Morgunblaðið - 25.03.2008, Síða 24

24 ÞRIÐJUDAGUR 25. MARS 2008 MORGUNBLAÐIÐ
UMRÆÐAN
Þriðjudaginn 1. apríl kl. 9:00-13:30 í Háskólanum í Reykjavík, Ofanleiti 2
Að skrifa samkeppnishæfa umsókn í
7. rannsóknaáætlun ESB
N Á M S K E I Ð
H
N
O
T
S
K
Ó
G
U
R
g
ra
fí
s
k
h
ö
n
n
u
n
Leiðbeinandi verður Dr. Sean McCarthy frá Hyperion sem er einn eftirsóttasti ráðgjafi á þessu sviði í Evrópu.
Námskeiðið fer fram á ensku.
Þátttökugjald er 18.000 kr. Innifalin eru námskeiðsgögn og veitingar.
Athugið að fjöldi þátttakenda er takmarkaður.
Skráningarfrestur er til 31. mars 2008. Skráning á rannis@rannis.is eða í síma 515 5800.
Dagskrá:
l Yfirlit yfir 7. rannsóknaáætlun ESB
l Markmið og forgangssvið
l Tegundir verkefnastyrkja
l Hvernig á að finna samstarfsaðila
l Mat á umsóknum
l Undirbúningur og hugmyndir
l Áætlanagerð
l Umsóknarskrif
Rannsóknamiðstöð Íslands • Laugavegi 13 • 101 Reykjavík • Sími 515 5800 • www.rannis.is
◆ Ársalir - fasteignamiðlun ◆ Ársalir - fasteignamiðlun ◆
Björgvin Björgvinsson, löggiltur fasteignasali
Höfum kaupanda að vönduðu einbýlishúsi með
bílskúr í vestubæ Reykjavíkur eða á Seltjarnarnesi.
Staðgreiðsla.
--------------------------------
Til sölu sérhæð með bílskúr við Grenimel,
alls 170 fm.
Áhugasamir vinsamlega hafið samband
við skrifstofu okkar.
Ef þú þarft að selja, leigja eða kaupa fasteign
hefurðu samband í síma 533 4200
eða arsalir@arsalir.is
Ársalir
FASTEIGNAMIÐLUN
Engjateigi 5, 105 Rvk
533 4200
Ársalir ehf – fasteignamiðlun
533 4200 og 892 0667
Engjateigi 5, 105 Rvk
UNDANFARNA mánuði hafa
verið miklar sviptingar í Ráðhúsi
Reykjavíkurborgar. Fyrir tæpum
tveimur árum hefði engan órað fyrir
þeim atburðum sem átt hafa sér
stað fram til þessa. Allir flokkar
sem buðu fram til sveitarstjórn-
arkosninga 2006 hafa nú setið bæði í
meiri- og minnihluta það sem af er
kjörtímabilinu.
Þannig hafa allir
flokkarnir á ein-
hverjum tímapunkti
setið við stjórnvöl
borgarinnar og fengið
tækifæri til þess að
koma sínum stefnu-
málefnum til fram-
kvæmdar. Á tæplega
tveimur árum hafa
verið myndaðir þrír
meirihlutar og hefur
umræðan að mestu
leyti snúist um þá ein-
staklinga sem stýrt
hafa borginni á hverjum tíma, en
þau mál sem flokkarnir standa fyrir
hafa notið minni athygli.
Tíð meirihlutaskipti í Reykjavík
eru ekki til þess fallin að efla trú al-
mennings á stjórnmálamönnum. Nú
sem aldrei fyrr er mikilvægast fyrir
Reykvíkinga að borgarfulltrúar,
sama hvar í flokki þeir kunna að
standa, beini athygli sinni að mál-
efnum Reykjavíkurborgar – því það
er verk að vinna.
Nauðsynlegt er að komið verði á
öflugri fjármálstjórn og fjármálin
tekin föstum tökum þannig að borg-
arbúar fái að njóta árangurs af því í
lægri sköttum, t.d. með lægra út-
svari og lægri fast-
eignasköttum. Nú
stendur yfir fjárhags-
áætlanagerð Reykja-
víkurborgar fyrir
næstu þrjú ár – mik-
ilvægt er að útgjöldum
sé stillt í hóf og þau
metin út frá mikilvægi
þeirra og þess gætt að
peningum borgarbúa
sé varið með skyn-
samlegum hætti.
Samgöngumálin þola
ekki bið, eilífar deilur
um Sundabraut þarf að
leysa hið snarasta en taka þarf
ákvörðun um staðsetningu hennar
og hefja framkvæmdir strax í kjöl-
farið. Huga þarf að eflingu helstu
stofnleiða borgarinnar með mark-
vissari hætti, t.d. mislægum gatna-
mótum og stokkum þar sem það
telst fýsilegt, þannig að borgarbúar
komist leiðar sinnar án teljandi
vandræða.
Lóðamál hafa verið óásættanleg í
borginni um árabil og löngu er tíma-
bært að borgarbúum bjóðist fýsi-
legir valkostir í þeim efnum og að
lóðaframboð verði stóraukið þannig
að Reykvíkingar þurfi ekki að leita
til annarra sveitarfélaga í þeim efn-
um.
Það gengur ekki til lengdar að
foreldrar komist ekki til vinnu
vegna stöðugrar manneklu á leik-
skólum borgarinnar. Gjaldfrjálsir
leikskólar eru ekki til þess fallnir að
leysa það vandamál. Opna þarf fyrir
aukna aðkomu einkaaðila að rekstri
leikskóla í borginni og auka þannig
valfrelsi foreldra og leikskólakenn-
ara.
Endurskoða þarf kjarasamninga
á milli launanefndar sveitarfélaga
og kennarasambandsins frá grunni
og efla þannig stöðu kennara, skóla-
stjórnenda og sveitarfélaga.
Það er orðið löngu tímabært að
stjórnmálamenn í borginni beini
sjónum sínum aftur að málefnum
borgarinnar og vinni saman að
hagsmunum borgarbúa. Dýrmætur
tími hefur farið til spillis þar sem
einblínt hefur verið á það hver skip-
ar borgarstjórastólinn og hvort við-
komandi passi í hann. Það er lyk-
ilatriði að nú horfi borgarfulltrúar
Reykvíkinga allir sem einn fram á
veginn og vinni saman að eflingu
Reykjavíkurborgar. Segja má að
allir flokkar hafi fengið sitt tækifæri
við stjórnvöl borgarinnar, það þarf
ekki að minna borgarfulltrúa á að
það eru einungis rétt rúm tvö ár til
kosninga og þar munu verk þeirra
verða metin af kjósendum. Nú er
tækifæri til þess að láta verkin tala.
Verk að vinna í Reykjavík
Erla Ósk Ásgeirsdóttir fjallar
um málefni Reykjavíkurborgar » Það er orðið tíma-
bært að stjórn-
málamenn í borginni
beini sjónum sínum aft-
ur að málefnum borg-
arinnar og vinni saman
að hagsmunum borg-
arbúa.
Erla Ósk Ásgeirsdóttir
Höfundur er formaður Heimdallar.
ALDREI fyrr hef ég skilið þá
sem kjósa að „rökræða“ ýmis mál-
efni á síðum dagblaðanna en sé
mig nú til þess knúinn að bætast í
þann hóp. Ástæðan er sú að mér
líður eflaust eins og meirihluta
íbúa Álftaness þessa dagana. Mér
líður illa því það er ekki tekið
mark á mér sem íbúa
af Sigurði Magn-
ússyni, bæjarstjóra
Álftaness, og hans
nauma meirihluta í
bæjarstjórninni. Það
er svo sem sök sér að
ekki skuli tekið mark
á mér sem íbúa enda
er ég bara einn af
rúmlega tvö þúsund
íbúum. Verra er að
Sigurður og hans
fólk hundsa álit 724
íbúa sem mótmæltu
að öllu eða einhverju
leyti því skipulagi
sem þau vilja vinna
eftir varðandi tilvon-
andi miðbæ bæj-
arfélagsins. Þessi
fjöldi er tæplega
helmingur kjörbærra
íbúa bæjarfélagsins
og kemur úr öllum
hverfum þess svo og
stuðningsmenn
beggja lista sem
buðu fram í síðustu
sveitarstjórnarkosn-
ingum. Það er því ekki hægt að
teikna þessi mótmæli upp sem
venjubundin mótmæli áhangenda
minnihlutans eins og Sigurður
hefur margsinnis ýjað að und-
anfarna mánuði.
Í grein bæjarstjóra í Morg-
unblaðinu á dögunum segir hann
að „mikil og vönduð vinna hefur
verið í deiliskipulagsferlinu og ein-
stakar tillögur kynntar betur en
áður hefur þekkst“ svo og segir
hann að „íbúafundir hafa verið
teknir upp“. Það var akkúrat á
einum þannig fundi sem fulltrúi
meirihlutans sagði að „það væru
allir orðnir leiðir á að geyma
bensín á brúsum í bílskúrnum“.
Þetta voru ein rökin með bens-
ínstöð sem átti að reisa við Suð-
urtún. Svona vinnubrögð dæma
sig sjálf, hvað sem Sigurður kýs
að segja í greinum í blöðunum, nú
eða þá að það er mun lengra á
næstu bensínstöð fyrir Sigurð en
aðra íbúa sveitarfélagsins. Í grein-
um í Morgunblaðinu stuttu síðar
hamra fulltrúar meirihluta á því
að það séu sí og æ talsmenn
minnihlutans, sjálfstæðismanna,
að rita greinar. Ekki
er ég talsmaður sjálf-
stæðismanna heldur
einn af fjölmörgum
íbúum sem hafa fengið
nóg af vinnubrögðum
meirihlutans á Álfta-
nesi.
Mín upplifun af mál-
inu sem íbúi á Álfta-
nesi er að meirihlutinn
hafi unnið að þessu
deiliskipulagsferli af
ófagmennsku og án
nokkurs skilnings á
vilja íbúa sveitarfé-
lagsins. Í sömu grein
setur Sigurður ofan í
við fyrrverandi meiri-
hluta fyrir þau vinnu-
brögð að hafa ekki
tekið mark á at-
hugasemdum rúmlega
700 íbúa við það
skipulag sem þá var
unnið eftir. Þetta er
hjákátleg athugasemd
hjá Sigurði enda skell-
ir hann skollaeyrum
við þeim athugasemd-
um sem 724 íbúar sveitarfélagsins
gera við núverandi skipulag.
Meirihlutinn meira að segja gekk
svo langt að neita íbúum um að
lesa upp yfirlýsingu á bæj-
arstjórnarfundi. Já, það er gott að
hafa bæjarstjóra sem virðir lýð-
ræðið á þennan hátt, líklega legg-
ur meirihlutinn annan skilning í
íbúalýðræði en flestir aðrir.
Þær fréttir sem berast af bæj-
arskrifstofunum, bæði hér úr
sveitarfélaginu svo og frá fjöl-
miðlum um óánægju af vinnu-
brögðum bæjarstjóra, eru ekki til
að auka traust mitt á honum og
hans fólki. Þar hefur gott fólk sem
hefur unnið svo árum skiptir tekið
þá stóru ákvörðun að hætta vegna
samstarfsörðugleika við bæj-
arstjóra.
Ég held ég tali fyrir munn
margra Álftnesinga þegar ég segi
að ástæða þess að þeir flytji hing-
að sé sú að hér er ekki háreist
byggð, hér er náttúran við hvert
fótmál, hér er barnvænt með af-
brigðum að búa, hér eru ekki
bensínstöðvar, verslanir og önnur
þjónusta í hverju hverfi, hér er
ekki ys og þys borgarinnar, nei
hér er gott að búa … eða var
a.m.k. gott að búa.
Sigurður og hans fólk keppast
um að verja þá ákvörðun að aðal-
umferðargatan að leikskólanum,
skólanum og íþróttahúsinu á að
liggja meðfram þessum stöðum í
nýjum vegi í stað þess að nýta þá
aðkomuleið sem er í dag. Að
leggja þennan veg skapar stór-
fellda hættu fyrir börn okkar sem
sækja þarna skóla og tómstundir
hvern einasta dag, það sjá allir
nema núverandi meirihluti.
Sá stjórnmálamaður sem ekki
gengur lengur í takt við þá sem
hann þjónar, þá sem greiða honum
laun og þá sem hann starfar í um-
boði fyrir hefur ekkert að gera í
stjórnmálum. Þetta á við um Sig-
urð og hans fólk, það hefur fyr-
irgert því umboði sem því var falið
í síðustu kosningum, það hefur
brugðist íbúum Álftaness og það
eina rétta er að það skili þessu
umboði til annarra sem eru betur
í stakk búnir til að ganga í takt
við íbúa sveitarfélagsins.
Meirihluti Álfta-
ness rúinn trausti
Jónas Guðmundsson skrifar um
bæjarstjórnarmál á Álftanesi
Jónas Guðmundsson
» Það er svo
sem sök sér
að ekki skuli
tekið mark á
mér sem íbúa
enda er ég bara
einn af rúmlega
tvö þúsund íbú-
um.
Höfundur er íbúi á Álftanesi.