Morgunblaðið - 17.01.2007, Side 15

MORGUNBLAÐIÐ MIÐVIKUDAGUR 17. JANÚAR 2007 15
MENNING
HLJÓMSVEIT söngkonunnar
Ragnheiðar Gröndal, Black
Coffee, kemur fram á veit-
ingastaðnum Domo í Þingholts-
stræti í Reykjavík í kvöld. Um
er að ræða síðustu tónleika
Ragnheiðar á Íslandi í bili en
hún heldur senn utan til söng-
náms í New York. Efnisskráin
samanstendur af djass- og
blúslögum í útsetningum
hljómsveitarinnar sem auk
Ragnheiðar er skipuð Hauki Gröndal á saxófón,
Ásgeiri Ásgeirssyni á gítar, Þorgrími Jónssyni á
bassa og Erik Qvick á trommur. Spilamennskan
hefst klukkan 21.30 og kostar 1.000 krónur inn.
Djass og blús
Ragnheiður Grön-
dal syngur á Domo
Ragnheiður
Gröndal
MIÐASALA á fyrstu ein-
söngstónleika tenórsins Garð-
ars Thórs Cortes í Bretlandi
hefst nk. föstudag. Tónleikarn-
ir verða haldnir í lista- og
menningarmiðstöðinni Barbic-
an Centre í London föstudags-
kvöldið 2. mars. Það er Nation-
al Symphony Orchestra sem
mun leika undir hjá Garðari,
auk þess sem von er á ein-
hverjum gestum. Miðasalan fer
fram á vefsíðunum www.ticketmaster.co.uk og
www.gigsandtours.com. Einnig er hægt að nálg-
ast mið með kreditkorti í síma +44 8712200260.
Barbican Centre tekur um 1.600 manns í sæti.
Einsöngstónleikar
Miðasala á Garðar
Thór að hefjast
Garðar Thór
Cortes
EINS og fram hefur komið er
fiðluleikarinn Reka Zilvay,
sem leika átti með Sinfón-
íuhljómsveit Íslands nk.
fimmtudag, forfölluð. Í stað
Zilvay leikur Judith Ingólfsson
fiðlukonsert nr. 5 D-dúr K.V.
219 eftir Wolfgang Amadeus
Mozart, auk þess sem Sinfón-
íuhljómsveitin mun leika sjö-
undu sinfóníu Bruckners. Ju-
dith hefur margsinnis komið
fram á tónleikum með Sinfóníuhljómsveit Íslands,
síðast árið 2003. Þá lék hún þríleikskonsert
Beethovens ásamt Vovka Ashkenazy og Bryndísi
Höllu Gylfadóttur.
Sinfóníutónleikar
Judith Ingólfsson
leikur fiðlukonsert
Judith
Ingólfsson
Eftir Jóhann Bjarna Kolbeinsson
jbk@mbl.is
„HANN á þetta svo sannarlega skil-
ið, hann er frábær leikari og það er
frábært að vinna með honum,“ segir
Baltasar Kormák-
ur um sigur
bandaríska leik-
arans Forest
Whitaker á Gold-
en Globe-
verðlaunahátíð-
inni í fyrrinótt.
Whitaker fékk
verðlaun fyrir
bestan leik í
dramatískri kvik-
mynd fyrir túlkun sína á einræð-
isherranum Idi Amin í kvikmyndinni
The Last King of Scotland, en Leon-
ardo DiCaprio, Will Smith og Peter
O’Toole voru einnig tilnefndir til
verðlaunanna. „Þessir menn eiga
ekkert í hann, nema kannski Peter
O’Toole,“ segir Baltasar sem leik-
stýrði Whitaker í kvikmyndinni A
Little Trip To Heaven sem kom út ár-
ið 2005. „Þegar ég var í Los Angeles
að klippa Little Trip áttum við Forest
fund saman þar sem hann lýsti meðal
annars yfir ánægju sinni með sam-
vinnuna við mig, og sagðist vilja halda
áfram að vinna með mér,“ segir Balt-
asar. „Fjórum árum áður hafði ég les-
ið handrit sem ég hafði fengið sent frá
Film Four í Bretlandi, og meira að
segja mætt á fund út af þessu hand-
riti sem hét The Last King of Scot-
land,“ segir Baltasar sem hafði þá ný-
lokið við gerð kvikmyndarinnar 101
Reykjavík. Breska fyrirtækið varð
hins vegar gjaldþrota skömmu síðar
og því varð ekkert úr verkefninu.
Baltasar hafði þó handritið alltaf á
bakvið eyrað og þegar hann svo vann
með Whitaker sá hann að hann var
rétti maðurinn í hlutverkið. „Ég
kynntist honum hérna og fann að það
býr miklu meira „monster“ í honum
en hann sýnir oft. Þannig að ég sagði
bara við Forest: „Myndi ég móðga
þig ef ég bæði þig að leika Idi Amin?“
Forest varð svolítið hissa og svaraði:
„Heyrðu, það var verið að bjóða mér
þetta hlutverk fyrir viku. Það er
breskur leikstjóri sem hefur gert ein-
hverjar heimildarmyndir sem var að
bjóða mér þetta,““ en þar átti Whit-
aker við leikstjórann Kevin Macdon-
ald sem að lokum gerði myndina.
„Svo þegar ég var að fara frá
Bandaríkjunum áttum við Forest
annan fund saman. Hann var á leið-
inni til Afríku og var dálítið stress-
aður,“ segir Baltasar, en Whitaker
var þá byrjaður að undirbúa sig fyrir
hlutverkið. „Hann lék Idi Amin fyrir
mig þannig að ég fékk fyrsta sýn-
ishornið hjá honum. Hann var að
reyna að komast inn í hann og vildi fá
einhverjar athugasemdir,“ segir
Baltasar og bætir því við að þeir hafi
verið í morgunmat á fínu hóteli.
„Fólkinu sem var í kring brá svolít-
ið því hann tók dálítið vel á því,“ segir
hann.
Baltasar segir vel hafa komið til
greina á sínum tíma að hann tæki að
sér leikstjórn myndarinnar.
„Þeir voru aldrei búnir að bjóða
mér þetta en þetta var til umræðu.
En svo lagðist verkefnið af þegar fyr-
irtækið fór á hausinn, en hefur svo
farið af stað aftur svona fjórum árum
síðar þegar þessi leikstjóri komst yfir
handritið,“ segir Baltasar, sem á enn
eftir að sjá myndina.
„Ég get ekki beðið eftir að sjá
hana,“ segir leikstjórinn að lokum.
Baltasar Kormákur bauð Forest Whitaker að leika einræðisherrann Idi Amin
Var viku of seinn
Idi Amin var forseti í Afríkuríkinu Úganda á árunum 1971 til 1979 og gerð-
ist sekur um spillingu og grimmilega valdníðslu gagnvart þegnum sínum í
valdatíð sinni. Þá hefur verið fullyrt að hann hafi étið óvini sína.
Í hlutverki harðstjórans
BRESKI sakamálahöfundurinn
P.D. James hlýtur handrits-
verðlaun Háskólans í Suður-
Kaliforníu í ár
ásamt þeim fimm
handritshöf-
undum sem skrif-
uðu kvikmynda-
handrit eftir
framtíðartrylli
hennar, Manna-
börn (Children of
Men). Verðlaunin
eru þau einu
sinnar tegundar,
þ.e. þar sem höfundar bókar og
kvikmyndahandrits, sem unnið er
upp úr þeirri bók, eru verðlaunaðir
í sameiningu. Oftast eru það aðeins
handritshöfundarnir sem uppskera
viðurkenningu ef vel þykir hafa
tekist til með að færa skáldsögu yf-
ir á kvikmyndahandritsformið.
Mannabörn kom út árið 1992.
Alfonso Cuaron, Timothy J. Sexton,
David Arata, Mark Ferguson og
Hawk Ostby skrifuðu svo handritið
að samnefndri kvikmynd, leik-
stýrðri af Cuaron.
Verðlaunin verða afhent 18. febr-
úar. Aðrar myndir sem komu til
greina voru The Devil Wears
Prada, The Illusionist, The Last
King of Scotland og Notes on a
Scandal.
P.D. James
hlýtur hand-
ritsverðlaun
Einu verðlaunin
sinnar tegundar
P.D. James
BÚIST er við að safn undir merkj-
um Pompidou-safnanna verði opn-
að í Sjanghaí einhvern tímann fyrir
2010, að sögn Bruno Racine, for-
seta Georges Pompidou-stofnunar-
innar í París. Í Le Monde er haft
eftir Racine að hið nýja Pompidou-
safn yrði kínverskt en að sýning-
aráætlanir yrðu í höndum Pomp-
idou-stofnunarinnar.
„Þetta verkefni kemur ekki til
með að kosta okkur einn skilding,“
sagði hann og bætti við að til-
gangur safnsins yrði að kynna vest-
ræna list fyrir kínverskum almenn-
ingi og eins að byggja upp safneign
af kínverskri samtímalist.
Aðspurður hvað tæki við eftir að
safnið í Sjanghaí kæmist á koppinn
ýjaði Racine að því að Indland væri
næst á dagskrá.
Pompidou
í Sjanghaí
Eftir Ingveldi Geirsdóttur
ingveldur@mbl.is
ÞAÐ ERU fleiri sem hafa áhuga á
hoppi og skoppi Íþróttaálfsins í
Latabæ en börnin. Í febrúarhefti
breska kvennatímaritsins Red er
heilsíðugrein um áhuga breskra hús-
mæðra á karlkyns barnaþátta-
stjörnum. Þar er Sportacus, Íþrótta-
álfurinn knái, talinn fyrstur upp og
birt stór mynd af honum.
Reyndar virðist greinarhöfund-
urinn, Tessa Clayton, ekki vera hrif-
in af Latabæ fyrir utan Íþróttaálfinn
og hún segir börnin ekki mjög hrifin
af þáttunum heldur. „Sælgætislitaða
leikmyndin og sykurhúðaði sögu-
þráðurinn gerir þættina líklega
velgjulegasta barnaefni sem búið
hefur verið til. En það er þess virði
að horfa á eingöngu til þess að berja
aðalpersónuna augum; Sportacus,
ofurhetju í ofur-góðu formi, sem
hvetur krakka til að hreyfa sig og
gerir æfingar í þröngum æfingafatn-
aði,“ segir Clayton í greininni.
Áhugi hennar og vinkvenna á
Íþróttaálfinum hefur náð svo langt
að þær hafa slegið honum upp á leit-
arvefnum Google, til að komast að
meiru um hann en helst af öllu vilja
þær koma höndum yfir hann, játar
hún.
Fleiri barnaþáttastjórnendur eru
nefndir í greininni og viðurkennir
greinarhöfundur að það sé svolítið
sorglegt að vera skotin í þeim en að
hún sé alls ekki ein um það. Hún
segir ástæðuna fyrir því að þessir
menn séu orðnir kyntákn líklega
vera þá að heimavinnandi húsmæður
sjái lítið af karlmönnum yfir daginn.
Flestar sakni þær saklauss daðurs
úr vinnunni og því fái þær sinn
skammt af karlmönnum með því að
horfa á þá í barnaþáttunum; stand-
andi á höndum í þröngum buxum.
Það hefur líklega ekki verið
Magnúsi Scheving efst í huga, þegar
hann skapaði Íþróttaálfinn, að verða
kyntákn fyrir húsmæður heimsins,
en það virðist hann vera orðinn,
hvort sem honum líkar betur eða
verr.
Breska glanstímaritið Red birti grein um nokkra flotta karlmenn í barnaefni í sjónvarpi
Íþróttaálfurinn
orðinn kyntákn
meðal kvenna
Morgunblaðið/Ásdís
Eftirsóttur Magnús Scheving er fjallmyndarlegur maður og er einkar eft-
irsóknarverður í gervi Íþróttaálfsins, að mati breskra kvenna.
Sportacus Greinin í Red ber yf-
irskriftina „TVtotty“.
Í HNOTSKURN
»Forest Whitaker hefur leikiðí fjölda kvikmynda, þar á
meðal í Platoon, Good Morning
Vietnam, Bird, The Crying Game
og Panic Room.
»Hann var valinn besti leik-arinn á kvikmyndahátíðinni í
Cannes árið 1988 fyrir hlutverk
sitt í Bird þar sem hann lék
djassistann Charlie Parker.
Baltasar
Kormákur
♦♦♦