Morgunblaðið - 19.12.2007, Blaðsíða 6

6 MIÐVIKUDAGUR 19. DESEMBER 2007 MORGUNBLAÐIÐ
FRÉTTIR
TILLAGA Samfylkingarinnar og Vinstri grænna
um að selja allt að 95% hlut af eign Hafnarfjarð-
arbæjar í Hitaveitu Suðurnesja til Orkuveitu
Reykjavíkur var samþykkt í gær á fundi bæjar-
stjórnar Hafnarfjarðar. Eignarhlutur Hafnar-
fjarðar í HS er rúm 15,4%. Tillagan var samþykkt
með 8 atkvæðum en 3 voru á móti. Tillaga fulltrúa
Sjálfstæðisflokksins um að selja allan hlut bæj-
arins í HS til OR var felld á fundinum með 8 at-
kvæðum gegn 3.
Um tveggja klst. langar umræður urðu um mál-
ið. Fulltrúar flokkanna voru á sama máli um að
selja ætti eignarhlut í HS og ekki kom fram
ágreiningur um þátttöku Hafnarfjarðar í Suður-
lindum ofh. ásamt Grindavík og Vogum um nýt-
ingu náttúruauðlinda innan lögsögu sveitarfélag-
anna, en félagið verður stofnað á morgun. Almar
Grímsson, Sjálfstæðisflokki, fagnaði því við um-
ræðurnar að sveitarfélögin hefðu sameinast um
„sjálfa gullnámuna“.
Á fundi bæjarstjórnar í gær gagnrýndu 3
fulltrúar Sjálfstæðisflokksins harðlega tillögu
Samfylkingar og VG einkum fyrir að bærinn haldi
eftir ákveðnum hluta í HS og gert væri ráð fyrir að
bærinn eignaðist hlut í OR með hlutafjárskiptum.
Fullyrtu sjálfstæðismenn að fjárfestingin í OR
gæti numið 2-3 milljörðum kr. Einnig var tekist á
um hvernig ráðstafa ætti söluandvirðinu.
Fram kom í máli Lúðvíks Geirssonar bæjar-
stjóra að með þessu væri verið að tryggja bænum
ákveðna aðkomu að fyrirtækjunum, enda keypti
bærinn þjónustu af þessum fyrirtækjum. Lúðvík
greindi frá því að nýtt verðmat á HS lægi fyrir,
„sem gefur okkur verðgildi upp á 4,7, sem er
nokkru hærra en það verðmat sem hefur verið á
fyrirtækinu fram til þessa,“ sagði hann. Hafnar-
fjarðarbær fengi því talsvert meira fyrir hlut sinn í
HS. Hins vegar væri beðið eftir verðmati á OR.
Rósa Guðbjartsdóttir, Sjálfstæðisflokki, sagði
það mikil vonbrigði að vinstri menn í bæjarstjórn
vildu ekki selja allan hlutinn í HS. Engin rök hefðu
verið færð fyrir því hvaða ávinningur væri í að
halda hlut eftir í félaginu eða að bærinn ætlaði að
eignast hlut í OR.
Guðrún Ágústa Guðmundsdóttir, fulltrúi VG,
sagðist hafa verið alfarið á móti sölu á hlutnum í
HS en hún hefði skipt um skoðun í ljósi þeirra
breytinga sem orðið hafa á umliðnum mánuðum.
Eðli HS hafi gjörbreyst eftir að einkaaðilar
keyptu hlut ríkisins í fyrirtækinu.
Bæjarstjórn samþykkir að
selja allt að 95% hlut í HS
Sjálfstæðismenn gagnrýna að Hafnarfjörður fjárfesti fyrir 2-3 milljarða í OR
FORSETI Íslands Ólafur Ragnar Grímsson afhenti í
gær ungmennum verðlaun í net-ratleik sem efnt var til
í grunnskólum landsins á Forvarnardaginn. Verð-
launahafarnir eru frá vinstri Vilhjálmur Patreksson,
Landakotsskóla, Eiður Rafn Hjaltason, Heiðarskóla í
Leirársveit og Magnús Ellert Steinþórsson, Grunnskól-
anum á Þingeyri. Þeir leystu verkefni sem samið var af
fulltrúum Íþrótta- og ólympíusambands Íslands, Ung-
mennafélagi Íslands og Bandalags íslenskra skáta.
Verkefnið snerist um þekkingu á starfsemi hreyfing-
anna sem byggði á því að kynna sér hana á heimasíðum
þeirra. Hundruð grunnskólanemenda sendu inn réttar
lausnir.
Forvarnardagurinn var haldinn um allt land hinn 21.
nóvember sl. Sérstök dagskrá var í öllum 9. bekkjum
grunnskóla landsins.
Morgunblaðið/Brynjar Gauti
Fengu viðurkenningu frá forsetanum
FRÉTTASKÝRING
Eftir Andra Karl
andri@mbl.is
ALLSHERJARNEFND Alþingis
hefur um þessar mundir til með-
ferðar frumvarp dómsmálaráðherra
til laga um meðferð sakamála. Í því
er m.a. skerpt á lagagreinum um far-
bann en í dag er kveðið á um farbann
í lögum um meðferð opinberra mála.
Ráðherra útilokar ekki að enn frekar
verði skerpt á téðum greinum, ef
þörf er talin á því að mati þing-
manna. Tveir pólskir karlmenn hafa
nýverið komist úr landi þrátt fyrir að
sæta farbanni vegna gruns um aðild
að kynferðisbroti.
Ólafur Helgi Kjartansson, sýslu-
maður á Selfossi, og Jóhann R. Bene-
diktsson, lögreglustjóri á Suðurnesj-
um, hafa lýst skoðunum sínum á
tíðum farbannsúrskurðum dómstóla,
m.a. í Morgunblaðinu. Haft var eftir
Ólafi Helga 7. desember sl., eftir að
fyrri maðurinn slapp úr landi, að
ekkert launungarmál væri að emb-
ætti hans hefði viljað halda mann-
inum í gæsluvarðhaldi til að tryggja
nærveru hans, en einnig sagðist hann
telja farbann ófullnægjandi kost.
Undir þetta hefur Jóhann R. tekið
og jafnframt sagst telja að dómstólar
ættu að sýna lögreglu aukinn skiln-
ing þegar um er að ræða einstaklinga
sem hafa lítil sem engin tengsl við
landið, þ.e. ættu hér hvorki fjöl-
skyldu né fasta búsetu. Jóhann hefur
þá einnig bent á það úrræði að menn
í farbanni setji tryggingu fyrir við-
veru sinni hér á landi.
Kveðið á um tryggingu
Í lögum um meðferð opinberra
mála er kveðið á um að hægt sé að
setja tryggingu fyrir frelsi einstak-
lings. Orðrétt segir í 109. gr.: „Nú
kemur til greina að setja mann í
gæsluvarðhald [...] og getur dómari
þá, ef hann telur það nægilegt,
ákveðið að sakborningur haldi frelsi
sínu gegn því að hann setji trygg-
ingu. Dómari ákveður fjárhæð trygg-
ingar. Hún skal sett í reiðufé, en
dómari getur þó tekið gild verðbréf,
ábyrgð innlánsstofnunar eða sjálf-
skuldarábyrgð annarra manna.“
Rjúfi einstaklingurinn skilyrði
tryggingarinnar rennur féð til ríkis-
sjóðs.
Morgunblaðinu er ekki kunnugt
um að einstaklingar hafi verið krafðir
um tryggingu í nýlegum málum,
nema þá vegabréf.
Frjálsar hendur ákæruvalds
Í júlí árið 1999 dæmdi Hæstiréttur
Kio Alexander Briggs í farbann fram
í október s.á. Ákæruvaldið fór fram á
að Briggs yrði gert skylt að gefa sig
fram við lögreglu á hverjum degi, á
fyrirfram ákveðnum stað og tíma,
meðan á farbanni stæði.
Hvað varðar ósk ákæruvaldsins
vísaði Hæstiréttur í 110 gr. laga um
meðferð opinberra mála: „Í samræmi
við grunnrök 110. gr. laga nr. 19/1991
er sóknaraðila rétt að gera ráðstaf-
anir sem nauðsynlegar eru til þess að
tryggja framkvæmd farbanns yfir
varnaraðila. Er varnaraðila heimilt
að bera ákvarðanir sóknaraðila um
nánari tilhögun farbanns undir dóm-
ara samkvæmt 75. gr. laganna. Hins
vegar brestur skilyrði til þess að
dómstólar ákveði, að kröfu sóknarað-
ila, hvernig nánari tilhögun farbanns
verði háttað.“
Með þessari túlkun Hæstaréttar
má segja að ákæruvaldinu hafi verið
gefnar frjálsar hendur til að tryggja
framkvæmd farbanns yfir Briggs.
Hann hafi þó samkvæmt lögum
heimild til að bera ákvarðanir ákæru-
valdsins fyrir dómara.
Meðal þeirra úrræða sem bent
hefur verið á að taka ætti upp eru
staðsetningartæki sem einstakling-
um sem sæta farbanni yrði skylt að
bera. Spurður út í þetta atriði segir
Björn Bjarnason dómsmálaráðherra
að tækni vegna rafræns eftirlits sé
alltaf að verða einfaldari og verið sé
að huga að því sem hluta af viður-
lagakerfi lögreglu og fangelsisyfir-
valda.
 Frumvarp til laga um meðferð sakamála er til meðferðar hjá Allsherjarnefnd  Dómsmálaráð-
herra útilokar ekki að ákvæðum um farbann verði breytt, það sé undir þingmönnum komið
Ákæruvaldið hefur ýmis úrræði
Morgunblaðið/Júlíus
Varðhald Færður fyrir dómara.
Í GÆRMORGUN var umræðuþætt-
inum „Leiðtogafundur um framtíð-
ina: Björgum jörðinni“ sjónvarpað á
heimsrás CNN.
Forseti Íslands, Ólafur Ragnar
Grímsson, var meðal þátttakenda í
umræðuþættinum ásamt forystu-
mönnum í loftslagsmálum víða að úr
veröldinni, sérfræðingum og vísinda-
mönnum. Stjórnandi þáttarins var
Richard Quest, einn helsti þátta-
stjórnandi alþjóðaútgáfu CNN.
Forsetinn flaug fyrir nokkrum
dögum til Singapore, þar sem þátt-
urinn var tekinn upp.
Í þættinum var rætt um yfirvof-
andi loftslagsbreytingar, hækkun
sjávarborðs, bráðnun jökla, nýja
stefnu í orkumálum og nýtingu
hreinna orkugjafa, reynslu Íslend-
inga og þær breytingar sem nauð-
synlegt er að gera á efnahagskerfi
heimsins.
Þátturinn verður endursýndur
nokkrum sinnum á heimsrás CNN.
Hann verður sýndur kl. 10.00 og
19.00 laugardaginn 22. desember og
kl. 12.00 og 18.00 sunnudaginn 23.
desember.
Forseti kom
fram í þætti
á CNN
ÍSLAND er dýr-
asta land í heimi
samkvæmt tölum
sem Alþjóða-
bankinn hefur
birt í viðamikilli
rannsókn á stærð
hagkerfa heims-
ins, en tölurnar
miðast við árið
2005. Fram kemur að það sé 54%
dýrara að búa á Íslandi miðað við
Bandaríkin, séu þau sett sem viðmið-
unargildi (=100).
Danir koma í öðru sæti, en þar er
42% dýrara að búa heldur en í
Bandaríkjunum. Fimmtán Evrópu-
ríki eru á lista yfir 20 dýrustu ríki
heims. Japan er dýrasta land utan
Evrópu, en þar er 18% dýrara að búa
en í Bandaríkjunum.
Ísland er meðal ríkustu landa
heims ef lífskjörin eru skoðuð út frá
neyslu heimilanna í landinu.
Ef litið er til fátækustu landa
heims kemur í ljós að í 40 löndum er
verðlagið 60% ódýrara en í Banda-
ríkjunum. Neðst er Tadsjikistan en
Gambía og Eþíópía eru skammt und-
an.
Dýrast
að búa á
Íslandi
54% dýrara en í
Bandaríkjunum
ORKUVEITA Reykjavíkur hefur
orðið fyrir milljónatjóni í óveðri
undanfarna daga. Ljósaperur í
götuljósum hafa
sprungið, ljósa-
staurar skekkst
og jafnvel brotnað
og jólaskreyting-
ar fokið út í veður
og vind. Orku-
veita Reykjavíkur
hefur haldið úti
fimm körfubílum
með áhöfnum til
þess að freista þess að sinna við-
gerðum, en mjög víða eru heilu
íbúðar- og umferðargöturnar ljós-
lausar eða ljóslitlar.
Viðgerðarflokkar hafa ekki haft
undan og því hefur ekki tekist að
koma lýsingu alls staðar á, en unnið
er eins hratt og hægt er við að
skapa fullnægjandi öryggi með lýs-
ingu, samkvæmt upplýsingum frá
OR.
Milljónatjón
OR í óveðrinu
♦♦♦
ÁKVÖRÐUN bæjarstjórnar Hafnarfjarðar að
selja allt að 95% hlut í Hitaveitu Suðurnesja hf.
byggist á hluthafasamkomulagi í HS frá 11. júlí
sl. Þar segir að komi til sölu á hlut Hafnarfjarðar
til OR muni Reykjanesbær og Geysir Green
Energy ekki nýta forkaupsréttarheimild sína að
þeim hlut. Júlíus Jónsson, forstjóri HS, segir að
þarna sé samið um að forkaupsréttur Geysis og
Reykjanesbæjar gildi ekki í þessu tilviki. Grinda-
vík, Sandgerði, Garður og Vogar sem eiga
1,25%, hafi ekki verið aðilar að samkomulaginu
en ekki er búist við að þau nýti forkaupsrétt.
Ekki forkaupsrétt