Morgunblaðið - 11.06.2007, Síða 32

Við fyrstu sýn er eins
og þetta sé minn-
ismerki um hryðjuverk … 37
»
reykjavíkreykjavík
Þ
að bregst ekki, þegar flugur fá sér
kaffi eða örlítið í aðra tána á 101
hóteli að þekktir einstaklingar séu
þar á sveimi. Rétt fyrir helgi var
þar ELM-teymið og hönnuðirnir
Lísbet Sveinsdóttir og Erna Steina Guðmunds-
dóttir, sérlega glæsilega klæddar; önnur í öllu
hvítu en hin í svörtu frá toppi til táar. Auðvitað
sást líka til ljósmyndarans Ara Magg þarna á
hóteli höfðingjanna.
Flugan er svolítið forvitin um dulúðina sem
umleikur tattúkúltúrinn og stóðst því ekki þá
freistingu að mæta á Íslensku húðflúrhátíðina
sem haldin var heilög á Grand Rokk um helgina
– fórnaði m.a.s. verslunarleiðangri í Smáralind
með stelpunum til að skoða fyrirbærið með
strákunum á laugardaginn. Nokkur voru von-
brigðin yfir smæð staðarins en fluga hefur ekki
áður drepið fínu fótunum sínum inn á þessa
erkibúllu, sem gárungar kalla glæpaknæpu.
Kös af gljáfægðum mótorfákum var fyrir utan
staðinn og fastagestir Grand Rokks, eins og
fjölmiðlamaðurinn (og trúbadorinn) Kristján
Þorvaldsson, létu sér lynda að sitja með kolluna
sína í tjaldi fyrir utan. Holdmiklir menn með
tóbaksklúta og sítt hár höfðu hertekið efri hæð-
ina og í svitastækjunni sátu hálfnaktir gaurar
með karlmennskubros og upprúllaðar ermar og
létu húðflúra sig. Þótt rakvélar og önnur skað-
ræðistól væru á lofti fór allt ósköp friðsamlega
fram. Undir kvöld voru svo miðaldra mót-
orhjólagæjarnir mættir á Ingólfstorg með upp-
stillt hjólin í ímyndarbaráttu við brettabörnin,
sem réttilega ættu að hafa torgið í friði. Und-
arleg borgarspeki að mega ekki ganga með
hundspott um miðbæinn en svona tryllitækjum
er velkomið að menga andrúmsloftið með út-
blæstri og óþolandi hávaða.
… Hvað slær klukkan í Reykjavík…?
Á föstudagsmorguninn stormaði veiðiklóin
Bubbi Morthens ábúðarfullur út úr Veiðihorn-
inu í Hafnarstræti og vippaði sér upp í jeppann,
örugglega á leiðinni í veiði. Þá fyrst er nú veiði-
sumarið ,,offisíallí“ hafið, þegar Bubbi kíkir í
veiðibúðina; alla vega dauðlangaði flugu
skyndilega að skoða og bera sig saman við allar
marglitu og skvísulegu veiðiflugurnar sem á
boðstólum eru. En tíminn stendur ekki lengur í
stað í Reykjavík. Klukkan á Torginu er loksins
orðin rétt, sjálfsagt í kjölfar ábendingar, eftir
að hafa verið kolvitlaus í marga mánuði. Túrist-
arnir klóruðu sér í kollinum og horfðu spurn-
araugum á steindauða klukkuna. Nú getur
flugan hætt að syngja:
Meistari Villi,
meistari Villi,
Sefur þú?
Hvað slær klukkan…?
Morgunblaðið/Golli
SSSól Stefán Már Magnússon, Hafþór Guð-
mundsson, Jakob Smári Magnússon, Helgi
Björnsson og Stefán Már Magnússon.
Eva Eiríksdóttir og Sigurður Mikael Jónsson.
Pétur Blöndal og Halldóra Þórsdóttir.
Sigmar Vilhjálmsson, Heiðar
Sigurðsson og Jóhann Sigurðsson.
Víðir Ólafsson, Guðmundur
Jónsson og Bjarki Gunnarsson.
Morgunblaðið/Golli
Nadia Katrín Banine og Ingibjörg Lár-
usdóttir með börnin sín, Alexöndru Sól And-
erson, Ágúst Leó Björnsson , Önnu Maríu
Björnsdóttur, Nínu Katrínu Anderson og
Lárus Björnsson.
Mekkín Ragnarsdóttir, Jón Gunnar
Þórðarson, Magnús Geir Þórðarson
og Árni Oddur Þórðarson.
Embla Eggertsdóttir, Sigurður
Pálsson og Líneik Jakobsdóttir.
Ása Richardsdóttir og Hjálmar Ragnarsson.
Sveinbjörg og Diljá Þórhallsdætur.
Flugan
… Höfðingjahótel og
heilagt húðflúr…
... í svitastækjunni sátu hálfnaktir
gaurar með karlmennskubros ...
Sólveig Pálsdóttir og
Björk Þórðardóttir.
Erna Sigurðardóttir, Birkir Kristján
Guðmundsson og Katrín Viðarsdóttir.
Elísa Mjöll Guðsteinsdóttir og
Elín Helga Guðmundsdóttir.
Morgunblaðið/Golli
Aldís Arna Pálsdóttir
og Ragnhildur Þóra Reynisdóttir.
»Dansleikhús / samkeppni2007 var haldin í Borg-
arleikhúsinu föstudagskvöldið
var og var hún vel sótt.
»Hljómsveitin SSSól hélttónleika á NASA með stór-
söngvarann Helga Björnsson í
brjósti fylkingar.
»Mikið fjör var á fjörutónleikum Menningarhátíðar Seltjarn-arness sem voru haldnir fyrir utan Gaujabúð.