Morgunblaðið - 28.07.2008, Síða 12

12 MÁNUDAGUR 28. JÚLÍ 2008 MORGUNBLAÐIÐ
FRÉTTIR
„FERÐIN var í alla staði frábær og
við elskum landið enn meira en áð-
ur,“ sagði Kristy Robertson frá
Utah í Bandaríkjunum skömmu áð-
ur en hún hélt heimleiðis með fjöl-
skyldu sinni eftir fyrstu heimsókn-
ina til Íslands á dögunum.
Uppruninn mikilvægur
Fólk af íslenskum ættum í Utah
hefur lagt mikla rækt við uppruna
sinn og stöðugt fleiri fara til Íslands
til að kynnast landi og þjóð betur.
Sumarið 2005 var þess minnst í
Spanish Fork að 150 ár voru þá frá
komu fyrstu Íslendinganna til Utah.
Kristy Robertson var þá formaður
Íslenska félagsins í Utah og í kjölfar
hátíðarhaldanna ákváðu foreldrar
hennar, Ed og Karen Anderson, að
láta drauminn rætast og heimsækja
Ísland. Þau bókuðu sig í skipulagða
ferð 2007 en urðu að hætta við vegna
veikinda Eds, sem lést í nóvember í
fyrra. Þá ákváðu börn þeirra að slást
í hópinn með móður sinni. Úr varð
10 manna fjölskylduferð.
„Ísland kom okkur á óvart og mót-
tökurnar eru ógleymanlegar,“ segir
Kristy. steinthor@mbl.is
Í Eyjum Fjölskyldan fór víða og meðal annars til Vestmannaeyja. Fremri
röð frá vinstri: Nord Anderson, Wren Anderson, Whitney Anderson og Kar-
en Anderson. Efri röð frá vinstri: Kristy Robertson, Mike Robertson, Boas
Anderson, Jason Anderson, Allison Anderson og McKay Anderson.
Á slóðum forfeðr-
anna í fyrsta sinn
Eftir Steinþór Guðbjartsson
steinthor@mbl.is
„ÉG er bóndi og var sláttumaður í Vestmannaeyjum, sló
gras og heyjaði, en ég ætla að verða viðskiptafræðingur
og ferðast um heiminn,“ segir Lyle Floyd Christensen,
viðskiptafræðinemi frá Spanish Fork í Bandaríkjunum.
Lyle er af íslenskum ættum og var einn 14 þátttak-
enda í Snorraverkefninu sem lauk fyrir helgi. Hann er
mikill málamaður og talar íslensku ágætlega þó hann
hafi ekki verið á Íslandi nema í um sex vikur. „Ég byrjaði
að tala íslensku þegar ég kom til landsins, skil flest en er
kannski ekki nógu góður að tala,“ segir hann. Lyle er
með háskólapróf í portúgölsku og talar auk þess
spænsku, sænsku og ítölsku fyrir utan móðurmálið.
Ljósmynd/Ásta Sól Kristjánsdóttir
Á toppnum Þátttakendur í Snorraverkefninu á Esjutoppi. Lyle er fimmti til vinstri í aftari röð.
Úr búskap í viðskipti
ÞJÓÐRÆKNISFÉLAG Íslendinga og Vesturheimur sf.
hafa skipulagt ferð til Brasilíu 14.-30. nóvember í þeim
tilgangi að efla tengslin við þarlenda af íslenskum ætt-
um og kynna Snorraverkefnið fyrir þeim.
Þátttakendur í Snorraverkefninu hafa til þessa ein-
göngu komið frá Bandaríkjunum og Kanada en hug-
myndin er að kynna verkefnið jafnframt í Brasilíu.
Ásta Sól Kristjánsdóttir, framkvæmdastjóri ÞFÍ
(www.inl.is), hefur skipulagt Brasilíuferðina og gerð
verður heimildarmynd um hana. Hún segir að margir
hafi sýnt ferðinni áhuga, en að hámarki komist 30
manns með og enn sé verið að bóka í ferðina.
Næst til Brasilíu
ÚR VESTURHEIMI
Eftir Hjálmar Stefán Brynjólfsson
hsb@mbl.is
VELHEPPNUÐU Landsmóti skáta
lýkur á morgun á Hömrum. Alls
tóku 2 þúsund manns þátt í mótinu
sjálfu en um 6 þúsund manns voru á
svæðinu þegar
mest lét, sl. laug-
ardag. Þá fór svo-
kallaður heim-
sóknardagur
fram í veðurblíð-
unni sem sett
hefur svip sinn á
mótið að þessu
sinni.
Heimsókn-
ardagurinn bar
að þessu sinni yf-
irskriftina Óðinsdagur, í takt við vík-
ingaþema mótsins. Á heimsókn-
ardögum er tekið á móti gestum og
félögin kynna sig fyrir þeim sem leið
eiga hjá.
Mosverjar gáfu kjúkling
Félögin draga gjarnan fram sér-
kenni heimabyggðar sinnar, t.d. var
mikið um blóm á svæði félagsins
Stróks frá Hveragerði, auk þess sem
boðið var upp á tómata og gúrkur.
Héraðsbúar buðu aftur á móti upp á
hreindýrakjöt og Mosverjar gáfu
kjúkling. Á laugardagskvöldið fór
jafnframt fram risavarðeldur með
skemmtiatriðum, en þar fór Lands-
mótshljómsveitin LAMB fremst í
flokki og söng fjöldann allan af lög-
um sem vel var tekið undir.
Jóhannes Jónsson í Bónus var
sæmdur silfurmerki Bandalags ís-
lenskra skáta fyrir dyggan stuðning
við skátastarfið. Silfurmerki er heið-
ursmerki skátanna til þeirra sem
stutt hafa skátastarfið en starfa utan
hreyfingarinnar.
Að sögn Margrétar Tómasdóttur
skátahöfðingja hefur mótið tekist
framúrskarandi vel. Hún segir
skátastarfið hafa breyst þótt það
byggi enn á ákveðnum grunngildum:
„Starfið litast af samfélaginu sem
við búum í. Til eru skátafélög sem
nota mjög mikla tækni eins og út-
varpsskátarnir, eða skátahópar sem
stýra útvarpsstöðvum og gefa út
blað á landsmótinu. Hins vegar er
útivist og hreyfing enn stór þáttur í
starfinu.
Við förum í gönguferðir og erum
úti en notumst líka við þægindi sem
fylgja nútímanum, t.d. hvað snertir
búnað. Það er alls ekki neikvætt að
læra að nota búnað vel. Þannig eru
nú á dögum í boði skór með mörgum
lögum í stað þess að skátar eigi bara
strigaskó og stígvél eins og þegar ég
var að byrja.“
Að sögn Margrétar hefur starfið
og foringjaþjálfunin breyst í takt við
tímann, sem mun koma sér vel í
framtíðinni: „Ég tel að við séum að
ganga inn í mikla uppsveiflu hvað
skátastarfið snertir, sem er jákvætt.
Ég held að það sé afar mikilvægt að
ungt íslenskt fólki eigi þess kost að
geta tekið þátt í skátastarfinu.“
Hitaeiningar Skátunum í Vífli veitti ekki af orkuríkum mat eftir við-
burðaríkan gærdaginn. Mótinu verður slitið á þriðjudaginn.
Morgunblaðið/Hjálmar S. Brynjólfsson
Við skátaeldinn Kvöldvökur eru ómissandi þáttur í hverju skátamóti og
hafa verið það frá því elstu menn muna.
Samfélagið breytist og skátarnir með
Jóhannes í Bónus
sæmdur heið-
ursmerki skáta
Margrét
Tómasdóttir
Palavú Það er nauðsynlegt að kunna réttu hreyfingarnar þegar skáta-
söngvar eru sungnir. Og þær kunna sumir betur en aðrir.
Hvaða gildi felast í skátastarf-
inu?
Skátastarf felur í sér útivist og
hreyfingu og byggir á samvinnu.
Segja má að þessir grunnþættir
hafi alltaf tilheyrt skátastarfinu og
lítið breyst þó tæknin hafi breytt
starfinu að einhverju leyti.
Hefur skátastarfið hagnýtt
gildi?
Margir þeir sem til þekkja telja
skátastarfið vera góða leiðtoga-
þjálfun. Ungt fólk sem hefur starf-
að sem foringjar yfir flokkum get-
ur verið eftirsótt til starfa og hefur
náð langt. Skátum er kennt að
hafa frumkvæði og taka þátt í leik
og starfi í stað þess að bíða óvirk-
ir.
S&S