Morgunblaðið - 21.01.2008, Síða 14

14 MÁNUDAGUR 21. JANÚAR 2008 MORGUNBLAÐIÐ
ÚR VESTURHEIMI
RÍKISSTJÓRN Íslands hefur afhent söfn-
unarnefnd nýs félagsheimilis í Mountain í
Norður-Dakóta 75.000 dollara að gjöf til
verksins. Forystumenn söfnunarinnar
segja styrkinn vega mjög þungt, en safna
þarf 676.000 dollurum til að fá sömu upp-
hæð frá opinberum aðilum í Norður-
Dakóta.
Í frétt frá söfnunarnefndinni segir að
með styrk Íslands hafi safnast um 300.000
dollarar. Geir H. Haarde forsætisráðherra
hafi verið greint frá fyrirhuguðu átaki á ár-
legri Íslandshátíð, Deuce of August Ice-
landic Celebration, í sumar og hann tekið
vel í að koma að málinu.
Tim Moore, bæjarstjóri í Mountain og
annar formaður söfnunarnefndarinnar, seg-
ir að framlag Íslands sé mikilvægt skref í að
ná takmarkinu. „Við erum innilega þakklát
fyrir þennan mikla styrk frá Íslandi,“ segir
hann.
Curtis Olafson, hinn formaður nefndar-
innar, tekur í sama streng. Hann segir að
tengslin við Ísland hafi styrkst mjög mikið á
undanförnum árum og þessi myndarlegi
styrkur snerti hverja taug og sé afrakstur
góðs sambands.
Afhending Loretta Bernhoft, ræðismaður
Íslands í Norður-Dakóta, afhendir Tim
Moore ávísunina. Curtis Olafson til vinstri.
Góður styrk-
ur frá Íslandi
Eftir Steinþór Guðbjartsson
steinthor@mbl.is
MIKILL hugur er í forystumönn-
um Vesturfarasetursins á Hofsósi
og er ýmislegt í deiglunni. Þar má
meðal annars nefna sýningu frá Ís-
lendingabyggðum á vesturströnd
Bandaríkjanna og Kanada og sér-
stakan Vesturfaradag sumarið
2009.
Vesturfarasetrið hefur verið
starfrækt síðan sumarið 1996. Val-
geir Þorvaldsson, framkvæmda-
stjóri setursins, segir að hlutverkið
sé ávallt hið sama, það er að vera
þjónustustofnun fyrir fólk sem
meðal annars vill afla upplýsinga
um forfeður sína hérlendis eða í
Vesturheimi og tengja saman rofin
fjölskyldubönd.
Sýningin „Annað landanna líf“,
þar sem saga íslenskra vesturfara
er rakin í máli og myndum með að-
stoð muna, hefur verið í setrinu frá
byrjun. Sýningin „Akranna skín-
andi skart“ um sögu Íslendinga og
ættingja þeirra í Norður-Dakóta
hefur verið uppi frá 2002. Mynda-
sýningin „Þögul leiftur“ hefur ver-
ið í Vesturfarasetrinu síðan 2004.
Nelson Gerrard, sagnfræðingur í
Manitoba, kynnir þar „portrett“-
ljósmyndun í Norður-Ameríku á
tímum vesturferða (um 1870-1910)
með hátt í 400 ljósmyndum af vest-
urförum og börnum þeirra. Lengi
var þar sýning um íslenska land-
námið í Utah.
Stjórn til stórræða
Helgi Ágústsson sendiherra tók
við formennsku í stjórn Vest-
urfarasetursins í sumar sem leið,
en með honum í stjórn eru Vil-
hjálmur Egilsson, Sigfús Jónsson,
Ólafur B. Thors, Jón Sveinsson og
Björgólfur Guðmundsson.
Að sögn Helga er mikill áhugi á
starfsemi setursins og gera megi
því skóna að hann aukist enn frek-
ar með öflugra starfi auk þess sem
leiðin að sunnan hafi styst um 30
km með bættum vegi um Þver-
árfjall.
Stefnt er að því að setja sýn-
inguna frá vesturströnd Banda-
ríkjanna og Kanada upp á næstu
tveimur til þremur árum. Helgi
segir að næsta stórverkefni sé hins
vegar að undirbúa sérstakan Vest-
urfaradag í samvinnu við Reykja-
vík sumarið 2009. „Það verður mik-
ið verkefni,“ segir hann.
Blásið til sóknar á Hofsósi
Vesturfaradagur
sumarið 2009 í
undirbúningi
Árvakur/Júlíus
Fjölmennt Fjölmenni var á Hofsósi þegar forseti Íslands, Ólafur Ragnar Grímsson, opnaði sýninguna „Fyr-
irheitna landið“ um ferðir íslenskra mormóna til Utah og gera talsmenn Vesturfarasetursins sér vonir um að
almennur áhugi á safninu aukist enn frekar. Vesturfarasetrið hefur verið starfrækt síðan sumarið 1996.
Árvakur/Steinþór Guðbjartsson
Forystumenn Helgi Ágústsson, sendiherra og stjórnarformaður Vest-
urfarasetursins, og Valgeir Þorvaldsson framkvæmdastjóri.
VESTURLAND
Eftir Gunnlaug Árnason
Stykkishólmur | Það var búinn að
vera gamall draumur hjá Gyðu
Steinsdóttur og Írisi Huld Sig-
urbjörnsdóttur að ná sér í meiri
menntun, en að sögn þeirra var ekki
auðvelt að láta þann draum rætast
því báðar voru þær komnar með fjöl-
skyldu og börn á ungum aldri. Þær
segja eina möguleikann hafa verið
að flytja burtu til að sækja mennt-
unina, en þær hafi ekki verið til-
búnar til þess. Þær luku BS-prófi í
viðskiptafræði frá Háskólanum á
Akureyri síðastliðið vor.
„Það var vorið 2003 að boðað var
til kynningarfundar í Stykkishólmi
um hugsanlegt fjarnám á há-
skólasviði. Ákveðið var þar að gera
tilraun með slíkt nám. Ég fylltist
bjartsýni, þarna fékk ég tækifæri til
að gera sem mig hafði svo lengi lang-
að til og ákvað strax að sækja um
inngöngu í skólann,“ segir Íris Huld.
„Það sama átti við um mig. Þarna
opnaðist nýr möguleiki til að leita
sér menntunar sem sjálfsagt var að
reyna,“ bætir Gyða við. Þær stöllur
vissu ekki af áhuga hinnar í upphafi,
en þær skráðu sig báðar á stjórn-
unarbraut. Þar hófst hið mikla sam-
starf á milli þeirra í gegnum allt
námið. „Við hófum fjarnámið haustið
2003. Það var erfitt að byrja að læra
aftur eftir svona langt hlé. Þetta var
miklu meiri vinna en við reiknuðum
með. Við vorum báðar í vinnu og svo
með heimili. Strax frá upphafi unn-
um við mikið saman,“ segir Gyða.
Það kom fram hjá þeim að samstarf
þeirra var þeim mikils virði. Það var
auðveldara að vera tvær saman í
fjarnámi í Stykkishólmi á svo marg-
an hátt. „Það komu tímar þar sem
önnur hvor okkar var að gefast upp
á álaginu, en þá kom hin með hvatn-
inguna sem dugði til að halda áfram,
þannig að við leiddumst saman í
gegnum námið. Við fengum mikinn
stuðning frá fjölskyldum okkar, vin-
um, samstarfsfólki og vinnuveit-
endum, sem var mjög mikilvægt,“
segir Íris Huld. Námið var 90 ein-
ingar og tók nám þeirra fjögur ár.
Þær voru að vonum ánægðar þegar
þær brautskráðust frá Háskólanum
á Akureyri í fyrravor. Þær eru sam-
mála um að námið hafi verið mjög
skemmtilegt og þroskandi. Það gef-
ur þeim tækifæri til að takast á við
nýja hluti og líka betri atvinnumögu-
leika. Að námi loknu hafa þær báðar
skipt um vinnustað og eru að fást við
ný verkefni sem þeim líkar vel.
Lokaverkefnið tengdist
Hólminum
Þegar kom að lokaverkefni þeirra
í náminu vildu þær tengja það sinni
heimabyggð. „Við vorum báðar
þannig þenkjandi að við vildum að
verkefnið tengdist bænum okkar.
Við höfðum aðstöðu til námsins í
fræðsluveri í Egilshúsi. Þar var gott
að vera og því vildum gefa eitthvað
til baka. Lendingin var sú að verk-
efni okkar tengdist eflingu atvinnu-
lífs í Stykkishólmi. Við beittum nálg-
un sem er þetta klasasamstarf og
eins Demantslíkan Porters. Við
gerðum kannanir til að greina stöð-
una í Stykkishólmi. Við vorum með
fyrirtækjakannanir og íbúakannanir
hjá íbúum 18 ára og eldri auk SVÓT-
greiningar,“ segir Íris Huld. Gyða
segir okkur að niðurstaða úr fyr-
irtækjakönnunum sýndi að vilji er
fyrir hendi hjá fyrirtækjum að vinna
saman í klasasamstarfi. Gyða segir
að klasasamstarf felist í því að fyr-
irtæki sem eru í samkeppni vinni
saman því viðskiptavinurinn fái ekki
alla þjónustu hjá sama aðilanum.
Viljum auka og styrkja
ferðaþjónustuna í Hólminum
Atvinnumálanefnd Stykkishólms-
bæjar hefur leitað til þeirra Gyðu og
Írisar og beðið þær að vinna meira
með niðurstöður og gögn úr áð-
urnefndum könnunum. Þá óskaði
Erla Friðriksdóttir bæjarstjóri eftir
því að þær leiddu verkefni um að
stofna klasa sem tengist heilsu-
tengdri ferðaþjónustu í Stykk-
ishólmi. Það þurfti ekki mikið að
ganga á eftir þeim, því áhuginn var
til staðar. „Markmiðið er að skapa
samstarfsvettvang sem leiðir til
betri nýtingar á þeirri aðstöðu sem
fyrir er í bænum og betri þjónustu
við gesti og bæjarbúa. Ef markmiðið
tekst mun það leiða til nýsköpunar
og vaxtar í ferðaþjónustunni. Fyrsta
skrefið er að leita eftir því hjá fyr-
irtækjum og þjónustuaðilum sem
tengjast þessu verkefni hvort það er
áhugi fyrir samstarfi. Sá ferill er far-
inn í gang og er hver og einn að
skoða málið út frá sínum bæj-
ardyrum. Fljótlega munu þessir að-
ilar hittast og ákveða með fram-
haldið,“ segir Gyða og er bjartsýn.
„Við höfum svo margt til að styrkja
ferðaþjónustuna í Stykkishólmi og
tengja hana við betri heilsu. Góð
heilsa snýst ekki bara um að stunda
íþróttir. Það er svo margt sem fellur
undir heilsusamlegt líferni og þar
höfum við í Hólminum upp á svo
margt að bjóða,“ segir Íris. Í því
sambandi nefna þær stöllur St.
Franciskusspítalann þar sem starf-
rækt er bakdeild og endurhæfing.
Góð íþróttaaðstaða er í bænum og
sundlaug með heilnæmu vatni í heitu
pottunum og svo ekki síst umhverfið
og náttúran sem heillar margan
ferðamanninn. „Við vonum að þetta
starf okkar skili árangri. Stykk-
ishólmur hefur góða ímynd. Það gef-
ur okkur mörg tækifæri og þau þurf-
um við að nýta okkur til
atvinnuuppbyggingar í Hólminum,“
segja þær Gyða og Íris að lokum.
Fjarnámið gaf okkur tækifærið
Draumur sem
varð að veruleika
Heilnæmt Gyða Steinsdóttir og Íris Huld Sigurbjörnsdóttir við heitu pottana í sundlauginni en heita vatnið er mjög
heilsusamlegt. Þær kynna verkefni um heilsutengda ferðaþjónustu fyrir bæjarbúum.