonar
af RÚV-frumvarpinu væru eðlileg.
„Eða er búið að aflétta því að það sé
gætt hlutleysis af Ríkisútvarpsins
hálfu í umfjöllun mála?“ spurði Guð-
jón Arnar.
Eðlilegt að forstöðumenn
ríkisstofnana hafi skoðun
Þorgerður Katrín Gunnarsdóttir
menntamálaráðherra mótmælti mál-
flutningi stjórnarandstöðuþing-
manna og sagði ekkert óeðlilegt að
forstöðumenn ríkisstofnana hefðu
skoðanir á meðferð þingmála er
varða þá stofnun sem þeir eru í for-
svari fyrir. „Stundum eru þeir sam-
mála og stundum eru þeir ósammála.
Oftar en ekki hefur maður heyrt
stjórnarandstöðuna einmitt vitna til
orða forstöðumanna ríkisstofnana
þegar þeir eru ekki sammála þeim
stjórnarfrumvörpum sem er verið að
fjalla um hverju sinni,“ sagði Þor-
gerður og gagnrýndi Mörð Árnason
harðlega fyrir að kalla Pál Magnús-
son blaðafulltrúa menntamálaráðu-
neytisins og Ögmund fyrir að tala
um misnotkun stofnunarinnar.
Ekki spurt um afstöðu til RÚV
Þorgerður sagði jafnframt hluta
af almannaþjónustu Ríkisútvarpsins
að gera skoðanakannanir og að um-
rædd könnun sé gerð á tveggja ára
fresti. „Þá er verið að kanna viðhorf
almennings gagnvart þjónustu Rík-
isútvarpsins og í þetta sinn var verið
að kanna viðhorf landsmanna gagn-
vart Ríkisútvarpinu og það vill svo til
að niðurstaðan er ekki hagfelld fyrir
Ögmund Jónasson, háttvirtan þing-
mann, því meirihluti landsmanna er
fylgjandi breytingu á Ríkisútvarpinu
í ohf.,“ sagði Þorgerður.
Ögmundur mótmælti þessu og
sagði að í umræddri könnun hefði
ekki verið spurt hvort fólk vildi að
Ríkisútvarpið yrði gert að hluta-
félagi. „Það var gefið í skyn að þessi
breyting hefði þegar átt sér stað,“
sagði Ögmundur. „28% gáfu ekki
upp neina afstöðu og þegar málið er
skoðað í heild sinni þá var undir
helmingur þeirra sem spurðir voru á
þessu máli sem er þó langsótt að
túlka á þann veg sem gert hefur ver-
ið.“
Umræðan um RÚV ohf. mun
halda áfram á Alþingi í dag en átta
þingmenn voru á mælendaskrá í
gærkvöld.
RÚV enn eina málið á dagskrá
Útvarpsstjóri sakaður um að fara ekki rétt með staðreyndir og beita sér pólitískt
Morgunblaðið/RAX
Fylgst með Alþingismenn funda frá morgni til kvölds þessa dagana um
RÚV-frumvarpið en ekkert annað mál kemst á dagskrá fyrr en því er lokið.
Í HNOTSKURN
»Umræða um RÚV-frumvarpið hélt áfram á
Alþingi í gær og gera þing-
menn ráð fyrir að hún geti
haldið áfram á löngum fundum
alla vikuna og jafnvel lengur.
»Stjórnarandstaðan er ósáttvið afskipti Páls Magn-
ússonar útvarpsstjóra af mál-
inu.
»Menntamálaráðherra segireðlilegt að forstöðumenn
ríkisstofnana hafi skoðanir á
frumvörpum sem þær snerta.
SIGURÐUR KÁRI Kristjánsson, þingmaður
Sjálfstæðisflokksins og formaður menntamála-
nefndar, sagði í upphafi þingfundar í gær að
hann hygðist ekki flytja sína aðra ræðu um
Ríkisútvarpið ohf. fyrr en Ágúst Ólafur
Ágústsson, varaformaður Samfylkingarinnar,
hefði tekið til máls. Sigurður Kári sagðist bíða
í ofvæni eftir að heyra Ágúst tjá sig um RÚV-
frumvarpið þar sem hann hefði lýst því yfir að
hann væri hlynntur því að Ríkisútvarpið yrði
gert að hlutafélagi. Vísaði Sigurður Kári þar
til ummæla Ágústs Ólafs í Fréttablaðinu 10.
nóv sl. þar sem kom fram að hann styddi að
Ríkisútvarpið yrði gert að hlutafélagi að því
gefnu að ritstjórnarlegt sjálfstæði héldist
óskert og aðgangur kjörinna fulltrúa að upp-
lýsingum yrði fyrir hendi. „Það hefur lítið far-
ið fyrir honum [Ágústi Ólafi] hér í umræðunni
og hann hefur sömuleiðis lítið sést hér í þing-
salnum og lítið blandað sér í þessi mál, bæði á
þessu þingi og hinum fyrri þar sem við höfum
verið að ræða málefni Ríkisútvarpsins,“ sagði
Sigurður Kári og bætti við að það væri ólíklegt
að Ágúst væri einn á þessari skoðun í Sam-
fylkingunni, stærsta stjórnarandstöðuflokkin-
um.
Ágúst Ólafur skráði sig í framhaldinu á mæl-
endaskrá og Sigurður Kári beint á eftir. Þar
sem umræður stóðu langt fram á kvöld í gær
komst Ágúst þó ekki að en í samtali við Morg-
unblaðið sagðist hann ekki vera á móti því í
sjálfu sér að Ríkisútvarpið væri gert að hluta-
félagi að gefnum ákveðnum skilyrðum.
Sjálfstæði ritstjórnar ekki tryggt
„En ég tel að þau skilyrði séu ekki uppfyllt.
Sjálfstæði ritstjórnar sé ekki að fullu leyti
tryggt og ég hef efasemdir um að frumvarpið
standist kröfur samkeppnisréttar,“ sagði Ágúst
en bætti við að hann styddi engu að síður ein-
stök markmið í frumvarpinu, t.d. hvað varðar
eflingu íslenskrar tungu. „Ég er líka á því að
Ríkisútvarpið eigi að fara alfarið út af auglýs-
ingamarkaði og sætti mig ekki við þá leið að
innheimta nefskatt. Síðan virðast réttindamál
starfsmanna vera í uppnámi. Verði frumvarpið
að lögum er ólíklegt að sátt verði um Rík-
isútvarpið og gæti jafnvel stefnt í málaferli,“
sagði Ágúst Ólafur sem á eflaust eftir að eiga
orðaskipti við Sigurð Kára á Alþingi í dag eða á
morgun.
Vill svör frá Ágústi Ólafi um RÚV
Ekki sáttur við frumvarpið óbreytt en hlynntur hugmynd um hlutafélag
Morgunblaðið/RAX
Hvað með RÚV? Ágúst Ólafur Ágústsson var
spurður um afstöðu sína til RÚV.
● FUNDUR Alþingis hefst kl. 10.30 í
dag og stendur að öllum líkindum
fram á kvöld. Eina málið á dagskrá er
frumvarp um Ríkisútvarpið ohf.
Dagskrá þingsins
ÞETTA HELST …
ÞINGMENN BLOGGA
Einar K. Guðfinnsson | 16. janúar
Gamlir bílar hluti af
menningarsögunni
Gaman er líka að geta þess sem þó
fer kannski aðeins minna fyrir í um-
ræðunni, en það er sá áhugi sem víða
er á varðveislu gamalla bíla. Þeir eru
líka hluti af menningarsögu okkar;
það er sögu 20. aldarinnar. Þar er á
ferðinni einlægur áhugi margra ein-
staklinga sem gaman er að geta um.
Meira: http://www.ekg.is/
Björn Bjarnason | 15. janúar
Fréttablaðið og
Murdoch í sama liði
Skiljanlegt er að Fréttablaðið og
aðrir Baugsmiðlar leggist gegn rík-
isútvarpi hér, þeir eru í sama liði og
Rupert Murdoch, þeir vilja gera rík-
isútvarpið sem tortryggilegast til að
veikja stöðu þess, þeim er ljóst að
hlutafélagavæðing styrkir innviði
þess og gerir það að öflugri keppi-
naut.
Meira: http://www.bjorn.is/
● VALDIMAR Leó Friðriksson benti
á í ræðu í gær að RÚV-frumvarpið
gæti aukið kynbundinn launamun
RÚV en launamunur er yfirleitt minni
í opinberum stofnunum. Einnig hafa
heyrst áhyggjur af því að launamunur
milli útvarps og sjónvarps geti aukist
þar sem „stjörnurnar í sjónvarpinu“
fái þá hærri laun. Útvarpsfólk nær
víst sjaldnar í stjörnuhópinn.
Áhyggjur af
launamun