Morgunblaðið - 10.06.2008, Blaðsíða 41

MORGUNBLAÐIÐ ÞRIÐJUDAGUR 10. JÚNÍ 2008 41
/ SELFOSSI/ KEFLAVÍK/ AKUREYRI
STELPURNAR ERU MÆTTAR
Á HVÍTA TJALDIÐ SÝND Í ÁLFABAKKA OG KRINGLUNNI
,,Trú forverum sínum og er kærkomin
viðbót í þessa mögnuðu seríu.
Meira er ekki hægt að biðja um.”
- V.J.V., Topp5.is/FBL
,,Biðin var þess virði”
- J.I.S., film.is
,,Ljúfir endurfundir”
- Þ.Þ., DV
SÝND Á SELFOSSI
VIPSALURINNER BARA LÚXUS
eeeee
K.H. - DV
eeee
24 stundir
eee
H.J. - MBL
SPEED RACER kl. 8 LEYFÐ
THE FORBIDDEN KINGDOM kl. 8 - 10:10 B.i. 12 ára
IN THE VALLEY OF ELAH kl. 10:30 B.i. 16 ára
SPEED RACER kl. 8 LEYFÐ
ZOHAN kl. 8 - 10:20 B.i. 10 ára
SEX & THE CITY kl. 10:45 B.i. 14ára
SPEED RACER kl. 8 LEYFÐ
NEVER BACK DOWN kl. 8 B.i. 12 ára
PROM NIGHT kl. 10:45 B.i. 14 ára
THE HUNTING PARTY kl. 10:20 B.i. 12 ára
SÝND Í KRINGLUNNI OG KEFLAVÍK
SÝND Á SELFOSSISÝND Á AKUREYRI
,,Hasar, brellur og gott grín”
- S.V., MBL
Eftir Helga Snæ Sigurðsson
helgisnaer@mbl.is
SKAPANDI sumarhópar Hins húss-
ins eru byrjaðir að skapa af krafti
þetta sumarið. Hið listræna sum-
arstarf hússins hefur reynst mikil
útungunarstöð listamanna þegar lit-
ið er til þess fjölda listamanna sem
stigu sín fyrstu spor í sumarhópum,
á ýmsum sviðum lista.
Segja má í þessu ljósi að unga-
mamman sé Ása Hauksdóttir, deild-
arstjóri menningarmála hjá Hinu
húsinu. Ása er afar stolt af ungunum
sínum sem margir hverjir eru orðnir
glæsilegir listasvanir. „Það hefur
sýnt sig og sannað að þetta er útung-
unarstöð fyrir listalífið í landinu,“
segir Ása. Hvert sem hún líti yfir
listasenuna sjái hún þessa krakka
sem orðnir eru fullorðnir í dag.
Í ár eru sumarhóparnir 12 talsins
og eins fjölbreyttir og þeir eru marg-
ir. Tónlistarhópar, danshópar, hönn-
unar- og myndlistarhópar, skáld og
leikarar. „Sumarið er komið, skap-
andi sumar, götuleikhús og fjör,
borgin að lifna við,“ svarar Ása þeg-
ar blaðamaður spyr hvort hún sé
ekki hress. Sumarið er tíminn, eins
og skáldið kvað.
Hörpuleikur í blíðunni
„Núna eru þetta tólf afar fjöl-
breyttir og glæsilegir hópar. Á tón-
listarsviðinu er þetta djass og klass-
ík, til dæmis hörpuleikari sem skjóta
mun upp kollinum í borgarlandinu
og spila á klassíska hörpu,“ nefnir
Ása sem dæmi. Menn geti verið á
gangi í blíðunni og skyndilega berist
til eyrna fagrir hörpuhljómar, líkt og
maður sé kominn til himnaríkis. Þá
verða flutt verk eftir ung og nýút-
skrifuð tónskáld, dans stiginn og
gjörningar framdir um alla borg.
Myndlistartvíeykið Flýjandi ætlar
að blanda saman myndlist og hönn-
un með forvitnilegum hætti og leyni-
leikhópur mun koma vegfarendum í
opna skjöldu.
„Hefur þig einhvern tíma langað
til að taka þátt í bíómynd, ganga um í
bók eða svara leiknum persónum?
Hefur þig einhvern tíma langað til að
upplifa atburð úr mannkynssögunni
eða breyta framvindu leiksýningar?“
spyr Ása, reyndar fyrir hönd leik-
hópsins Stígis. „Hafðu augun opin og
passaðu þig,“ bætir hún við og það
eru sjálfsagt mikilvæg varnaðarorð.
Færri en í fyrra
– Eru fleiri í þessum hópum í ár en
í fyrra?„Nei, þetta eru færri en und-
anfarin ár. Þetta eru 31 stöðugildi í
skapandi sumarstörfum.“
– Hvers vegna er það?
„Þetta kemur með svokallaðri
aukafjárveitingu frá borgarráði sem
ákveðin er á vorin, þetta er ekkert
fast inni.“
– Hvað er þetta mikil fækkun?
„Það eru 15 stöðugildi. En svona
hefur þetta oft verið.“
Ása segir það vissulega óþægilegt
að þetta starf sé háð aukafjárveit-
ingu á hverju ári. „Þegar mest var
voru þetta 76 stöðugildi.“
Ása segist vonast til þess að þetta
starf fari á föst fjárlög, þó ekki væri
nema til þriggja ára í senn. Það
myndi auðvelda henni sín störf til
muna. Engu að síður sé það ánægju-
efnið að borgaryfirvöld hafi sýnt
verkefninu áhuga í áratug og önnur
bæjarfélög fylgt í kjölfarið.
Útungunarstöð listarinnar
Skapandi hópar
Hins hússins verða
með lausan taum-
inn í sumar
Morgunblaðið/Valdís Thor
Götuleikhúsið Lék listir sínar á Lækjartorgi og hlaut mikla athygli fyrir.
Í HNOTSKURN
» Af þekktum listamönnum sem þátt hafa tekið í skapandi sumar-hópum Hins hússins má nefna Pétur Ben, Aminu, Ólaf Egil Egils-
son, Þorleif Arnarson, Stefán Hall Stefánsson, Ilmi Kristjánsdóttur,
Benna Hemm Hemm, Hildi Guðnadóttur, Daníel Bjarnason og Elínu
Hansdóttur.
» Eitt af fjölmörgum verkefnum Hins hússins eru Skapandi sumar-störf. Ungu fólki gefst þar kostur á að sækja um og koma með hug-
myndir að skapandi sumarverkefnum og vinna að þeim í 6-8 vikur.
» Verkefnið hófst árið 1994 og þá að frumkvæði ungra listamanna.Einn og einn listahópur fór að sækja um styrki til listrænna verk-
efna til borgarinnar og árið 2000 fór Hitt húsið að auglýsa eftir verk-
efnum.
Nánari upplýsingar um störf Hins
hússins: www.hitthusid.is.
BLÓMSTRUN Sub Rosu – rannsókn heitir
einn hinna skapandi sumarhópa á vegum
Hins hússins. Hópur þessi er raunar mynd-
listartvíeyki skipað myndlistarkonunum Unu
Björk Sigurðardóttur og Sögu Ásgeirsdóttur.
„Sub rosa“ er fengið úr latínu og þýðir „undir
rós“. Una segir að þeim hafi þótt nafnið við-
eigandi, þ.e. að rósin blómstri og þær tali
ekki undir rós. Þær ætli að færa upp á yf-
irborðið umræðu sem á sér alla jafna stað
undir því. Þær hyggist ekki tala neitt rósamál
heldur ræða hlutina opinskátt og af hrein-
skilni.
Rannsókn Unu og Sögu gengur út á að
skoða, safna og vinna úr efni og upplýsingum
um innflytjendur á Íslandi og setja niðurstöð-
urnar fram með listrænum hætti, þá m.a. með
innsetningum, gjörningum og vídeóverkum.
Varpa á ljósi á lífssýn þessa fólks, væntingar
þess og drauma, viðhorf og fordóma sem það
verður stundum fyrir. Una og Saga spyrja
m.a. að því hver séu viðhorf Íslendinga til
vaxandi fjölþjóðasamfélags.
Tengslanet og veraldarvefur
Una segir þær m.a. koma sér upp tengsla-
neti við innflytjendur í gegnum Hitt húsið og
Alþjóðahúsið. Þær sæki einnig upplýsingar á
netið, m.a. umfjallanir fjölmiðla um málefni
innflytjenda og rannsóknir og ritgerðir um
aðstæður og viðhorf til þessa fjölbreytta
hóps. Einnig verði rætt við ýmis félög sem
tengist innflytjendum og við Íslendinga, púls-
inn tekinn á samfélaginu, svo að segja.
Afrakstur rannsóknarvinnunnar, þ.e. lista-
verkin, verður sýndur á fjölförnum stöðum,
einkum í miðbæ Reykjavíkur. Á 17. júní
verða Una og Saga t.d. með verk í glugga
herrafataverslunar Sævars Karls í Banka-
stræti. Seinasta verk þeirra verður sýnt á
Menningarnótt, 18. ágúst.
– Af hverju þetta rannsóknarefni?
„Við tengjumst innflytjendum í gegnum
okkar líf, þekkjum marga af erlendum upp-
runa og fyrir utan það tókum við eftir vax-
andi umræðu í samfélaginu um málefni inn-
flytjenda. Okkur hefur fundist eins og
Íslendingar viti ekki hvernig þeir eigi að taka
á þessari breyttu samfélagsmynd,“ segir
Una. Rannsóknir hafi þó sýnt að Íslendingar
séu umburðarlyndari í garð innflytjenda en
aðrar Evrópuþjóðir en það megi líklega
skýra að einhverju leyti með því hversu stutt
innflytjendasaga landsins er. „Sjónræni mun-
urinn er sá að landslagið á götunni er búið að
breytast og allar breytingar vekja upp spurn-
ingar og viðbrögð,“ segir Una og þar komi
þær Saga til sögunnar. | helgisnaer@mbl.is
Breytt landslag
Una og Saga tala ekki rósamál
Morgunblaðið/Valdís Thor
Við Útlendingastofnun Saga (t.v.) og Una
vilja vekja athygli á hlutskipti innflytjenda.