Morgunblaðið - 01.11.2007, Page 20

20 FIMMTUDAGUR 1. NÓVEMBER 2007 MORGUNBLAÐIÐ
HÖFUÐBORGARSVÆÐIÐ
AKUREYRI
Eftir Skapta Hallgrímsson
skapti@mbl.is
BIÐLISTAR á endurhæfingar-
deildina á Kristnesspítala í Eyja-
firði hafa fjórfaldast á síðustu fimm
árum. Yfirlæknirinn þar segir
mikla aukningu meðal ungs fólks
sem þarfnast endurhæfingar, og
hann telur mjög brýnt að stækka
húsnæði stofnunarinnar til þess að
auka megi þjónustuna.
Áttatíu ár eru í dag, 1. nóvem-
ber, frá því að heilbrigðisstarfsemi
hófst í Kristnesi. Framan af voru
þar berklasjúklingar, sá fyrsti
lagðist inn 1. nóvember 1927. Eftir
aldarfjórðung hafði mjög dregið úr
berklaveikinni og þá var farið að
nota plássið undir aðra sjúklinga.
Sértæk endurhæfing
Frá upphafi var Kristneshæli
(síðar Kristnesspítali) hluti af rík-
isspítulunum en hinn 1. janúar
1993 tók Fjórðungssjúkrahúsið á
Akureyri (nú Sjúkrahúsið á Akur-
eyri) við rekstrinum. Í dag fer fram
öflugt endurhæfingarstarf fyrir 18
ára og eldri á Kristnesspítala; ann-
ars vegar á endurhæfingardeild og
hins vegar á öldrunarlækninga-
deild.
Á endurhæfingardeild fer fram
almenn endurhæfing en auk þess
sértæk endurhæfing fyrir fólk með
langvinna verki og ofþyngdar-
vandamál.
Á síðustu fimm árum hefur fjöldi
sjúklinga á endurhæfingardeild-
inni tvöfaldast en þrátt fyrir það
tekst engan veginn að anna eftir-
spurn og biðlistinn hefur fjórfald-
ast á síðustu fimm árum. Nú bíða
tæplega 300 eftir að komast að.
Á öldrunarlækningadeild hefur
einnig orðið veruleg aukning á
starfsemi, einkum göngudeildar-
þjónustu. Samt hefur biðlisti eftir
plássum þar tvöfaldast á síðustu
fimm árum. Á árinu 2006 voru rétt
um 400 sjúklingar á Kristnesspít-
ala og 100 komu á göngudeild.
Hægt hefur gengið að halda
áfram endurbótum á aðstöðu sem
hófust 1998, þrátt fyrir að margir
hafi lagst á þær árar að sögn Ingv-
ars Þóroddssonar, yfirlæknis end-
urhæfingardeildarinnar. En miðað
við hina auknu þörf er mjög brýnt
að eitthvað gerist í þeim málum
sem allra fyrst.
Þjóðhagslega hagkvæmt
„Okkur finnst þurfa að auka við
starfsemina; það þarf að byggja
nýtt þjálfunarhúsnæði. Teikningar
eru til að því en það vantar fjár-
magn; annars vegar til að byggja
og síðan til að reka starfsemina.“
Hann segist vongóður. „Þetta
verður einfaldlega að gerast, eft-
irspurnin er svo mikil, sérstaklega
hjá ungu fólki.“
Ingvar vonast þess vegna til
þess að nýtt húsnæði verði tekið í
notkun á allra næstu árum.
Aukna eftirspurn má fyrst og
fremst rekja til ungs fólks, sem
fyrr segir, og sömu sögu er að
segja í öllum landshlutum. „Það
eru fyrst og fremst þrír hópar; í
fyrsta lagi þeir sem eiga við offitu-
vandamál að stríða, síðan þeir sem
eru með stoðkerfisverki – bakverk-
ir eru langalgengastir – og síðan
fólk með geðraskanir. Við höfum
lítið getað sinnt síðasttalda hópn-
um en viljum geta sinnt honum
mun meira í framtíðinni því þar
kreppir skórinn. Það er einfalt
reikningsdæmi að sjá hve það er
þjóðhagslega hagkvæmt að geta
hjálpað því fólki.“
Biðlisti á endurhæfingardeildina á Kristnesi hefur fjórfaldast á fimm árum
Ungu fólki sem þarf endur-
hæfingu hefur fjölgað mikið
Morgunblaðið/Skapti Hallgrímsson
Kristnesspítali Yfirlæknarnir Arna Rún Óskarsdóttir á öldrunarlækn-
ingadeild og Ingvar Þóroddssoná endurhæfingadeildinni á Kristnesi.
Í HNOTSKURN
»Hinn 1. nóvember 1927lagðist fyrsti berkla-
sjúklingurinn inn á Kristnes-
hæli. Berklarnir voru aðal-
viðfangsefnið þar næstu 25 ár.
»1976 útskrifaðist síðastiberklasjúklingurinn af
Kristnesi og í september það ár
ákvað heilbrigðisráðherra að
Kristneshæli yrði hjúkrunar-
og endurhæfingarspítali. Nafn-
inuvar breytt 1. janúar 1984 í
Kristnesspítala.
»Endurhæfingardeildin tókekki til starfa fyrr en 1991
og 1995 var öldrunarlækn-
ingadeild opnuð.
KÝR sem felld var í sláturhúsi Norðlenska
á Akureyri vikunni vó hvorki meira né mina
en 526 kíló. Gripurinn kom úr Hleiðargarði
í Eyjafjarðarsveit og er sá þyngsti sem sög-
ur fara af hjá Norðlenska, og raunar hefur
ekki einu sinni svo þungur nautsskrokkur
farið þar í gegnum vinnsluna.
Á Hleiðargarði búa hjónin Þór Jóhanns-
son og Helga Sigurðardóttir en þar á bæ er
bæði mjólkur- og kjötframleiðsla.
Á heimasíðu Norðlenska er haft eftir Þór
að umrædd kýr hafi verið fjögurra vetra og
búin að bera tveimur kálfum. Kálfarnir
gengu undir henni í bæði skiptin og því hef-
ur mjólkin úr kúnni aldrei verið notuð til
manneldis. Ástæðan fyrir þessari miklu
stærð á kúnni er sú að móðirin var Aber-
deen Angus-holdablendingur og hún var
síðan sædd með Limósín-holdakynssæði.
Guðmundur Steindórsson, naut-
griparæktarráðunautur á Akureyri, segist
aldrei hafa heyrt um svo þungan kýrskrokk
hér á landi.
Kýrskrokk-
urinn 526 kíló
Ljósmynd/Eggert
Engin smásmíði Bára Heimisdóttir dýra-
læknir og Atli Steinbergsson verkstjóri.
Eftir Jóhönnu Maríu Vilhelmsdóttur
jmv@mbl.is
SÍMINN hefur brugðist við fréttum
af netvæðingu Seltjarnarness sem
fram fer í samstarfi við Vodafone.
Í fréttum í gær var greint frá því
að Seltjarnarnesbær væri fyrsta ís-
lenska bæjarfélagið sem yrði sam-
felldur heitur reitur. Talsmaður
Símans heldur því fram að Reykja-
vík hafi þegar orðið að heitum reit
þegar Síminn opnaði 3G-net sitt í
september á þessu ári.
Hugtakið „heitur reitur“ er vítt og
erfitt að segja til um hvort kerfi Sím-
ans fellur þar undir. Nokkur eðl-
ismunur er á þessum tveimur kerf-
um þar sem kerfið á Seltjarnarnesi
verður opið til notkunar, en til að
nota 3G er viðeigandi sími nauðsyn-
legur, auk þess sem niðurhal í far-
tölvur er keypt aukalega eins og um
ADSL væri að ræða.
Hrannar Pétursson, upplýsinga-
fulltrúi Vodafone, segir fráleitt að
líkja kerfunum saman, þau séu of
ólík: „Kerfi eins og það sem sett
verður upp á Seltjarnarnesi bjóða
upp á mun meiri hraða við gagna-
flutninga og kostnaðurinn er ýmist
enginn eða lítill. Nettenging gegnum
3G er á hinn bóginn víðfeðmari, en
hún er hægari og kostar notandann
miklu meira. En þetta tvennt getur
unnið vel saman; heitu reitirnir
tryggja meiri hraða en eru oftast
nær litlir, en 3G hentar þeim sem
vilja meiri dreifingu og eru reiðu-
búnir að greiða fyrir þá þjónustu.“
Bæjaryfirvöld á Seltjarnarnesi
stefna á að öll notkun kerfisins verði
ókeypis en líklega verði niðurhal
ekki ótakmarkað því tengingin er
hugsuð sem viðbót við heimateng-
ingu íbúanna.
Þráðlaus
bæjarfélög
Eftir Steinþór Guðbjartsson
steinthor@mbl.is
BJÖRGUN hf. vill reisa fjölbýlishús
á lóð sinni við Bryggjuhverfið á Ár-
túnshöfða og jafnframt hyggjast for-
svarsmenn fyrirtækisins bregðast
við sandfoki og hávaða, sem angra
nágrannana, með bættri og stærri
mön á svæðinu. Á sama tíma er unn-
ið að því að finna framtíðarstað fyrir
Björgun og önnur fyrirtæki í grófari
iðnaði í nágrenninu og hefur einkum
verið horft til Álfsness á milli Leir-
vogs og Kollafjarðar í því sambandi.
Möguleikar á Álfsnesi
Á stjórnarfundi Faxaflóahafna í
fyrradag var tekin fyrir áskorun
íbúa Bryggjuhverfis í sambandi við
starfsemi Björgunar að Sævarhöfða
33. Fram kom að á vettvangi Faxa-
flóahafna í samvinnu við Reykjavík-
urborg væri unnið að því að fyrir-
tækið gæti flutt á nýtt athafnasvæði.
Hafnarstjóri gerði grein fyrir stöðu
málsins og viðræðum við fulltrúa
íbúa Bryggjuhverfisins og Reykja-
víkurborgar um framgang málsins.
Eins og Morgunblaðið greindi frá í
sumar eru deildar meiningar um
hvenær lóðasamningur borgarinnar
við Björgun rennur út. Yfirvöld miða
við 1. september 2009 en talsmenn
Björgunar telja að breyttur samn-
ingur gildi til 2034. Gunnlaugur
Kristjánsson, forstjóri Björgunar,
benti á í samtali við Morgunblaðið í
júlí að hagsmunir ýmissa fyrirtækja
á Ártúnshöfða færu saman og væri
góð lausn fólgin í því ef hægt væri að
flytja þau á sama svæði. Í þessu sam-
bandi nefndi hann Björgun, Malbik-
unarstöðina, Sementsverksmiðjuna,
steypustöðvar og húseiningafram-
leiðslu.
Tengist Sundabraut
Gísli Gíslason, hafnarstjóri Faxa-
flóahafna, segir að málið í sambandi
við Björgun sé í ákveðnum farvegi
og verið sé að kanna möguleika á
Álfsnesi með það fyrir augum að
reyna að finna lausn á málinu fyrir
árslok.
Birgir H. Sigurðsson, skipulags-
stjóri Reykjavíkurborgar, segir að
þessa dagana séu menn að fara yfir
stærðir og þarfir. Framtíð uppbygg-
ingar á Álfsnesi hangi svolítið á um-
ræðunni um Sundabraut eða Sunda-
göng. Ljóst sé að forsvarsmenn
fyrirtækja, sem rætt sé um að fari
þangað, vilji vera sem næst mark-
aðnum og finnist starfsemin vera ut-
an hans á Álfsnesi nema samgöngur
verði bættar. Best væri ef umrædd
fyrirtæki fengju úrlausn mála á
þessum stað og gætu flutt þangað á
svipuðum tíma, en hugmyndir væru
uppi um að skoða og endurskipu-
leggja gamla atvinnusvæðið við
Elliðaárvoginn.
Til móts við íbúa
Forsvarsmenn Björgunar hafa
viðrað hugmyndir um byggingu fjöl-
býlishúss með turni við hliðina á húsi
sínu og á lóð sinni við Tangar-
bryggju, meðal annars við íbúa í
Bryggjuhverfinu, en tillögurnar hafa
ekki verið lagðar fyrir skipulags-
nefnd og því hafa þær ekki fengið
efnislega umfjöllun hjá nefndinni.
Íbúar í Bryggjuhverfinu hafa
kvartað yfir sandfoki og hávaða frá
Björgun og hafa forsvarsmenn fyr-
irtækisins ákveðið að byggja mön til
varnar foki og hávaða. Þórdís Unn-
dórsdóttir, skrifstofustjóri Björgun-
ar, segir að hugmyndin sé að bæta
mönina fyrir framan Tangarbryggju
að Björgun, bæta hana, hækka og
lengja, og sé efnið tilbúið í verkið.
Vill háhýsi í Bryggjuhverfið
 Björgun ráðgerir að reisa fjölbýlishús og mön til varnar ryki og hávaða á
Ártúnshöfða  Álfsnes skoðað sem framtíðarland fyrir fyrirtæki í grófari iðnaði
Morgunblaðið/Brynjar Gauti
Framkvæmdir Björgun á Ártúnshöfða við Elliðaárvog stefnir að byggingu stórrar manar til að verja íbúa
Bryggjuhverfisins fyrir sandfoki og hávaða. Fyrirtækið vill líka byggja fjölbýlishús á svæðinu.