Morgunblaðið - 11.06.2007, Side 18

fjármál fjölskyldunnar
18 MÁNUDAGUR 11. JÚNÍ 2007 MORGUNBLAÐIÐ
   


 
   
 

 
  !!"! #$%&' ()  (
*+,&'
-.' /0 1((  222"34,33"'
5
5
6
Eftir Unni H. Jóhannsdóttur
uhj@mbl.is
H
ræðilegt hvað hún er búin að
vera veik í vetur,“ sagði hús-
freyjan um leið og hún hellti
kaffi í bolla nágrannakonu
sinnar ,,Hver?“ spurði gamla
konan, nágranninn, næstum áfergjulega um
leið og hún saug sykurmolann sem fylgdi
kaffinu. Hún hafði einlægan áhuga á veik-
indum annarra. ,,Nú, krónan auðvitað,“ sagði
húsfreyjan. ,,Fylgist þú ekkert með fréttum,
eða hvað?“
,,Já, hún,“ svaraði gamla konan og þurfti
ekkert að gera sér upp áhugaleysi. Það var
viðvarandi enda skildi hún ekkert í þessum
veikindum krónunnar. ,,Hún er nú alltaf svo
veik. Þetta virðist nú ekki vera nein venjuleg
flensa sem hrjáir hana, hlýtur að vera einhver
svakaleg veirusýking. Öðru hverju berst
manni til eyrna að hún sé að styrkjast en varla
er maður búin að snúa sér við en að í hitt eyr-
að er hvíslað hún sé að veikjast aftur. Þess á
milli er talað um flökt á krónunni. Ég er bara
orðin svo gömul að ég skil ekki svona, ég verð
bara að segja það. Svona lagað þekktist ekki í
mínu ungdæmi. Og hvaða máli skipta þessi
veikindi krónunnar mig svo sem?“ dæsti
gamla konan og veiddi annan mola upp úr
sykurkari húsfreyjunnar sem var svo al-
mennileg að bjóða henni öðru hvoru í kaffi.
Það voru nú ekki allir sem mundu eftir gamla
fólkinu.
Húsfreyjan fékk sér bita af rúsínu- og
hnetublandaðri súkkulaðimúffunni og horfði
skilningsrík á nágrannakonu sína en jafn-
framt með svip þess sem ætlar að leysa
vandamál. Hún endurtók spurninguna og velti
orðunum næstum jafnlengi fyrir sér og súkku-
laðimúffunni í munninum. ,,Hvaða máli skiptir
þetta fyrir þig?“ Gamla konan sá samstundis
eftir því að hafa lagt svona opna spurningu
fyrir húsfreyjuna. Hún ætti að vita betur, nú
kæmi sko fyrirlestur. Henni leiddust þeir svo-
lítið. Hún sankaði að sér nokkrum syk-
urmolum og vonaði bara að fyrirlesturinn yrði
ekki mjög langur.
Kvartað undan verkjum
,,Sko, þessir sykurmolar sem þú ert að
hakka í þig, heldurðu að þeir séu íslenskir?“
,,Nei, nei. Er þetta ekki Dansukker?“
spurði gamla konan sem reyndi af veikum
mætti að halda uppi samræðum, vitandi samt
að hér eftir yrði hún bara spurð – og svara
óskað, þegar hentaði fyrirlesaranum beturvit-
andi. ,,Tja, reyndar er þetta franskur sykur en
meiri hluti Evrópusambandslandanna fram-
leiðir sykur í einhverju magni en ekki við Ís-
lendingar. Við flytjum hann inn. Þú kaupir
sykurinn úti í búð fyrir íslenskar krónur en
heildsalinn sem selur búðinni sykurinn greiðir
fyrir hann í evrum. Gefum okkur að í heildsölu
kosti 1 kg af sykri 1 evru. Um jólin kostaði 1
evra um 90 kr. en nú í sumarbyrjun fæst 1
evra á 84 krónur. Gengi evrunnar hefur sem
sagt lækkað í íslenskum krónum, eða með öðr-
um orðum þá hefur krónan styrkst frá áramót-
um. Fyrir þá sem eru að flytja inn vörur til
landsins eru það góð tíðindi, sem og fyrir neyt-
endur því innfluttar vörur ættu því að lækka í
samræmi við það,“ sagði húsfreyjan og hellti
mjólk í kaffi sitt og spurði svo óvænt hvað
gamla konan ætlaði að hafa í matinn í kvöld.
,,Ég var að hugsa um að hafa fisk, soðinn og
sjóða kannski eins og eina kartöflu,“ svaraði
hún, en áður en hún náði að snúa talinu að
hollustu fisksins var húsfreyjan aftur komin í
ham. ,,Sjáðu nú til,“ sagði hún og notaði nú
báðar hendur til þess að leggja áherslu á mál
sitt. ,,Íslenskir útflytjendur hagnast ekki að
sama skapi á hækkun krónunnar gagnvart
öðrum gjaldmiðlum og innflytjendur. Segjum
að 1 kg af útfluttum fiski kosti 1 evru. Um jólin
hefði útflytjandinn fengið 90 kr. íslenskar fyrir
hvert kíló en sex mánuðum seinna fær hann
aðeins fengið 84 kr. vegna þess að gengi evr-
unnar hefur lækkað og krónan styrkst. En það
er sem sagt við slíkar aðstæður sem talað er
um flökt krónunnar. Síðustu daga hefur hún
aftur veikst og það kemur útflytjendum vel en
hækkar verðið á innfluttri vöru. Skilurðu nú af
hverju veikindi krónunnar skipta þig máli?“
Kvartað undan verkjum
,,Jamm,“ sagði gamla konan uppljómuð sem
hafði pikkað upp dálítið af talmáli barna-
barnanna. ,,Á ég sem sagt að hamstra sykur á
sumrin fyrir jólabaksturinn því þá er hann á
besta verðinu og kaupa mikið af fiski um jólin
til þess að styrkja íslenskan sjávarútveg,
frysta og sjóða hann á sumrin svo útgerðareig-
endur þurfi ekki kljást við alla veikindaverk-
ina sem þeir og fleiri eru alltaf að kvarta und-
an. Er það ekki bara góð lausn? Það er
kannski miklu betra en magnýl?“
Húsfreyjan horfði um stund á nágranna
sinn og flaug í hug að kannski væri þetta
gamla fólk ekki svo galið, en upphátt sagði
hún: „Æ, það er svolítið flókið þetta samspil á
milli framboðs og eftirspurnar. Þetta er
kannski ekki alveg svona einfalt, það er held
ég oft erfitt að segja hvernig sé heilbrigðast að
haga sér í efnahagslífinu. Svo segðu mér bara,
hvers konar fisk ætlaðirðu að sjóða í kvöld?“
,,Hefurðu heyrt af þessum
veikindum krónunnar?