Morgunblaðið - 10.06.2008, Blaðsíða 14

14 ÞRIÐJUDAGUR 10. JÚNÍ 2008 MORGUNBLAÐIÐ
FRÉTTIR
Eftir Önund Pál Ragnarsson
onundur@mbl.is
MYNDBAND sem sýnir handtöku á lokadans-
leik sjómannadagshátíðarinnar á Patreksfirði
birtist í gær á vefsíðunni YouTube.com. Hand-
takan er þar gagnrýnd og lögregla sögð beita
óþarfahörku. Lögregla var með nokkurn við-
búnað á sjómannadagshátíðinni og naut liðsinn-
is lögreglumanna frá Reykjavík, Ísafirði og
Blönduósi.
Hófstillt og í samræmi við aðstæður
Að sögn lögreglu hafði sá handtekni skallað
mann í andlitið og veitt öðrum áverka með bar-
smíðum áður en lögregla kom á vettvang. Þá
segir í dagbók lögreglu að hann hafi ráðist á
lögreglumann sem reyndi að yfirbuga hann
með varnarúða. Lögreglumaðurinn hafi fengið
hnefahögg í andlit með þeim afleiðingum að
hann hafi slasast nokkuð.
Önundur Jónsson, yfirlögregluþjónn á Vest-
fjörðum, sagði í samtali við fréttavef Morgun-
blaðsins í gær að sem betur fer væri sjaldgæft
að lögregla lenti í jafnerfiðum aðstæðum og
þarna hefðu myndast og í átökum við fólk með
jafneinbeittan vilja til átaka og þarna hefði ver-
ið. Maðurinn hefði ekki hlýtt fyrirmælum lög-
reglu er hún kom á staðinn og sýnt skýran vilja
til að berja á lögreglunni.
Myndavélar eru aðhald fyrir lögreglu
Önundur sagði að lögreglumenn á staðnum
hefðu hlýtt fyrirmælum yfirboðara sinna um að
handtaka manninn og að hann teldi viðbrögð
þeirra hafa verið hófstillt og í samræmi við að-
stæður. Þá sagðist hann ekki hafa neitt við það
að athuga að myndband af atvikinu hefði verið
birt. Það væri ákveðið aðhald fyrir lögreglu að
vita af myndavélum enda ætti lögregla aldrei
að beita meiri hörku í störfum sínum en nauð-
synlegt væri hverju sinni. Í umræddu tilviki
hefði hins vegar ákveðin harka verið nauðsyn-
leg.
Spurður um afskipti annarra á vettvangi
sagði Önundur að hann teldi að þar hefði fyrst
og fremst verið um drykkjulæti að ræða og að
ekki hefði verið talin ástæða til afskipta af öðr-
um sem þar voru.
Nauðsynlegt að beita ákveðinni hörku
 Myndskeið af handtöku á dansleik á Patreksfirði um sjómannadagshelgina sett á netið
 Yfirlögregluþjónn á Vestfjörðum gerir ekki athugasemdir við framgöngu lögreglumanna
Í HNOTSKURN
»Handtakan átti sér staðklukkan 04.45 á mánu-
dagsmorgni eftir sjó-
mannadagshelgina.
»Manninum var sleppt úrhaldi klukkan 20.50 sama
dag. Hann hafði þá sofið úr
sér og verið yfirheyrður.
»Tvær kærur gegn mann-inum hafa borist lög-
reglu.
»Skammt er síðan lög-regla var gagnrýnd fyrir
handtöku í verslun 10-11 í
Reykjavík, sem myndband
náðist af.
Ljósmynd/Youtube.com
Átök Umdeild handtaka sést á myndbandinu.
Eftir Sigtrygg Sigtryggsson
sisi@mbl.is
VEGNA stórhækkunar á eldsneyt-
isverði að undanförnu eru Íslend-
ingar farnir að hugsa sig tvisvar
um áður en þeir leggja í langferð á
bílum sínum. Þetta er samdóma álit
þeirra, sem Morgunblaðið ræddi
við.
Og nýjustu tölur um umferð um
Hvalfjarðargöngin renna stoðum
undir þessa skoðun. Í maí sl. fækk-
aði bílum sem fóru um göngin um
2,7% miðað við sama mánuð í fyrra.
Þar með stöðvaðist þróun sem heita
má að hafi verið frá því göngin
voru tekin í notkun um mitt ár
1998. Öll árin hefur hefur verið
fjölgun bíla sem farið hafa um
göngin. Fyrsta heila árið, þ.e. 1999,
fóru 1.030.587 bílar um göngin. Í
fyrra fóru 2.030.763 bílar um göng-
in. Þetta er fjölgun um rúmlega
milljón bíla. Mesta aukningin var
árið 2005, en það ár fóru 19,2%
fleiri bílar um göngin er árið 2005.
Sigurður Ingi Jónsson, verkefna-
stjóri hjá Speli, sem sér um rekstur
ganganna, segir að hækkun elds-
neytisverðs sé langlíklegasta skýr-
ingin á fækkun bíla sem fara um
göngin. Hugsanlegur samdráttur í
verkefnum á svæðinu og þar af
leiðandi samdráttur í atvinnu geti
ekki skýrt þann samdrátt sem orðið
hefur á bílaumferð að undanförnu.
Sigurður Ingi segir segir að lang-
marktækasti samanburðurinn fáist
með því að bera saman sömu vikur
á ári hverju. Þegar skoðuð er 22.
vika ársins 2008, þ.e. 25. til 31. maí,
kemur í ljós að 42.752 bílar fóru um
göngin, miðað við 48.403 bíla sömu
viku í fyrra. Samdrátturinn er slá-
andi mikill eða 11,7%.
Þegar mánuðurinn er skoðaður í
heild er samdrátturinn í maí sl.
2,7% miðað við maí í fyrra. Sam-
anburður milli mánaða er ekki jafn-
marktækur, því misjafnt er hvernig
helgar falla innan mánaða. Mesta
umferðin er um helgar, eðli málsins
samkvæmt.
Sigurður segir að aukning um-
ferðar um göngin undanfarin ár
hafi verið langt umfram spár. Þetta
hafi gert Speli kleift að greiða nið-
ur lán hraðar en ella og lækka
veggjaldið. Síðasta stóra lækkunin
hafi verið gerð í vor. Haldi þessi
samdráttur áfram sé óvíst hvenær
næst verði unnt að lækka veggja-
ldið.
Vegagerðin er með umferðar-
mælingar víða um land en þar voru
ekki tiltækar nýjar upplýsingar,
þegar leitað var eftir þeim í gær.
Olíufélögin höfðu heldur ekki til-
tækar nýjar upplýsingar um elds-
neytissölu. Talsmenn þeirra segja
að of skammt sé liðið á íslenska
ferðasumarið til að samanburður sé
marktækur. Það sé þó tilfinning
manna að fólk velti því meira fyrir
sér en áður hvort það það leggi í
langferðir á bílum sínum.
Morgunblaðið/Sverrir
Samdráttur Íslendingar leggja síður í langferð þessa dagana og til marks um það fóru færri bílar um Hvalfjarðargöngin í maí sl. miðað við sama tíma í fyrra.
Dregur úr bílaumferð
 Í fyrsta sinn frá frá því Hvalfjarðargöng voru tekin í notkun árið 1998 fækkar bíl-
um umtalsvert milli mánaða  Stórhækkun á eldsneyti er langlíklegasta skýringin
  #
$
   #
$







  




'
 

!&&&( 



&

&
!
!
!

&&

!!

!!

!


!

!


!
!&

!
!

   !&&&    

  VÖRUBIFREIÐ varð fyrir tals-
verðu tjóni við bæinn Efri-Hrepp í
Skorradalshreppi, þegar sturtu-
vagn bílsins sleit í sundur raf-
magnslínur. Verið var að sturta
malarhlassi við bæinn þegar pall-
urinn rakst upp undir þrjár línur og
slitnuðu tvær þeirra við árekstur-
inn, áður en bílnum var snarlega
bakkað frá aftur.
Að sögn Theodórs Þórðarsonar
hjá lögreglunni í Borgarfirði sakaði
ökumanninn ekki og við fyrstu sýn
virtist bíllinn einnig óskemmdur.
Skömmu síðar tóku hinsvegar dekk
og loftpúðar að springa með mikl-
um látum, að því er virðist vegna
bruna í vírum og leiðslum. Talið er
að mikið tjón hafi orðið á við-
kvæmum tölvubúnaði í vörubílnum,
auk dekkja og fjaðrabúnaðar.
Vörubifreið
sleit raf-
magnslínur
FJÖGURRA bíla árekstur varð um
tvöleytið í gær á Reykjanesbraut,
skammt austan við Grindavíkurveg.
Varð áreksturinn með þeim hætti að
ökumenn þriggja bifreiða höfðu
stöðvað bílana og voru þeir kyrr-
stæðir þegar sá fjórði kom aðvífandi
og ók aftan á öftustu bifreiðina. Við
höggið lentu hinar þrjár einnig sam-
an og var því áreksturinn umtals-
verður, en tvær bifreiðar eru óöku-
færar eftir óhappið. Ekki urðu
alvarleg meiðsl á fólki, en tveir öku-
mannanna fjögurra fundu til eymsla
í hálsi og baki.
Fjögurra
bíla árekstur
HJÓLHÝSASTÆÐI með rafmagni
eru að verða uppseld á Landsmóti
hestamanna sem fer fram 30. júní til
6. júlí.
Í frétt frá Landsmóti hestamanna
ehf. segir að miðasala á mótið gangi
vel og undirbúningur sé á fullu.
Svæðið á Gaddstaðaflötum við Hellu
er að taka á sig mynd og stemning í
úrtökum þessa dagana um land allt.
Síðustu forvöð að kaupa hjólhýsa-
stæði með aðgengi að rafmagni er
15. júní. Enn eru þó næg stæði fyrir
hjólhýsi án aðgengis að rafmagni en
ekki eru teknar pantanir fyrir þau
stæði sérstaklega.
Hjólhýsa-
stæði lands-
móts rjúka út