Morgunblaðið - 10.06.2008, Blaðsíða 13

MORGUNBLAÐIÐ ÞRIÐJUDAGUR 10. JÚNÍ 2008 13
FRÉTTIR
FRÉTTASKÝRING
Eftir Andrés Þorleifsson
andresth@mbl.is
LJÓST er að ekki stendur til að um-
bylta fiskveiðistjórnunarkerfinu.
Þetta kemur fram í ellefu blaðsíðna
svari ríkisstjórnarinnar til mannrétt-
indanefndar Sameinuðu þjóðanna, en
svarið kemur í kjölfar álits nefndar-
innar þess efnis að fiskveiðistjórn-
unarkerfið brjóti gegn jafnréttis-
ákvæði alþjóðasamnings um borg-
araleg og stjórnmálaleg réttindi.
Boðar allsherjarendurskoðun
Í svari sínu lýsir ríkið yfir vilja sín-
um til að huga að „lengri tíma áætlun
um endurskoðun á íslenska fiskveiði-
stjórnunarkerfinu eða aðlögun í átt
að áliti mannréttindanefndarinnar,“
eins og segir í svarinu.
Ríkisstjórnin segist ætla að skipa
sérstaka nefnd til að fjalla um málið
„enda hlýtur [mannréttindanefndin]
að hafa á því skilning að kerfi sem
mótast hefur á áratugum er ekki
hægt að umbylta á sex mánuðum
enda verður ekki séð að krafa nefnd-
arinnar standi til þess.“
Engar bætur verða greiddar
Í áliti nefndarinnar var mælst til
þess að íslenska ríkið greiddi kær-
endum bætur vegna mannréttinda-
brotanna. Það ætlar ríkið ekki að
gera.
Í svari ríkisins segir að slík
greiðsla gæti valdið því að fjöldi
manns gerði skaðabótakröfur sem
ekki standast gildandi rétt.
Þá segir að ef ríkið greiddi
kærendum skaðabætur fælist í því
viðurkenning á að allir sem keyptu
skip ættu rétt til úthlutunar afla-
heimilda og myndi sú staða kollvarpa
fiskveiðistjórnunarkerfinu.
„Þetta eru alls ekki haldbær rök, í
áliti mannréttindanefndar Samein-
uðu þjóðanna er verið að fjalla um
þessa ákveðnu kæru og ekkert ann-
að,“ segir Magnús Thoroddsen,
hæstaréttarlögmaður, sem telur að
greiðsla bóta væri ekki fordæmisgef-
andi fyrir aðra. „Aðrir verða að
sækja sinn rétt eins og mínir um-
bjóðendur gerðu á sínum tíma,“ bæt-
ir hann við.
Forsaga málsins er sú að árið 2000
voru þeir Erlingur Sveinn Haralds-
son og Örn Snævar Sveinsson staðn-
ir að veiðum án kvóta. Voru þeir
dæmdir til sektargreiðslu af Hæsta-
rétti, en í kjölfarið kvörtuðu þeir til
mannréttindanefndarinnar.
Forsendur úthlutunar kvóta
ómálefnalegar?
Allir nefndarmenn segja að al-
mennt sé það svo að þegar kvótakerfi
er tekið upp þá verði ákveðinn að-
stöðumunur milli þeirra sem fá kvóta
og þeirra sem ekki fá kvóta. Þessi
greinarmunur geti verið í lagi sé
byggt á sanngjörnum og hlutlægum
reglum, en hvort svo sé í þessu tilviki
greinir nefndarmenn á.
Tólf nefndarmenn af átján mynd-
uðu meirihlutann og sögðu einfald-
lega að þeir teldu ósanngjarnar for-
sendur liggja að baki úthlutun
kvótans í upphafi.
Sex nefndarmenn skiluðu fjórum
sérálitum og í þeim öllum var farið
ýtarlega í hvort greinarmunurinn
væri málefnalegur. Töldu þeir allir
að svo væri en á mismunandi for-
sendum.
Ekkert breytist strax
 Ríkið svarar mannréttindanefnd SÞ  Boðar allsherjarendurskoðun
fiskveiðistjórnunarkerfisins  Kerfinu ekki umbylt strax  Greiðir ekki bætur
Morgunblaðið/RAX
Engar bætur Ríkið hyggst endurskoða fiskveiðistjórnunarkerfið en ekki
greiða bætur til sjómannanna eins og mannréttindanefnd SÞ mæltist til um.
Í HNOTSKURN
»Tólf nefndarmenn m.a. fráBenín, Egyptalandi, Ekva-
dor, Indlandi, Kólumbíu, Már-
itíus, Perú, Suður-Afríku og
Túnis mynduðu meirihluta og
töldu kvótakerfið brjóta gegn
jafnréttisákvæði alþjóðasamn-
ings um borgaraleg og stjórn-
málaleg réttindi.
»Sex nefndarmenn frá Ástr-alíu, Bandaríkjunum,
Bretlandi, Japan, Rúmeníu og
Svíþjóð skiluðu sérálitum og
töldu ýmist að málefnaleg
sjónarmið byggju að baki
kvótakerfinu eða að það væri
ekki á verksviði nefndarinnar
að fjalla um málið.
„AÐ kollvarpa fáránlegasta fisk-
veiðistjórnunarkerfi í heimi,“
svaraði Örn Snævar Sveinsson
sjómaður um hæl þegar blaða-
maður spurði hann hvaða vænt-
ingar þeir sem kvörtuðu undan
fiskveiðistjórnunarkerfinu til
mannréttindanefndar SÞ hefðu
haft þegar þeir fóru af stað með
málið.
Örn var ásamt Erlingi Sveini Har-
aldssyni dæmdur í Hæstarétti til
sektargreiðslu árið 2003 fyrir
ólöglegar fiskveiðar.
Hann gefur ekki mikið fyrir við-
brögð ríkisstjórnarinnar: „Nei,
nei, þetta er bara einhver blástur
í [sjávarútvegsráðherra],“ en seg-
ist vongóður um framhaldið.
„Mér finnst þetta vera orðið
dómsmál, ég veit ekki hvað [sjáv-
arútvegsráðherra] fær að sprikla
mikið með þetta,“ en sjávar-
útvegsráðherra hefur tekið fyrir
að greiða sjómönnunum bætur.
Þeir félagar hafa sótt um að mál
þeirra verði endurupptekið í kjöl-
far álits mannréttindanefndar-
innar en þeirri beiðni var fyrir
skemmstu synjað.
Ætlunin að kollvarpa fiskveiðikerfinu
MIKIL gleði ríkir meðal starfsfólks
Fjölskyldu- og húsdýragarðsins eft-
ir að urtur kæptu og gylta gaut.
Urtan Kobba varð fyrri til að kæpa
föstudaginn 6. júní og urtan Særún
fylgdi í kjölfarið 8. júní. Strax eftir
kæpingu eru kóparnir mjög spræk-
ir og tilbúnir til sunds.
Gyltan Frigg gaut svo tíu fal-
legum grísum laugardagskvöldið 7.
júní en faðirinn er gölturinn Gull-
inbursti. Starfsfólkið segir grísina
hina sprækustu og viljuga að
drekka fyrstu dagana.
Í lauginni Nýkæptur kópurinn.
Kæpt og gotið
í garðinum
Ljósmynd/Húsdýragarðurinn
LÖGREGLAN á höfuðborgarsvæð-
inu handtók fimm unga menn í bif-
reið sem ekið var eftir Kaldársels-
vegi ofan Hafnarfjarðar snemma
morguns nýverið. Afskiptin komu
til vegna ábendingar árvökuls veg-
faranda, en hann hafði séð til pilt-
anna þar sem þeir köstuðu grjóti í
ær og lömb.
Piltunum, sem eru sautján og
átján ára og voru undir áhrifum
áfengis, tókst að særa allavega eitt
lamb og eina ær með grjótkastinu.
Þeim var sleppt að loknum yfir-
heyrslum, og eiga kæru yfir höfði
sér. | andri@mbl.is
Köstuðu grjóti
í ær og lömb
EMBÆTTI
sýslumannsins á
Patreksfirði hef-
ur verið auglýst
laust til umsókn-
ar en dóms- og
kirkjumálaráð-
herra skipar í
embættið frá og
með 15. júlí 2008
til fimm ára í
senn.
Embættið losnaði er Þórólfur
Halldórsson, fyrrverandi sýslumað-
ur á Patreksfirði, var skipaður
sýslumaður í Keflavík frá og með
15. júlí 2008.
Laus staða
sýslumanns
Þórólfur
Halldórsson
LÖGREGLAN á Selfossi fann á
sunnudagsmorgun rauða Peugeot-
bifreið sem stolið var á Selfossi á
föstudagskvöld. Bifreiðin, sem fannst
við Félagslund í Flóahreppi, hafði
verið töluvert skemmd og höfðu allir
hjólbarðar hennar verið sprengdir.
Lögreglan biður þá sem geta veitt
upplýsingar um hvarf bifreiðarinnar
að hafa samband í síma 480-1010.
Óska eftir
upplýsingum
HÉRAÐSDÓMUR Suðurlands hef-
ur dæmt karlmann á fimmtugsaldri
til að greiða 90 þúsund krónur fyrir
að hafa sjö sinnum valdið hneykslan
á almannafæri sökum ölvunar og
fyrir stela sér mat að verðmæti rúm-
ar fjögur þúsund krónur. Öll tilvikin
áttu sér stað við og í verslun Nóa-
túns á Selfossi.
Í niðurstöðu dómsins kemur fram
að maðurinn hefur lengi misnotað
áfengi og hlotið af því líkamlegan og
andlegan skaða. | andri@mbl.is
Olli hneykslan
á almannafæri
FRÉTTIR
SLÖKKVILIÐSSTJÓRI Bruna-
varna Suðurnesja hefur verið leystur
frá störfum á meðan stjórn BS vinn-
ur í málum hans. Sigurvin Guðfinns-
son, stjórnarformaður BS, staðfesti
við Morgunblaðið að Sigmundur Ey-
þórsson slökkviliðsstjóri væri kom-
inn í leyfi í ótilgreindan tíma. Á með-
an á því stendur sinnir Jón
Guðlaugsson varaslökkviliðsstjóri
störfum Sigmundar.
Sigurvin segir málið viðkvæmt en
það lýtur m.a. að aðgangi sem Sig-
mundur veitti fjölmiðlum að útkalls-
rásum, án vitundar stjórnar og
starfsmanna. Einnig hefur Morgun-
blaðið heimildir fyrir því að sam-
skiptaörðugleikar hafi verið nokkrir
innan embættisins. Ekki náðist í Sig-
mund í gær. | andri@mbl.is
Slökkviliðs-
stjóri í leyfi
UM sjö hundruð Íslendingar hafa undanfarna daga
hlaupið með kyndil frá Akureyri til höfuðborgarinnar
Reykjavíkur. Kyndillinn er tákn World Harmony-
vináttuhlaupsins og var það alþingismaðurinn Katrín
Júlíusdóttir sem hljóp með kyndilinn síðustu metrana.
Þar með lýkur Íslandshluta hlaupsins en Katrín hef-
ur nú afhent kyndilinn alþjóðlega vináttuhlaupinu sem
mun bera hann til Svíþjóðar og Finnlands og áfram á
um 25 þúsund kílómetra leið hans um 49 Evrópulönd.
Vináttuhlaupið hófst í Róm í lok mars og því lýkur í
október í Prag í Tékklandi.
Tilgangur hlaupsins er að efla vináttu og skilning en
stofnað var til þess árið 1987 af hugsjónamanninum Sri
Chinmoy.
Vináttuhlaupinu lauk á Austurvelli
Morgunblaðið/Kristinn
Katrín með kyndilinn
ÞÁTTTÖKUMET var á skákmóti til
heiðurs Guðfríði Lilju Grétarsdóttur
sem haldið var í Vin, athvarfi Rauða
krossins.
27 þátttakendur skráðu sig til
leiks á skákmótið en þátttökumet
frá í fyrra hljómar upp á 18 manns.
Margir sterkir skákmenn tóku
þátt og nokkrir af efnilegasta skák-
fólki landsins, m.a. Íslandsmeist-
aralið Rimaskóla og þau Jóhanna
Björg og Birkir Karl úr heimsmeist-
araliði Salaskóla í grunnskólaskák í
fyrra.
Metþátttaka
á skákmóti