Morgunblaðið - 31.03.2007, Page 38

38 LAUGARDAGUR 31. MARS 2007 MORGUNBLAÐIÐ
UMRÆÐAN
HINN 16. janúar 2006 skipaði
þáverandi forsætisráðherra nefnd
sem fjalla átti um lífeyris-, búsetu-
og þjónustumál aldraðra. Nefndin
skilaði niðurstöðum 19. júlí og
sama dag sendi ríkisstjórnin og
Landssamband eldri borgara frá
sér sameiginlega yfirlýsingu þar
sem góðu samstarfi í nefndinni var
fagnað og ákveðið var að beita sér
fyrir framkvæmd þeirra tillagna
sem þar voru fram settar. Meðal
þeirra atriða sem þar komu fram
og hafa nú orðið að veruleika eru
hækkun lífeyris, hækkun heimilis-
uppbótar, lækkun skerðinga,
minni áhrif vegna tekna maka,
upptaka frítekjumarks og einföld-
un kerfisins. Frá því að yfirlýs-
ingin var sett fram hefur það gerst
að hluti þeirra atriða sem taka áttu
gildi 2009 var færður fram og tók
þess í stað gildi nú um síðustu ára-
mót. Vegna þessarar vinnu náðu
eldri borgarar fram úrbótum á sín-
um kjörum sem nemur 29 millj-
örðum króna á samnings-
tímabilinu eða um sjö milljörðum
árlega frá 2007–2010. Þessi sam-
eiginlega vinna beggja aðila, þ.e.
ríkisstjórnar og landssambands
eldri borgara, sýnir svo ekki verð-
ur um villst að góður árangur næst
þegar menn leggjast saman á árar.
Árni M. Mathiesen
Yfirlýsing ríkisstjórn-
ar og eldri borgara
Höfundur er fjármálaráðherra.
AÐ undanförnu hefur sú síbylja
verið kyrjuð að raforka til stóriðju
sé niðurgreidd. Yfirleitt er engin
tilraun gerð til að rökstyðja þessa
fráleitu fullyrðingu.
Staðreyndin er sú að rafmagns-
sala til stóriðju er ábatasöm fyrir
raforkufyrirtækin og eigendur
þeirra. Í dag selur Landsvirkjun
65% raforkuframleiðslu sinnar til
stóriðjufyrirtækja og hefur það
hlutfall vaxið verulega á und-
anförnum árum. Á sama tíma hef-
ur rekstrarafkoma fyrirtækisins
batnað um leið og raforkuverð til
almennings hefur lækkað að
raunvirði og er með því lægsta
sem þekkist á Vesturlöndum.
Til viðbótar má benda á að vax-
andi raforkusala til stóriðjufyr-
irtækja hefur styrkt raforkukerfi
landsmanna en það birtist í fátíð-
ari rafmagnstruflunum en ella.
Friðrik Sophusson
Raforkusala til
stóriðju er ábatasöm
Höfundur er forstjóri
Landsvirkjunar.
ÞRÍR forsætisráðherrar, Davíð
Oddsson, Halldór Ásgrímsson og
Geir Haarde, hafa hunsað vilja Al-
þingis frá 2001 þegar þingið sam-
þykkti að unnin yrði heildar-
stefnumótun í málefnum barna og
ungmenna. Á grundvelli þessarar
stefnumótunar átti að gera 5 ára
framkvæmdaáætlun í samráði við
opinberar stofnanir
og félagasamtaka
sem vinna að mál-
efnum barna og ung-
linga. Markmið
stefnumótunarinnar
var að tryggja hag
og velferð barna og
unglinga á öllum
sviðum þjóðlífsins og
búa þeim sem best
og jöfnust skilyrði til
uppvaxtar og
þroska. Fram-
kvæmdaáætlunina
átti að leggja fyrir
Alþingi árið 2002.
Aðgerðarleysi
ríkisstjórnarinnar
Umboðsmaður barna hefur í
meira en áratug kallað á þessa
stefnumótun en á hinum Norð-
urlöndunum hefur verið í gildi í
marga áratugi heildarstefnumótun
og aðgerðaáætlun í málefnum
barna og unglinga. Skýrsla sem
unnin var á vegum forsætisráðu-
neytisins og 130 sérfræðingar
komu að sýndi að mikil brotalöm
er í þessum málaflokki, en börn og
ungmenna á landinu eru um 84
þúsund. Gagnrýnt var að alla
heildarsýn vanti og skortur sé á
samhæfingu og pólitískri stefnu-
mótun. Miklum agnúum var lýst á
bóta- og velferð-
arkerfinu varðandi hag
barna m.a. að bætur
velferðarkerfisins séu
svo naumt skammtaðar
að þær hrökkvi ekki
fyrir lágmarks-
framfærslukostnaði –
og skorti þar mikið á,
enda væri fátækt fólks
oft fast í svonefndri fá-
tæktargildru. Sér-
staklega var nefnt að
úrbóta sé þörf í mál-
efnum fátækra barna,
nýbúabarna, barna með geðrask-
anir og barna og ungmenna í
vímuefnavanda. Einnig kom fram
hve fljótt dregur úr skólasókn
ungmenna því einungis innan við
helmingur tvítugra ungmenna
stundar nám. Fram kom einnig að
slys á börnum og unglingum sem
leita á slysadeild séu tíðust á Ís-
landi í samanburði við Norð-
urlöndin, en hlutfallslega slasast
helmingi fleiri börn á Íslandi en
t.d. í Svíþjóð. Grafalvarlegt er líka
að fram kemur að kynferðisleg
misnotkun barna sé stórum út-
breiddari en álitið hafði verið og
nær fimmta hvert barn sem nær
18 ára aldri hefur orðið fyrir
henni. Jafnvel þó svona svört
skýrsla liggi fyrir þá hefur rík-
isvaldið hunsað vilji Alþingis frá
árinu 2001 um stefnumótun og að-
gerðaáætlun til að bæta hag barna
og ungmenna.
Bitnað afar illa
á barnafjölskyldum
Skerðingar á bóta- og velferð-
arkerfinu hafa komið afar þungt
niður á barnafjölskyldum. Þar ber
hæst rúmlega 10 milljarða króna
skerðing á barnabótum og skerð-
ing á skattleysismörkum sem
væru í dag 137 þúsund í stað rúm-
lega 90 þúsund ef þau hefðu fylgt
launavísitölu. Jafnframt hefur ver-
ið komið aftan að unga fólkinu og
íbúðarkaupendum almennt með
því að skerða vaxtabætur. Það er
gert á sama tíma og verðlag á
íbúðarhúsnæði hefur tvöfaldast á
sl. 5 árum og útborgun á sam-
bærilegri þriggja herbergja íbúð
aukist úr 1 milljón í 5 milljónir.
Niðurgreiðsla ríkisins á tann-
læknakostnaði barna hefur dregist
svo saman að það stefnir í tvískipt
tannheilsukerfi en fólk með lágar
og meðaltekjur á afar erfitt með
að standa undir kostnaði við tann-
heilsu barna sinna.
Endurreisum barnvænt
samfélag
Eitt brýnasta verkefnið nú er að
endurreisa barnvænt samfélag
eins og við í Samfylkingunni höf-
um boðað. Ég fullyrði að enginn
flokkur hefur sinnt betur mál-
efnum barna og ungmenna á þingi
en þingflokkur Samfylkingarinnar.
Í aðdraganda alþingiskosninga nú
leggjum við fram mjög ítarlega
stefnumótun í þessum málaflokki
undir kjörorðinu stöndum vörð um
börnin okkar – fjárfestum í fram-
tíðinni. Lögð er fram heildstæð
stefnumótun og aðgerðaáætlun í
málefnum barna og ungmenna.
Sérstaklega verður gripið til að-
gerða til að draga úr fátækt
barna. Fyrstu skrefin verða m.a.
að auka stuðning við barna-
fjölskyldur með verulegum end-
urbótum á barnabótakerfinu, stór-
auknum stuðningi við tannheilsu
barna og námsbækur verði fram-
haldsskólanemum að kostn-
aðarlausu. Jafnframt verður strax
aukin aðstoð við unga fíkniefna-
neytendur og börn með hegð-
unarerfiðleika. Einnig munum við
auka vernd barna gegn kynferð-
isafbrotum. Aðgerðaáætlunin felur
líka í sér lengingu á fæðingarorlofi
úr 9 mánuðum í 1 ár. Fæðing-
arorlof einstæðra foreldra verður
aukið þannig að orlofstíminn verði
ekki skemmri en hjá hjónum eða
sambúðarfólki. Stefnt er að gjald-
frjálsum leikskóla og að öll börn
geti tekið þátt í íþrótta- og tóm-
stundastarfi óháð efnahag. Það
skiptir máli hverjir stjórna til að
barnvænt samfélag verði end-
urreist. Forysta okkar jafn-
aðarmanna í ríkisstjórn mun
tryggja það.
Börnin í forgang
Eftir Jóhönnu Sigurðardóttur: »Markmið stefnumót-unarinnar var að
tryggja hag og velferð
barna og unglinga á öll-
um sviðum þjóðlífsins
og búa þeim sem best og
jöfnust skilyrði til upp-
vaxtar og þroska.
Jóhanna
Sigurðardóttir
Höfundur er alþingismaður.
Borgaðu fyrir fólksbíl.
Fáðu jeppling.
Opið: Mánudaga - föstudaga kl. 9:00–18:00 og laugardaga kl. 12:00–16:00Sævarhöfða 2 Sími 525 8000 www.ih.is
Umboðsmenn
um land allt
Akureyri
464-7940
Njarðvík
421-8808
Höfn í Hornafirði
478-1990
Reyðarfirði
474-1453
*Á meðan birgðir endast.
Verð frá2.590.000,-
Subaru Forester með 2.0 lítra vél og 158 hestöflum.
200.000 KR. KAUPAUKI
Vindskeið, heilsársdekk og 16” álfelgur.*
Lögg. fasteignasali
Hrafnhildur Bridde
Sigurberg Guðjónsson hdl.
Skógarhlíð 22 • 105 Reykjavík • Sími 534 2000 • Fax 534 2001 • www.storhus.is
Ísak V. Jóhannsson,
sölustjóri
822 5588
534 2000
www.storhus.is
Glæsilegt skrifstofuhúsnæði í þessu sögufræga húsi við Skógarhlíð
í Reykjavík. 150 fm á 2. hæð sem skiptist í 4 rúmgóðar skrifstofur,
rúmgott opið vinnurými, salerni og sameiginlegt eldhús á jarðhæð.
Einnig í sama húsi á jarðhæð ca 90 fm og 60 fm skrifstofuhúsnæði.
Húsnæðið er allt ný endurnýjað á glæsilegan hátt. isak@storhus.is
GLÆSILEGT SKRIFSTOFUHÚSNÆÐI
TIL LEIGU Á ÞÓRODDSTÖÐUM
Fáðu fréttirnar
sendar í símann þinn