Morgunblaðið - 11.09.2007, Blaðsíða 17

MORGUNBLAÐIÐ ÞRIÐJUDAGUR 11. SEPTEMBER 2007 17
SUÐURNES
Eftir Júlíus G. Ingason
Vestmannaeyjar | Síminn minntist
með margvíslegum hætti aldaraf-
mælis fyrirtækisins árið 2006 en
síðasta athöfnin sem tilheyrði af-
mæli fyrirtækisins fór fram inni á
Eiði í Vestmannaeyjum á miðviku-
dag. Þar var afhjúpaður minnis-
varði um það merka afrek Eyja-
manna að leggja sæsímastreng úr
landi í einkaframkvæmd á árinu
1911.
Viðstaddir afhjúpunina voru
meðal annars fulltrúar Símans hf.
og forstjóri fyrirtækisins, Árni
Mathiesen fjármálaráðherra og
bæjarstjórn Vestmannaeyja.
Afdrifaríkt símtal
Hermann Einarsson, grunn-
skólakennari í Vestmannaeyjum,
hélt stutta tölu við afhjúpunina og
sagði frá því hvað Eyjamenn hefðu
mátt leggja á sig árið 1910 til að
komast í síma. Þá fóru nokkrir
menn að morgni dags sjóleiðina frá
Vestmannaeyjum og upp í Land-
eyjar þar sem finna mátti símstöð.
Luku þeir símtölum sínum síðar
sama dag og hugðust sigla aftur
heim en þá var orðið ófært og urðu
þeir veðurtepptir í tvær vikur.
Það þótti því ljóst að full þörf
var fyrir símtengingu til Vest-
mannaeyja og veturinn 1911 sam-
þykkti Alþingi að Vestmannaeying-
um væri heimilt að fara út í
framkvæmdina en þó með þeim
skilyrðum að Landssíminn gæti
leyst til sín strenginn sem fyr-
irtækið gerði ári síðar og fengu
hluthafar í fyrirtækinu sem lagði
símstrenginn 15% arð, svo arðbær
var framkvæmdin.
Mikill samtakamáttur
Talið er að framkvæmdin hafi
kostað á þessum tíma um 50 þús-
und krónur en framreiknað eru
það í dag um tveir og hálfur millj-
arður. Það er því ljóst að framtak
Vestmannaeyinga á þessum tíma
var mikið afrek.
„Þarna kom í ljós hversu sam-
takamáttur Eyjamanna er mikill.
Ef við stöndum sameinuð getum
við lyft grettistaki en sundraðir er-
um við linir,“ sagði Hermann.
Afhjúpaður minnisvarði
um afrek Eyjamanna
Morgunblaðið/Sigurgeir
Athöfn Árni Mathiesen fjármálaráðherra, fulltrúar Símans og fleiri gestir
sóttu Eyjamenn heim við afhjúpun minnisvarðans á Eiði.
Morgunblaðið/Sigurgeir
Saga Hermann Einarsson kennari
sagði söguna af símastrengnum.
Símastrengur
lagður úr landi
á árinu 1911
Hveragerði | Heilsustofnun NLFÍ í
Hveragerði fékk á ársþingi Nátt-
úrulækningafélagsins afhent við-
urkenninguna EUROPESPA sem
er gæðamerki Samtaka evrópskra
heilsustofnana (ESPA).
Innan vébanda ESPA eru 24
heilsustofnanir frá 21 landi í Evr-
ópu. Eitt meginverkefni samtak-
anna síðustu árin hefur verið að
þróa gæðastaðla. Staðlarnir eru
veittir stofnunum eftir ítarlega út-
tekt og verða þær að standast 80%
af kröfum samtakanna til að fá
gæðamerkið EUROSPA.
Úttektin tekur til 400 mismun-
andi atriða, helstu flokkar hennar
eru; gæða- og öryggismál, með-
ferðar- og hvíldaraðstaða, aðstaða
til lækninga, sund-, bað- og gufu-
aðstaða, gistiaðstaða, matsalar og
eldhúss, annarrar meðfeðr-
araðstöðu og frístundamöguleika
jafnt á stofnuninni sem og í ná-
grenni hennar.
Heilsustofnun NLFÍ er tutt-
ugasta stofnunin sem fær þessa við-
urkenningu hjá ESPA. Það var
Joachim Lieber, framkvæmdastjóri
ESPA, sem afhenti Gunnlaugi K.
Jónssyni, stjórnarformanni Heilsu-
stofnunar, viðurkenninguna en
hann afhenti hana áfram til Ólafs
Sigurðssonar framkvæmdastjóra.
Morgunblaðið/Sigurður Jónsson
Gæði Jan Triebel yfirlæknir, Ólafur Sigurðsson framkvæmdastjóri Heilsu-
stofnunar, Aldís Hafsteinsdóttir bæjarstjóri, Joachim Lieber fram-
kvæmdastjóri ESPA og Gunnlaugur K. Jónsson stjórnarformaður.
Heilsustofnun fær
gæðamerki ESPA
Njarðvík | Lionsklúbburinn Æsa í
Njarðvík afhenti nýlega gjafir til
Íþróttamiðstöðvarinnar í Njarðvík
og til Tómstundastarfs eldri borg-
ara.
Lionskonur færðu Íþrótta-
miðstöðinni að gjöf hjartastuðtæki
sem að sögn Hafsteins Ingibergs-
sonar, forstöðumanns hússins, get-
ur skipt sköpum þegar bregðast
þarf við á vettvangi áður en sjúkra-
bíll kemur á staðinn. Kemur þetta
fram á vef Reykjanesbæjar. Starfs-
fólk íþróttamiðstöðvarinnar hefur
þegar fengið kennslu í notkun tæk-
isins sem verður kynnt í öðrum
íþróttamannvirkjum bæjarins.
Jóhanna Arngrímsdóttir tók við
150.000 kr. styrk Lionsklúbbsins
sem veittur var til þátttöku eldri
borgara í Landsmóti UMFÍ í sumar.
Jóhanna sagði að styrkurinn hefði
komið sér vel en einnig hefðu aðrir
aðilar stutt vel við bakið á eldri
borgurum sem gerði þeim kleift að
taka þátt í mótinu án mikils til-
kostnaðar.
Ljósmynd/Dagný Gísladóttir
Styðja tóm-
stundastarf
Gjöf Estíva Einarsdóttir afhenti Jó-
hönnu Arngrímsdóttur gjöfina.
Eftir Svanhildi Eiríksdóttur
Reykjanesbær | Lestrardrottning
og lestrarkóngur voru krýnd í
fyrsta sinn á Bókasafni Reykjanes-
bæjar síðastliðinn laugardag. Til-
efnið var uppskeruhátíð sumarlestr-
ar og voru kóngurinn og
drottningin vel að heiðrinum komin.
Það var Birkir Orri Viðarsson, á
sjöunda ári, og Heiðrún Birta
Sveinsdóttir, átta ára, sem urðu
heiðursins aðnjótandi en þau lásu
samtals 58 bækur í sumar.
Metþátttaka var í sumarlestrin-
um í ár, alls 232 börn lásu 1.571
bók, sem er nokkur fjölgun frá því í
fyrra.
Viðhalda lestrarkunnáttu
Bókasafn Reykjanesbæjar hefur
boðið upp á sumarlestur fyrir
grunnskólabörn síðan 2004. Mark-
miðið með sumarlestrinum er að
börnin viðhaldi lestrarkunnáttu
sinni yfir sumarið, ásamt því að
kynna þeim fjölbreyttan bókakost
safnsins og að þau kynnist nýjum
heimum með lestri bóka. Einnig er
lagt mikið upp úr því að börnin læri
að tjá sig um verkin sem þau lesa
og með það að leiðarljósi verða þau
að skila umsögn um hverja lesna
bók til að fá stimpil í bókaskrána
sína. Eftir hverjar þrjár lesnar
bækur fá þátttakendur verðlaun.
Frá því að bókasafnið hóf að
bjóða upp á sumarlestur sem einn
valkost fyrir börn í Reykjanesbæ í
sumarfríinu hefur þátttaka aukist
jafnt og þétt. Frá árinu í fyrra
fjölgaði þátttakendum um 22 en
þátttaka hefur aukist um helming á
fjórum árum.
Fyrsta uppskeruhátíðin
Er þetta í fyrsta sinn sem haldin
er uppskeruhátíð en þar kom fram
að allar líkur væru á því að sum-
arlestrinum yrði lokið með sam-
bærilegum hætti á næstu árum.
Auk krýningar á lestrarkóngi og
lestrardrottningu voru 28 þátttak-
endur verðlaunaðir fyrir góðar um-
sagnir. Einnig var tekið tillit til
þess að þátttakendur læsu bækur
sem hæfðu aldri þeirra og getu.
Auk þess að uppfylla þessi skilyrði
lásu lestrardrottningin og lestrar-
kóngurinn flestar bækur; Heiðrún
Birta 30 og Birkir Orri 28.
Í tilefni af færeysku þema á
bókasafninu fengu hátíðargestir
innsýn í færeyska menningu og les-
in var bókin „Vængjað myrkur“ eft-
ir hinn þekkta færeyska höfund
Willam Heinesen.
Lestrarkóngur og
-drottning krýnd
Morgunblaðið/Svanhildur Eiríksdóttir
Sumarlestur Heiðrún Birta Sveinsdóttir var krýnd lestrardrottning og
Birkir Orri Viðarsson lestarkóngur á uppskeruhátíð sumarlesturs.
Þau duglegustu
lásu 28 til 30
bækur í sumar
Garður | Hafinn er undirbúningur
að hátíðarhöldum í tilefni hundrað
ára afmælis Garðsins. Afmælishátíð-
in verður 15. júní en tímamótanna
verður minnst með ýmsum atburð-
um á afmælisárinu.
Ákveðið hefur verið að efna til
ljósmyndasamkeppni á afmælisárinu
og verður haldin sýning á afrakstri
hennar. Stefnt er að því að efna til
sýninga á verkum lista- og hags-
leiksfólks úr Garðinum.
Þá er búist við að fjölskyldur úr
Garðinum muni halda þar ættarmót
á afmælisárinu.
Gegnum aldirnar hefur verið mik-
ið útræði í Garði enda stutt á fengsæl
fiskimið. Í Gerðahverfi fór að mynd-
ast þéttbýliskjarni skömmu eftir
aldamótin 1900. Nú eru liðlega 1500
íbúar í sveitarfélaginu Garði.
Auður Vilhelmsdóttir er formaður
undirbúningsnefndar vegna afmæl-
ishaldsins og með henni starfa Sæ-
rún Ástþórsdóttir og Ásgeir Hjálm-
arsson.
Haldið upp
á afmæli
Garðsins
Garður | Þrjár konur sýna verk sín í
Flösinni, veitingahúsinu á Garð-
skaga. Sýningin var opnuð 1. sept-
ember og stendur út mánuðinn.
Listakonurnar eru Þóra Jónsdótt-
ir, Inga Rósa Kristinsdóttir og Unn-
ur Magnea Sigurðardóttir. Þær sýna
um 25 verk. Þar er um að ræða hefð-
bundin olíumálverk og verk unnin
með blandaðri tækni.
Sýna saman
í Flösinni
♦♦♦
LANDIÐ