Morgunblaðið - 11.09.2007, Qupperneq 6

6 ÞRIÐJUDAGUR 11. SEPTEMBER 2007 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
FLUGFJARSKIPTI ehf. munu í lok þessa
mánaðar hefja rekstur fjarskiptamastra á
gamla varnarsvæðinu í nágrenni Grindavíkur,
að sögn Brands Guðmundssonar, fram-
kvæmdastjóra Flugfjarskipta.
Í dag rekur félagið möstur við Rjúpnahæð í
Kópavogi, en á því svæði stendur til að byggja
og þurfa möstrin því að víkja. Þau möstur
verða þó ekki flutt til Grindavíkur heldur munu
Flugfjarskipti nota möstur sem bandaríski
herinn skildi eftir við fjallið Þorbjörn.
Landinu verður skilað í áföngum
Brandur segir að möstrin við Rjúpnahæð
verði tekin niður og gerður hafi verið samn-
ingur við Kópavogsbæ um frágang þess máls.
„Við skiluðum hluta af landinu í september í
fyrra. Svo gerum við ráð fyrir að gera þetta í
áföngum á þessu ári og næsta ári,“ segir hann,
en Flugfjarskipti hafa nýtt tæplega 70 hektara
land á Rjúpnahæð.
Möstrin sem Flugfjarskipti hyggjast taka í
notkun í námunda við Grindavík eru um 10-12
talsins, en þau verða notuð til fjarskipta við
flugvélar á flugi í íslenska flugstjórnarsvæðinu
yfir Norður-Atlantshafi.
Fengu ekki að hafa möstrin í Flóahreppi
Í fyrra keyptu Flugfjarskipti hluta jarðar-
innar á Galtarstöðum í Flóahreppi og hugðust
flytja möstrin sem standa á Rjúpnahæð þang-
að. Stjórn hreppsins hafnaði hins vegar beiðni
Flugfjarskipta um að fá að reisa möstrin þar,
en hæð þeirra átti að vera 18-36 metrar. „Við
eigum hana ennþá en við höfum ekki tekið
neina ákvörðun um hvað við ætlum að gera við
hana,“ segir Brandur um jörðina, sem er 86
hektarar að stærð. Hann segir töluverðan
kostnað og rask hafa skapast í kjölfar ákvörð-
unar hreppsins um að leyfa ekki að möstrin
yrðu reist á Galtarstöðum. Stefnt hafi verið að
flutningi þangað í apríl á þessu ári, en ekki
verði byrjað með starfsemina á gamla varn-
arsvæðinu fyrr en í september.
Möstrin á Rjúpnahæð verða í notkun þar til
fyrirtækið er endanlega flutt á nýjan stað, að
sögn Brands.
Ný möstur senn í notkun
Flugfjarskipti ehf. hefja rekstur 10-12 fjarskiptamastra á gamla varnarsvæðinu í lok mánaðarins
Morgunblaðið/Frikki
Fjarlægð Flugfjarskipti ehf. reka í dag fjarskiptamöstur á Rjúpnahæð en þar á að byggja.
Eftir Gunnhildi Finnsdóttur
gunnhildur@mbl.is
NEMENDUR framhaldsskóla og
háskóla á höfuðborgarsvæðinu
eru um þessar mundir að snúa
sér aftur að skólabókunum eftir
sumarfríið. Í vetur býðst þeim í
fyrsta skipti að ferðast gjald-
frjálst með strætó, en þetta er til-
raunaverkefni á vegum sveitarfé-
laganna sjö. Því verður haldið
áfram ef fyrirkomulagið reynist
vel.
Ekki er annað að sjá en að
námsmenn kunni vel að meta
þessa búbót og nýti sér frekar al-
menningssamgöngur í ár en áður.
Líf er að færast í strætisvagnana
sem hafa undanfarin misseri ver-
ið hálftómlegir á að líta. Morg-
unblaðið tók nokkra framhalds-
skólanemendur tali þar sem þeir
voru á leið í skólann í morguns-
árið í gær.
Þarf ekki að sníkja far
„Ég tek oftast strætó, þá þarf
ég ekki að sníkja far með
mömmu,“ segir Ágúst Pálsson, en
hann setur það ekki fyrir sig að
ferðast í fjörutíu mínútur ofan af
Norðlingaholti til þess að mæta í
fyrsta tíma í Kvennaskólanum.
Hann segir að gjaldfrjálsar al-
menningssamgöngur gætu orðið
til þess að hann festi síður kaup á
bíl þegar hann nær bílprófsaldri
á næsta ári. „Það er náttúrlega
erfitt að redda sér stæði og
svona.“
Ása Kristín Einarsdóttir og
Óskar Kjartansson leiddust inn í
biðstöðvarhúsið við Hlemm og
sökktu sér ofan í leiðarkort til
þess að finna rétta vagninn í
Menntaskólann við Hamrahlíð
þar sem þau stunda bæði nám.
Þau verða yfirleitt samferða í
skólann á morgnana. Ása og Ósk-
ar segja mörg skólasystkini sín
hafa verið með skólakort í fyrra-
vetur og því sé mesta breytingin
fólgin í því að námsmenn spari
sér nú umtalsverð útgjöld. Þau
efast þó um að átakið skili þeim í
vagnana sem hafi ekki notað þá
áður.
Ingunn Sigurðardóttir, nem-
andi við Menntaskólann í Hamra-
hlíð, tekur strætó vestan af Sel-
tjarnarnesi í skólann og er alls
um tuttugu mínútur að komast á
milli með tveimur vögnum. Hún
er ánægð með þessa nýju fyr-
irgreiðslu til námsmanna, en seg-
ir ferðavenjur sínar ekki hafa
breyst þó að hún þurfi ekki að
borga fyrir strætóferðirinar leng-
ur. Vinir hennar ferðast að henn-
ar sögn fæstir með strætó. „Þau
eru orðin svo kúl eftir að þau
fengu bílpróf,“ segir Ingunn.
Guðfinnur Gústafsson stundar
nám í tölvunarfræði við Iðnskól-
ann í Reykjavík og segir það
muna miklu að fá ókeypis í
strætó. Það hafi mikil áhrif á þá
ákvörðun hans að nota almenn-
ingssamgöngur. „Þetta virkar
fínt,“ segir Guðfinnur. „Maður er
stundum svolítið lengi, en þetta
er allt í lagi.“
Byrjaði að keyra
vinstra megin
Vagnstjórar finna fyrir því að
fleiri taka sér far með strætó í
haust en áður og þá sérstaklega á
álagstímum. Þegar Sigurður
Magnússon hóf störf sem strætó-
bílstjóri var enn vinstriumferð í
Reykjavík, en hann hefur ekið
fólki um borgina með hléum síð-
an 1963. „Fram undir 1975 voru
vagnarnir alltaf fullir fram á
kvöld. En núna, – það liggur við
að maður sé eins og mannafæla
ef maður sér einhvern á stoppi-
stöð.“
Hann segir að síðustu daga
hafi farþegum fjölgað og líst vel
á þessa tilraun borgaryfirvalda
til að fá námsmenn í strætisvagn-
ana. „Ég hef alltaf verið hlynntur
því að það yrði frítt í strætó fyrir
alla vegna þess að það marg-
borgar sig fyrir borgina.“
Námsmenn kunna vel að meta gjaldfrjálsar almenningssamgöngur
Líf að færast í
strætisvagnana
Um borð Námsmenn í framhalds- og háskólum spara með því að nýta sér gjaldfrjálsar almenningssamgöngur.
Á eigin vegum Ágúst þarf ekki
lengur að sníkja far með mömmu.
MH-ingur Ingunn komin á Hlemm
vestan af Seltjarnarnesi.
Í Iðnskólann Guðfinnur stundar
nám í tölvunarfræði.
Strætórómantík Ása og Óskar verða samferða í skólann á morgnana.
Í HNOTSKURN
»Sveitarfélögin semstanda að ókeypis strætó-
ferðum fyrir námsmenn von-
ast til að umferðarþungi og
mengun minnki meðan á til-
rauninni stendur.
»Alls njóta nemendur 22skóla á höfuðborg-
arsvæðinu góðs af átakinu.
Strætókortið, sem dreift hef-
ur verið í skólunum að und-
anförnu, samsvarar 30.000
króna samgöngustyrk fyrir
hvern nema.
Morgunblaðið/Frikki
GUNNAR Birgisson, bæjarstjóri Kópavogs,
segir að í samningi Kópavogsbæjar við Flug-
fjarskipti ehf. felist að bærinn kaupi möstrin
af þeim. Fyrstu mánuðina sem Flugfjarskipti
reki starfsemina frá Grindavík þurfi að sam-
keyra möstrin þar og á Rjúpnahæð, en að
þeim tíma loknum verði möstrin á Rjúpna-
hæð felld.
Rjúpnahæð uppbyggð 2010-2011
Kostnaður bæjarins við að fella og fjar-
lægja möstrin nemi um það bil 500 milljónum
króna. Til stendur að reisa um það bil 450
íbúðir á Rjúpnahæð og verða þær flestar í
sérbýli. Gunnar segir að framkvæmdir vegna
fyrirhugaðra íbúða séu komnar á fulla ferð
og um þessar mundir sé unnið að gatnagerð á
svæðinu. Um þriggja til fjögurra mánaða
seinkun hafi orðið á verkefninu vegna þess
tíma sem það tók að semja við Bandaríkja-
menn um notkun mastranna í námunda við
Grindvík. Nú sé reiknað með því að hægt
verði að hefja húsbyggingarnar af fullum
krafti næsta sumar. „Við reiknum með að
þetta svæði verði að mestu leyti uppbyggt
2010-2011,“ segir Gunnar.
Kostar 500
milljónir að fjar-
lægja möstrin